To kiya tumhain main kabhi yaad hi nahi aaya?

To kiya tumhain main kabhi yaad hi nahi aaya? 

Kisi gulaab ki khushboo kay bikharnay par bhi 

Zara say aab kay aankhon main utarnay par bhi 

Kitaab uthatay huay, Geet koyi gaatay huay 

Ittar lagatay huay, choorian pehentay huay 

Sanwar ke der talak aa-eenay ko taktay huay! 

To kiya tumhain main kabhi yaad hi nahi aaya? 

Subha ko uthtay huay, shaam ko teheltay huay 

Neend naa aaye agar karwatain badaltay huay 

Kabhi yoonhi kisi makhsoos dhun ko suntay huay 

Faarigh oqaat main koyi kitaab parhtay huay! 

To kiya tumhain main kabhi yaad hi nahi aaya? 

Barastay abr main chhat par kabhi kharay hokar 

Kisi kay rooth kay jaanay pay chirchiray hokar 

Kisi saheli say bus yoonhi baat kartay huay 

Kisi khayal main bethay se uth ke chaltay huay 

Kisi bhi raat ko uth kar yoonhi tehltay huay! 

To kiya tumhain main kabhi yaad hi nahi aaya? 

Akelay yoonhi kabhi apni dhun main chlatay huay 

Kisi ki saalgira par yoonhi beheltay huay 

Kisi oonchayi pe tanha sambhal ke chartay huay 

Utartay chaand ka mojon main aks partay huay! 

To kiya tumhain main kabhi yaad hi nahi aaya? 

Kisi gulaab ko tehni se torr kar bhi nahi 

Kisi darakht ke saaye main beth kar bhi nahi 

Apnay darwazay pe dastak koyi sunkar bhi nahi 

Kisi dareecha-e-makaan se jhaank kar bhi nahi? 

Apni Kitab main koi naam dekh kar bhi nahi? 

Yaad-e-Maazi main kaheen door doob kar bhi nahi 

Kisi bhi shakhs ko khamosh dekh kar bhi nahi 

Kisi bhi aankh ko num dekh kar bhi nahi 

Kahin lafzon main koi A dekh kar bhi nahi 

Azaan hotay hi aanchal se sar ko dhaktay huay bhi nahi?

Tumahri aas ke gumloon mein rukhey phool murjhaaney lagey hein

Tumahri aas ke gumloon mein rukhey phool murjhaaney lagey hein 

judayi dhoop lugti hai .. buhat si tulkh chupti si 

decemebr june lugta hai 

kisi ke naam ki ghunti bujey mujh ko tumahra phone lugta hai 

tumahre laut aane tuk na jaaney kis qadur lumbi udaasi 

aankh ke bister mein chup ke raat likhey gi 

na jaaney kis qadur sapnon ko deygi beyghari ka dukh 

abhi tao phir bhi baaqi hai koyi sapna 

tumahre lums ke zinda warq per 

tumahri kushboyein zinda hein pholon ke badun mein 

mager aisa na ho keh kushbooyein bey chehragi pehnein 

kahein aisa na ho keh bhool jul jaein kisi sapney ke bujhte hi 

tumahra lums mur jaey 

gulaabon ke badun mein zung lug jaey 

kahein aisa na ho jaanaa!!! 

anaa ki surkh tehni per koyi tulwaar ug aaey 

tumahre aur mere durmiyaan deewar ug aaey 

kahein aisa na ho keh sooch ki khirki mein koyi wahem aabeahtey 

main is tukmeel ke aadhey safur mein bhi na mur jaaon 

yeh mausum ju adhoora hai ' adhora hi na reh jaey 

aabhi tao aankh ki misha'al' mujeh rasta dikahti hai 

abhi tao aayina cehra dikahta hai 

seraabhi sahi janaa'n yeh rasta paer ke neechey 

abhi tao aas likhta hai 

abhi hai waqt muthi mein 

agurcha rait ki maanin phisalta jaaraha hai per 

tumahre laut aaney tuk sambha lona koyi lumha 

yeh sara waqt girney se 

mere haathon se behne se 

zara aik lumha pehley tuk.... ager tum laut aao tao 

ager tum laut aao tao meri tukmeel hojaey ... ... ...

Ajeeb larki hoon Khudh ko jalana chahti hoon

Ajeeb larki hoon Khudh ko jalana chahti hoon

Mein khudh ko rakh kar kaheen bhool jana chahti hoon,

Meray naseeb ki khushiyan bhi kab milen mujhko

Bas ab to umer bhar ansoo bahana chahti hoon,

Najaney kitni mohabbat hai ranj-o-gham sai mujhe

Koi bhi dard ho dil mein chupana chahti hoon,

Baha baha kai yeh ansoo bikhar chuki hoon buhut

simat kai zaat mein ab muskurana chahti hoon,

Jisey aik umer sai Dil mein basa kai rakha hai

Woh raaz aaj mein sab ko batana chahti hoon,

Wohi yaad hai jo acha kaha hai loghon nai

Baqaya sarey sitam bhool jana chahti hoon,

Mujhe zamaney nai pathar samjh lia hai magar

Mein aik Larki hoon sab ko batana chahti hoon,

Jo mujh sai ruth chuki hain zamaney ki khushiyan

To mein bhi khushyon sai ab ruth jana chahti hoon,

Woh meri khwahishein woh mera khwaab woh mera bachpan

Aye Umer rafta mein phir sai woh pana chahti hoon,

Koi to ho jo mujhe bhi lagaye seenay sai

Kisi ko mein bhi gham apna sunana chahti hoon,

To Apnay Dil kai har aik dard ko khol de 

Mein dard ban kai teray dil mein ana chahti hoon

najaney kitney hi besamar maah o saal pehley

najaney kitney hi besamar maah o saal pehley 

bahaar ki sabzposh gulzar sa`aton mein 

kisi say tum nay gulab lehjay mein kya kaha tha 

jisey kisi nay diya bana kar 

kuchh is tarah dil kay taaqchey mein saja liya tha 

kay zindagi bhar gham-e-jahan kay taveel tareek raston ko 

zara sa roshan, zara sa aasan bana liya tha 

jab apni raahein alag huween theen 

ajab qayamat ka dard tha woh 

koi bhi darmaan` baham naheen tha 

magar tumhara yeh aik ehsaan kam naheen tha 

kisi sey tum ney gulab lehjey mein jo kaha tha 

tumhein to ab yaad bhi na hoga 

magar yahan 

saz, dil, lahoo, lafz aur lehja 

tamaam khwaab o khayal merey 

woh sab adhoorey sawaal merey 

woh sab guzashta kamaal terey 

jalaal terey, jamaal terey 

terey woh fiqrey 

teri woh baatein 

terey woh lehjey 

hamari saanson mein jaagtey hein 

hamari neendon mein jaagtey hein 

charaagh-e-jaan mein woh roshni hein 

ke dil kabhi bujh na paayega 

yeh sari saansein teri amaanat hein 

saarey lamhey teri amaanatn hein 

sari ghariyan teri amanat hein

hum koi jug se niralay to nahin hein logo

hum koi jug se niralay to nahin hein logo 

hum bhi uss daur mein jetey thay jahan 

titlian phool hein aur khwab hein aiwanon mein 

shehr humko bhi muqaddar mein mila hai jis mein 

dharkanein gum hein aur ik shoar se hoo ka alam 

hum bhi uss ghar ke makeen hein jis mein 

waqt ko kaat'te bujh jati hai iss umr ki lau 

aik bemasraf-o-gumnaam iraday ki terhan 

hum bhi logon ki terhan hein ke hamein 

dukh chupana bhi hai hansna sar-e-bazar bhi hai 

hum pe bhi ehd-e-jawani ka azab utra hai 

humnay bhi duur kisi shehr mein hanstay huey 

bastay huey ik shakhs ko chaha hai bohat 

in hawaon ko sada jana hai 

jaise uss shehr se paigham-e-wafa laai hein 

dharkanein ankh ka ansoo too nahin hein laikin 

hum nay gin gin ke ganwai hein kisi shakhs ke naam 

hum niralay hi too hein........... 

humnay iss gham ko gham-e-jaan sa bana rakha hai 

umr jis mein na koi aas na ansoo na hansee 

humnay uss umr ka afsana bana rakha hai!

kabhi jo ehsaas ho tum ko ke...tum acha nahi karte

kabhi jo ehsaas ho tum ko 

ke...tum acha nahi karte 

jo mujh ko yoon rulaate ho.. 

lahoo mera jalaate ho.. 

agar is aagh mein jal kar 

main ik din raakh ho jaaoon to... 

mujhe dil se bhulaa dena... 

samunder main bahaa dena... 

magar! 

yeh yaad rakhna tum 

khudaa se yeh duaa karna 

ke!! 

jo acha lage tum ko 

woh tum jaisa hargizz na ho 

wagarna tum bi ro'ge 

mujhe jaise rulaate ho....!

Qalam haath main thaamey

Qalam haath main thaamey 

tumhara hee tassawur liyey

jaaney kitni dair say baitha

tumhain hee soch raha tha

lafz koi bhaaya nahin 

kuch bhi samajh main aaya nahin

yaadain

hijr k soaz main doobi

karrah rahi theen

yoonhi beykhayaali main

daikha tou

khizaan hee khizaan thi hur soo

safhey saarey geelay thay

khuwaab saarey peelay thay--!

Aaj hum roothain too kia aap manain gay humain?

Aaj hum roothain 

too kia aap manain gay humain? 

aaj hum roain 

too kia aap hunsain gay mujh? 

ab jo hum phir se ujrain 

too kia aap karain ke aabad? 

aaj ager phir se humain chup lag jaye 

aaj ager phir se humaray dil main 

jaag uthay kai sadioon ki thakan 

aaj ager rooh main verani utar aaye 

too kia dalain gay kisi basti ki bunyad 

aaj ager koi udasi koi dukh 

koi peshamani,koi mout, koi ghum humain lenay aa jaye.... 

hum bhi kia bikhray hoye 

ke najanay kia kia 

aap se bolay chalay jatay hain 

aap se pochay chalay jatay hain 

aaj hum pochain ... 

too kia aap batain gay humain 

ab ke matti ki abarat main likhi jaye gi

ab ke matti ki abarat main likhi jaye gi 

sabz patoon ki kahani, rukh-e-shadab ki baat 

kal ke daryaaon ki mit-ti hoi mubham tehreer 

ab faqat rait ke daman main nazar aaye gi 

boond bher num ko taras jaye gi besood dua 

num ager ho gi koi cheez too meri aankhain 

maray palkoon ke darechay meri banjer aankhain 

mera ujra hoa chera meri pather aankhain 

qehat afsana nahi aur ye be-abr falak 

aaj is des kal us des ka waris ho ga 

hum se tarkay main milain ge usay bemaar darakht 

taiz kirnoon ki tamazaat se chatkhay hoay hont 

dhoop ka hurf-e-junoon, lu ka wasiat nama 

aur meray sher-e-tilsamaat ki be-daar aankhain 

meri be-daar, meri banjer,meri pather aankhain

sitarey toot ker jaatey kahan hain

sitarey toot ker jaatey kahan hain 

falak ki shakh sey jhartey hue ye atlasi patey 

zameen ki simt aatey hain tu in ki aakhri sansein 

damakti aur chamakti roshni key 

lehrion ki shakl mein chalti hein 

bazahir aisa lagta hai 

wahan 

basti key us janib,kisi jangal ki vus’at mein, 

kisi parbat key seeney per 

gira ho ga kahein malba, 

usi khush rang tarey ka 

jo ab sey sania bher kabl 

roshan tha 

chamakta tha,damakta tha,falak per jagmata tha 

magar ab us key honey ki nishani tak nahin milti 

nazar heiraan hoti hai 

keh jo konda sa lipka tha 

usey ab kis tarah dhoondhey!kahan dhoondhey! 

khala ander khala ik khamoshi hai aur dehshat hai 

sitaroon ki guzergahoon mein bas vehshat hi vehshat hai 

nazar key vahimey hein ya guman hein 

kuch nahin khulta 

sitarey toot ker jaatey kahan hein! 

kuch nahin khulta

Aaine Se Kya Matlab Aaina Tu Toote Ga

Aaine Se Kya Matlab 

Aaina Tu Toote Ga 

Patharoun Ki Basti Mein 

Tootna Muqadar Hai... 

Phool Se Bhi Kya Shikwa 

Phool Tu Bekharna Hai 

k Khizan Ki Ek Rutt Mein 

Bikharna Muqadar Hai 

Tootna Muqadar Hai... 

Zindagi Se Kya Lena 

Yeh Tu Chand Sansoun Ki 

Aainno Ki Pathar ki 

Phool Aur Kaante Ki 

Pyar Aur Chahat Ki 

Ek Haseen Kahani Hai 

Laikin Aa Dil e Nadaan 

Tu Jo Itni Umeedein 

Nitt Naiye Se Kuch Sapne 

Daikhta Hai Aankhon Se 

Kya Tujhe Nehi Maloom 

Zindagi Hai Wo Jis Ka 

Roothana Muqadar Hai 

Tootna Muqadar Hai

Zindagi ki rahaon main Bar ha yeh daikha hai

Zindagi ki rahaon main ... 

Bar ha yeh daikha hai ... 

Siruff sun nahi rakha ... 

Khudh bhi azmayaa hai ... 

Tajarbo'n sey sabit hai ... 

Jo bhi parhttey ai hain ... 

Iss ko theek paya hai ... 

Iss terhan ki baton sey ... 

Manzilon sey pehllay hi ... 

Saath chooth jattey hai'n ... 

Log rooth jattey hai'n ... 

Yeh tumhain bataon main ... 

Chahato'n key rishttey main ... 

Phir girah nahi lagtti ... 

Lag bhi jaaey tou iss mai ... 

Woh kashish nahi hotti ... 

Aik pheeka pheeka sa ... 

Rabita tou hotta hai ... 

Taazgi nahi rehtti ... 

Rouh key taluq mai ... 

Zindagi nahi rehtti ... 

Baat woh nahi bantti ... 

Dosti nahi rehtti ... 

Lakh baar mil ker bhi ... 

Dil kabhi nahi milttey ... 

Zahin key jharokoun mai ... 

Yaadh key dareechoun mai ... 

Titliyoun key rangon key ... 

Phool phir nahi khilttey 

Iss liyaay main kehtta houn ... 

Iss terhan ki bataon sey ... 

Ijtanaab kerttey hain !

Ankhoon se kaho khamoosh rahein

Ankhoon se kaho khamoosh rahein 

ik doojey se hum bichur chuley 

gu aaj se bilkul ujur gaey 

ub jeewan hoga zindaan sa 

ub yaadein rooz satayingi 

ub saansein ruk ruk aayeingi 

ub raat ko daer se sooyeinge 

ub neend se uth uth rooyeingey 

per zabt hai ub laazim chanda 

is lumhey ashk bahaao mut 

tum dil ko aur jalaao mut 

yeh zamkh wafa chup chaap sahein 

ankhoon se kaho khamosh rahein

us se pochna to hai kia mela wafaoun ka

us se pochna to hai 

kia mela wafaoun ka 

hai yeh hi k din aur raat 

us ko sochte rehna 

us ko khojte rehna 

us se pochna to hai 

kia yeh hi mohbat hai 

us ki hi khwab se 

apni hi duaoun ko 

khud hi beasar karna 

khud ko besamar karna 

us se pochna to hai 

kabhi hum b akelye tahey 

akela dekh k tum ko 

humaien ehsas hota hai 

kabhi hum b akely thaey 

agrchay sheher main dil k lye 

lakhun jhamilye thaye 

hazaroun rang melye tahey 

magar itni bht si ronakoun main 

hum akley tahey 

phir ek din hum ne tanhaion se dosti karli 

akley reh ker jeney ka karena agaya hum ko 

koi b rut ho 

apni ankh hargiz nam nahi karte 

yeh alam hai k ab 

tanhion ka gum nahi rakhte 

magar phir b humaien tanha nazar ata hai jab koi 

to phir ehsas hota hai k 

kabhi hum b akley tahey

mujhey yaad mut kia kero

mujhey yaad mut kia kero

mujhey dil key angan mein kaheen dafan ker do

us peh charagh_e_tamana bhuja dalo

ser-e-shub teeragi mein guzery din

youn talash mut kia kero

mujhey yaad mut kia kero

chadani sey na kuch kaho

na youn hunso na batein kero

ser-e-rah apna bherem youn tabah mut kia kero

muhjey yaad mut kia kero 

gulistan mein koe gul khiley 

or koe rahroo usey tor ley 

to husrat sey na tuka kero

mujhey yaad mut kia kero

samander key pass jao kabhi 

to lehron mein paon daley howey

ati jati mojon sey youn 

kalam mut kia kero

muhjey yad mut kia kero

ser-e-shaam shafaq ko dekh ker

youn na nuzron mein bher lia kero

mujhey yaad mut kia kero

kabhi kholo purani dairy 

to tamam sefhey perha kero

mera naam dekh ker

safha plat mut dia kero

muhjey yaad mut kia kero

barasti barish mein tehla kero

khoob hunso batein kero

youn kutra kutra tham ker 

mera naam mut lia kero

mujhey yaad mut kia kero

shab ko youn guzaro key 

tunhaiee na pas tumharey aye 

na dareechon sey jhank jhank ker 

tumhein chandani sutaey 

or tum der talak chand sey 

youn batein mut kia kero

mujhey yaad mut kia kero

suno

yeh jo chand hia muhjey dekh ker

moun pher leta hia ab 

kabhi bagh jaon to phool bhi sikwa kuna 

mujh sey baat nahi kerta hia ab

samander ki taraf nikloon kabhi 

to lehrein chor deti hein paon merey 

barish mein tamam kutry daman buchatey hein 

mujh per barastey hi nahi

shafaq bhi mujhey dekh ker

chupa leti hia khud ko badal mein 

to dekho youn mujhey 

na door kero tamam alam sey 

meri zeesat ko ay nishat-e-mun 

youn azab mut kia kero

mujhey yaad mut kia kero

mujhey yaad mut kia kero

aur too kuch maloom nahi bas itna yaad hai

aur too kuch maloom nahi 

bas itna yaad hai 

mere hathoon main us ke 

phool jaise hath 

kuch dair thartharaye thay 

sham ke bhartay hoay saye 

humari aankhon main utar aaye thay 

mujhe kuch kehna tha shayad 

usay janay ki jaldi thi 

is ujlat main us nay 

ik baar mur ke dekha tha 

aur doobtay sooraj nay 

hamaray mathay ko 

aakhri baar chooma tha 

aur too kuch maloom nahi 

bas itna yaad hai 

mere hathoon main us ke phool jaise hath 

kuch dair thartharaye thay

Yeh jo reg-e-dasht-e-firaq hay

Yeh jo reg-e-dasht-e-firaq hay! 

Yeh rukay ager...... 

Yeh rukay ager to pata chalay! 

Key jo faslon ki saleeb hay... 

Yeh gari howe hay kahan kahan! 

Meray asman sey kidhar gaiee... 

Teray iltifaat ki keh-kashan! 

Yeh rukay agar....... 

Yeh rukay agar to pata chalay! 

Main tha kis nagar..... 

Tu raha kahan! 

Yeh zaman-o-makan ki wusattiyan! 

Tujhey dekhnay ko taras gaieen! 

Woh meray naseeb ki barishen!! 

Kisi aur **** pay baras gaieeen!!

abhi ek raat adhuri hai meri baat adhuri hai

abhi ek raat adhuri hai 

meri baat adhuri hai 

tum sunlo to mai kehdon 

jo kehna hia tumhain 

mujhay kuch barsoon se 

k tum bin 'meri zindagi' 

meri zaat adhuri hai 

abhi ek raat adhuri hai 

meri baat adhuri hai 

ek pal ko teher jao 

meri ankh k paymanay 

qabal iskay jhalak jayain 

meri sanson ki dori jo 

qabal k tut jayay jo 

qabal iskay mai tumse 

keh na paon jo 

mujhay itna hi kehnay do 

k mairay paas 

apni yadon ko rehnay do..

Barishon ka mosum hai Rooh ki fizaoon main

Barishon ka mosum hai 

Rooh ki fizaoon main 

Gum zada hawain hain 

Bay sabab udasi hai 

Is ajeeb mosum main 

Bay shumar batain hain 

Un ginat fasanay hain 

Jo bohat khamoshi say 

Dil pay hanstay phirtay hain 

Aur yea amar_e_ majboori 

Sub say kahtay phirtay hain 

Aje mosum bohat acha hai 

Aje hum bohat kush hain

Khizaoon nay dayray daal liye

Khizaoon nay dayray daal liye

Mere gulshan kay atraaf

Meri aankhain rasta tak-ti hain

Mere aansoo behtey rehtey hain

Main jis shehar bhi jata hoon

Main tanha khud ko paata hoon

Maloon nahi is dil per kis nay

Ghum kay teer chalaaye hain

Kuch mausam dil kay zakhmi huay

Kuch sapnay neer bahaaye hain

Main aksar socha kerta hoon

Main jis ki yaad main gum sum hoon

Kabhi wo bhi mujh ko yaad karay

Weeranoo ko aabaad karay......

kon janay kay kahan ghaat lagi ho dukh ki

yaad oss shaher na ja 

kon janaykay kahan ghaat lagi ho dukh ki 

kon janay kisi corahay, , kisi moar, kisi gher mein chupee 

bethee ho ranjish koi 

yaad,iss shaher mein gajroo say sajay hathoo say dil dukhta hai 

yaad, oss shaher mein ankhoo kay papotoo pay jamay bosoo say daam 

ghoot ta hai 

yaad, oss shaher mein gardan ka koi til ager ansoo mein oter aya 

yaad oss shaher na ja 

jis mein tamanaoo ki dehlizoo par 

barishay anay say pehly he judaee a jay 

yaad,oss shaher mein ab gham kay siwah kuch be nahee 

koi naraz jo huwa be tu bhala kia ho ga 

tujh ko maloom hai, 

narazgiyaa dard bharatee hain 

na koi bolay ga 

na tujh ko manayeh ga koi 

khoshak ankhoo kay kisi tirchay kinaray pay paray 

dard bharay shekway ki ceengari say 

dair tak tujh ko jalayeh ga koi 

dair tak tujh ko rolayeh ga koi 

dair tak tujh ko satayeh ga koi 

yaad,oss shaher na ja 

yaad oss shaher ki ojree galyoo say dar lagta hai 

kon janay kay kaha ghaat lagee ho dukh ki..............

Daava-e-dosti hai to khulkar milaa karo

Daava-e-dosti hai to khulkar milaa karo 

Yoon saahil'on ki tarah na hat kar chala karo

Hum bhi to aaina hain per be-zubaan nahin 

Parchaay'on se apni na baatein kiya karo 

Har shaks mere shahar ka tujhko sanam kahe 

Yun muskura ke sab ko na apna kaha karo 

Bant jaaye na naseeb mera dar-b-dar kahiin 

Gair'on kii mehfil mein na baitha utha karo 

Maangein woh roz dil mera aur toadkar kahein 

TooTe huwe dilon ke na Tukde chuna karo

Agar sehra sey guzro to merey sahir sey keh daina

Agar sehra sey guzro to merey sahir sey keh daina
tumhari bay sabab doori mujhay aksar rulati hey !!

merey sahir say keh daina
Musafir aaj tak chup hay
k uskay hath main TUM nay
jo apna hath rakha tha
wo ab tak yaad karta hey....

merey sahir say keh daina
k sadion ki musafat nay
mairay pairon say bandhi hay
thakan ab k baras itni
kay apni doobti nabzon say main khaiyef sa rehta hoon

na janey kab kahan pay umr ki yeh dor kat jay
main apnay aur tumharay beech k in faslon ko
chand sanson ki kammi sey har na jaon
bisat-e-jaa'n pay pheli doorio'n k bojh ko lay kar
younhi chup chap mar jaon ....

merey sahir sey keh deyna
k uss k ishq k tilsam say ab tak wo nahi nikley
kay jin ko uski ankhon nay faqat ik bar bhi dekha
mairay sahir sey keh daina
k saarey shehar ko mairay
younhi pathar na rehney day...
mairay tilsam kado'n main lout kar aay
k wo pathar tarastey hain
tumhari chasm ki junbish unhain ik bar phir kar day
kisi zee rooh ki manind ........

merey sahir sey keh deyna !
bichar kar tum jo miltey thay
to yun mehsoos hota tha
k jaisey marg k dhundhley kinaron tak pohanchtey hi........
adhoora kam koi zindagi ko yaad aa jaye.....

kaho phir say chala aay .....
k uskay lout aanay say
hamari doobti nabzon ko waisey hi
kabhi to sans aa jaye.................

agar sehra say guzro tau..........
merey SAHIR sey keh deyna !!!!

Agar jungal se guzro to
mairay jugnoo say keh daina
Tumhari besabab doori
Mujhe aksar rulati hai
Meri shamain andheri hain
Meri ratain bhi teera hain
Mere sab taaq khali hain
Meri aankhain sawali hain

Mairay jugnoo se keh dena
Mohabbat aaj tak chup hai
K iss k hath main us nay
Jo dehka dagh rakha tha
wo ab tak baat karta hay

Mere jugnoo say keh daina
Mere jazbo'n nay raho'n main
Moharain rok rakhi hain
Inhain azn-e-safr daido
Inhain dil se guzarnay do

Mere jugnoo se keh dena
Meri aankhon ko ‘qum’ keh do
Yeh umron say yonhi bejaan hain
Khuabon ke madfan main
Inhain phir se jila day do

Mere jugnoo se keh daina
Ghamon nay raag chera hai
Aziyat raqs karti hai
Meri tanhai ka chracha
Daroon-e-zaat phela hai

Mere jugnoo se keh daina
Faqat us ki kami nay
Zindagi main soug rakha hai
Mere jugnoo se keh dena
Kion jangal main bhtakta hai
Kion khod ko rok rakha hai
Tumhari besabab dori mujhe aksar rulati hai
Agar jangal se guzro to
Mere jugnoo se keh daina…………….!!!!!!

yeh saal bhi aakhir beet gaya

yeh saal bhi aakhir beet gaya " 

kuch teesain, yaadain , khuwab liye 

kuch kaliyan , chand gulaab liye 

kuch ankhariyan pur aab liye 

kuch ujlay din kali raatain 

kuch sachey dukh jhooti baatain 

kuch tapti rutain , kuch barsaatain 

kisi yaar-e-aziz ka dukh piyara 

kisi chat pe ummeedon ka taara 

jis pe hansta tha jag saara 

us shaair ne jo hurf likhey 

us main teri yaad k saaye thay 

woh log sabhi aakhir lout gaye 

jo sadiyon paar se aaye thay 

un hanste baste logon ne 

mere saaray gham apnaye thay 

phir main ne yaad ki mitti main 

zakhmi lamhey dafnaye thay

agar mein asmaan hota

agar mein asmaan hota 

teri be aab dharti per 

koi chashma uga deta 

samadar bhej deta mein 

tere sehraoon ki janib 

tere aangan mein sawan ka 

koi badal khila deta 

mita deta 

udasi ki ghaneri dhund ko 

rangoon ki barish se 

sehar ki awalein kirnoon ko 

tere naam kar deta 

agar mein asmaan hota 

muradoon k sabhi sikey 

talb karney se pehley hajr 

tera kashkool bhar deta 

tujhey khwabon k badley mein 

haseen tabeer de deta 

mein apni sab khudai bhi 

tere kadmoon mein rakh deta 

agar mein asmaan hota

Kaho Ab Kya Kahoo'n Tum Se

Kaho Ab Kya Kahoo'n Tum Se 

Batao Kya Likhoo'n Tum Ko 

Mujhey Tamheed Do Koi 

Mujhey Umeed Do Koi 

Naya Ik Lafz Ho Koi 

Jahan Se Baat Chal Nikley 

Meri Mushkil ka Hall Nikley 

Batao Lehja Kaisa Ho ! 

Ke Tum Se Baat Karni Hai 

Mujhey Thora Ujaala Do 

Basar Ik Raat Karni Hai 

Zara Bolo To Main Likhoo'n 

Tum Apni Roshan Aankhoo'n Ko 

Agar Kholo To Main Likhoo'n 

Tumhaarey Lab Se Aaye Ga 

Sukhan Mein Ik Kateela Pan 

Tumhaari Aankh De De Gi 

Takhaatub Ko Nasheela Pan 

Kaho Ab Kya Iraada Hai 

Mujhey IZhaar Karna Hai 

Ke Betaabi Zayada Hai

Is dil mein salamat hai ab tak

Is dil mein salamat hai ab tak 

Wo shokhi-ae-lab wo harf-e-wafa 

Wo naqsh-e-qadam wo aks-e-hina 

Soo bar jissay choma ham ne 

Soo bar paristish ki jis ki 

Is dil mein salamat hai ab tak 

Wo gard-e-alam wo deda-e-nam 

Ham jis mein chupa kar rakhtay thay 

Tasveer bikharti yadon ki 

Zanjeer bikhartay wadon ki 

Pounjii nakaam iradon ki 

Ae taze hawa naraz na ho 

Is dil mein salamat hai ab tak 

Saman bicharti sayaton ka 

Khuch tukray garam dopahron ke 

Khuch razay naram sawalon ke 

Khcuh durr anmole khayalon kay 

Ik sacha roop haqiqat ka 

Ik jhota lafz mohabbat ka.

Mout ki haqeeqat aur Zindagi ke sapnae ki

Mout ki haqeeqat aur 

Zindagi ke sapnae ki 

Behas go purani hai 

Phir bhi ik kahani hai 

Aur kahaneyan bhi tu 

Wakt say ibarat hain 

Lakh rokna chahain 

Wakt ko guzerna hai 

Hasnte hanste chehroon ko 

Ik din ujarna hai 

Rahatain hawayein hain 

Chahtain sadayain hain 

Kia kabhie hawayein bhi 

Dastras main rehti hain 

Kia kabhie sadayein bhi 

Kuch palut ke kehte hain 

Pyaar bhi nahi rehna 

Aur pyar ka dukh bhi 

Ansoyun ke darya ko 

Ik din utarna hai 

Khwaishoon ko marna hai 

Wakt ko guzerna hai..!!!

udaas raatoon main dil ki basti main aa ke dekho

udaas raatoon main dil ki basti main aa ke dekho 

her aik rasta , her ik dareecha 

tumhari aahat ka muntazir hai 

falaq se takta hai chaand tum ko , sitare tum ko bula rehe hain 

tumhari aamad ke muntazir hain 

mager suna hai keh tum ne meri muhabbatoon ko bhula diya hai 

wafa ki low ko bhuja diya hai 

ager yeh sach hai to phir bataaoo 

tumhari aankhoon ke yeh jazeeray 

brang sehara udaas kiu hain 

gulab chehre ke rang main shamil 

udaasiyoon ke haras kiu hain 

tumhare sheerin laboon pe larzaan 

muhabbatoon ki yeh piyaas kiu hai 

mujhe yaqqeeen hai tumhare dill main 

gaye dino ke khayaal hain kuch 

naye safar ke mallal hain kuch 

nai rutoon k sawaal hain kuch 

ager yeh sach hai 

to meri maanoo 

puuraane raste pe loat aaaoo 

puuraaani bastii main koi abb tak 

tumhaari aamad ka muntazir hai 

tumhari chaahat ka muntazir hai

apni tanhaaiyon say pocha hay

apni tanhaaiyon say pocha hay 

shab e hijraan say baat karli hay 

meray ander ki sehmi khamoshi 

meray bahir ka hansta chehra bhee 

rat k sansnatay lemhay bhee 

din ka dasta hoa ujaala bhee 

zabt ka toota ye bandhn bhee 

sabar ka chota ye daman bhee 

us ki yaaden bhe kuch isharon mein 

mujh ko majboor kar rahay hein sab 

aao us k paas chaltay hein 

us say kehtay hein kuch dawa kar day 

apni fitrat ko chor kar ik pal 

koi wada to tum wafa kar do 

in ki baaton sya kuch nahi hoga 

aakhri feysla to dil ka hay 

dil ye kehta hay is say milnay say 

apni tanhaaiyan he achi hain 

ab akelay mein lag gia hay ye dill 

Us Say milnay Hamein nahi Jana 

Us ki Baten ,udaas kardengi ..!

Abhi kuch dair pehle raat ne palkai'n jhukai hain

Abhi kuch dair pehle raat ne palkai'n jhukai hain 

Meri muthi main ab tak 

Raat ki palkon se tootay kuch sitaray hain 

Dukho'n k ista'aray hain 

Main un ko dekhta hoon to 

Meri aankhon main dhairon khuwab 

Tabeero'n k dukh main koi chehra sochte hain 

Aur woh chehra shanasa se 

Kai chehro'n main tabdeel hota hai 

Phir un chehro'n se yaadon k kai manzar ubharte hain 

Nazar main raqs kerte hain 

Woh chehre jo meri tanhaiyo'n k ashk paaray hain 

Mujhe har haal main khud se bhi pyaray hain 

Sabhi chehre tumhare hain ..... !!!

Teri Ankhoon Si Ankhien aaj aik chehray pe dekhi hien

Teri Ankhoon Si Ankhien 

aaj aik chehray pe dekhi hien 

Wuhi rungut ' banawat 

aur waisi beyrukhi un mien 

bichurtay waqt ju main ne 

Teri ankhoon mein dekhi thi 

Teri ankhoon si ankhoon ne 

mujeh aik PuL ko dekha tha 

wuh puL aik aam sa puL tha 

mager os aam se puL mien 

puraanay kitnay mausum' kitnay munzur main ne dekhay thay 

Meri jaa'n main samjha tha 

teri ankhoon si ankhien jub 

meri ankhoon ko dekheingi 

tao ik Lumhay ko soochaingi 

keh in ankhoon ko pehLay bhi 

kisi chehray pe dekha hai 

Mager in jheeL ankhoon mein 

shanasaayi nahi jaagi 

Meri Ankhien ~!! 

teri ankhoon si ankhoon ke Liey 

kaab khaas ankhien thien 

teri ankhoon ne shaayid yeh 

kaayi chehroon per dekhi hoon 

keh yeh to AAM ankhien hain 

Main aisa sooch sakta tha 

mager main kya keroon diL ka 

ju ub yeh yaad rukheyga 

teri ankhoon si ankhien 

main ne aik chehray pe dekhi thien 

phir os k baad kitnay din 

meri ankhoon mein sawan tha

us sunder see muskan k peechey

us sunder see muskan k peechey 

kuch tootey tootey sapnay they 

kuch roothey roothey apney they 

kuch khawab they jo k toot chukey they 

kuch man they jo k rooth chukey they 

us sunder see muskan k peechey 

Raz jo dil mein gahra tha 

us pay hansee ka pahra tha 

qahqahoon k kuch qufal bhee they 

Adhey jin mein toot chukey they 

man they jo k rooth chukey they 

us sunder see muskan k peechey 

sahtey sahtey beh jatein thein 

do ankhein sab kuch keh jatee thein 

yadoon kee pur nam zameen per 

gulab they jo k sookh chukey they 

man they jo k rooth chukey they 

us sunder see muskan k peechey 

apna koi ameen nahin tha 

ghairoon pay bhee yaqeen nahin tha 

hud gharzee ka woh gila kia kertee 

sath they jo k loot chukey they 

man they jo k rooth chukey they 

us sunder see muskan k peechey 

woh dasht kee gahree daldal thee 

aur dunoiya shoh-o- chanchal thee 

rait kee moj mein dhanstey dhanstey 

hath they jo k chhot chukey they 

man they jo k rooth chukey they 

us sunder see muskan k peechey

Kisi ko alwida kahna buhat takleef daita hai

Kisi ko alwida kahna 

buhat takleef daita hai 

umeedein toot jaati hain 

yaqeen pe beyaqeeni ka kehar kuch aisa charhta hai 

dekhai kuch nahi daita sujhai kuch nahi daita 

dua k lafz hontoon pe musalsal kapkapatein hain 

kisi kuwahish k andaishay 

zehan main doorh jatay hain 

guman kuch aisay hota hai 

k jaisay mil na paain gay 

ye gahray zakhm furqat k kisi se cil na paain gay 

kabhi aisa bhi ho ya rab 

duain maan laita hai 

tu koi mojza karday tu aisa kar bhi sakta hai 

meray haathon ki janib dekh inhay tu bhar bhi sakta hai 

judai ki ye teekhi taar dilon ka khoon karti hai 

judai ki azeeyat se 

mera dil abb bhi darta hai 

judai do ghari ki ho tu koi dil ko samjhai 

judai chaar pal ki ho tu koi dil ko bahlai 

judai umer bhar ki ho 

tu kya chara karay koi 

k aik milnay ki hasrat main bhala kub tak jeya koi 

meray moola karam karday tu aisa kar bhi sakta hai 

meray haathon ki janib dekh inhay tu bhar bhi sakta hai

usay rooktay bhi too kis liye

usay rooktay bhi too kis liye? 

wo jo sher-e-dil tha ujar gia 

wo jo khawab tha wo bikhar gia 

kabhi moosmoon ki nazar lagi 

kabhi wahamoon nay dara dia 

kabhi manziloon ke sarab nay 

kabhi zindgi ki kitab se humain jis nay chaha mita dia 

bas isi liye 

wo jo ja raha tha dour tak 

usay dekhtay hi rahay magar 

nahi di sada..... 

usay rooktay bhi too kis liye?

Unn Jheel See Gahree Ankhoon Mian Ik Sham Kaheen Abad Too Hoo

Unn Jheel See Gahree Ankhoon Mian Ik Sham Kaheen Abad Too Hoo 

Uss Jheel Kinaray Pal Do Pal 

Ik Khawab Ka Neela Phool Khilay! 

Woh Phool Baha Dain Lehroon Main 

Ik Rooz Kabhi Hum Sham Dhalay 

Uss Phool Kay Behtay Rangoon Main 

Jiss Waqt Larzta Chand Chalay 

Uss Waqt Kaheen Unn Ankhoon Main Uss Bisray Pal Key Yaad Too Hoo 

Unn Jheel See Gahree Ankhoon Main Ik Sham Kaheen Abad Too Hoo 

Phir Chahay Umer Samandar Key 

Her Moj Pareeshan Hoo Jaiy 

Phir Chahay Ankh Dareechay Say 

Her Khawab Gureezaan Hoo Jaiy 

Phir Chahay Phool Kay Chahray Ka 

Her Dard Numayaan Hoo Jaiy 

Uss Jheel Kinaray Pal Do Pal Woh Roop Nagar Ejaad Too Hoo 

Din Raat Kay Iss Aainay Say Woh Aks Kaheen Azad Too Hoo 

Unn Jheel See Gahree Ankhoon Main Ik Shaam Kaheen Abad Too Hoo

shab -e-tanhaee wo jo baray sukh main hay

shab -e-tanhaee 

wo jo baray sukh main hay 

usay kehna 

keh raat ka pichla pehr hay 

aur abhi hum jagtay hain 

hamari ankhon say neend kosoo'n door hay 

hamaray lab abhi tak is k naghmay gungunatay hain 

hamara zehan ab bhi us ki batain sochta hay tau 

kabhi hum hans detay hain 

kabhi jee bhar k rotay hain 

shab-e-tanhaee ki yakh basta hawao.. ! 

usay kehna hum ab bhi ba wazo ho ker tumhara naam laitay hain 

usay kehna, ya apna naqsh dho jay 

ya phir say apna ho jay .. !

Mohabaton main hawas k aseer ham bhi nahi

Mohabaton main hawas k aseer ham bhi nahi 

Galat na jan k itnay haqeer ham bhi nahi 

Nahen ho tum bhi qayamat ki tand-o-tez hawa 

Kisi k naqsh-e-qadam ki lakeer ham bhi nahi 

Hamari doobti nabzon se zindagi to na mang 

Sakhi to hain mager itnay ameer ham bhi nahi 

Hamain bujha de’ hamari ana ko katal na kar 

K bezarer sahi ‘mohsin’ be zameer ham bhi nahi

Dill chahey woh koi baat karey

Dill chahey woh koi baat karey 

jab dill kay taar tootey hon 

jab saarey mujh say roothey hon 

jab aankhain meri beeghi hon 

dill chahey woh koi baat karey 

jab mosm-e-bahaar aa jaey 

jab phoolon pay khumaar chaa jaey 

jab merey dill main aag lagey 

uss aag ko woh gulzaar karey 

dill chahey woh koi baat karey 

jab saaaki dushman ho jaey 

jab jeena mushkil ho jaey 

jab log sang uthaey hon 

jabsang kii woh barsaat karain 

dill chahey woh koi baat karey 

woh kahey,meraa dil pay nahi hai zor koi 

merey dill main nahi hai aor koi 

woh kahey basss main teriii hoon 

basss itni seee baat karey 

dill chahey woh koi baat karey  

Ye husn teraa ye ishq mera

Ye husn teraa ye ishq meraa 

Rangeen too hai badnaam sahi 

Mujh phar too kayi ilzaam lage 

Tujh phar bhi koi ilzaam sahi 

Iss raat ki nikhri rangat ko 

Kuch aur nikhar jaane de zara 

Nazron ko bahak jaane de zara 

Zulfon ko bikhar jaane de zara 

Kuch der ki hi taskeen sahi 

Kuch der ka hi aaraam sahi 

Jazbaat ki kaliyaaN chun naa hai 

Aur pyar kaa tohfaa denaa hai 

Logon ki nigahen kuch bhi kahen 

Logon se hamen kya lenaa hai 

Ye khaas ta'aaluq apas ka 

Duniya ki nazar main aam sahi 

Rusvaii ke dar se ghabra kar 

Ham tark-e-wafa kab karate hain 

Jis dil ko basa lain pahluu main 

Us dil ko juda kab karte hain 

Jo hashr hua hai laakhon kaa 

Apnaa bhi vahi anjaam sahi 

Ye husn tera ye ishq meraa 

Rangeen too hai badnaam sahi 

Mujh phar too kayi ilzaam lage 

Tujh phar bhi koi ilzaam sahi

Kaha har lafz jhoota hay sabhi qissa fasana hay

Kaha har lafz jhoota hay sabhi qissa fasana hay 

Jawab aaia magar ik lafz ka sach to purana hay 

Kaha bholay hoon ko yad bhi karta nahi koi 

Jawab aaia yeh bhi to mohabat ka ik bahana hay 

Kaha rastton mein ankhin chornay ka faida kia hay 

Jawab aaia rastoon mein kissi ka aana jana hay 

Kaha bujhtay deuon pay raat aanay ka sabab kia hay 

jawab aaia hamin abb raat nay rasta dekhana hay 

Kaha ankhon ko khali kar gia hay nend say koi

Jawab aaia saza mein uss nay khud ko bhi jalana hay 

Kaha agar rastay baton ki sorat kattay hoay 

Jawab aaia hamin abb ik nia rasta bana hay 

Kaha ab kon iss dill ki nighbani mein rehta hay 

Jawab aaia ussi ik chap ko wapas bullana hay 

Kaha jo bhool jatay hein who bass phir bhool jatay hein 

Jawab aaia ussi ik shakhs ko to yad aana hay

tum mut jao dekho tumhari khatir

tum mut jao 

dekho tumhari khatir 

main sitaray ginana seekh raha hoon 

mizaroon per tumharay naam ke diye jalanay abhi shuru kiye hain 

abhi too meri aankhon ne sapnay bunana shuru kiye hain 

tumhari qasam faqat tumharay liye 

apni sari aadatain badal chuka hoon 

tooti phooti nazmain likhna 

ghazlain sunana shairy perhna 

sab choor chuka hoon 

meethay sur ke naghmay sunana 

hunstay rehna 

kamray ki her cheez terteeb se rakhnay laga hoon 

tumharay liye 

aur najanay kitna kuch badal chuka hoon 

Khuda ke liye is tarah maat jao 

sunoo.. 

main tumhari khatir jee too raha hoon 

shayad 

tumhari khatir maar bhi jaon

Farz karo hum jena chahain aur jenna baikar sa hoo

Farz karo hum jena chahain aur jenna baikar sa hoo 

Farz karo ke maar jana bhi apnay liye dushwaar sa hoo 

Farz karo ke us ki batain dil ko dukhanain wali hoon 

Farz karo ke us ka lehja lakri ki talwaar sa hoo 

Farz karo hum rootay rootay so jatay hoon sham dhalay 

Farz karo ye roona dhoona aankhon ko darkaar sa hoo 

Fraz karo us nay hum ko huns huns ker nashad kia 

Farz karo hans hans ker milna us ka karoobar sa hoo 

Farz karo ke baithay baithay hum ye soch rahay hoon KAIS 

chahay aik shajar ho gher main lakin saya daar sa hoo

kisi larki se mat kehna

kisi larki se mat kehna 

k uss se pyar kertay hoo 

agar baydihaani main ye iqrar ker baithay 

kisi se pyaar ker baithay 

tu waadoon ki dor main ulhaj ker toot jaaogay 

tumharay pyaar ka iss ko agar ehsas hu jaiy 

tu ho sakta hai tum uss ka rang roop ban jaao 

mohubbat k safar main shayd aisa mor aajaiy 

k tum narazgi ka bermala izhaar ker baithoo 

koi inkaar ker baithoo 

tu ye sumjho,koi sheesha ,koi dil toot jaiy ga 

k inn k dil boht nuzuk ,boht kamzor hotay hain 

kisi Larki k dil ka tootna bhi mot hoti hai 

Kisi larki se mat kehna

_________________

pagal aankhon wali lakrki

pagal aankhon wali lakrki 

itnay mehngay khawab na dekho 

thak jao gi 

kanch se nazuk khawab tumharay 

toot gay too pachtao gi 

soch ka sara ujla kundan 

zabt ki rah main ghul jaye ga 

tum kia jano 

khawab safar ki dhoop ke sheshay 

khawab adhori raat ka dozakh 

khawaboon ka hasil tanhai 

khawaboon ki manzil ruswai 

khawab khialon ka pachtawa 

tum kia jano 

mehngay khawab khareedna ho 

too aankhain baichni perti hain

Azal se hai Mohabbat ma~wara lafzon ki maala si

Azal se hai Mohabbat ma~wara lafzon ki maala si 

Magar ye bhi haqeeqat hai 

Mohabbat soch ki aakash per baadal ki suurat mein, 

sada perwaaz kerti hai 

Kabhi baaris ki bondon mein simat ke dil ki dharti per 

Uutarti hai bikharti hai 

Adda le ker sabba se ye, Gulabon se mehak le ker. 

Dhanak se rang le ker aur sitaaron se chamak le ker 

Hansee~N aanchal sajaati hai... 

Issi aanchal se phir khawabon ke kach~e ghar sajati hai 

Mohabbat aazmati hai 

Kabhi ye shair ban ker lafz ki harmat barhati hai 

Kabhi ye saaz ban ker dheere dheere guungunati hai 

Seraapa aankh ban jaati hai ye Mehboob ko paa ker 

Anokha lamss ban jaati hai Koy~e yaar mein jaa ker 

Naajane kaun sa Mantar ye perh ker hol~e hol~e se 

Kissi ki band aankhon mein binna dastak diye yekdam 

Uutar ker ghar banati hai....Mohabbat Muskurati hai 

ye khuushbu hai hamaisha phuulon ki saanson mein hoti hai 

Bana de chaand neera shab ko jo ye aisa mauti hai 

Kassak hai Daai~mi iss mein bohat be-naam lazat hai 

Mohabbat ki Yahi Taareef hai ke Ye MOHABBAT HAI!

qasam to khaa li hai tum nain

qasam to khaa li hai tum nain 

mujhay kabhi bhee na yaad kernay ki 

magar main janta hoon 

tum mujhay kabhi na bhula sako gi 

din bher hanstay khailtay main shaid 

meri yaad na aye tumhain 

magar sunooooon!!!!!!!!!!!! 

subha jub aaankh khulay tumhari 

to takye per 

phailay huway apnay kajol ko 

chupaa liya kerna 

keh koi jaan na sakkay 

tum raat dare tuk roti rehi hoo 

meri yaad main!

Muhabat Main Agarchay Dil ki Aankhain

Muhabat Main 

Agarchay Dil ki Aankhain 

Mudaton Palkain Jhapakna Bhool Jaati Hain 

Magar In RatJagon Kay Surkh Doray NeelGoon SunoLahatain 

Aur RaabBaroaon Ki Raazdari Bhi 

Ajab Aik Husn Paida Karti Jaati Hai 

Muhabat Main 

Agarchay Dharkanain Apna CHalan Tak Chhor Jaati Hain 

Magar Aisi Dharkanoon Ki Thaap Aur SarGaram Tarasta hai 

Muhabat Main 

Agarchay Be-Kali 

Dil Ko Bohat Tarpaayay Rakhti Hai 

Magar Dil Ki Tarap Hi Zindagi Ko Patharon Ki Zindagi Say 

Mukhtalif Karti Hai Dunia Main 

Muhabad Main 

Agarchay Aankh Say Ojhal Hoi Lagti Hai Dunia Kay Siwa 

Laikin Basirat Ki Kayee Beenaeeyaan Aur Kharkiaan Khulti Chali Jaati Hai 

Batin Main 

Muhabat Main 

Agarchay Aansuon Ko Surkh Hotay Pal Nahi Lagta 

Magar Yai Surkhiyan Kitnay Gulistan,Chand,Taray aur Zamin-O- Aasmaan 

Rangteen Karti Hain 

Muhabat Main 

Judaayee Dhoop Kay Angan Main Palti Hai Agarchay 

Phir BHi Saari Umr Khoaabon AUr Duaon Say Kabhi Thhandak 

Nahi Jaati 

Mujhay Maaloom Hai Tum To Muhabbat KI Mukhaalif Ho 

Magar Jaanaan 

Daleelain to Daleelain Hain 

Muhabat In Daleelon Ki Kahan Mohtaaj HOti Hai 

Muhabat Khoobsoorat Hai

Kis Tarhaan Sajaatay Ho Maslehat Ki Shaamon Main

Kis Tarhaan Sajaatay Ho 

Maslehat Ki Shaamon Main 

Mehfilain Muhabat Ki 

Aur Mohabatain Bhi Wo 

Saal Bhar Mehak JinKi 

Dil Ki Saari Galiyoon Main 

Raqs Karti Phirti Hain 

Kis Tarhaan Sajaatay Ho 

Andhion Kay Mausam Main 

Tum Deeyay Rafaqat Kay 

TumJo Payaar Ki Dolat 

Apnay Dil Kay Haatoon Say 

KhushBoowon Ki Baaton Say 

IsTarhaan Lutaatay Ho 

JisTarhaan Koi Jugnoo 

Shab Kay RaigZaaroon Par 

Roshni Lutaata Hai 

TumJo Habs Mausam Main 

Ik Hawaa Ka Jhonka Ho 

Kis Taraah Sajaatay Ho 

Maslehat Ki Shaamoon Main 

Mehfilain Muhabat Ki 

Kuchh Humain Bhi Batlaao 

Kuchh Humain Bhi Sikhlao 

Hum To Apnay Sehraa Kay 

Be-Nawaa Musaafir Hain 

Hum Tumhaaray Jazboon Ki 

Naik Si Fizaaoon Main 

Phool Jaisay Geetoon Ki 

Raqs Karti Khushboo Kay 

Be-Qaraar Shaayar Hain

Aik Rah Per Sari Umer Chaley

Aik Rah Per Sari Umer Chaley 

Ek Dojey Ko Na Samjh Sakey 

Jeevan Ka Safer Anjaan Safer 

Bay_Khahish Bay_Araam Safer 

Jevan K Kissi Bhi Dukh Sukh Main 

Woh Meray Saath Shareek Nahin 

Hum Dono Main Ek Rishta Hai 

Per Jazboon Ki Tehreek Nahin 

Jari Hai, Mager Anjaan Safer 

Main Sochta Hoon Aik Din Yunhi 

Woh Mujh Sey Juda Ho Jayegi 

Ya Pehlay Main Mar Jaon Ga 

Ya Shaid Woh Mar Jayegi 

Phir Loug Kahin Gay Inka 

Yeh Rishta Kitna Sacha Tha 

Per Kiss Ko Khaber, Sara Jeevan 

Woh Tanha Thi... 

Main Tanha Tha...

bicharnay se zara pehle

bicharnay se zara pehle 

tumhain bhi sooch lena chahiye tha 

tumhain bhi sooch lena chahiye tha 

ke yoon chahat ko thukraya nahi kertay 

ke yoon beetay dinoon ko bhoolna acha nahi hota 

ke yoon anjaan ban ker chain se jeena humaray wastay 

mumkin nahi ho ga 

tumhain bhi sooch lena chahiye tha 

ke wo batain jo hum aik dosray se ker chukay hain 

ab kabhi wapis na aain gi 

ke wo lamhay jo hum ik dosray main jee chukay hain 

phir kabhi zinda nahi hoon gay 

bicharnay se zara pehle 

tumhain bhi sooch lena chahiye tha

bara dushwaar hota hai zara sa faisla kerna

bara dushwaar hota hai 

zara sa faisla kerna 

ke jevan ki kahani ko 

beyan-e-bayzubani ko 

kahan se yaad rakhna hia 

kahan se bhool jana hai 

usay kitna batana hai 

us say kitna chupana hai 

kahan roo roo ke hansna hai 

kahan hans hans ke roona hai 

us aanchal ke kisi koonay ko 

kitna sa bhagoona hia 

kahan aawaz deni hai 

kahan khamosh rehna hai 

kisi dukh ko kahan per 

koon se shidat se sehna hai 

kahan rasta badalna hia 

kahan se loot aana hai 

zara sa faisla kerna 

bara dushwar hota hai

jo tum nay thaan hi li hai

jo tum nay thaan hi li hai 

humaray dil se niklo gay 

too itna jaan lo piyaray 

samandar samnay ho ga ager sahil se niklo gay 

sitaray jin ki aankhon nay humain ik sath dekha tha 

gawahi denay aain gay 

puranay kagzoon ki balkooni se bohat se lafz jhankain gay 

tumhain wapis bulain gay 

kai waday, fasadi qarz khawahoon ki tarah tumhain rastay main rookain gay 

tumhain daman se pakrain gay 

tumhari jaan khain gay 

chupa ker kis tarah chera 

bhari mehfil se niklo gay 

zara phir soch lo janan 

nikal too jao gay shayad 

magar mushkil se niklo gay

Abhi zid na kar dil -e- be khabar

Abhi Zid Na Kar... 

Abhi zid na kar dil -e- be khabar! 

ke pas -e- hajoom -e- sitam garaan 

abhi kon tujh se wafa kare 

abhi kis ko fursatein hein iss qadar 

ke samait kar teri kirchiyaan 

tere haq main khud se dua kare 

abhi zid na kar dil -e- be khabar 

ke tah -e- ghubaar -e- gham -e- jahaan 

kahan kho gaye tere chaara gar 

ke raah -e- hayaat main rayegaan 

kahan so gaye tere hamsafar 

abhi gham gusaaron ki chott seh 

abhi kuch na sun abhi kuch na keh 

abhi zid na kar mere be nawaa 

kabhi yun bhi ho ke sarr -e- ufaq 

tere dukh ka chaand damak utthay 

koi tees khud se chamak utthay 

kisi sheher -e- zakhm -e- farosh main 

koi zakhm khud se khareed kar 

sabhi aks khud se khurach kabhi 

kisi aayeine par na deed kar 

kabhi yun bhi jashn -e- tarab manaa 

kabhi iss tarah se bhi eid kar.

Jo na mil sakay wohi bewafa, yeh barri ajeeb si baat hai

Jo na mil sakay wohi bewafa, yeh barri ajeeb si baat hai 

Jo chala giya mujhe chor kar, wohi aaj tak mere saath hai 

Jo kisi nazar se adaa hui, wohi roshni hai khayaal mein 

Woh na aa sakey rahon muntazir, yeh khalish kahan thi wisaal mein 

Meri justaju ko khabar nahin, na woh din rahe na woh raat hai 

Jo chala giya mujhe chor kar, wohi aaj tak mere saath hai 

Kare pyar aur lab pe gila na ho, yeh kisi kisi ka naseeb hai 

Yeh karam hai uska jafaa nahin, woh juda bhi reh ke kareeb hai 

Wohi aankh hai mere ru-ba-ru, ussi haath mein mera haath hai 

Jo chala giya mujhe chor kar wohi aaj tak mere saath hai 

Mera naam tak jo na le saka, jo mujhe qaraar na de saka 

Jissey ikhtiyaar to tha magar, mujhe apna pyar na de saka 

Wohi shaks mairi talaash hai, wohi dard mairi hayyaat hai 

Jo chala giya mujhe chor kar, wohi aaj tak mere saath hai 

Jo na mil sakey wohi bewafa, yeh bari ajeeb si baat hai 

Jo chala giya mujhe chor kar, wohi aaj tak mere saath hai

Guftugo Ke Lamhon Main Dekh He Nahi Paatay

Guftugo Ke Lamhon Main 

Dekh He Nahi Paatay 

Ham Tumharay Chehray Ko 

Tum Hamari Aankhon Ko 

Aaj Aisa Kartay Hain 

Chasm-o-lab Ko Parhtay Hain 

Baat Chor Datay Hain 

Jaane Kiya Lamha Hoga 

Jab Ye Hath Hathon Say 

Gar Kabhi Juda Hoga 

Aaj Aisa Kartay Hain 

Zabt-e-Jaan Parakhtay Hain 

Hath Chor Datay Hain 

Kash Koi Samjha Day 

Loag Kis Tarah Dil Ki 

Manzilain Alag Kar Kay 

Saath Chor Datay Hain 

Aaj Aisa Kartay Hain 

Bey-sabab Bikhartay Hain 

Zaat Taur Datay Hain

Kahaa uss nay roko ab tum

Kahaa uss nay roko ab tum 

Bohot mil kar chalay ham tom 

Bohot kuch paa liyaa ham nay 

Bohot kuch k'ho liyaa ham nay 

Hamai(n) ab lautnaa ho gaa 

Bohot ziddi ho tom laikin 

Hamain ab to bich'harnaa hai 

Sonaa ye to, bohot royay 

Kahaa(n) tak jayai(n) gay tanhaa 

Hamai(n) ye soch kar jaanaa(n) 

Bohot takleef hotee hai 

Chalo ham maan laitay hai(n) 

Tomhai(n) ham k'ho chokay laikin 

Hamaari saans ab tak bhee 

Tomhaari pyaas rak'htee hai 

Tomhaari yaad ab tak bhee 

Hamai(n) baitaab rak'htee hai 

Magar ! ab ye bhee sontay hai(n) 

Tomhaari raah roshan hai 

Tomhai(n) mil jaayay gaa koyee 

Magar afsos !!! 

Ham jaisaa 

Agar paao kahee(n) tom to 

Mojhay do harf lik'h dainaa

hazaaron dukh perayen sehna muhabbat mar nahi sakti

hazaaron dukh perayen sehna muhabbat mar nahi sakti

hai tum say bus yahi kehna muhabbat mar nahi sakti

tera her baar merey khat ko perhna aur ro dena

mera her baar likh dena muhabbat mar nahi sakti

kia tha hum ney campus ki nadi per ik haseen wa'ada

bhaley hum ko peray merna muhabbat mar nahi sakti

jahan main jab talak panchi chahaktey, urtey, phirtey hain

hai jab tak phool ka khilna muhabbat mar nahi sakti

puraney ahad ko jab zinda kernay ka khayal aaye

mujhay bus itna likh dena muhabbat mar nahi sakti

wph tera hijr ki shab phone rakhney say zara pehley

bohat rotey huye kehna muhabbat mar nahi sakti

ager hum hasraton ki qaber main hi dafan ho jayen

to yeh katbon peh likh dena muhabbat mar nahi sakti

puraney rabton ko phir naye wa'adey ki khuahish hai

zara ik baar to kehna muhabbat mar nahi sakti

gaye lamhaat fursat kay kahan say dhoond ker laaon

woh pehron haath per likhna muhabbat mar nahi sakti