Khoya Tumhay Aisay Kay Apna Nishaa’n Kho Baithay

Khoya Tumhay Aisay Kay Apna Nishaa’n Kho Baithay

Na Pa Sakay Manzilain Aur Karwaa’n Kho Baithay

Ajab Saneha, Hay Sab Kuch, Aur Sara Jahaa’n Kho Baithay

Qadmon Say Zamee’n Serkee, Sar Say Aasmaa’n Kho Baithay

Hooey Afshaa Raaz Sab Aur Raazdaa’n Kho Baithay

Sehraa Main Hain Kharay Aur Gulsitaa’n Kho Baithay

Dushman Hooa Zamana, Halqa-e-Dostaa’n Kho Baithay

Bass Yaad Rahee’n Galyaa’n Un Ki Apna Makaa’n Kho Baithay

Toofaan-e-Baad-o-Baraa’n Main Ham Aashiyaa’n Kho Baithay

Khoya Tumhay Aisay Kay Apna Nishaa’n Kho Baithay

hazaroN log dunia mein hamey miltey to heiN lekin

hazaroN log dunia mein hamey miltey to heiN lekin

jo mujh tak khud palat aaye, wohi mujh ko nahiN milta

to abb yooN hai ke kuch bhi ho mohabbat ho nahiN saktee

yeh rastey to adhoorey hai, yahan kuch bhi nahiN milta

kabhi chup chap amber ko younhi ek baar dekho to

tumhay mehsoos ho khushiaN chura ker kuch nahiN milta

hamaree zindagi tum ne ajeeran ker to dee lekin

kisi ke haath ki mehndee mitaa ker sukh nahiN milta

tumharee soch naqis thi wagerna ham wohi per they

yeh sach hai heh kisi ko seep se motee nahiN milta

to ban jao kuch aisey keh her koi hi talib ho

mein hairaN hooN tumhay kyuN ek bhi aisa nahiN milta

har shamma bojhi rafta rafta har khoab jala dhere dhere

har shamma bojhi rafta rafta har khoab jala dhere dhere 

shisha na sahi, patthar bhi na tha, dil toot gaya dhere dhere 

barsoon main marasim bante hain lamhoo 

main bhala kia tootain ge 

to mojh se bicharna chahe to dewar otha dhere dhere 

dil kise jala kis waqat jala,hum ko bhi pata akhir main chala 

otha he dhoan dhere dhere solgi he chita dhere dhere 

ehsas hoa barbadi ka jab sare ghar main dhool ori 

aaee he humare angan main patjhar ki hawa dhere dhere 

woh hath paraee ho bhi gaye ab dour ka rishta 

ati he meri tanhaee main khoshbo-e-hina dhere dhere

Kitna Pyaar diya usse per milla kuch bhi nahin

Kitna Pyaar diya usse per milla kuch bhi nahin 

Itni gehri Chahat ka hasil o hasool kuch bhi nahin 

Woh hum se khafa the to Jaan nikal gayi thi hamari 

Hum un se khafa hain to un ko malaal kuch bhi nahi 

Is qadar dukh diye hain na jaane kis khata per 

Par hum bhi Sabar kargaye aur kiya sawal kuch bhi nahi 

Us ki khushi main Hansne wale Khaas hain us ke liye 

Dukh main us ke saath hum, hamari misaal kuch bhi nahi!!!

na rok ab mujhe ghar jalaney se

na rok ab mujhe ghar jalaney se

kon hai jo isey abaad karey

roney doh ab hum ko jee bhar kar

kon hai jo ab mujhe shaad karey

bichara iss tarah ke saarey gham mere naam kar gaya

kon hai jo iss gham se mujhe azaad kar gaya

ab toh dil_e_betaab se yehi doua nikley

khudaya yoon kissi ko koi na barbaad karey

yoon toh meri zindagi ka qatil nikla wo

magar kon hai jo mere insaaf karey

maaf kar dein oss ko magar aik shart par

ke aye aur apney gunahoon ka aetraaf karey

lootney wala hi jub nazar nhin aa raha

malik phir bhala kiss se faryaad karey

Terey baarey mein jab, socha nahin tha

Terey baarey mein jab, socha nahin tha

Mein tanha tha magar, itna nahin tha

Teri tasveer sey karta tha baatein

Merey kamrey mein ' Aaina ' nahin tha

Mein tanha tha magar, itna nahin tha

Samander ne Mujhey, Pyaasa hi rakha

Mein jab Sehra mein tha, Pyaasa nahin tha

Mein tanha tha magar, itna nahin tha

Manaaney roothney ke khail mein Hum, 

Bichhar jaaein gey, Yeh socha nahin tha

Mein tanha tha magar, itna nahin tha

Suna bund kar leen, Uss ne Aankhein

Kai Raaton sey Woh, soya nahin tha

Mein tanha tha magar, itna nahin tha

Mainkush kahin deewana pukara gaya mujhay

Mainkush kahin deewana pukara gaya mujhay 

Deewaron main zabardasti chunwaya gaya mujhay 

Bad-naam hay zara per mera naam ishq hay 

Pholoon ki nermiyon say banaya gaya mujhay 

Meri ibtida wahan say jahan zindagee bani 

Or zindagee say pehlay banaya gaya mujhay 

Main to wahin rahon ga jo hay mera thikana 

Sab aashiqon kay dil main basaya gaya mujhay 

Mita saka na koi akbar bhi aashiqee ko 

Ban ker saleem sooli cherhaya gaya mujhay 

Wo kon loog hain jo ker rahay jafaain 

Kum zerf naam un ka bataya gaya mujhay 

Meri to aasman pay farishton nay perwarish ki 

Laa ker zaeem pay kitna sataya gaya mujhay 

Mertey nahin deewanay shaiki amer huay or 

Un ki wafa ka sehra pehnaya gaya mujhay

Agar jo Dil ki sunoge to haar jaoge

Agar jo Dil ki sunoge to haar jaoge 

Hum jaisa Pyaar phir kahan paoge 

Jaan dene ki baat to her koi karta hai 

Zindagi banane wala kahan se laoge 

Jo ek nazar dekhoge tum humain 

To her taraf sirf hum hi ko paoge 

Yaqeen apni Mohabbat per itna hai mujhe 

Meri chahat ko dekhoge to laut aaoge 

Meri aankhon ke samandar main doob gaye to 

Kahin jaana bhi chaho ge to na ja paoge

hum baddal sakte hain mahool bhi afkar ke saath

hum baddal sakte hain mahool bhi afkar ke saath 

garmi-e-shauq ho gar narmi-e-guftar ke saath 

haey yeh kashmakash-e-naz usay kya kheay 

un ki nazroon me tha iqrar bhi inkar ke saath 

un ki hum bazm me jate bhi tu kaise jate 

aik dewar bhi thi saya-e-dewar ke saath 

chahate ho ke woh qaid-e-gham-e-hasti me rahe 

na karo zulm chara garo bemar ke saath

ishq mein budhawas ho jesey

ishq mein budhawas ho jesey

koi badal ke pass ho jesey

naam kesa zubaan pe aya hai

barsoo barsoo ki payas ho jesey

yoon hawa se kalaam karta hoon

tu haqeeqat mein pass ho jesey

kut rahi hai kuch iss tarah se 

dum nikalney ki aas ho jesey

hijr kii pahalii shaam ke saaye duur ufaq tak chhaaye the

hijr kii pahalii shaam ke saaye duur ufaq tak chhaaye the

ham jab us ke shahar se nikale sab raaste sanvalaaye the

jaane vo kyaa soch rahaa thaa apane dil mein saarii raat

pyaar kii baaten karate karate us ke nain bhar aaye the

mere andar chalii thii aandhii Thiik usii din patajhar kii

jis din apane juure mein usane kuchh phuul sajaaye the

usane kitane pyaar se apanaa kufr diyaa nazaraane mein

ham apane iimaan kaa saudaa jis se karane aaye the

kaise jaatii mere badan se biite lamhon kii Khushbuu

Khvaabon kii us bastii mein kuchh phuul mere ham-saaye the

kaisaa pyaaraa manzar thaa jab dekh ke apane saathii ko

per pe baiThii ik chiriyaa ne apane par phailaaye the

ruKhsat ke din bhiigii aankhon us kaa vo kahanaa haa_e "Qateel"

tum ko lauT hii jaanaa thaa to is nagarii kyuun aaye the

Mohabbat Is Tarhan Chora Nahin Kartay

Mohabbat Is Tarhan Chora Nahin Kartay

Taaluk Is Tarhan Tora Nahi Kartay

K Phir Say Jorna Dushwar Ho Jaye

Hayat Aik Zehar Main Dobi Hui Talwar Ki Manind

Mohabbat Is Tarhan Chora Nahin Kartay

Rawadari Ka Hargiz Rasta Chora Nahin kartay

Mohabbat Main Sabhi Aik Dusray Ko Aazmatay Hain

Magar Aisa Nahin Kartay

K Har Umeed Har Imkaan Toot jaye

Kahan Tak Khinchi Ho Dor Ya Andaza Rakhtay Hain

Humesha Chaar Dewari Main Aik Darwaza Rakhtay hain

Judai Mustakil Ho Tu Zindagi Zindaan Ho jaye

Tu Suno!

Jeenay Say Mo Mora Nahin Kartay

Mohabbat Is Tarhan Chora Nahin kartay

soz-e-Gam deke mujhe us ne ye irshaad kiyaa

soz-e-Gam deke mujhe us ne ye irshaad kiyaa

jaa tujhe kash-ma-kash-e-dahar se aazaad kiyaa

vo karen bhii to kin alfaaz mein teraa shikavaa

jin ko terii nigaah-e-lutf ne barbaad kiyaa

dil kii choTon ne kabhii chain se rahanaa na diyaa

jab chalii sard havaa main ne tujhe yaad kiyaa

aise mein main tere taj-takalluf pe nisaar

phir to farmaaye vafaa aap ne irshaad kiyaa

is kaa ronaa nahiin kyon tumane kiyaa dil barbaad

is kaa Gam hai ki bahut der mein barbaad kiyaa

itanaa maasuum huuN fitarat se, kalii jab chaTakii

jhuk ke main ne kahaa, mujhase kuchh irashaad kiyaa

merii har saans hai is baat kii shaahid-e-maut

main ne har lutf ke mauqe pe tujhe yaad kiyaa

mujhako to hosh nahiin tumako Khabar ho shaayad

log kahate hain ki tumane mujhe barbaad kiyaa

vo tujhe yaad kare jisane bhulaayaa ho kabhii

hamane tujh ko na bhulaayaa na kabhii yaad kiyaa

kuchh nahiin is ke sivaa  hariifon kaa kalaam

vasl ne shaad kiyaa hijr ne naashaad kiyaa

barbaad tamannaa pe ataab aur zyaadaa

barbaad tamannaa pe ataab aur zyaadaa 

haan merii mohabbat kaa javaab aur zyaadaa 

roye na abhii ahal-e-nazar haal pe mere 

honaa hai abhii mujh ko Kharaab aur zyaadaa 

aavaaraa-va-majanun hii pe maukuuf nahiin kuchh 

milane hain abhii mujh ko Khitaab aur zyaadaa 

uThenge abhii aur bhii tuufaan mere dil se 

dekhuungaa abhii ishq ke Khvaab aur zyaadaa 

Tapakegaa lahuu aur mere diidaa-e-tar se 

dharakegaa dil-e-Khaanaa_Kharaab aur zyaadaa 

ai mutrib-e-bebaak koii aur bhii naGmaa 

ai saaqii-e-fayyaaz sharaab aur zyaadaa

Aaghaz May Nay Kia Ikhtataam Tum Kar Do

Aaghaz May Nay Kia Ikhtataam Tum Kar Do

Jab Chaho Meray Jazboon Ko Bay Naam Tum Kar Do 

Baat Ager Zarf Ki Hay To Yoon Karo

Tum Jeet Jao Or Haar Meray Naam Kar Do 

Meri Hansi Kay Gulab Meri Muskurahatoon Kay Phool Lay Lo

Apnay Saray Dukh Saray Gham Meray Naam Tum Kar Do 

Musafat Hay Kathin Manzil Hay Door 

Jo Ho Manzoor To Apna Sath Meray Naam Tum Kar Do

mein dard ki faseel par khara hua dekhta hon char soo

mein dard ki faseel par khara hua

dekhta hon char soo

khara hua be arzoo

ek nazar jo mujhe dhoondti hai

nagar nagar wo mujhe khojti hai

mein dard ki faseel par

os se chup ke khara hua hon

aaj os ne mujhe dekh liya

bilakhir mujh ko khoj liya

mein aaj amar hone ko hon

mein aaj amar ho jaon ga.

Teri baahon ki tapish main pighalne laga hon

Teri baahon ki tapish main pighalne laga hon
Teri sanson ki mehek main sulagne laga hon,

Raat ki tanhaai main lipti khumaar ki baatein
Tere baaton ki kashish main machalne laga hon,

Sulagti raat ki bikharti chandni main hum-tum
Behekne lage jazbaat aur bhadakne laga hon,

Ruan-ruan tere pyaar main sarabor hone laga
Tere baahon ke gheron main dhadakne laga hon ,

Tere sath bitaai lamhon ki kasak seene main
Zindagi jeene ki “aarzoo“ main tadapne laga hon....

Ab kiya likhein hum kagaz per Ab likhne ko kiya baki hai

Ab kiya likhein hum kagaz per 

Ab likhne ko kiya baki hai 

Ik dil tha su wo tuth giya 

Ab lutne ko kiya baki hai 

Ik shaks ko hum ne caha tha 

Ik reet pe naqsh banaya tha 

In reet ke zarun ko hum ne 

Phir apne dil main sajaya tha 

Wo reet tu kab ki bikhar gay 

Wo naqsh kahan ab baki hai 

Ab kiya likhein hum kagaz per 

Ab likne ko kiya baki hai 

Hum jin ko apni nazmoon ka 

Unwan banaya karte the 

Lafzun ka bana kar taj mehal 

Kagaz par sajaya karte the 

Wo hum ko akela choor gay 

Sab rishtoon se mun murr gay 

Ab rishte sare sune hain 

Wo piyar kahan ab baki hai 

Ab kiya likhein hum kagaz per 

Ab likne ko kiya baki hai

Jub Seena Ghum Say Bojhal Hoo Aur Yaad Kisi Ki Aati Ho

Jub Seena Ghum Say Bojhal Hoo Aur Yaad Kisi Ki Aati Ho

Tab Kamray Main Band Hojana Aur Chupkay Chupkay Roo Laina

Jub Aankhain Baghi Hojian Aur Yaad Main Teri Bhar Aaian

Phir Khud Ko Dhoka Mat Daina Aur Chupkay Chupkay Roo Laina

Jub Palkain Karb Say Mondhi Hoon Aur Sub Samjhain Tum Sootay Ho

Tab Moun Pay Takiya Rakh Laina Aur Chupkay Chupkay Roo Laina

Ya Dunia Zalim Dunia Ha Ya Baat Bohat Phaliea Gee

Tum Samnay Sub Kay Chup Rehna Aur Chupkay Chupkay Roo Laina

Jub Barish Cehra Dhoo Dalay Aur Ashak Bhi Bondain Lagtay Hoon

Woh Lamha Hargiz Mat Khona Aur Chupkay Chupkay Roo Laina

Chaha Tumhein Deewanon Ki Tarhan Par Izhaar Na Kar Paye

Chaha Tumhein Deewanon Ki Tarhan 

Par Izhaar Na Kar Paye 

Dil Toota Glass Se Chalke Pani Ki Tarhan 

Par Ikraar Na Kar Paye 

Dil Ki Awaaz Hum Tumhein Suna Na Paye 

Dil Roya Par Aansoo Tak Dikha Na Paye 

Dil Bhi Hamara Ajab Cheez Hai 

Jo Tote Ek Sheesha Bhi Toh Awaaz Karta Hai 

Dil Hamara Toota Par Aah Bhi Na Kar Paye 

Tumehin Toh Chaha Hum Nein Toot Kar 

Par Tum Toh Wafa Bhi Na Kar Paye 

Zindagi Khali Si Hai Tumhare Bina 

Par Hum Chalna Seekh Chuke Hain 

Tum Hamari Parwah Karo Ya Na Karo 

Hum Sanbhalna Seekh Chuke Hain

YUN WOH YAAD ATA HAI

YUN WOH YAAD ATA HAI 

JAB PEHLI BAAR NAZAR MILI TU 

LAGA KE WOH SIRF MERAY LIYE HI BANA HO 

US KE CHALAY JANAY KE BAD WOH YUN YAAD ATA HAI 

KE MERI SASOON MAY PASS HOTA HAI 

US KI KHUSHBOO 

US KA EHSASS 

US KA YUN DEKHNA 

US KE JANAY KE BAD 

APNA SAB KUCH CHOR JATA HAI 

YUN PHIR WOH YAAD ATA HAI

Sookhay hont,sulagti ankhain,sarsoon jaisa rang

Sookhay hont,sulagti ankhain,sarsoon jaisa rang 

Barsoon baad wo dykh k mujh ko rah jaye ga dang 

Mazi ka wo lamha aj bi mujh ko khoon k ansoo rulaye 

Ukheri ukheri batain us ki gairoon jaisay dhang 

Dil ko pahly hi dard ki deemak chat gai thi 

Rooh ko bhi ab khata jaye tanhaee ka rang 

In hi ky sadkay ya rab mairi mushkil asaan kar dy 

Mairy jaisy ar bi hain jo dil k hathun tang 

sab kuch dy kar hans di ar phr kahny lagi taqdeer 

Kabi na poori hogi tairy dil ki umang 

Kiyun na apni chooreeun ko kirchi kirchi kar daloon 

Dykhi hai aj aik sundar nari piyary pee k sang 

Shabnam koi jo tujh sy haary,jeet py maan na karna 

Jeet wo hogi jab jito gi apny jo ap sy jang

Tere Dil Se agar uthar jaaein

Tere Dil Se agar uthar jaaein 

Too hi batla ke hum kidher jaaein

Zinda Tere Bagher reh Lengein

Ranj Esa nahi ky Mar jaaein

Tu na Rakhe Sunmbhal kar jo humein

Rait ki tarah hum bikhar jaaein

Main naye musamon mein sochta hoon

Shayed is baar Zakhm bhar jaaein

Mere Humrah Ro rahe hai Wo 

Sare Musam Yunhi Guzar jaaein

Khoshi ka Ghum hai,na Ghum ki koi Khoshi ab To

Khoshi ka Ghum hai,na Ghum ki koi Khoshi ab To !

Bohat Udaas Guzarti hai Zindgee Ab To !

Tere Bagher bhi Dil ki Tasaliun ke liye

lk intzaar ki Shab thi, So dhal chuki ab To !

lk Ashna ke bicharne se koi Nahi badla 

Hawa-e-Shehar bhi Lagti hai Ajnabi ab To !

Tamam Raat Rahi Dil mein Roshni ki Lakeer

Misaal-e-Shama Sehar Wo bhi Jal bujhi ab To !

Kaha Gaye Wo Shanasa Wo Ajnabi Chehray

Ujarhi si Nazar Ati hai , har Gali ab To !

Badlee badlee see faaza lagtee hai

Badlee badlee see faaza lagtee hai 

sarry dunya hi khafa lagtee hai 

Dil ka darwaza khula chor diya 

tairay qadmoon ki sada lagtee hai 

Saikroon chayeed hain , is mein lakin 

kitnee achi yeah rida lagtee hai 

Chand ho jaisay sitaron say allaag 

aisay nainoo mein haya lagtee hai 

Tairee qurbaat mein jhuki see yeah nazar 

aik MASOOM dua lagtee hai 

Marhalla maut ka mushkil hai magar 

zindagi is say siwa lagtee hai 

Abb kay roothay , na manaya tum nay 

yeah bicharnay ki ada lagtee hai 

kis ki aankhoon ka asar hai yeah

kali kali see ghaata lagtee hai

dard kii had se guzaranaa to abhii baaqii hai

dard kii had se guzaranaa to abhii baaqii hai 

TuuT kar meraa bikharanaa to abhii baaqii hai 

paas aake meraa dukh-dard baTaanevaale 

mujhase kataraa ke guzaranaa to abhii baaqii hai 

chand sheron mein kahaan Dhalatii hai ehasaas kii aag 

Gam kaa ye rang nikharanaa to abhii baaqii hai 

rang-e-rusvaa_ii sahii shahar kii diivaaron par 

naam  mera ubharanaa to abhii baaqii hai

Tujhe Pyaar mera satayega

Tujhe Pyaar mera satayega

Yaadon ke toofan utthaye ga

Mera naam likh ker kitabon main

Tu logon ke darr se mitayega

Zikar mera aksar karne se pehle

Tu kuch soch ker muskuraye ga

Baatein meri yaad aayengi

Jitna tu unhain bhulaye ga

Tera Dil mujhe jo dekhna bhi chahe

Tu nazron ko phir bhi jhukaye ga

Jis ne mujhe itna sataya hai

Us ka chain bhi koi churaye ga

Dhoop Ki Shidaat Kiya Hai Pairoon Say Koyi Poochey

Dhoop Ki Shidaat Kiya Hai Pairoon Say Koyi Poochey

Lafzoon Ki Cubhan Kiya Hai Hum Say Koyi Poochey

Kiya Sunayein Tumhein Apney Ghum Ki Kahani

Yadoon Ki Tarap Kiya Hai Hum Say Koyi Poochey

Kis Terhaan Hum Nay Khayey Hain Yahan Dhokey

Judayi Kisey Kehtay Hain Hum Say Koyi Poochey

Haal-e-Dil bayan Tu Kartay Hain Sab Hi Mager

Bayan Karnay Ka Saliqua Kiya Hai Hum Say Koyi Poochey

justajuu jis kii thii us ko to na paayaa ham ne

justajuu jis kii thii us ko to na paayaa ham ne

is bahaane se magar dekh lii duniyaa ham ne

tujh ko rusavaa na kiyaa Khud bhii pashemab na huye

ishq kii rasm ko is tarah nibhaayaa ham ne

kab milii thii kahan bichrii thii hamen yaad nahiin

zindagii tujh ko to bas Khvaab mein dekhaa ham ne

ai 'Ada' aur sunaaye bhii to kyaa haal apanaa

umr kaa lambaa safar tay kiyaa tanhaa ham ne

Chahat Kay Is Dharay Per, Darya Or Kenaray Per

Chahat Kay Is Dharay Per, 

Darya Or Kenaray Per

DIL Ko Aaj Azaad Kia , 

Main Nay Tum Ko Yaad Kia,

Tanhaee Ke Ratoon Main, 

Khud He Batoon Batoon Main

Is DIL Ko Yoon Shaad Kia,

Main Nay Tum Ko Yaad Kia,

Jab Say Tum Ko Dekha Hay, 

Jab Say Tum Ko Chaha Hay,

Har Ak Pal Faryaad Kia, 

Main Nay Tum Ko Yaad Kia,

Is Jewan Kay Nesaaboon Main, 

Or Ratoon Kay Khawaboon Main,

Jaag Kay Bhi DIL Shaad Kia, 

Main Nay Tum Ko Yaad Kia,

Phool Ka Khilnay Say Phelay, 

Tum Ko Milnay Say Phelay,

Khud Ko Tu Barbadd Kia, 

Main Nay Tum Ko Yaad Kia.

ya rab humain tuj say koi gilla bhi nahi

ya rab humain tuj say koi gilla bhi nahi

wo naseeb main nahi tha is leya mila nahi 

seencha tha jiss chaman ko apnay dill kay lahoo say

phir keyo barsaat main koi phool khila nahi 

na lagaay koi *** is dill_e_ natawan per

abhi tu phichla zhkam bhi muj say siila nahi 

mangaa tha jhooliian utha utha kar usay

magher humain dowaoon ka koi siila mila nahi

Zara Sochnay do Itni JAldi bhi nahi Achi

Zara Sochnay do... 

Itni JAldi bhi nahi Achi... 

Main yeh Tasleem KErti hoon 

Tumhain Mujh Se Mohabat hai... 

Magar yeh kia khabar Tum ko ... 

Mujhe Kis Ki Zarorat hai... 

Mujhe Kis Se Mohabat Hai.. 

Baja Kahtay Ho Zalim Karb_E_Tanhayi... 

Anokhay Zakham Deta hai... 

Faqat IK Ghum Rafaqat hai... 

yeh chahat Aien Fitrat hai... 

Mujhe bhi Apni Tanhayi... 

Bohat Mehsoos hoti hai... 

bataien kia kisi ko... 

muztarib dil ki jo halat hai... 

Musalsil Runj O Majrohi... 

Yehi Ab Meri Kismet Hai... 

Tum Ache ho... 

mujhe bhi Ache lagtay ho... 

Magar mujh se Kahien barh Kar... 

Wo Duniya khoobsurat hai... 

Jo Doulat mand armanoon ki janat hai... 

Zara sochoo tumharay dil mein jo mere liye hai... 

pur josh rughbat aur chahat hai... 

yeh sab kuch... 

kia Tumharay pyaar ki belos jazboon ki... 

Alamat hai... 

nahi Aisa nahi hai... 

is durd pur ashoob mein pyaari... 

Wohi Kuch besh keemat hai... 

Jo Ik jins_E_Tijarat hai...

Benaam Sa Ye Dard Thehar kyon Nahi Jata

Benaam Sa Ye Dard...Thehar kyon Nahi Jata 

Jo Beet Gaya Hai...Woh Guzar Kyon Nahi Jata. 

Sab Kuch To Hai...Kya Dhundti Rehti Hai Nigaahein 

Kya Baat Hai...Mai Waqt Pe Ghar Kyon Nahi Jata.. 

Woh Ek Hi Chehra To, Nahi Sare Jahan Mein 

Jo Door Hai Woh Dil Se Utar Kyon Nahi Jata... 

Main Apni Hi Uljhi Hoi...Raho Ka Tamasha 

Jate Hain Jidhar Sab...Main Udhar Kyon Nahi Jata... 

Woh Naam Jo Na Jane Kab Se, Na Chehra Na Badan Hai 

Woh Khawaab Agar Hai To Bikhar Kyo Nahi Jata...!

Aansoo May Na Dhoondna Humey

Aansoo May Na Dhoondna Humey,

Dil May Hum Bas Jaayenge,

Tamanna Ho Agar Milne Ki,

To Band Aankhon May Nazar Aayenge.

Lamha Lamha Waqt Guzer Jaayenga,

Chund Lamhoo May Daaman *** Jaayega,

Aaj Waqt Hai Do Baatein Kar Lo Humse,

Kal Kya Pata Kon Apke Zindagi May Aa Jayega.

Paas Aakar Sabhi Door Chale Jaate Hai,

Hum Akele The Akele Hi Reh Jaate Hai,

Dil Ka Dard Kisse Dikhaaye,

Marham Lagane Wale Hi Zakhm De Jaate Hai,

Waqt To Humey Bhula Chuka Hai,

Muqaddar Bhi Na Bhula De,

Dosti Dil Se hum Isiliye Nahin Karte,

Kyunke Darte Hai,Koi Phir Se Na Rula De,

Zindagi May Hamesha Naye Log Milenge,

Kahin Ziyada To Kahin Kam Milenge,

Aitbaar Zara Soch Kar Karna,

Mumkin Nahi Har Jagah Tumhe Hum Milenge.

Khushbo Ki Tarah Aapke Paas Bikhar Jayenge,

Sukon Ban kar Dil Me Utar Jayenge,

Mehsoos Karne Ki Koshish To Kijiye,

Door Hote Hoye Bhi Pass Nazer Aayenge