Main Logo’n Se Mulaqato’n K Lamhy Yaad Rakhta Hoon

Main Logo’n Se Mulaqato’n K

Lamhy Yaad Rakhta Hoon

Main Baatai’n Bhuul Bhi jao’n

Tou Lehjy Yaad Rakhta Hoon

Sar-e-Mehfil Nigahai’n Mujh Pe

Jin Logo’n Ki Parti Hyn

Nigaho’n k Hawaly Se

Wo Chehry Yaad Rakhta Hoon

Zara Sa Hut k Chalta Hoon

Zamany Ki Riwa’yat Se

K Jin Pe Bojh Main Daalo’n

Wo Kaandhy Yaad Rakhta Hoon

Zara Tum Sham Dhalny Do Ke Suraj Ko To Jany Do

Zara Tum Sham Dhalny Do

Ke Suraj Ko To Jany Do

Parindon Ko To Urny Do

Zra Tum Sham Dhalny Do

Abi Tu Asman Ka Rang

Nikhray Ga

Abi Khushbo B Bikhray Gi

Abi Mosam B Badly Ga

Abi Tu Chand Nikly Ga

Abi Manzar Badalny Main Zra C Dair

Baqi Hay

Abi Dil K Sambhalny Main

Zra C Dair Baqi Hai

CHALY JANA!

Abi 2, 4 Pal

do . chaar, Sadyan Sath Rehny Do

Mujhy Kuch

Aaj Kehnay Do

Bas Apny Pas Rehny Do,

Mujhy Itna To Kehny Do,

“MUJHE TUM SE MOHABBAT HAY”

Palkon pe aanso’on ko sajaya na jaa saka

Palkon pe aanso’on ko sajaya na jaa saka

us ko bhi Dil ka haal bataya na jaa saka

zakhmon se choor choor tha yeh Dil mera

ek zakham bhi us ko dikhaya na jaa saka

jab teri yaad aayi to koshish ke ba wajood

aankhon main aanso’on ko chupaya na jaa saka

kuch log zindagi main aise bhi aaye hain

jin ko kisi bhi lamhe bhulaya na jaa saka

bas is khayaal se kahin us ko dukh na ho

hum se to haal-e-ghum bhi sunaya na jaa saka

woh muskuraha tha mere ru-ba-ru magar

chehre ka rang us se chupaya na jaa saka

tanhaiyon ki aag main hum jal gaye

magar faasla ana ka mitaya na jaa saka

Tery galy mai jo banhon ko dal rakhty hain

Tery galy mai jo banhon ko dal rakhty hain

tujhy manany ka kesa kamal rakhty hain 

tujhy khaber hai tujhy sochny ki khtir hum!

Buht se kam muqadder pe taal rakhty hain 

koi bhi faisla hum soch ker nahi kerty

tumhary naam ka sikka uchal rakhty hain 

tumhary bad ye adat si hogai hai apni

bikhrty sokhty patty sambhal rakhty hain 

khushi si milti hai khud ko aziyaten de ker

so jaan bojh k dil ko nidhal rakhty hain 

kabhi kabhi wo mujhko hans k dekh lety hain

kabhi kabhi mera be had khayal rakhty hain 

tumhary hijer mai ye haal ho gaya hai apna

kisi ka khat ho usy bhi sambhal rakhty hain 

khushi mily tu tery bad khush nahi hoty

hum apni ankh mai her dam malal rakhty hain 

zamany bher se chupa ker wo apny anchal mai

mery wajod k tukry sambahl rakhty hain 

kuch is liye bhi tu behaal hogay hum log

tumhari yad ka be had khayal rakhty hain

Jis se bandhy thy dono wo gham nahi rahy hain

Jis se bandhy thy dono wo gham nahi rahy hain

tum, tum nahi rahy ho hum, hum nahi rahy hain 

lamhon k pair pe kuch phol hain dard o gham k

jeewan mai ab khushi k mosam nahi rahy hain 

rahon mai ab khra hon phelay hath khali

gham thy mera asasa aur ghum nahi rahy hain 

ro ro k tery dukh mai sehra sa hogaya hon

ab ankh k kinary bhi nam nahi rahy hain 

tu aur simt mai hai mai aur simt mai hon

ulfat k rasty ab baham nahi rahy hain 

fikr e muash ne tu jazbon ko rond dala

ashiq wagerna hum bhi kuch kam nahi rahy hain 

tum he thy meri duniya,tum he meri muhabbat

tum jonahi tu dono alam nahi rahy hain

Bandh len hath pe seeny pe saja len tumko

Bandh len hath pe seeny pe saja len tumko

G mai ata hai k taveez bana len tumko 

Phr tumhen roz sanwaren tumhen barhta dekhen

Q na angan mai chambeli sa laga len tumko 

Jesy balon mai koi phool chuna kerta hai

Ghar k guldan mai pholon sa saja len tumko 

Kia ajab khuahish uthi hai hamary dil mai

Ker k munna sa hawaon mai uchalen tumko 

Is qadar tot k tum pe hamen piyar ata hai 

Apni bahon mai bharen maar hi dalen tumko 

Kabhi khuab ki tarhan ankh k perdy mai raho

Kabhi khuhish ki terhan dil mai bula len tumko 

Hai tumhary liye kuch aisi aqeedat dil mai

Apny haton mai duaon sa utha len tumko 

Jis terhan raat k seeny mai hai mehtab ka noor

Apny tareeq makano mai saja len tumko 

Ab tu bus aik hi khuahish hai kisi mor per tum

Humko bikhry hoy mil jao Sambhalen tumko

ankhon se mery is liye lali nahi jati

ankhon se mery is liye lali nahi jati

yadon se koi rat jo khali nahi jati 

ab umer na mosam na wo rasty k wo palty

is dil ki mager kham khayali nahi jati 

mangy tu ager jan bhi tu tujhy hans k de den

teri tu koi bat bhi tali nahi jati 

aye koi aa ker tery dard sambhaly

hum se tu ye jageer sambhali nahi jati 

malom hamen bhi hain tery buht se qissy

per bat teri hum se uchali nahi jati 

HAMRAH TERY PHOL KHILATI THE jo DIL MAI

ab sham wahi dard se khali nahi jati 

hum jan se jaengy tabhi bat banyge

tum se to koi rah nikali nahi jati

Bari shiddat se mai ne tumhen pany ki koshish ki hai

Bari shiddat se mai ne tumhen pany ki koshish ki hai

k her zarry ne mujhy tum se milany ki sazish ki hai 

teri nazron ko gila na ho kabhi mujhse

itna tot k maine tujhse muhabbat ki hai 

tery ehsas ki kabhi kami na ho mujh mai

tery dil ne mery dil se kuch aise chahat ki hai 

her pal tera nam lon is gustakh zamany mai

meri roh ne meri zaban ko itni to ijazat di hai 

koi fariyad meri puhanch jay ARSH tak" WASI"

kuch pal k liye mai ne teri ibadat ki hai

Pyar Kise Tum Kehte Ho

Pyar Kise Tum Kehte Ho ??? 

Phir pyar kise tum kehte ho?

Khamosh zuban k lafzo mein,

Kuch poshida si baatein hain,

In poshida si baaton mein,

Kuch chahat ki barsaten hain,

In baton ko hum muddat se,

Seeny me chupa k bethe hain,

Kuch paaye bina kuch khoo dena,

Ye pyar mein hum ne seekha hai,

Suraj mein chand sitaron me,

Har shey me tumhi ko dekha hai,

Dharkan me bhi naghma ban ke,

Sagar ki tarha tum behty ho,

Ye pyar nahi to tum hi kaho,

Phir pyar kise tum kehte ho. 

Ab jo lautey ho itney saaloon mein

Ab jo lautey ho itney saaloon mein

Dhoop utree howi hai baaloon mein

Tum meri aankh kay samunder mein

Tum meri rooh kay ujaaloon mein

Phool hi phool khil uthey mujh mein

Koun aaya meray khayaaloon mein

Mein ney jee bhar k tujh ko daikh liya

Tujh ko uljha k kuch sawaloon mein

Meri khusiyoon ki kainaat bhi tou

Tou hi dukh dard k hawaloon mein

Jab tera doostoon main zikr aaye

Thees uthti hai dil k chaalon mein

Tum sey aabaad hai ye tunhaayii

Tum hi roshan ho ghur k ujaaloon mein

Kya usse yaad aa raha hoon Wasi

Rung ubhrey hain uss kay gaaloon mein

Adhi raat k sannatey mai kis ne phone kia hy mujh ko

Adhi raat k sannatey mai

kis ne phone kia hy mujh ko 

phone utha k youn lagta hy

us janib koi gumsum gumsum ukhra ukhra dheerey dheery kanp raha hy

mehki hui si ik khamoshi hy 

ghup khamoshi

lekin us khamoshi mai bhi goonj rahy hyn

thandi sansen barish ansoo

khamoshi se thak kr us ne sans lia to 

choori khanki

uff ye khan khan sarey badan mai phail gyi hy

tery ilawa koi nahi hy

lekin itney barson baad

TAIRAY FIRAK K LAMHAY SHUMAR KRTAY HUAY

TAIRAY FIRAK K LAMHAY SHUMAR KRTAY HUAY 

BIKHER CHALAY HAIN TAIRA INTEZAAR KRTAY HUAY 

TO MAIN BHI KHUSH HUN KOI US SE JA K KH DAINA 

AGAR WO KHUSH HAI MUJHE BEQARAR KRTAY HUAY 

TUMHAIN KHABAR HI NAHIN HAI K KOI TOOT GAYA 

MAHABATON KO BOHAT PAIDAR KRTAY HUAY 

MAIN MUSKURATA HUA AAINAY MAIN UBHROON GA 

WO RO PRAY GI ACHANAK SINGHAAR KRTAY HUAY 

MUJHAY KHABAR THI K AB LAUT KR NA AAONGA 

SO TUJHKO YAD KIYA DIL PE WAR KRTAY HUAY 

WO KH RAHI THI K SAMANDAR NAHIN HAIN ANKHAIN HAIN 

MAIN UN MAIN DOOB GAYA AITBAAR KRTAY HUAY 

BHANWAR JO MUJH MAIN PRAY HAIN WO MAIN HI JANTA HUN 

TUMHARAY HIJR K DARYA KO PAAR KRTAY HUAY"

Ab jo bichray hain toh ehsaas hua hai hum ko

Ab jo bichray hain toh ehsaas hua hai hum ko 

Dard kya hotah hai tanhai kisay kehtay hain 

Char so gunjti ruswai kisay kehtay hain 

Ab jo bichray ko ehsaas hua hai hum ko 

Koi lamha ho tere yaad mai kho jatay hain 

Ab toh khud ko bhe muyassar nahi aaa patay hain 

Raat ho din ho tere pyar mai hum behtay hain 

Dard kya hotah hai tanhai kisay kehtay hain 

Ab jo bichray hain toh ehsaas hua hai hum ko 

Woh jo ghum aye usay dil pay saha kertey thay 

aik saith hum mil ker raha kertey thay 

Ab akelay he zamanay ke sitam sehtay hain 

Dard kya hotah hai tanhai kisay kehtay hain 

Ab Jo bichray toh ehsaas hua hai hum ko 

Hum Nay khud apni rahon mai bichaye kantay 

Gher mai phoolon ke jagah la ker sajaye kantay 

Zakham iss dil mai basaye howe khud rehtay hain 

Yun toh duniya ki har cheez haseen hoti hai 

Pyar say maghar kuch bhe nahi hoti hai 

Rastah rok kay har aik say yehi kehtay hain 

Ab jo bichray hain toh ehsaas hua hai hum ko 

Dard kya hotah hai tanhai kisay kehtay hain 

Char so gunjti ruswai kisay kehtay hain 

Ab jo bichray ko ehsaas hua hai hum ko 

Yeh kaamyabiyan izzat yeh naam tum se hai

Yeh kaamyabiyan izzat yeh naam tum se hai 

Khuda ne jo bhi diya hai maqam tum se hai 

Tumhare dam se hain mere lahoo mai khilte gulaab 

Mere wujood ka saara nizam tum se hai 

Kahan bisaat-e-jahan aur mai kamsin aur nadaan 

Yeh meri jeet ka sab ahtemam tum se hai 

Jahan jahan hai meri dushmani sabab mai hoon 

Jahan jahan hai mera ahteraam tum se hai 

Raat din sochon may ghaltaan kis liyay rehtay hain hum

Raat din sochon may ghaltaan kis liyay rehtay hain hum,

kia huwa hum ko? paraishan kis liyay rehtay hain hum,

Mehfilon may achay khasay zinda dil mash'hoor tay,

phir ghazal may ithnay giryaan kis liyay rehtay hain hum,

Janay walay kay bahut say qarz lota to diyay,

phir be nadim aur pashaiman kis liyay rehtay hain hum,

Hasdsa kia aysa beeta hay jissay bhoolay nahin,

shama ki soorat farozaan kis liyay rehtay hain hum,

Poochtay hain aksar apnay aap say tanhaye main,

bay sabab sajid ghazal khuwan kis liyay rehtay hain hum

Kachi deewar hoon thokar na lagana mujhko

Kachi deewar hoon thokar na lagana mujhko

Apni nazron mein basa kar na giraana mujhko 

Tumko aankho mein tasavur ki tarah rakhta hoon,

Dil mein dadkan ki tarah tum bhi basana mujhko

Baat karnay mein jo mushkil ho tumhay mehfil mein,

Main samajh jaaonga nazron say bataana mujhko !

Vaada utna hi karo jitna nibha saktay ho,

Khawab poora jo na ho woh na dikhana mujhko !

Apnay rishtay ki nazaakat ka baram rakh lena,

Main to aashiq hoon deewana na banana mujhko !

Kachi deewar hoon thokar na lagana mujko,

Apni nazron mein basa kar na giraana mujhko

main udass rasta hoon sham ka

main udass rasta hoon sham ka

mujhe ahaton ki talash hai

ye sitare hain sub bhuje bhuje

mujhe jugnuon ki talash hai

her khushi hai mujh se khafa khafa

mujhe zindagi ki talash hai

meri pyas mein woh talab nahi

mujhe tashnigi ki talash hai

aik hajoom se hai rawan dawan

mujhe doston ki talash hai

meri zindagi hai bus aik rasta

mujhe manzilon ki talash hai

na jane kiya hai jo kho gaya

mujhe shayed apni talash hai

Haan Yeh Aasan Nahi K Main Khud Ko Tujh Se Juda Karlon

Haan Yeh Aasan Nahi

K Main

Khud Ko Tujh Se Juda Karlon

Per Itna Bhi Mushkil Nahi

Tujh Ko Alwida Kehna

Aansoo Jo Huey Teri Amanat

Lauta Dongi

Woh Yaadein

Wohi Haseen Yaadein

Haan Main Sab Bhula Dongi

Agar Main Chahon??.

Safar Jo Zindagi Ka

Tera Haath Thaam Kar Guzara

Main Ne?.

In Kadmoo Ka

Aik Aik Naksh Mita Dongi

Haan Main Woh Sab Jhutla Dongi??

Main Janti Hon

Meri Rooh Main Basi

Hay Teri Khushboo

Meri Rago Main Hay Dorta

Teri Chahato Ka Laho

Main Na Chahon Bhi Tau

Tujhe Hi Pukarti Hon

Per Main Apne Lafz See Longi

Khud Pe Khamooshi Ka Khol

Charha Longi

Teri Har Umeed Bhuja Dongi

Har Woh Raasta Jo Teri Jaanib Jaata Hay

Badal Don Gi??.

Woh Aashiyana

Jo Hum Tum Ne

Aik Dojay K Liye Banaya Tha

Main Usse Aag Laga Dongi

Main Teri Nazro Se Ohjal Hojaon Gi

Teri Duniya

Se Door Chli Jaon Gi

Agar Na Karsaki Aisa

Khud Pe Bhes Charha K

Ajnabi Ho Jaon Gi???..

Agar Na Karsaki

Aisa??.

Khamooshi Se

Apne Daaman Main Tera Aks Sametay

Zindagi Se Aanchal Chura K

Andhero Main Kho Jaon Gi

Per Kasam Hay

Na Kisi Aur Ki Bano Gi

Na Tere Paas Lauton Gi...........!!!!

Main Bhula Chuka Sabhi Waastey Jo Thay Manzilon Ke Hasool Mein

Main Bhula Chuka Sabhi Waastey Jo Thay Manzilon Ke Hasool Mein

Mairi Manzilon Ke Hasool Mein Teri Rah Aaye To Kya Karoon 

Jo Pukaarta Tha Her Aik Gharri Jo Jurra Tha Dil Say Larri Larri

Koi Shakhs Aisa Ager Kabhi Mujhey Bhool Jaye To Kya Karoon 

Kabhi Saath Tha Jo Ke Doo-ba-Doo Tha Humesha Mairey Hi Ru-ba-Ru

Jo Barrha Raha Tha Qadam Mairey Woh Hi Dagmaga jaye To Kya Karoon 

Woh Charaagh-e-Dar Jo Jala Kabhi Main Bujha Chuka Hoon Magar Kabhi

Ke Bujha Huwa Bhi Diya Ager Maira Ghar Jalaye To Kya Karoon 

Mainey Aks Tak To Mitta Diye Sabhi Aainey Bhi Chupa Diye

Tujhey Daikhta Koi Door Say Mairey Pass Aaye To Kya Karoon

Daikh lo khwaab magar khwaab ka charcha na karo

Daikh lo khwaab magar khwaab ka charcha na karo

Log jal jayange sooraj ki tamanna na karo 

Waqt ka kya hai kisi pal bhi badal sakta hai

Ho sake tum se to tum mujh pe bharosa na karo

Kirchiyan tootay hoye aks ki chubh jayangi

Aur kuch roz abhi aaina dekha na karo 

Ajnabi lagne lage khud tumhain apna wajood

Apne din raat ko itna bhi akela na karo

Khwaab bachhon ke khelonon ki tarah hote hain

Khwaab dekha na karo khwaab dikhaya na karo 

Be khiyali main kabhi ungliyan jal jayaingi

Raakh guzre hoye lamhon ki kuredah na karo

Jahan yaad kay deep jaltay hoon

Jahan yaad kay deep jaltay hoon

Aur sham kay sayee dhaltay hoon

Jab pyar kisi ka yaad aai

Aur zikr kisi kay chaltay hoon

Aankhon main aanso bhar aain

Ashk na tum say ruktay hoon

Tab un logon o yaad karo

Jo pyar tumhi say kartay hoon

Jo tum bin ji na saktay hoon

Aur tum par dil say martay hoon

Cohta sa ik gaon tha jis main

Cohta sa ik gaon tha jis main

diye thy kam aur bohat undhera

bohat shajar thay thory ghar thay

jin ko tha doori nay ghera

itni bari tanhai thi jis main

jagta rehta tha dil mera

bohat qadeem faraq tha jis main

aik mukarar had say agay

soch na sakta tha dil mera

aisi soorat main phir dil ko dehan ata kis Khowab main tera

jag na sakta tha dil mera

raz jo had say bahar main tha

apna ap dekhata kaisy

sapnay ki bhi had thi akhir

sapna agay jata kesy 

Mujhy mitti k ghar bananay ka shauq tha

Mujhy mitti k ghar bananay ka shauq tha

Usay aashyane giranay ka shauq tha

Main khud se rooth jata hu aksar is liye

Mujhy roothay huway log mnanay ka shauq tka

usay wadon ki pasdari pasand na thi

Lekin mujhay waady nibhany ka shauq tha

Main masroof tha tanhayon ki talash mein

Usay logon se milne milanay ka shauq tha

Wo bewafa tha is me hairat ki baat kia hai

Mujhe b bewafa se dil lagany ka shauq tha

Main Darta Hoon! In Aankhon Se Jo Hamari Taraf Uthti Hain

Main Darta Hoon!

In Aankhon Se

Jo Hamari Taraf Uthti Hain

Aur Humein....

Tamasha-e-Nigah Bana Deti Hain

Main Darta Hoon!

Taqdeer k Zalim Jhonkoo Se

Jin Ki Zad Mein MusalSal

Meri Chahtoon Ka

Mery Armanoon Ka

TimTimata Houa Diya Hay

Main Darta Hoon!

Apnay Aap Se

k Kahin BeKhudi Mein

Tery Pakeeza Wajood Se

Lipat Kar

Dunya Ki Najs Nazaroon Mein

Tery Taqaddus Ko

Tamasha-e-Ruswaii Na Bana Doon

Main Darta Hoon!

Faraaq Ki Kaali Ratoon Se

Jin Mein Chaand Sitary Nahi

Faqat Andhery Ka Safar

BeBasi aur BeChaini k Sang-e-Meel Hain

Main Darta Hoon!

Haqeeqat k Safar Se

Jo Dasht Se Zayada KarbNaak

Aur Samandar Se Zayada Gehra Hay

Jahan Pyaas k Jungle

Mayoosi k Saaye

Aur Shayed

Umeed Ki Ik Kali Hay

Jo Kabhi Khilti Hay

Aur Kabhi Murjha Jati Hay

Aey Jaan-e-Tamanna

Main Tumhary Paas Hotay Hoye bhi

Tum Se Door Hoon

Yeh Tark-e-Talluq Nahi,BeWafayii Nahi

Magar Main Majboor Hoon

Kiun k..!

Main Darta Hoon...!!!

yeh waqt bhee kitna zalim hay

yeh waqt bhee kitna zalim hay 

Itnay bars ke doori aur mehjoori kay

afsoon e safr may lipta huwa

ik shakhs achanak aan mila

main usko dekh ker shashder tha

woh mujhse siwa hairaan mila

yeh waqt bhee kitna zalim hay

is hijr may kya kya royae thaay hum

is yaad may kya kya khoye thaay hum

kuch dair to dono chup say rahay

phir ussne kaha, tum kesay hoo?

aur main nay kaha... bus acha hoon

phir ussne kaha yeh itne dinoo k baad ka mila khoob raha

koi purana dost milay tu dilko bhala sa lugta hay

yeh shehar tu bilkul badal gaya,,,, ab chalti hoon

phir main nay kaha,

main shaam samay her roz yahan per ata hoon

jub waqt milay tum ajana

iss waqt mujhe bhee jaldi hay,, ab chalta hoon

yeh waqt bhee kitna zalim hay

Kya Tum Bhi Shaam Ki Dehleez Pe Aas ka Deep jalatay Ho

Kya Tum Bhi ?

Shaam Ki Dehleez Pe

Aas ka Deep jalatay Ho,

Aur

Kisi Aawara Patte ki Aahat Par

Darwaze ki Taraf Bhaage Jatay ho,

Kya Tum Bhi ?

Dard Chupane Ki Koshish krte krte

Aksar Thak se jatay ho

Aur bila Waja muskratay ho

Kya Tum Bhi ?

Neend se pehle palkon per

dhairon khwab sjatay ho

ya phir bister per lait kar 

rote rote so jatay ho

Kya Tum Bhi ?

ankho se ashk mitaao tou kya hasil hoga

ankho se ashk mitaao tou kya hasil hoga

gam-e-zafar kisiko sunao tou kya hasil hoga 

rah gayi kuch kasar mere ilm-e-pyaar mien

bewafa use zaban karu tou kya hasil hoga...

agar un lamho ko bhulane ki koshish karu

tou unke yado ko jalane se kya hasil hoga 

rael ki patri ki tarah juda hi rahenge

phir khwab sajanese kya hasil hoga...

tere har sath mien sath de bhi gayi

tu sath na de tou kya hasil hoga 

dil ki zakhmo se mai kuch likh bhi lu

shayri ke aine se dikha bhi du 

tou kya hasil hoga....

Intezare-e-saba raha barsoon

Intezare-e-saba raha barsoon!

Ek dareecha khula raha barson

Aik din un ka pyar barsa tha 

Aur mai bheegta raha barson

Unki ankhon k jaam yaad rahe

Bin piye b nasha raha barson

tub kahin ja k aik ghazal likhi

Mai use sochta raha barson

Fasle kam na ho sake Faraz

Aamna saamna Raha barson

Bas ye hi gila hai zindagi se

Bas ye hi gila hai zindagi se

Humein kya mila hai zindagi se 

Gamo ki aandhi hai dukh ke saaye hain

Sitam jaane kya kya humne uthaye hain

Bas ye hi gila hai zindagi se

Humein kya mila hai zindagi se

Andhere hi andhere hain roshni nahi hai

Sabko chaand mila mujhe chaandni nahi hai

Bas ye hi gila hai zindagi se

Humein kya mila hai zindagi se

Sabke sangi saathi hain

sab khushi se ji rahein hain

Zehar ye judaai wala

bas hum hi pi rahein hain

Bas ye hi gila hai zindagi se

Humein kya mila hai zindagi se

Har koi has raha

meri aankhoon mein hi paani hai

Meri barbaadiyoon ki

ye jaise koi nishani hai

Bas ye hi gila hai zindagi se

Humein kya mila hai zindagi se

Kitni saada Kitni pyari Kaanch ki choori jesi larki

Kitni saada

Kitni pyari

Kaanch ki choori jesi larki,

College ky ik kamry me bethi,

Jany kya kuch soch rhi thi,

Uska hath kalai par tha,

Or wo kuch kuch khofzada thi,

Ab kia hoga?

Main bhi us k pas hi betha,

Usko ghaur se dekh rha tha,

Menay uska hath pakra,

Aur pyar se pucha,

Kiya Qissa hy?

Uski ankhen bheeg gaen,

Aur wo dheemi si awaz me boli...

Dekho...!!

"Chorri toot gai....!!

Kisi K Liye Zindagi Thi

" Kisi K Liye Zindagi Thi " 

" K0i Zindagi K Liye Tha " 

" Kisi Ki Andher0n Me Guzri " 

" K0i Sirf R0shni K Liye Tha " 

" Kisi Nay Kiye Hukam Sadir " 

" K0i Sirf Bandagi K Liye Tha " 

" Kisi Say M0habbat Hai Itni " 

" K0i Sirf Dushmani K Liye Tha " 

" Kisi Say Huay L0g Sairaab " 

" K0i Sirf Tishnagi K Liye Tha " 

" W0 Phir Dunya Me Tha Masr00f " 

" K0i Sirf Usi K Liye Tha " 

" Hua Kya Agar T0r Dala " 

" Ye DiL Bhi T0 Sirf Usi Ke Liye Tha"

Anmol Ankhon Mein Jo Tahreerain thi

Anmol Ankhon Mein Jo Tahreerain thi

Honton Pe Wo Bol Na Thay

Hum Thay Uss K Payar K Aashiq

Bas Hathon Mein Kashkol Na Thay

Hum Ne Usko Toot K Chaha

Ye Uss Ka Haq Tha

Lakin

Wo B Hum Ko Toot K Chahe

Hum Itne Anmol Na Thay...!

Tum nay apnay pehlay khat main

Tum nay apnay pehlay khat main

apna pehla khawab lihka tha

khwahish ki pehli barish main 

khud ko khilta phool lihka tha

lakin tum nay pehlay khat main

anjanay say khauf main a ker

yai kyon lihka?

khawab adhoray reh jatay hain

khawahish pori kab hoti hay

sari khusboo ur jati hay

phool akhir murjha jatay hain

Waqt-e-dua main ek dua karon

Waqt-e-dua main ek dua karon,

main rab se ek eltija karon,

tu khush rahe,

tu shaad rahe,

teray dil ka angar abaad rahay,

tu har pal yun hi hansa kare,

tu phulon ki manind khila kare,

teri zindagi main koi ghum na ho,

teri aankh kabhi num na ho,

tujhey kisi se koi gila na ho,

koi dukh tujhey mila na ho,

teri rad kabhi dua na ho,

tee lab py koi sada na ho,

tujhey bin mange wo ataa karay,

teri maaf her ek khata karay….!

Sab se chupa ker dard jo wo muskara dia

Sab se chupa ker dard jo wo muskara dia, 

Uski hansi ne tu aaj mujh ko rula dia. 

Lehjay se uth rahi thi har ik dard ki dastan 

Chehra bata raha tha sub kuch ganwa dia, 

Awaz mein thehrao tha ankhon mein nami thi 

Aur keh raha tha k mein ne sab kuch bhula diya, 

Janay kia usko mukh se thein shikayatein 

Tanhaiyon k dais mein khud ko basa dia, 

Khud bhi woh hum say bichar k adhora sa ho gaya 

Muj ko bhi itnay logoon mein tanha bana dia.....

Adhorey khawab k ander Kabhi palkein

Adhorey khawab k ander

Kabhi palkein bichhana mat 

Adhoorey khawab aankhon ko bohat takleef daitey hein 

Adhori yaad ko dil ki ser-zamee-n mein tum nahi bona

Adhori yaad dharkan mein bohat chubti,sissakti hey 

Khalish ban ker khatakti hey 

Lahoo mein bijliyaa-n ban ker bhatakti hey

Adhorey pyaar ko ……… laikin chalo janey do is ko tum

Mohabbat ,pyaar ,chahat hotey hi adhorey hein

Rona To Bahut Chaha Phir Bhi Aansoon Kam Nikle

  

Rona To Bahut Chaha Phir Bhi Aansoon Kam Nikle

Thod Diya Dil Humara Jaane Kyon Woh Bewafa Sanam Nikle

Aaj Rah Rah Kar Satati Hai Humein Un Dino Ki Yaadein

Jab Tumne Is Pyar Mein Mere Dil Se Kiye The Jhoote Vade

Jaane Kyon Na Pahchan Paaya Main Tumhare Irade

Kaise Is Dil Ko Samjhaaon Jisne Sirf Tumhein Hi Chaha

Or Tumhara Hi Intezaar Kiya

Har Dhadkan Mein Apni Mohabbat Ka Ikrar Kiya

Yeh Pyar Tumhara Jo Ban Chuka Tha Mere Jeene Ka Sahara

Aaj Usi Pyaar Ne Kyon Jeena Mushkil Kar Diya Hai Humara

Ab Main Kis Par Eetbaar Karoon Aur Kiska Intezaar Karoon

Yeh Dil To Keheta Hai Ki Ab Kabhi Na Kisi Se Pyaar Karoon

Kabhi Nazar Se Gira Diya Kabhi Dil Mein Basa Diya

Kabhi Nazar Se Gira Diya Kabhi Dil Mein Basa Diya

Mohabbat Mein TUmne Hamein

Kabhi Hasaya Toh Kabhi Rula Diya

Kabhi Pyar Beshumar Kiya Toh

Kabhie Dard Be Inteha Diya

Apni Deewangi Mein Tumne Hamein

Yeh Kis Makaam Par Pahuncha Diya

Kabhi Mausam Mein Bahar Se Mila Diya

Kabhi Sekhra Mein Tanha Kar Diya

Dil Ko Ek Khilona Samajhkar Tumne

Hamein Har Khel Mein Hara Diya

Kabhi Ummeedo Ko Bhada Diya

Kabhi Mayusion Ne Jeena Dushwar Kiya

Phir Bhi Humdum Humne Tumhein

Pyaar Ki Hadh Se Zyada Pyar Diya

Unki chahat ko apni mohabbat bana ke dekh

Unki chahat ko apni mohabbat bana ke dekh

Unki hasi ko apne hoton se muskurakar dekh

Unke ashkon ko apni ankhon se girakar dekh

Unki bechainiyon ke apne dil main basa ker dekh

Ye mohabbat ek hasin tohfa hai ae dost

Kabhi mohabbat ko is tarah bhi nibhakar dekh

Bohat ho chuki mohabbat mein meri ruswai

Ae Khud main wafa kar ke bhi bewafa kehlayi

Ya tu anjam dede meri mohabbat ko tu

Ya hata de hum diwanoo par se apni khudai

Dard kitne hain bata nahin sakti

Zakhm kitne hain dikha nahin sakti

Ankhon se samjh sako tu samjh lo

Ansoon gire hain kitne gina nahin sakti

Ankhoon may kayi sapnay saja kar roye bohot hai hum

Ankhoon may kayi sapnay saja kar roye bohot hai hum.

dil ko nayi dunya dikha kar roye bohot hai hum.

woh badal gaya to pher li hum nay bhi nazar apni.

par us kay khatoon ko jala kar roye bohot hai hum.

laut aye to hain us ki mehfil say bacha kar ana apni.

par us ki bazm say aa kar roye bohot hai hum.

jisay kia tha roshan tamanhaon say hum nay apni.

us shamy wafa ka bhuja kar roye bohot hai hum.

jin kay saye mai ki thin hum nay kayin batain.

un baghoon mai tanha ja kar roye bohot hai hum.

kis qadar khoshi say kia hum dum ko rukhsat hum nay.

magar sab say nazar bacha kar roye bohot hai hum.

hosla tutnay ka ho to wafa karna kisi say .

yeh batain logon ko suna kar roye bohot hai hum.

phir yun hua kay ankhoon nay kayin rat jagay dekhay.

palkoon pay teri yaad bitha kar roye bohot hai hum.

wohi aj mujh say meray dard ki wajah chatha hai.

jis ki batain aoron ko suna kar roye bohot hai hum

taras na jao kaheen manzil-e-wafa ke liye

taras na jao kaheen manzil-e-wafa ke liye,

kisi se pyar na kar bethna khuda ke liye,

tum apni aahon mein asar na pao ge,

wohi hanse ga jise zakham-e-dil dikhao ge,

phir utha sako ge na haath bhi dua ke liye,

kisi se pyar na kar bethna khuda ke liye,

wafa talash na kar in haseenon mein ,

ke dil nahi pathar hain in ke seenon mein,

yeh to sitam ke liye jafa ke liye,

kisi se pyar na kar bethna khuda ke liye,

yeh dunia haseen qatilon ki basti hai,

yahan muhabaton ko zindagi tarasti hai,

sitam hazar saho ge ik aashna ke liye,

kisi se pyar na kar bethna khuda ke liye

Be Naam Musafir Hoon Be Naam Safar Mera

Be Naam Musafir Hoon Be Naam Safar Mera 

Kis Rah Nikal Jaon Kuch Kah Nahi Sakta 

Be Naam Meri Manzil Be Naam Thikana Hay

Kis Dar Pay Main Ruk Jaon. Kuch Keh Nahi Sakta

Iss Paar To Roshan Hay Sara Mera Rasta 

Us Paar Andhera Ho Kuch Keh Nahi Sakta 

Tinky Ki Tarah Main Bhi Beh Jaon Samandar Main

Mil Jaye Ga Kinara Kuch Keh Nahi Sakta 

Mil Jaye Gi Tabeer Mery Khawaboon K i Aik Din

Ya Khawab Bikhar Jayen Kuch Keh Nahi Sakta

Hum apni Deewangi se jaane jaate hain

Hum apni Deewangi se jaane jaate hain

Wo apni Be-Rukhi se pehchaane jaate hain 

Roz miltey hai lekin, kuch Kehte Sunte nahi

Mere saamne wo Meri Dharkan barhaane aate hain 

Shab-Bhar Intzaar mai Hum Taare dekha karte hai

Sawera hone se pehle wo chand bujhane aate hain 

Bas Ek Nazar ke liye Hum Din-Bhar taraste hain

Wo Shaam ko Gamlon ko Paani pilaane aate hain 

Mere is Haalat pe Hansana nahi MUSAFIR Tuu

Ishq mai sab ke Saamne aise Zamaane aate hain

Baad barson k yeh raaz khula hai hum pay

Baad barson k yeh raaz khula hai hum pay

wo khawab tha jisy hum ny haqeeqat samjha

diya to zihr tha peeny ko magar yaro 

dil-e-nadan ny esy piyaar ka amrat samjha

torra aaina dil ka barri bedardi sy

ous zalim ny jisy khuloos ka paikar samjha

mai kya kroon k tera saath zindgi mein nahi

mai kya kroon k tu mujh ko bewafa samjha

rakhy thay phool amanat magar mily kaanty 

hum ny es ko bhi qudrat ke raza samjha

Dil mein ek koahish hai jo sirf tum sey wabasta hai

Dil mein ek koahish hai jo sirf tum sey wabasta hai

aaj us koahish ka izhar kerna chahti hoon

jahan jahan tum chalo,tu apnay anchal ko

tumharay qadmoon mein phailana chahti hoon

tumharay her ghum ke kantay ko apni,

palkoon sey uthana chahti hoon

jo kabhi aay tumhari rahoon mein andheera tu,

khud dia ban ker jalna chahti hoon

jo lay tumharay hontoon per khushi,

woh muskurahat ban na chahti hoon

dil mein ek koahish hai jo sirf tum se wabasta hai,

aaj us koahish ka izhar kerna chahti hoon

jo saansain tum laitay ho ,un saanson mein bass ker

tumhari mehak banana chahti hoon

jo khowab tum dekho, tu uss khowab ki haqeeqat ban ker

tumhari her koahish pori kerna chahti hoon

jo aay tumhari rah mein kabhi dhoop tu,

uss dhoop mein tumhari chaon ban ker bikharna chahti hoon

jo rahay hamesha tumharay saath ,

woh saaya ban ker chalna chahti hoon

khuch tu kaho mujh sey bas ek bar,

sirf or sirf tumhari ban ker zinda rehna chahti hoon

Har Tamashaee Faqt Sahil Se Manzar Dekhta

Har Tamashaee Faqt Sahil Se Manzar Dekhta 

Kon Darya Ko Ulat'ta , Kon Gohar Dekhta ....

Wo To Dunya Ko Meri Dewangi Khush Aagaee

Tere Haath Mein Wagarna Pehla Pathar Dekhta.

Doobnay Wala Tha Aur Sahil Peh Chehro Ka Hujoom

Pal Ki Muhlat Thi Mein Kis Ko Ankh Bhar Kay Dekhta .

Too Bhi Dil Ko Khoon Ki Ik Boond Samjha Hai Faraz

Ankh Gar Hoti To Qatray Mea Samandar Dekhta

Ek jaisee lagtee hai CHURIYAN aur LARKIYAN

Ek jaisee lagtee hai CHURIYAN aur LARKIYAN

toot ti hai aur hastee hai CHURIYAN aur LARKIYAN

naz ki intiha hai ek zara see thais se

toot kar bikharti hai CHURIYAN aur LARKIYAN

zindagi kee dharkano ko ek ridham sa deti hai

zeest ko sajatee hai CHURIYAN aur LARKIYAN

piyar kee rutoo par bhee kia nikhar ata hai

be waja khanaktee hai CHURIYAN aur LARKIYAN

apne dukhoo ko dil ke sath rakh kar bhool jati hai

kisqadar chamakti hai CHURIYAN aur LARKIYAN