Ab jo lautey ho itney saaloon mein
Dhoop utree howi hai baaloon mein
Tum meri aankh kay samunder mein
Tum meri rooh kay ujaaloon mein
Phool hi phool khil uthey mujh mein
Koun aaya meray khayaaloon mein
Mein ney jee bhar k tujh ko daikh liya
Tujh ko uljha k kuch sawaloon mein
Meri khusiyoon ki kainaat bhi tou
Tou hi dukh dard k hawaloon mein
Jab tera doostoon main zikr aaye
Thees uthti hai dil k chaalon mein
Tum sey aabaad hai ye tunhaayii
Tum hi roshan ho ghur k ujaaloon mein
Kya usse yaad aa raha hoon Wasi
Rung ubhrey hain uss kay gaaloon mein
No comments:
Post a Comment