Sunday, October 9, 2011

Janey kiyun wo bheer mein tanha lagta hai


Janey kiyun wo bheer mein tanha lagta hai
Jaise dasht may koi ghulab tanha khilta hai

Uski ghazlon ka unwaan hamesha firaaq hota hai
Phir bhi wo hurf vasl bar-haa likhta hai

Taqseem jab bhi hoti hai zaat meri tukroon may
Wo bhaut inhimak se bhikharne ki sada sunta hai

Jab bhi kisi dewane per waar kartey hain ahl-e-shehar
Sub teer wo apney seenay pe tanha sehta hai

Ab bhi wo sahil pe khada lehroon ko hasrat se taka karta hai
Janey kiyun wo samandar ko piyaasa likhta hai

Suna hai wo shehar mein aaya hai


Suna hai wo shehar may ayea hai
Suna hai wo saath wafa layea hai
Suna hai wo phool sung apne chand murjhaye layea hai
Suna hai wo askh bhari muskrahtain bhi layea hai
Uss se kaho
Yahan koi kheridar nahi
Yahan koi beqarar nahi
Yahan koi soguwar nahi
Uss se kaho
Lout jaye
Key
Ye shehar-e-khamooshan hai
Yahan sub basi khamosh hain
Yahan koi dard nahi koi chubhan nahi
Yahan bus meethi neend sotey hain
Teray chahney waley
Ab nahi rootey hain
Ab nahi rotey hain



_________________

Hum ne yun raat key phelu may yaadon ko sajaye rakha hai


Hum ne yun raat key phelu may yaadon ko sajaye rakha hai
Goya key wosaat-e-aasman may sitaron ko sajaye rakha hai

Wo hum se pochtain hain hamari muhabbat ka peymana
Hum ne tu lamhon may sadiyun ko sajaye rakha hai

Zindagi se kia gilla kia shikayet kartey jaanan
Bus lub si kr hum ne zakhmon ko chupaye rakha hai

Faqt tujh se hi nahi apne har dard se muhabbat ki hai
Ye taqaza-e-ishq hai key dard ke sub hawalon ko sajaye rakha hai

Log kaise jee letay hain bewafa hokar Qais
Hum ne tu dil key surkh lahoo hoti zameen ko wafaon se sajaye rakha hai

Meray zakham bhaut piyare hain


Meray zakham bhaut piyare hain mujh ko jaanan
Kiyun key
Ye atta hai teray
Ju faqt aakhri soghat hain
Teri ulffat may jo millay
Mai seenchta hon inhe apne lahoo se
Aur
Sajata hon inhey ghulaboon se
Bacha kr rakhta hoon inhe tapti hawaoon se
Ke
Jab tu loutey
Tu paish kar sakon
Teray agay key aakhir ye teri atta hain
jaanan

Raaton ko uth kr neer bahana acha nahi


Raaton ko uth kr neer bahana acha nahi
Aankhon ko sitaron se sajana acha nahi

Waqt ka pheyha kabhi rukta nahi
Kisi ke lout aney ki umeed lgana acha nahi

Ye pathron ka shehar hai naadan
Yahan aayina dekhana acha nahi

Zulmaton may basney waley kab taaib hotey hain
Noor ki yahan shama jalana acha nahi

Aajiz rahoon ke chalan wo kia janey
Garoor inkey matti may millana acha nahi

Kuch dair ko tehro chand nikalney ko hai


Kuch dair ko tehro chand nikalney ko hai
Shab-e-aakhir ka ye haseen pal guzrney ko hai

Taarey bhi rat-jaga manatey hain anjuman may meri
Kuch dair may ye rounaq-e-mehfil bhi harjai honey ko hai

Raat ka aanchal oorhey koi khanakti hansi phr gonji hai
Lagta hai jism-o-jaan ka rabt tootney ko hai

Mai nikal ayea hon bhaut dor yunhi besabab chalet chalet
Dor nazar may kaheen chiragh-e-sehar bhujnay ko hai

Sabab mujhey maalom nahe dharkan-e-dil kay beqaboo honey ka
Barsoon bad phr se wohi misl-e-bd-e-saba khawabon se guzrnay ko hai

Bheeg kar barsat ke pani may sham roti hai


Bheeg kar barsat ke pani may sham roti hai
Utar kar aangan may meray sham roti hai

Aik bar chand ko usney tanhai ka ehsas dillaya tha
Us roz se chandni meray dar-o-bam roti hai

Laboon ki janbhish pe jab naam mera ajaye
Wo ashkon key sub mooti meray naam proti hai

Rait pe sahil ke wo tasveer bnati hai
Phr lar kr lehroon se saveray sham roti hai

Aankhon may saja kar wo kitney hi sapney aati hai
Bholi itni hai key taabeerain sub unki meray naam karti hai

Jab jab teri rah dekhi


Jab jab teri rah dekhi
Jab jab tujhe tallasha
Jab jab teri sada ko pukara
Lout kr har nazr har sada har tallash
Meray ujray aangan may misl-e-khak
Bhikhar gaye
Aur
Faqt itna kaha
Tera mehboob aasman ki wusaaton may nahi
Zameen ki pataal gehraiyun may nahi
Shabnam ke oos qatron may nahi
Sagar kay motiyun may nahi
Haan
Wo tujhe miley ga
Fajar ki thandi hawa may
Asr ke dhaltey sooraj may
Shab-e-aakhir key chiragh-e-sehar may
Chaand ki chaandni may
Sawan ki pheli boond may
Wo milay ga tujhe teri apni nighaon may

Sabr key daman tar tar houay


Sabr key daman tar tar houay
Jo zulm teray ahl-e-watan bar bar houay

Zameen kaanp uthi aasman tarap gaya
Watan ki galiyun may baha jo lahoo tu insan zar zar rouay

Rab-e-kaaba ko sajda karna jurm tehra yahan
Shehar-e-butparston may but-shikan aye ahl-e-watan khar khar souye

Yun loota hai asbab rafiqoon nay yahan
Ke iss harkat-e-hevaniyat pe naadim dushman bhi zar zar rouye

Wo din bhi ata hai jub khon-e-maqtool pukarey ga Qais
Tu laakh apne hath lahoo se rangeen bar bar dohaye

Jab raat key daman mein siskiyean tarapti hain


Jab raat key daman mein siskiyean tarapti hain
Tub hinaie haathon may choriyan bhikharti hain

Shajr ghulabon key chamman may tarsaan hain
Hathon ka sonapun dekh kr kaliyan tarasti hain

Daman may uskey hain wafa ke moti bikhrey se
Qismat ki rekhaon may sadiyan sisakti hain

Sham key sayaon may khud ka saya bhi tanha sa lagta hai
Logon ke melay may aakhyian barasti hain

Benam se khat chand sookhey ghulab aur tasveer-e-jaanan
Dil kit apish may adohri muhabbat ki chand nishaniyan jalti hain

Zakhm-e-ulffat key sub nishan tamghey hain
Rah-e-wafa may mil jayen tu ahl-e-dard ki chahtiyan damakti hain

Sir se paa tak wo noor ka haala hai Qais
Choohna chahaon bhi tu hatheliyan jalti hain

Aye meharban hawa Kiyun chalti hai itna taiz


Aye meharban hawa
Kiyun chalti hai itna taiz
Aik piyaam bheeja hai sanam ke naam
Kaheen gum na ho jaye teri taizi se
Tham tham kr chal
Ke piyam hai piyam-e-vasl
Na poohancha tu hijr ki ye lambi raat
Aur gehri ho jaye gi
Phr
Na jane
Kab vasl ke mousam ayen ge
Kab shab-e-hijr ki saveer ho gi
Aye meharban hawa
Zara tham tham kr chal
Ke vasl ka har lamha
Tujhe duayen de ga
Teri madaah sarai mein aik umr guzar de ga

Hiyat-e-faani ke sood-o-ziyaan sub bhool chukka hoon main


Hiyat-e-faani ke sood-o-ziyaan sub bhool chukka hoon main
Jo bhi paya tha wo sub bhool chukka hoon main

Rabt hai mujhko aik dard-e-musalsal se logo
Shab-e-hijraan ke taarek lamhon may bhaut roo chuka hoon main

Kaanton ke bister per aik umr guzari hai
Awaz mat dena ab oorh kr phoolon ki chard soo chuka hoon main


Sabab ujarney ka sar-e-rah pooch liyea uss ney
Mousam sub khizaon ke utaar key andar unka ho chukka hoon main

Sanbhal rakhain hain kuch adhore se khawab aur kuch tarsti neendain
Ab lout kr mat ana shehar-e-khamoshan ka basi ho chukka hoon main

Rasm-e-muhabbat hai sub mutta lutta dena


Rasm-e-muhabbat hai sub mutta lutta dena
Taqaza-e-ishq hai sir tasleem-e-khum katta dena

Gr tammana ho duniya ke andheray mittaney ki
Pao jo khud ko be-bus tu dar-o-baam jala dena

Jin se khadsha ho nassheman ki barbadi ka
Un chiraghon ko sar-e-sham bhuja dena

Jo dagh-e-mufarqat dekr ja basain shehar-e-khamoshan may hum
Tum bhi bator-e-saza katbay pe likha naam mitta dena

Wazahtain mangney araha hai wo jo bawafa tha kabhi Qais
Muskra key milna tum hijr ki har zakhmi sham chuppa dena

Aik shakhs mousam-e-khizaan may khilay ghulab sa hai


Aik shakhs mousam-e-khizaan may khilay ghulab sa hai
Wo kuch un-khey sawaloon kay jawab sa hai

Samait lena bhikrey houay sherazey ko tum
Ke hurf hurf kitab-e-ishq ka nayab sa hai

Badley houay lehjey badley houay atwar ki wazahat zarori tu nahi
Mousamon ka yaksaan rehna bhi tu azaab sa hai

Be-noor ujaloon ne bhi aankhain kheera kar dalein
Wo chaand aasman ka tu mehaz saraab sa hai

Hum tu qafs-e-muhabbat ke aarzomand rahey Qais
Mili jo rehai tu pal pal attaab sa hai

Raat ajab aik sapna dekha Ghumzada koi apna dekha


Raat ajab aik sapna dekha
Ghumzada koi apna dekha

Tanha akela betha tha logon ki bheer may
Lub khamoosh mgr neer bahana dekha

Aankhon may udaasi liye bus magan tha
Per dharkan-e-dil ka karhana dekha

Jo khud roonaq-e-chamman raha baharon may
Aaj titiliyun ka bhi usay satana dekha

Toot kr bikhar jayen aisi chott kahai thi usney
Dard key hajoom may bhi uska muskrana dekha

Lout ayea wo harjai jb ho chuki sham zindagi ki
Khali hath tehi daman us ka phelana dekha

Zakhmon se choor tha dekh kar hal mehboob ka
Pachtawey ki aag may jalta na aisa dewana dekha

Dil passeej jata shayed us mehboob-e-harjai ka
Per guzrey barsoon ka hisaab mangna dekha

Ye sapna tha haqiqat thi ya dard may doba waqt tha
Subah ki thandi sabaa may khud ka neer bahana dekha



_________________

Aiyan hokar bhi hijaboon mein rahey


Aiyan hokar bhi hijaboon may rahey
Zuban thi magr bezubanoon may rahey

Ajab asol hain ahl-e-dard ke yahan
Zakham kah kr bhi muskrahaton may rahey

Dhondney waley sagar ki teh se motti nikal laye
Khouf-e-aab isqadr ghalib tha ke hum kinaroon may rahey

Do gaam chaltey tu kamraani qadam choom leti
Kuch log mehv-e-khawab thay soo khawaboon may rahey

Taj-o-takht qadmon may padey muntizr thay aik nazr-e-iniyat ke
Hum sadaa kay darwaish thay so faqiroon may rahey

Log tu gunah bhi sajatey hain seenon pe tamghon ki tarah
Hum se hoi lamhe ki laghsish tu barsoon sazaon may rahey

Fursat milti tu mita letay tehreer-e-hijr loh-e-taqdeer se
Aalm-e-be-khudi may bus guzrey chand anmol lamhon ki yaadon may rahey



_________________

Bagh-e-muhabbat mein aaj bhi wafa roti hai


Bagh-e-muhabbat mein aaj bhi wafa roti hai
Ab raat pheley se barh kr siyaah hoti hai

Ye raat ke sannatey may kaisi siskiyan sunai deti hain
Lagta hai takiye pe sir rakh kr koi be-zubaan sadaa roti hai

Chaloo aankh moond kr sojatey hain uske saya-e-zulf may
Suna hai neend wahan oorh kr haseen rida soti hai

Bin piye hi madhoshi chahai rehti hai aksr
Jab bhi uske shehar se aakr bad-e-sabaa chooti hai

Uske chehray ke rang badal jatey hain yakdum
Sar-e-mehfil jab bhi majrooh uski anna hoti hai

Rukhsar pe pheli qos-o-qazah ka nazara kartey


Rukhsar pe pheli qos-o-qazah ka nazara kartey
Bana kr naya aasman tujh ko sitara kartey

Husn-e-mahtaab per tu likh rakhein hain kitabain bhaut
Sub adab sub devaan dharey reh jatey gr tera nazara kartey

Ye loh-e-dil pe likhi taqder badal jati
Gr ashk teray koi ishara kartey

Ishq may teray junoon isqadr ghalib raha
Phr ahl-e-duneya se kiyun na kinara kartey

Doob jatey toofan-e-sagar may muskaratey houay
Ay saahil pe khade naazir tujh ko na koi ishara kartey

Humain tu dukh bhi itney aziz rahe ta-umr
Kisi zulf-e-meh-jabeen ki tarah inhey sanwara kartey

Shab-e-tanhai may diya bujh jata hai jb jaanan
Beqara ho kr bekhudi may tujh ko hi pukara kartey

Faslay aisey bhi hon gay Yun na hogey tum uss kinarey pe


Faslay aisey bhi hon gay
Yun na hogey tum uss kinarey pe
Yun chand chupa badloon may hoga
Yun rah-e-wafa may tanha hum reh jayen ge
Kabhi socha na tha
Kabhi chaha na tha
Kabhi manga na tha
Ye anjam-e-ulffat
Yun rait pe tera naam likh kr
Hawaon se adawat kar dalian ge
K
Piyam bhajain ge tujhe
Aur lout aye ga rah se
Mana ke tu dor hai bhaut
Phr bhi kalaam roz tujh se hota hai
Per jaanan fasley aise bhi hon ge
Kabhi socha na tha
Kabhi socha na tha
Kabhi socha na tha…………….



_________________

Darmiyan mein kaie sehra haiyal ho gaye


Darmiyan mein kaie sehra haiyal ho gaye
Mizaaj banjaara tha so hum bhi mayial ho gaye

Sar-e-maqtal dekh kr wo heraan hain bhaut hamian
Khud apni wafaon ki saza key saiyal ho gaye

Pehli baarish may maangi thi dua kehkashaon ki
Nangey paaon ab chaltey sangrezon pe ghaiyal ho gaye

Detay kia tumhain lafzon ki soghaat
Sakhi itne thay ke khud saiyal ho gaye

Sazaaon me kami tu shayed ho jati jaanan
Dukh may lazat itni thi ke khud hi haiyal ho gaye

Rah mein kaie moor hain sanbhal kar chalna


Rah mein kaie moor hain sanbhal kar chalna
Jo pao rasta unjaana sanbhal kr chalna

Yahan muskrahaton may chupey hain teer-o-khanjr
Bnana jo tum kisi ko aashna sanbhal kr milna

Yahan awazon pe pehrain hain har soo
Jo dil ki baat chaho kehna sunbhal kr boolna

Qaasid phir aaj sandeesa laya hai harjai ka
Lifafa ashkon se hai mehakta sunbhal kr kholna

Ab nahi paata khud may jeevan ki koi ramq baqi jan-e-Qais
Ab ke jo rooth kr ho chalna sanbhal kar chalna

Kabhi tum meray maqsood they Kabhi tum meray gharoor they


Kabhi tum meray maqsood they
Kabhi tum meray gharoor they
Kabhi tum meray mehboob they
Wo waqt guzr gaya
Charha darya bhi utar gaya
Wo jo deep teray naam ke jale they
Bhujh gaye
Wo jo hawa me mehak teri chahat ki thi
Badal gaye wo bhi maanind-e-simt-e-hawa
Tum tu ruk gaye they rah may
Hum gubar-e-rah me koh gaye
Tum ko wafa raas na ayi
Hum jafa bhi hans ke seh gaye
Tum ne palat ke bhi nahi dekha waqt-e-rukhsat
Hum ne tu apni aankhain hi rakh di thein wahan
Jahan teray aanchal ne unhain choha tha
Aye ba-wafa
Kabhi jo paltna tu dihyan rakhna
Rah me wo aankhain bichi hongi
Teri aik deed ko tarasti hoi beqarar aankhain



_________________

Sooch ke safr may nikley Kal shab hum apni justujo may nikley


Sooch ke safr may nikley
Kal shab hum apni justujo may nikley
Bhaut door talak gubar hi gubar tha
Koi bhi nishan koi chehra saaf na tha
Bus aankh may nami aur laboon pe muskan thi
Tujhey jaanan talash kia kartey
Hum tu khud hi gumshuda they
Anjani rahon ke musafir tehray they
Anjaam tu ye hona hi tha
Sooch ke safr may kitney karbnak unwaan nikley
Sub hi teri zaat-e-bemisaal se munsoob nikley
Ab tu loutna bhi mahaal tha
Sooch ke is safr may faqt sood-o-ziyaan hi tha

Zubaan chup thi magr lafz boltey rehay


Zubaan chup thi magr lafz boltey rehay
Yaad ke dareechon se kaie unwaan boltey rehay

Umr-e-rawaan tu tehri ghaflaton ki kitab
Zindagi ki sham may amaalon ke mezaan boltey rehay

Bikhar gaye nasheman ke tinkey hawaon may apne
Khade tanha usay smatney ke samaan soochtey rehay

Yaadon ki rah guzr par gubar-e-kaarwan raha
Hum udasiyun me manziloon ke nishan khojtey rehay

Silsilay wafaon ke ajeeb tarz ke thay Qais
Jinhe maqsod-e-hiyat jana wohi fana ke unwaan nikaltey rehay

Chand ne pocha mujh se


Chand ne pocha mujh se
Sabab meri udasiyun ka
Mai muskra diya
Aur
Faqt itna kaha
Mera chand koh gayea hai
Wo bola
Kia tera chand bhaut haseen hai
Jo tu yun ghamgeen hai
Do askh hatheli pe meray giray
Aur
Wo baadlon may chup gayea
Sabab udasiyun ka wo kia janey
Meray chand ka aks meray ashkon may dekha
Tu
Wo sharma kr badloon ki oot may ja betha

Usney aik din poocha Muhabbat mein jafa kiyun milti hai


Usney aik din poocha
Muhabbat may jafa kiyun milti hai
Kisi ki chahat may saza kiyun milti hai
Ulffat may dukhoon ki ridda kiyun milti hai
Mai muskra diya
Aur uski jheel si
Aankhon may dekh kr sirf itna kaha
Be-wafai ki zameen pe wafa nahi palti
Sehraa ki rait may saawan ki mehak nahi milti
Aur phr wo chup hogaye
Shayed usay meray ashkon may apna aks dekhai diya

Abhi tu aghaz-e-safr tha


Abhi tu aghaz-e-safr tha
Abhi tu bahar ka phela gulaab khilla tha
Abhi tu sawan ki pheli boond barsi thi
Abhi tu diyeoon may roshni baqi thi
Abhi tu khawab palkoon pe tehray thay
Abhi tu neendain kachi thien
Abhi tu ehad-o-pemaan honey baqi thay
Abhi tu roothna manana baqi tha
Abhi tu dharkanain be-tarteeb thien
Phr
Tum kahan tehar gaye jaanan
Tum kia tehray
Tehar gaye waqt kay sub lamhat
Tehar gaye meray aansu aankhon may
Tehar gaye raaton kay awara tarey
Tehar gaye sub behr-o-bar
Per jaanan
Tum kahan tehar gaye
Tum kahan tehar gaye

Saturday, October 8, 2011

kaheen tot-ta taara aasman pe jo kabhi tum dekho


kaheen tot-ta taara aasman pe jo kabhi tum dekho
aankhon se meri rawani-e-daryea-e-ashk kabhi tum dekho

bakhshain hain jo tu ne zakham-e-ulfat mujhey
buntey houay naasor-e-jan sabhi tum dakho

ghum-e-hijraan ke dard ka aalam kiyun kar ho biyaan
kisi zakhmi taiyer ka tarpna kabhi tum dekho

waqt-e-kalaam munh se uskay phool jhartey hain
laboon ki janbish pe hotey raqs-e-tabussam kabhi tum dekho

silsilaa zaat-e-Qais ki dharkanon ka qaim hai kaise
palkoon ka uski girna aur uthna kabhi tum dekho

Gayi rutoon key kuch khawab sunbhal rakhna


Gayi rutoon key kuch khawab sunbhal rakhna
Sard shaamon key chand azaab sunbhal rakhna

Muhabbt may rawa rakhay hain tu ne sada asol-e-tijarat
Aye jaan-e-wafa sood-o-ziyan kay wo sub hisaab sunbhal rakhna

Teri chahat may ta-umr shair kehtay rehay
Ab ghazal ki wo mehakti kitab sunbhal rakhna

Tareeq-e-wafa kay sub asloob aik shab-e-vasl nay sikha diye
Ulfat kay wo sub nisaab sunbhal rakhna

Dastaan-e-safar jo usay suna suna kay roye hum Qais
Sisaktey hurfoon ki wo sisakti kitaab sunbhal rakhna

Fasloon ko manzil se shikwa kiyun hai


Fasloon ko manzil se shikwa kiyun hai
Tawaalt-e-safr ko musaafir se shikwa kiyun hai

Zameen bhi simmat jati gr tu do gaam chalta
Sehar-e-husn may kohney waley saahir se shikwa kiyun hai

Daagh chaand may jo dekha tu tanha tarapta choor ayea
Aye aashiq-e-baatin tujhey zaahir se shikwa kiyun hai

Dar-e-maqtal lagzish teray qadmoon ki tujhey ruswa kr gaye
Jab tehri rasm mar kay amr hona tu jaabir se shikwa kiyun hai

Uss nay jab dil-e-naashad ko thokar may udaa diya Qais
Iss aday-e-be-niyazi pe uss haseen saahir se shikwa kiyun hai

Kabhi gulaab wo kitaboon may rakhti thi


Kabhi gulaab wo kitaboon may rakhti thi
Kahtoon ke meray jawab kitaboon may rakhti thi

Zamaana shanaas thi wo bhaut
Har qadam phoonk kar rahoon may rakhti thi

Chehra shanaasi may kaml maharat hasil thi usay
Sadaa hi bhaut sawal nighaoon may rakhti thi

Usay aitmad tha bhaut apni taqdeer per
Roshan diye aksr toofani hawaoon may rakhti thi

Sagar ki bhiparti lehroon se usay ishq tha bhaut
Issi zoum may naam mera paaniyun pe likhti thi

Usay shayed baharon se adawat thi bhaut
Wafaoon ka naam zard patton pe likhti thi

Wo jo Milan rut may dagh-e-judai de gaye
Suna hai hijr ki shab wo aansoon se roti thi

Ab kay bars saawan ko sulagtey dekha hai


Ab kay bars saawan ko sulagtey dekha hai
Dasht ki sookhi piyaas may aab ko sulagtey dekha hai

Uss roz se ankh ne meri neend se dushmani kar dali
Jis shab se teri palkoon pe khawab ko jaltey dekha hai

Paani pe wo likhta raha dil-e-nashad ka fasaana
Hum ne tu kitab-e-ishq kay har baab ko jaltey dekha hai

Mansob har qissa jafaoon ka mujh se kr detay hain tere shehar kay log
Shayed kisi ne teri wafaoon ki kitab ko sulagtey dekha hai

Yaad key anokhey jugnu tawaaf krtey hain shajr-e-be-saya ka
Yaadon key uffaq pe mahtaab ko sulagtey dekha hai

Kali qaba mein lipta uska haseen wajood


Kali qaba mein lipta uska haseen wajood
Tarpa jaye khilti kaliyun ko bhi
Chaandni jo bhikarti hai teri galiyun may
Sharma jaye hai tera haseen mukh dekh kar
Per
Jaanan!
Dil-e-sharminda naadim hai teri wafaoon pay
Jo rang badl gayen mosam ki tarah
Ab
Aag barsati hai teri haseen muskaan
Shoulay ugalti hain teri haseen jheel si aankhain
Pathar barstay hain lafzon ki surat terey gulaab pankriyun se laboon se

Wafaa dhoondne walo Kabhi sehraa ki rait chahni hai


Wafaa dhoondne walo
Kabhi sehraa ki rait chahni hai
Kabhi sagar ki lehroon ko ginna hai
Kabhi aasman key taaron ko shumar kiyea hai
Nahi
Tu
Jaan lo wafa nahi milti
Zidagi se
Sanam ki zulfoon se
Wafa milti hai
Tu
Sirf aur sirf
Dhalti shaam se
Utartey samandar se
Gheri chahti taareki-e-shab se
Dil may sulagti aatish-e-ishq se
Aur
Wafe milti hai
Rah-e-adum pe
Tu
Aye mutalashi-e-wafa
Chal oorh lay matti ki chaader
Aur gum hoja amr hoti wafaoon may



_________________

Yaad ke unjaan jazeroon se Kaisi ye sadaa aa rahi hai


Yaad ke unjaan jazeroon se
Kaisi ye sadaa arahi hai
Sadaa hai ya bazghast hai
Guzrey kisi toofan ki
Ya
Sadaa hai betay kisi gulaab lamhon ki
Kia hai ye kaisa hai mouamaa
Aye jane-e-jaanan
Lout aa us unjaan jazeeray se
Aur sadaaon ko apni mushoor awaz
Se amar kardey
Lout aa jaanan
Kay
Saahil pey aik musafir muntazir khada hai
Sadiyuon se
Kaie rat-jagon se
Lout aa kay uski piyaas bujhey
Teri deed se
Teray wajood ki mehak se
Teri aik nazr-e-qaatil se
Lout aa us yaad key unjaan jazeeron se
Lout aa



_________________

aye jaan-e-wafa aaj sharminda hai wafaiyein bhi tujh se


aye jaan-e-wafa
aaj sharminda hai wafaiyein bhi tujh se
naraaz hain jafayen bhi tujh se
sub behr-o-bar keh rahain hain
kia kiyea tu ne
aik dil toor diyea nazuk sa
kaanch ki tara ka sa tha
moom ki tara pighal gayea
sirf
teri
aik nazr-e-berukhi se
ab bachien hain
kuch khatayen kuch sazayen
chalo jaanan
apne apne hisay ki
sazayen chun lain
kuch un-cahai wafaon ki tammana may
chalo jaanan



_________________

Bey-naam se jazboon ko kia naam atta karon


Bey-naam se jazboon ko kia naam atta karon
Duhaan hote chehron ko kia naam atta karon

Aab-e-jharne ki mannind hain wafain uski
Chalo bheegtey patharon ko kalaam atta karon

Wosat-e-sehraa key bhataktey musafir lout ayen hain jaanan
Shab-e-dard key inn piyasoon ko jam atta karon

Shehar-e-muhabbat may jafaoon ka nazul-e-ballaa hai
Taarikie may chupay ujaalon ko piyaam atta karon

Qafs-e-hijr may machalti hain khawhishain vasl ki kaie
Kaisey aye jaan-e-Qais inn diyeoon ko shaam atta karon

Kabhi lamhoon ki ghulam ghardishon se niklo tu dekhna


Kabhi lamhoon ki ghulam ghardishon se niklo tu dekhna
Kabhi aanhkon ki madhoshiyun se nikalo tu dekhna

Wo sagar kinarey bethay do ajnabiyun se kehnaa
Khud ki sarghoshiyun se niklo tu dekhna

Wo chandni raaton may tera aanchal lehraa kr hansnaa
Un hawaoon ki sarmastiyun se niklo tu dekhna

Teri muskaan ka ashkoon se ajab Milan aasman ne jheela hai
Aye zameen-e-dil aanson key paaniyun se niklo tu dekhna

Wo aaj bhi shajr-e-bekaraan se lipat kr misl-e-qais roota hai
Aye hum-nasheen kabhi samey ki gardishoon se niklo tu dekhna

Jab bhi kaheen muskrahatain girti dekho


Jab bhi kaheen muskrahatain girti dekho
Aangan may meray shikasta devareen girti dekho

Aansoon se labraiz teri khamosh palkain dastaan hain ghum-e-ishq ki
Aaiyena bana kar meri aankhon ko udaas shaamain utarti dekho

Ab kis baat ka hai dukh kis baat pe pachtawaa jaanan
Ab kay saawan may bin boondon ki baarishain barasti dekho

Aaghaz-e-safar-e-vasl may kabhi tanha choor gaye thay tum
Dar-o-baam pe meray ab qadmoon ki be-awaaz aahatain tarsti dekho

Yadoon kay jazeroon pe aksr toofan bapaa rehtay hain
Nasheman pe meray ab tum saatain girti dekho

Aankhon kay badltey rang mein dekhta raha


Aankhon kay badltey rang mein dekhta raha
Door jatey qadmoon key nishan mai dekhta raha

Haath churaa kar wo ye boli vasl muhabat ki takmeel nahe
Lafz bantey teer lub hotey kamaan mai dekhta raha

Saahil ki rait pe betha tasveer-e-jaanan bana raha tha
Toofan aye aur usay mit-ta mai dekhta raha

Raat key pichley pehar roz pukara karta tha tujhey
Sadaoon ko nakaam-o-namuraad lout-ta mai dekhta raha

Gham-e-hijr bukhsh kr jis pal lout gaye they
Sagar ke uss kinarey mouj ko hansta mai dekhta raha

Uss raat ke dard ka aalam kia btayen tum ko
Chandni ko chup chaand ko jalta mai dekhta raha

Ay jaan-e-Qais aa dekh kaise roshan hai teray naam ka diya
Khud ko khud me pal pal pighalta mai dekhta raha



_________________

Yun tu rahoon may kaie moor atey hain


Yun tu rahoon may kaie moor atey hain
Hum apney hi naqsh-e-pa kaheen choor atey hain

Shabastan-e-sanam se mutasil kaie aik meikhaney hain
Jo khataoon may pi bethey tu peymaney kaie toor atey hain

Saqi mera jo rok leta hai hatoon ko apne
Shiddat-e-gham se jam khud hi dor atey hain

Log kehtain hain sharab haram shai hai magar
Hum tu madhoshiyan shehar-e-yar me kahen choor atey hain

Hum tu pi kar lahoo apna khud hi bekhud hojatey hain
Chaloo Qais piyale sharab key kaheen toor atey hain

Hum yun aksar beth kr tumhey soocha kartey hain


Hum yun aksar beth kr tumhey soocha kartey hain
Khud ko jaise khud may kohja kartey hain

Talaash-e-zeest ka safar kab taamam hoga
Qadmoon key nishaan mujh se poocha kartey hain

Tujh se bichar kr soochain mehw-e-raqs hain
Tareeq-e-vasl kaie andaz se khiyalon may soojha kartey hain

Hum tu ban kr jogi-e-ishq dar pe uskey jatey hain
Dekh kr na-aashna ki tarah bhikari samjha kartey hain

Aaj bhi uss chamman se aah-o-fighaan buland hote hain jaanan
Lagta hai shajr-e-besaya pe naam koi kohdaa kartey hain

aksar wo yunhi mujh se khafa rehta hai


aksar wo yunhi mujh se khafa rehta hai
jaise daryea sehra sa judaa rehta hai

anjuman-e-dostaan me tanhayian tawaaf karti hain
shab-e-hijr me per yaadon ki uska meela sa laga rehta hai

suna hai wo shab bhar mehw-e-khawab hota hai
mudat hoi ankhon may meri rat-jaaga rehta hai

khouf-e-beyabaan ab nahi raha mujhe
muthi may jo aik jugnu chupa rehta hai

kal jo ankh pur-nam dekhi uski Qais
dil may chubhta sa dard basa rehta hai

gurezaan hota houa saawan hal-e-sehraa kia janey


gurezaan hota houa saawan hal-e-sehraa kia janey
hiyat-e-boond kia hai ye sehraa kia janey

uthtey hain kaie toofan qalb-e-sagar may
saahil ka ye khamoosh kinara kia janey

tum tu rehtay ho un-ginnant chahaton may
jalta hai wajood aalo-e-nafrat may be-sahara kia janey

madhoshi chahiye thi isqadar teri nigah-e-meharban ki
kab dil-e-naadan mujrim-e-muhabt tehra kia janey

laala-o-gul udusiyun may garq hain sub gulshan-e-Qais ke
kab hoga nazul-e-bahar, kab hoga bulbul ka baseera kia janey

yun mujhe ruswa-e-zamana kar gaya aik shakhs


yun mujhe ruswa-e-zamana kar gaya aik shakhs
sure-e-mehfil alzam-e-bewafie dhar gayea aik shakhs

adda-e-muskrahat pe jisey hasil bhaut kamal tha
misl-e-ashk aankh me meri tehar gayea aik shakhs

parhte rahey ta-umar jisey oraaq-e-muqadas ki tarah
ban kar dard lafzoon may tehar gayea aik shakhs

ehad-o-peymaan baandhne may shab guzaar di usnay
chiraagh-e-sehar jo bujha tu mukr gayea aik shakhs

rooh-e-Qais tarap rahi hai qafs may muddat se jaanan
nuzul kab ho nidaa-e-aasman ka kay mar gayea aik shakhs

ay raat tehar ja kis baat ki jaldi hai


ay raat tehar ja kis baat ki jaldi hai
ashkon ka tu savera hai kis baat ki jaldi hai

hawao zara tham tham kar chalna dar-o-bam pe meray
roshan hai abhi ye jeevan ka diyea kis baat ki jaldi hai

shehar-e-khamoshan may muntazir hain deed-e-akhir ko meri
utarne tu do ujalon may andhera kis baat ki jaldi hai

manzir hain abhi samne bahut dilkush-o-pur khasish
dhundla ne do nazar chahne do kohra kis baat ki jaldi hai

mai khud hi mit jaon ga kisi unchahie aarzo ki maanind
bus parakhne do taqdeer-e-mubaram ko aur thoda kis baat ki jaldi hai

ye wafaon ka tarapna tum kia jano


ye wafaon ka tarapna tum kia jano
ye jazbon ka bilakna tum kia jano

aabla pa chaltey rehay unjani rahon pe
un zakhmon ka sisakna tum kia jano

shab bhar firaq-e-yaar ki tapish may basera kiyea
sooni subah may ooas qatroon ka jalna tum kia jano

kabhi gul tum, chaman hum tehray thay
us gulistaan ka ujarna tum kia jano

hum tu lamha lamha zindagi se mout kasheed kartey rahey
zehan-o-dil pe chahie yaadon ka khurachna tum kia jano

shajar pe likhi teri tehreer ka ashk ashk hona
wo qiyamt manzr ka dekhna tum kia jano

aa dekh zara hasti-e-Qais ka reza reza hona
per jaanan khak ka bikharna tum kia jano

Uske badley houay lafzoon nay para para kar diya


Uske badley houay lafzoon nay para para kar diya
Uske uljhe houay raviyun ne para para kar diya

Kis se pochon us mutageyar tarz-e-takalum ka sabab
Kal tak jeevan may jin muskaanon ney saveera kar diya

Wo jin may sajti thi hina, khanakti thi choriyaan
Un komal hathoon nay be-sahara kar diya

Usay junoon tha bheegney ka sawan ki boondon may
Takmel-e-khuwahish may uski bin mangi barishon nay sehra kar diya

Mai tu sagar tha jo dukh ke dariyea pi gaya
Dekh uss chattan ko jisay ghamoon nay reza reza kar diya

kuch pal yaad kay jazeroon mein bitaye hum ne


kuch pal yaad kay jazeroon mein bitaye hum ne
guzray maazi ke wo lamhe andheron may bitaye hum ne

Kuch un-kahey fasanay naasor ban gaye thay jaanan
natamaam qissay wo saaray pattoon ko sunaye hum ne

Ashjaar ki muhabat may kaanton ko lagayea galay
shiddat-e-zakham jo milay zakhmoon ko dekhaye hum ne

Muskratay laboon pe siskiyun may liptay qehqehay
din kay roshan ujaloon ko sunaye hum ne

Uthtay they jo haath thaamnay ko humain Qais
unko bhaut sunwara chahatoon may hum nay

Yun teri hasti ko muatabr bana dala


Yun teri hasti ko muatabr bana dala
khud rehay diya tujhey aftaab bana dala

aasmaan pe ye kaisi hain sarghushiyan
aatish-e-ishq ne mujhe shahab bana dala

sadiyun se tha wo garq udasiyun may
lafz aik muhabat nay usay mahtaab bana dala

hum tu rehay arzaan zamaney se aalam may
choo kar usney kisey kumyaab bana dala

baseera raha khaak nashenoon may sada Qais
choo kar hinai-e-haathon se mujhey gohar-e-nayab bana dala

Popular Posts