Thursday, December 9, 2010

Meri Tu Sabhi Wafayein Ajeeb Si Hain


Meri Tu Sabhi Wafayein Ajeeb Si Hain
Mohabbaton Mein Yeh Intehayein Ajeeb Si Hain

Kaboliyat Ke Tamam Raste Khule Hai Lekin
Mere Labon Pe Sabhi Duaien Ajeeb Si Hain

Jo Usne Mujh Ko Nahi Bulaya Tu Rodiya Mein
Ajeeb Ho Mein,Meri Anayein Ajeeb Si Hain

Usse Mana Kar Kisi Bahane Se Ruth Jana
Phir Uska  Kehna Ke Yeh Adayein Ajeeb Si Hain..

kathin andhereon k rah guzar pe chirag e subho jala jala kar



kathin andhereon k rah guzar pe chirag e subho jala jala kar
qasam se aankhen thak gai hian tmarey aanso chupa chupa kar



ye kia khabr thi k ek chehrey se kitney chehrey kasheed hongey
main thak gaya hun tmarey chehron ko aayney me saja saja kar



hum itne sada mizaj kab thay , magar sarabon ki rah guzar pe
fareeb deta raha zamana, tmari suraaat dikha dikha kar



ajab tanasub se zehn o dil me khayal taqseem horaahy hain
magar mohabat c hogai ha tmhe mohabat sikha sikha kar

Dunia Say Mje Pyaar Tha-Sab Bhool Chuka Houn


Dunia Say Mje Pyaar Tha-Sab Bhool Chuka Houn
1 Shaks Mera Yaar Tha-Sab Bhool Chuka Houn

Bakhshi Hai Mje Pyar k Badlay Mein Judaai,
Jo Bhi Tera Kirdaar Tha-Sab Bhool Chuka Houn

Bas Itna Mje Yaad Ek Wasal Ke Shab Thi,
Iqraar Tha Inkaar Tha-Sab Bhool Chuka Houn

Haan Meri Khata Thi,k Tujhe Toot k chaaha
Haan Mein He Gunaah-Gaar Tha-Sab Bhool Chuka Houn

Ek Shaks Nay Paagil Sa Bana Rakha Tha Humein,,
Mein Kitna Samaj-Daar Yha-Sab Bhool Chuka Houn..

Khafa Ho K Mujj Say, Muje Preshaan Kerta Hai


Khafa Ho K Mujj Say, Muje Preshaan Kerta Hai
Ajab Shakhs Hai, Khud Say Bad-Gumaan Kerta Hai

Na Meri Perwaah Hai,Na Meray Haal Ke Kch Khaber
Salook Wo Kernay Lga Hai, Jaise Anjaan Kerta Hai

Who Mera Zikr Say Uktana,Muj Sa Katra K Guzr Jana
Aisa Lagta Hai Wo Doori Ka Samaan Kerta Hai

Pahlay Muj Say Milna He Ahem Tha Jiss K Liay
Ab Miltaa B Hai To Jaise Ahsaan Kerta Hai

Tark-e-Taluq Kerna Hai To Saaf Kah Day Muj Say
Wo Aisi Batein Ghairon Say Q Bayaan Kerta Hai

Aansoun ki Terha Nazron Say Girayaa Oss Nay


Aansoun ki Terha Nazron Say Girayaa Oss Nay
Apni Khabr Na Mili Kch,Aisay Khak Mn Milaya Os Nay

Ilzaam Muj Pay Lgaya Mgr,Be-Wafa Khud Tha
Pahlay Dewana Banaya Phir Muje Thukraya Oss Nay

Oss Ko Mazaa Aata Hai Muj Ko Tarpaanay Mn
Muja Geeli Lakri Ke Maanind Jalayaa Oss Nay

Aaya Na Tha Oss Ko Wadaa Wafa Kernaa
Logon Ko Jhota Apni Wafa Ka Qissa Sunayaa Oss Nay

Tanhayioun K Derd Say Khoob Waqif Tha Wo
Phir B Dunia Mn TANHAA Muja Banyaa Oss Nay

Kat He Gai Judaai b,Kab Yah Hua K merr Gay


Kat He Gai Judaai b,Kab Yah Hua K merr Gay
Teray b Din Guzar Gay,Meray b Din Guzar Gay

Too b Kuch Or Or Hai,Hum B Kuch Or Or Hein
Jane Wo Tum Kider Gay,Jane Wo Hum Kider Gay?

Waqt He Judaai Ka Itna Taveel Ho Gya
Dil Mein Teray Wsaal K Jitnay Thay Zakhm Bher Gay

Wo Ghubaar-e-Khak Tha,Hum b Ghubaar-e-Khak Thay
Wo b Kahien Bikher Gya,Hum b Kahien Bikher Gay…

Jo Haadsay Yah Jahan Meray Naam Kerta Hai


Jo Haadsay Yah Jahan Meray Naam Kerta Hai
Meraa Shaour Unhein Nazr-e-Jaam Kerta Hai

Hamaray Chaak Greibaan Say Khailnay Walo!
Humein Bahaar Ka Soraj Salam Kerta Hai

Humein Say Milee Hai Qos-e-Qzah Ko Rangeni
Hamaray Darr Pa Zamanaa Qayaam Kerta Hai

Yah Hai Maikdaa,Yahan Ke Hr Shay Ka Hazor
Ghum-e-Hayat Bahut Ihtraam Kerta Hai

Faqia-e-Shaher Nay Tuhmat Lagaai Hai SAGHIR Per
Yah Shakhs Dard Ke Dolat Aam Kerta Hai….

nazar mila k mere paas aa ke loot liya


nazar mila k mere paas aa ke loot liya.
nazar hati thi k phir muskura k loot liya.

duhai hai mere allah ki duhaai hai.
kisi ne mujhse hi mujh ko chupa k loot liya.

salaam us pe k jis ne utha k parda-e-dil.
mujhi mei(n) reh k mujhi mei(n) sama k loot liya.

yaha(n) to khud teri hasti hai ishq ko darkaar.
woh aur honge jinhe(n) muskura k loot liya.

nigaah daal di jis per haseen aankho(n) ne.
use bhi husn-e-mujassam bana k loot liya.

Tum jan sakty iss mohabbat Ko


Tum JAN sakty is MOHABAT Ko…..
Kaaash
Kash tum DEKH sakty…
Tuty huy dil ko
Behty huy ansuon ko
Is adhury mösam ko
Kash Tum PARH sakty…
Mery hathon ki lakeron ko
Khawabon ki taberon ko
Dil k afsanon ko
Kash Tum SAMJH Sakty…
Mery lafzon ki gehrai ko
Honton ki sachai ko
Mehfil ki tanhai ko
Kash tum JÖRR sakty…
Iss DIL ko.. ..
Iss RISHTY ko.. ..
Iss WADY ko.. ..
Lekin ye soch kr khamosh ho jata hun.. ..
KASH .. ..
Tum JAN sakty is MOHABAT Ko……….
KAASH
KAASH

Wo de raha hai dhalasay to umar bhar ke mujhe


Wo de raha hai dhalasay to umar bhar ke mujhe
bicher na jaye phir kahien udass ker ke mujhe

jahan na to na teri yadoon ke qadam hoon gay
Dara rahay hain wohi Merhalay safar ke mujhe

hawaye dasht mujhe ab tu ajnabi na samjh
ke ab to bhool gay rastay bhi ghar ke mujhe

yeah chand Ashk bhi tere hain sham-e-gham lekin
ujalnay hain abhi haal-o-khud seher ke mujhe

Dil-e-tabha tere gham ko Talnay ke liye
Suna raha hai fasanay idher udher ke mujhe

Kuch is liye bhi main us se bicher gaya Mohsin
Wo door door se dekhay tehar tehar ke mujhe

Bethy Bethy Kisi Ki Yadon Me Kho Jana Ab Zaruri To Nhi


Bethy Bethy Kisi Ki Yadon Me Kho Jana Ab Zaruri To Nhi
Wo Bewafa Hy Ye Batana Ab Zaruri To Nhi
.
Apne Chaman Ki Tazgi Phoolon K Dum Se Hy
Hr Phool Se Khushbu Aana Ab Zaruri To Nhi
.
Mera Dil Toota Hy Yaro Ek Sheeshy Ki Tarah
Aawaz ka Aana ya Na Aana Ab Zaruri To Nhi
.
Alvida Hoty Waqt Wo Rasmi Jumly Ki Jaga
Ye Keh Gaya Wada Nibhana Ab Zaruri To Nhi
.
Ay “DUKHI” Chorr Wo Tery Muqaddar Mein Nhi
Hath Jougi Ko Dikhana Ab Zaruri To Nhi

Meri ratoon ki rahat din ka itminaan lay jana


Meri ratoon ki rahat din ka itminaan lay jana ,
Tumharay kaam aa jae ga , yeh saman lay jana
-
Tumharay baad kia rkhna ana say wasta koi ?
Tum apnay saath mera umer bhar ka maan lay jana
-
Shikista kay kuch raizay paray hein farsh par , chun lo
Agar tum jord sktay ho tu yeh guldaan lay jana
-

Udher almarion mein chand awraaq pareshan hein
Meray yeh baqimanda khuwab meri jan lay jana
-
Tumhein esay tu khali haath rukhsat kar nahi sktay
Purani dosti hay is ski kuch pehchan lay jana
-
Irada kar liya hay tum nein gar sach much bicharnay ka !
Tu phir apnay yeh saray wada-o-pemaan lay jana
-
Agar thori bohat hay shaery say un ko dilchaspi
Tu un kay samnay tum mera yeh diwaan laay jana

Kabhi socha hai?


Kabhi socha hai?
hamary rishtey ka naam kia hai
mohabbat,zarorat, khawahish, jonoon,ishq
yaa
wo rishta jo
aasman ka zameen se hai
barsih ka sehra hai
haqeqat ka khawabon se hai
din ka raat se hai!
ye bhi kabhi aik doosry se mil nahi saktey
lekin aik doosry k baghair adhoory bhi hai
shayad aisa hi kuch rishta
mera aur tumhara bhi hai!!!

dost Gam Khvaarii me.n merii sai farmaaye.nge kya



dost Gam_Khvaarii me.n merii sa_ii farmaaye.nge kyaa
zaKhm ke bharane talak naaKhun na ba.Dh jaaye.nge kyaa

beniyaazii had se guzarii bandaa paravar kab talak
ham kahe.nge haal-e-dil aur aap farmaaye.nge kyaa

hazarat-e-naaseh gar aaye.n diidaa-o-dil farsh-e-raah
ko_ii mujh ko ye to samajhaa do ki samajhaaye.nge kyaa

aaj vaa.N teG-o-kafan baa.Ndhe hue jaataa huu.N mai.n
uzr meraa qatl karane me.n vo ab laaye.nge kyaa

gar kiyaa naaseh ne ham ko qaid achchhaa yo.n sahii
ye junuun-e-ishq ke andaaz chhuT jaaye.nge kyaa

Khaanaa zaad-e-zulf hai.n zanjiir se bhaage.nge kyaa
hai.n giraftaar-e-vafaa zindaa.N se ghabaraaye.nge kyaa

hai ab is maamuure me.n qahat-e-Gam-e-ulfat asad
ham ne ye maanaa ki dillii me.n rahe khaaye.nge kyaa

koi to ho jo meri soch ko kitäb karay


koi to ho jo meri soch ko kitäb karay
aur apne lafz mere naam intisäb karay

main apni chändni raatoN mein us k geet likhuN
wo mere dard k sehra ko phir chanaab karay

main us se pyär karun aur be-kinär karun
wo mujh pe zulm karay aur be-hisäb karay

main dhoop ban k nikharta rahun bikharta rahun
wo mujh ko khud mein saméTay to aaftäb karay

ab is tarah ka säthi kab milay ga Faräz

sadma too hai mujhey bhi key tujh sey juda hoon main


sadma too hai mujhey bhi key tujh sey juda hoon main,
leykeen ab yea sochti hu key ab teyri keya hoon main

sadma too hai mujhey bhi key tujh sey juda hoon main
bekhra beda hai teyrey hee ghar mey tera hee vajood,

beykar mehphilo mey tujh ko dhund rahi hoon main
keya janey kees ada sey leya tuney meyra naam,

duniyq samjh rahee hai ki sab kuch teyri hu mey,
leykeen ab yea sochti hu key ab teyri keya hoon main

sadma too hai mujhey bhi key tujh sey juda hoon main
ley meyrey tajorboo sey sabek eh meyrey nseeb,
doo chaar sal umer mey tujh sey badi hoon main

leykeen ab yea sochti hu key ab teyri keya hoon main
sadma too hai mujhey bhi key tujh sey juda hoon main

aap rooth kar na yun sazah di jiye


aap rooth kar na yun sazah di jiye
baat jo hai dil men bata di jiye

darmian men ho gaya hai jo faasla
aap khuda ke waaste mita di jiye

han yehan suroor aur chaa jayega
aake aap chhat pe muskura di jiye

gulshan-e-wafa ke phool khil jayen ge
saath mere do ghadi kata di jiye

ek shaam yaadgaar ban jaye gi
aake pyaar ka diya jala di jiye

toodkar ghamon ka nata parwaaz ka
pyaar ka safar unhen kara di jiy

Muddato'n Baad Dekha Unhai'n


Muddato'n Baad Dekha Unhai'n,
Hosh Kaise Thikaane Lage

Ashk Palko'n Pe Aaye Meri
Aur Lab Thar-tharane Lage

Jaane Ksei Hawa Chali
Phool Phir Muskurane Lage

Jin Ko Mushkil Se Bhoolay Thay Hum
Phir Wohi Yaad Aane Lage

Ghum-e-Firaq Say Pehlay Shab-e-Visaal Kay Baad


Ghum-e-Firaq Say Pehlay Shab-e-Visaal Kay Baad
Hai Aur Kya Jisay Dekhay Tery Jamal Kay Baad

Tamam Umar Kati Intizar May Apni
Koi Bhi Dukh Na Mila Phir Tery Malal Kay Baad

Jawab Mil Gaya Mujhey Teri Khamoshi Say
Tumhary Lafz Kyu Khoye Mery Sawal Kay Baad

Tumhary Mery Talauq Pay Yun Khiza Chali
Kabhi Urooj Nahi Hai Jisay Zawal Kay Baad

May Teri Yaad Kay Charchay Ko Dhaanp Do Laikin
Bachyga Kya Meri Jhooli May Is Kamal Kay Baad

Who Aab Ki Baar Mila Is Qadar Takaluf Say
Kay Kuch Bhi Na Poch Paya May Us Say Haal Kay Baad

Lahoo ronay se darta hoon juda honay se darta hoon


Lahoo ronay se darta hoon , juda honay se darta hoon ,
Meri aankhain batati hain k main sonay se darta hoon ..

Meri unggli pakar laina mujhe tanha nahi karna,
Ye dunya aik maila hai tumhain khonay se darta hoon…

Jo hansti ho tu kyun palkoon k goshay bheeg jatay hain ,
Tumhain maloom hai main iss tarah ronay se darta hoon …

Ye jab se khwaab daikha hai tum mujhe choor jaao gee ,
Main ab darta hoon khwaabon se main ab sonay se darta hoon…

udasioun ka ye mousam badal bhi sakta tha


udasioun ka ye mousam badal bhi sakta tha
wo chahta to mere sath b chal sakta tha



wo shaks jisey tu ney chorney me jaldi ki
tery mizaj k sanchey me dhal bhi skta tha



wo jald baz khafa ho kr chal diya warna
tnazaa'at ka koi hal nikal bhi skta tha



ana ney haath uthaney nhi diya werna
meri dua se wo pather pighal b skta tha



tmam umer terey muntazir rahey Mohsin
ye aur bat ha k wo rasta badal b skta tha

Main Bhula Chuka Sabhi Waastey Jo Thay Manzilon Ke Hasool Mein


Main Bhula Chuka Sabhi Waastey Jo Thay Manzilon Ke Hasool Mein
Mairi Manzilon Ke Hasool Mein Teri Raah Aaye To Kya Karoon

Jo Pukaarta Tha Her Aik Gharri Jo Jurra Tha Dil Say Larri Larri
Koi Shaks Aisa Ager Kabhi Mujhey Bhool Jaye To Kya Karoon

Kabhi Saath Tha Jo Ke Doo-ba-Doo Tha Humesha Mairey Hi Ru-ba-Ru
Jo Barrha Raha Tha Qadem Mairey Woh Hi Dagmaga jaye To Kya Karoon

Woh Charaagh-e-Dar Jo Jala Kabhi Main Bujha Chuka Hoon Magar Kabhi
Ke Bujha Huwa Bhi Diya Ager Maira Ghar Jalaye To Kya Karoon

Mainey Aks Tak To Mitta Diye Sabhi Aainey Bhi Chupa Diye
Tujhey Daikhta Koi Door Say Mairey Pass Aaye To Kya Karoon

Dil ko sehra keejiye, aankho’n ko dariya keejiye


Dil ko sehra keejiye, aankho’n ko dariya keejiye
iss tarha bhi ek din apna tamaasha keejiye

mauj-e-sarsar ka koi jhonka udaa le jaaega
rett ki deewar par kab tak bharosa keejiye

ek zara si baat se sheeshe mein aa jaata hai baal
baat mein talkhi sahi, uncha na bola keejiye

waqt ki reg-e-rawaa’n se naqsh saare mitt gae
apne kadmo’n ke nisha’n mudd kar bhi dekha keejiye

kuch tumhaare zakhm hain, kuch apni mehroomi ke zakhm
kis ko pinhaa’n keejiye, kis ko haveeda keejiye

zindaqi kab tak hareef-e-shorash-e-dariya rahe
iss safeene ko kisi din garq-e-dariya keejiye.

faraz ab koi gham koi junoo b nahi


faraz ab koi gham koi junoo b nahi
magar qarar se din kat rahy hon yun b nahi



lab o lehja b mila, guftagoo ka fun b
magr ho dil pe guzarti ha keh sakon b nahi



na janey q meri aankhen barasney lagti hain
jo such kahon to kuch aysa udas hon b nahi



meri zuban ki luknaat se bad-guman mat hona
jo tou kahey to umer bhar tjhe milon b nahi



faraz jese dia qurbat e hawa chahey
wo pass aey to mumkin ha k me rahon b nahi

kyu hamen mout k peygaam diye jate hain


kyu hamen mout k peygaam diye jate hain
ye saza kam to nhi ha k jiye jate hain



hm hain ek shama magar dekh, bujhte bujhte
roshni kitney andheroun ko diye jate hain



nasha dono me ha saaqi, mujhe gam dy k sharab
main b pee jati ha, aansoo b piye jate hain



tujh ko barson se q ha tark-e-tallauk ka khaayal
faiseley wo hain jo pal bhar me liye jatey hian



apni tareekh-e-mohabat k wo hi hain SOQRAAT
hans kr hr saans pr jo zehr piye jate hain



aabginoo ki tarah dil hian gareebon k FARAZ
toot jate hian kabhi tor diye jate hain

ajeeb lo`g haiN kyaa khuub munsifii kee hai


ajeeb lo`g haiN kyaa khuub munsifii kee hai
hamaare qatl ko kehte haiN khud-kushii kee hai

ye baaNkpan thaa hamaaraa ke zulm per hamne
bajaaye naalaa-o-faryaad shaaiirii kee hai

zaraa se paaNv bhigoye thay jaa ke daryaa meN
Guroor ye hai ke hamne shanaawarii kee hai

isii lahuu meN tumhaara safeenaa Duubegaa
ye qatl-e-aam nahiiN, tumne khud-kushii kee hai

hamaari qadr karo chauNdaviiN ke chaaNd haiN ham
Khud apne DaaG dikhaane ko raushnii kee hai

udaasiyoN ko Hafeez aap apne ghar rakhkheN
ke anjuman ko zaruurat shaguftagii kee hai

har shaam jalate jismo.n kaa gaa.Dhaa dhuaa.N hai shahar


har shaam jalate jismo.n kaa gaa.Dhaa dhuaa.N hai shahar
mar-ghaT kahaa.N hai ko_ii bataao kahaa.N hai shahar

phuTapaath par jo laash parri hai usii kii hai
jis gaaon ko yaqiin thaa ki rozii-rasaan hai shahar

mar jaa_iye to naam-o-nasab puuchhataa nahiin
murdon ke sil-sile men bahut meharabaan hai shahar

rah rah ke chiiKh uThate hain sannaaTe raat ko
jangal chhupe hue hain vahiin par jahaan hai shahar

bhuuchaal aate rahate hain aur Tuuttaa nahiin
ham jaise muflison kii tarah saKht-jaan hai shahar

laTkaa huaa tren ke Dibbon men subah-o-shaam
lagtaa hai apanii maut ke muunh men ravaan hai shahar

uljhaav ka mazaa bhi teri baat hi mein tha


uljhaav ka mazaa bhi teri baat hi mein tha
teraa javaab tere savaalaat hii men thaa

saayaa kisii yaqiin kaa bhii jis par na parr sakaa
vo ghar bhii shahar-e-dil ke muzaafaat hii men thaa

ilzaam kyaa hai ye bhii na jaanaa tamaam umr
mulzim tamaam umr havaalaat hii men thaa

ab to faqat badan kii muravvat hai daramiyaa.N
thaa rabt jaan-o-dil kaa to shuruu_aat hii men thaa

mujh ko to qatl kar ke manaataa rahaa hai jashn
vo ziilihaaz shaKhs merii zaat hii men thaa

kyaa sarokaar ab kisi se mujhe


kyaa sarokaar ab kisii se mujhe
vastaa thaa to thaa tujhii se mujhe

behisii kaa bhii ab nahiin ehasaas
kyaa huaa terii beruKhii se mujhe

maut kii aarazuu bhii kar dekhuu.N
kyaa ummiiden thii zindagii se mujhe

phir kisii par na aitabaar aaye
yuuN utaaro na apane jii se mujhe

tera Gam bhii na ho to kyaa jiinaa
kuchh tasallii hai dard hii se mujhe

kar gaye kis qadar tabaah ’Zia’
dushman, andaaz-e-dostii se mujhe

soz-e-dil bhii nahiin sukuun bhii nahiin


soz-e-dil bhii nahiin sukuun bhii nahiin
zindagaanii vabaal yuuN bhii hai

terii Khwaahish aur is qadar Khwaahish
vajah-e-haasil sahii junuuN bhii hai

Khush bhii hai iltafaat-e-dost se dil
Gairat-e-ishq sar niguuN bhii hai

jal ke bujh bhii ga_ii ’Zia’ aksar
aag siine men juun kii tun bhii hai

Dil ka kya hai wo to chaahega musalsal milna


Dil ka kya hai wo to chaahega musalsal milna
wo sitamgar bhi magar soche kisi pal milna

vaa’n nahi’n waqt to hum bhi hain adeem-ul-fursat
uss se kya kahiye jo har roz kahe kal milna

ishq ki raah ke musaafir ka muqaddar maalum
dasht-e-ummeed mein andeshe ka baadal milna

daaman-e-shab ko agar chaak bhi kar lein to kahaan
noor mein dooba hua subah ka aanchal milna.

Dasht-e-shab par dikhayee kya dengi


Dasht-e-shab par dikhayee kya dengi
silavatein roshni mein ubhrengi

ghar ki deewarein mere jaane par
apni tanhaaiyo’n ko sochengi

ungaliyo’n ko taraash doo’n phir bhi
aadatan uss ka naam lik’khengi

rang-o-bu se kahee’n panaah nahi
khwaahishein bhi kahaan amaa’n dengi

ek khushbu se bach bhi jaau’n agar
doosri nikhatein jakad lengi

khidakiyo’n par dabeez parde ho’n
baarishein phir bhi dastakein dengi.

Ab mujhe hai use bhulaa denaa


Ab mujhe hai use bhulaa denaa
Ae khudaa tu hi hauslaa denaa

Main nahin, zindagi sawaali thi
Meri ghairat ko ye bata denaa

Sakht jaani to hijr sah legi
Tum mujhe dusri sazaa denaa

Aandhiyaan pahle thamna yaarab
Tab mere haath me diyaa denaa

Jab mujhe tum pukaarna chaaho
Roshni, roshni, sadaa denaa.

Hawa Se Dosti Rakhon To Ghar Roshan Nahi Rehta


Hawa Se Dosti Rakhon To Ghar Roshan Nahi Rehta
Chhatton Ko Dekh Loon To Yaad Phir Sawan Nahi Rehta

Gharibon Ki Ye Basti Hai, Kahan Se Shokhian Laoon
Yahan Bachay To Rehtay Hain, Magar Bachpan Nahi Rehta

Jo Tera Mera Rishta Hai, Faqat Dil Ki Kahani Hai
Jahan Per Kachay Dhagay Hon, Wahan Bandhan Nahi Rehta

Yahan To Kuch Bhi Mumkin Hai, Ke Ye Raah-E-Muhabbat Hay
Wahan Bhi Jeena Parta Hay Jahan Jeewan Nahi Rehta

Kahan Kis Kis Se Uljho Gay, Kaha Na Raah-E-Ulfat Hai
Yehan Kanton Ne Rehna Hai, Yehan Daman Nahi Rehta

Khalish Anjaan Ho To Tere Gham Se Jor Deta Hoon
Koi Ibhaam Aisey Main Pas-E-Uljhan Nahi Rehta

Yehan Shajar Ik Tha, Kisi Ki Yaad Thi Us Main
Agar Wo Ab Bhi Hota Soona Ye Aangan Nahi Rehta

na shikayatain na sawal hai koi aasra na malal hai


na shikayatain na sawal hai koi aasra na malal hai
teri bayrukhi bhi kamal thi meray zabt ko bhi kamal hai

meri chahatoon ka sila na day meray hoslay ki tu dad day
na khuda say tujh ko talab kia na hi tujh say koi sawal hai

bary rakh rakhaoo say ishq main meri wahshatoon nay guzar di
tera naam hoo tera zikar hoo meri ankh naam hoo majal hai

tu samandaroon ki misal day mujhy koh-saar passand hain
tujhay tund khoi pay naaz hai mujhy khamoshi main jamal hai

meri sooch nay meri chah nay jisy harf harf raqam kia
wohi naam likhna azzab hai wohi intesaab mahal hai

Ek jabr hai ab ehsaas-e-wafa bhe ye dil main basana theek nahi


Ek jabr hai ab ehsaas-e-wafa bhe ye dil main basana theek nahi
ab saaz-e-dil afsurda par,es geet ko gana theek nahi

tum bhool choke ye sab behtar,tum choor chale ye aur acha
khawabon main magar majboroun k ye ana jana theek nahi

keh do k nahi ham mil sakte,keh do k koe majbori hai
lekin ye labon tak laa laa kar batoun ko chopana theek nahi

aay shouq-e-janu ab baaz bhe aa,kuch maan bhe lay tu mera kaha
jo jan k bhe anjan banay,gham usko sunana theek nahi

ab chor bhe do dewana pan,ab bhool bhe jao mazi ko
aay Shams ye pal pal khilwat main ashkon ka bahana theek nahi

jo mil saki na muj ko jaageer naachti hey


jo mil saki na muj ko jaageer naachti hey
aaNkhooN maiN ab bhi teri tasweer naachti hey

apna bana ke tuj ko gher tu basa looN leken
sar per musafirat ki shamsheer naachti hey

bach ker nikalna chahooN leken nikal na paaoN
yaadooN ki teri her soo tanveer naachti hey

hum sokhta diloN ka kia haal poochte ho
her roz sar pe koi taazeer naachti hey

pesh e nazar hamaare khuaabooN ki kirchiyaaN haiN
aur aaine ki soorat taabeer naachti hey

aati hey saamne khud manzil tawaaf kerti
jazbe ki jab lahoo maiN taaseer naachti hey

kia ho gia hey tum ko kuch tu bataao babar
maathe pe keyuN shikan ki zanjeer naachti hey

Main idhar hoon ye dil udhar kyu hai


Main idhar huu.N ye dil udhar kyuu.N hai
Aashnaayii kaa ye safar kyuu.N hai

mout ko unke baad aana thaa
haadisaa phir ye peshtar kyuu.N hai

mujhko mujrim to kar diyaa saabit
usake chehre pe itnaa dar kyuu.N hai

mujhko jalanaa hai raat bhar lekin
aa.Ndhiyo.n kii idhar nazar kyuu.N hai

ghar se niklaa thaa manzilo.n ke liye
merii manzil meraa hii ghar kyuu.N hai

zindagii phuul chun rahii thii jo
aaj kaa.NTo.n kii sej par kyuu.N hai

jisake gham mei.n huu.N muvtalaa “gulshan”
wo mere gham se bekhabar kyuu.N hai

Hoton pe hasee dekh li dil ke ander nahi dekha


Hoton pe hasee dekh li ,dil ke ander nahi dekha
Yaaron ne mere gam ka samander nahi dekha

Kitni haseen hai duniya ye dekha hai aapne
Mar mar ke jeene walon ka manzar nahi dekha

Sheshe ka makan tumne bana to liya ae dost
Lekin waqt ke haath ka pathar nahi dekha

Rishtoon ke tutne ka dard aap kya samjhein
Vo lamha kabhi aap ne jee kar nahi dekha

Bhatke roshni ki talaash mein na jaane kahan kahan
Afsos ki apni rooh ke ander nahi dekha 

Dehki ha us ki ankhoon main Naami…..
Yun lagta ha jasey Samandar udass dekha

ye kaun doob gya aur ubhaar gaya mujh mein


ye kaun doob gya aur ubhaar gaya mujh mein
yu kaun saye ki suraat guzar gaya mujh mein

ye kis ke sog mein shorida haal phirta ho’n
woh kon shakhs tha aisa ke mar gaya mujh mein

ajab hawa-e-baharaa’n ne chara-saazi ki
woh zakhm jis ko na bharana tha bhar gaya mujh mein

woh admi ke jo pathar tha jiee raha hai abhi
jo ainna tha woh bikhar gayaa mujh mein

misaal kya ke woh jab bhi kareeb se guzara
vo youun laga ke koi raqs kar gaya mujh mein

woh sath tha to ajab dhuup chanaoo rehti thi
bas ab to ek hi mausam tehar gaya mujh mein

na hi manzil mili na koi aashna main bhatakti rahi safr jaari raha


na hi manzil mili , na koi aashna, main bhatakti rahi, safr jaari raha
umar-e-chand roz ka lamha lahma yahan main ne tanha saha garchay bhari raha

yeh muqaddar ke madd-o-jazar kiya kahoon? ke main shahsdar rahi, kuch bhi keh na saki
woh mujhe daikh kar ajnabi ban gaya jo merey rastoN ka pujari raha

mujh say pucho nahin tum Khuda ke liye, main nahin janti muskurahat hai kia
ke main jabtak rahi to mere dais main aalam-e-wehshat-o-sog taari raha

na koi aarzoo hai na shikwa gila, yeh bhi acha huwa mera dil bujh gaya
warna jab tak raha yeh mere wastay mustaqil wajha-e-bayqaraari raha

aisa kiyoonkar huwa…sochti hi rahi, main dukhon ke qafas main umar bhar rahi
main kisay dosh doon ke meri raah main…mera apna muqaddar shikaari raha

Lut'tay kahan k saheb-e-jageer ham na thay


Lut'tay kahan k saheb-e-jageer ham na thay
Noor jahan na thi wo,jahangheer ham na thay

apni dua se maand na parta kise ka husn
itne baray tu sahib-e-taseer ham na thay

milta raha wo khawaab main kitne khalous se
aankhain kholi tu khawaab ki tabeer ham na thay

ham ko na day payaam-e-rehaai hawaa-e-subh
wajh-e-khuroosh-e-khana zanjeer ham na thay

har dour-e-be-sada main har ek zulm k khilaaf
ham ko he bolna tha k tasveer ham na thay

Dil hijr k dard se boujhal hai,ab aan milo tu behtar ho


Dil hijr k dard se boujhal hai,ab aan milo tu behtar ho
es baat se hamko kia matlab,ye kaisay ho,ye keun kar ho

ek bheek k dono kase hain,ek piyaas k dono piyasay hain
ham khaite hain,tum badal ho,ham nadiya hain,tum sagar ho

ye dil hai k jalte senay main,ek dard ka phora allhar sa
na gupt rahay na phoot bahay,koe marham ho koe nashtar ho

ham saanjh samay ki chaya hain,tum charhtii raat k chandr maa
ham jate hain tum aatay ho,pher mail ki sorat keun kar ho

ab husn ka rutba aali hai,ab husn se sehra khali hai
chal basti main banjara ban,chal nagri main soudagar ho

ab Insha jee ko bolana kia,ab piyaar k deep jalana kia
jab dhoop aur chaya eak se hon,jab din aur raat barabar ho

wo ratain chaand k saath gaaen,wo batain chaand k saath gaaen
ab sukh k sapne kia daikhain,jab dukh ka soraj sar par ho

Popular Posts