uljhaav ka mazaa bhi teri baat hi mein tha
teraa javaab tere savaalaat hii men thaa
saayaa kisii yaqiin kaa bhii jis par na parr sakaa
vo ghar bhii shahar-e-dil ke muzaafaat hii men thaa
ilzaam kyaa hai ye bhii na jaanaa tamaam umr
mulzim tamaam umr havaalaat hii men thaa
ab to faqat badan kii muravvat hai daramiyaa.N
thaa rabt jaan-o-dil kaa to shuruu_aat hii men thaa
mujh ko to qatl kar ke manaataa rahaa hai jashn
vo ziilihaaz shaKhs merii zaat hii men thaa
No comments:
Post a Comment