woh jo aa jaate thay aankhon mein sitaare le kar

woh jo aa jaate thay aankhon mein sitaare le kar
jaane kis dais gaye khwab humare le kar

chhaon mein baiThnay wale hi to sabse pehle
paiR girta hai to aa jaate hain aare le kar

wo jo aasooda-e-saahil hain inhein kya maaloom
ab ke mauj aai to palTe gi kinaare le kar

aisa lagta hai ke har mausam-e-hijraan mein bahaar
honT rakh deti hai shaakhon pe tumhaare le kar

sheher walon ko kahan yaad hai woh khwab farosh
phirta rehta tha jo galiyon mein ghubaare le kar

naqd-e-jaan sarf hua kulfat-e-hasti mein FARAZ
ab jo zinda hain to kuch saans udhaare le kar

Gazal sun ker pareyshan ho gaey kya

Gazal sun ker pareyshan ho gaey kya
kisi k dihan main tum kho gaey kya

ya bay-ganaravi pahlay nahi thee
kaho tum bhi kisi k ho gaey kya

abhi kuch dair pahlay tak yahi thay
zamana ho gaya tum ko gaey kya

kisi taza rafaqat ki lalak hai
puranay zakham achay ho gaey kya

palat ker charahger kun aa gaey hain
shab-e-furqat k maray soo gaey kya

Faraz itna na itra hoslay per
isay bhoolay zamanay ho gaey kya

awargi pay hum nay bohat din guzar kiya

awargi pay hum nay bohat din guzar kiya
jab thak gai tu phir issi sehra ko ghar kiya

thi ik zindagi kay barabar woh aik raat
uss raat ko basar kiya aur ta sehar kiya

hum pay tha ik ishq ka saya keh saari umar
apni he roshni mein kiya jo safar kiya

tum loag woh keh choor gai karbala kay beech
hum loag woh ke jin nay tumhein mo'atbar kiya

kuch kam nahi tha pehlay bhi pamaal mera shehar
yeh kis kay paoon nay issay pamaal kiya

kaisee hawa mein nikla tha yeah karwaan e gul
akhir khizaan kay haath laga rukh jidhar kiya

phir ussay saya e divaar nay uthnay na diya

phir ussay saya e divaar nay uthnay na diya
aa kay ik baar jo baitha tere divaar kay pass

iss ehad mein karay na koi baat mir ki

iss ehad mein karay na koi baat mir ki
kam hoo gai hai lafaz mein taqat zameer ki

soda na kar keh lafaz mein taqat hai bay shumar
hay char din ki baat ameer o safeer ki

tu sahib e sukhan hai tu khalwat pay naz kar
mat ja wahaan jahaan hoo sadarat wazeer ki

aysa bhi kaya yeah nasha e duniya keh admi
faryaad sun na sakay khud apnay zameer ki

aaNkhon mein ji mera hai idhar yaar dekhanaa

aaNkhon mein ji mera hai idhar yaar dekhanaa
aashiq kaa apane aaKharii diidaar dekhanaa

kaisaa chaman ke ham se asiiro.n ko manaa hai
chaak-e-qafas se baaG kii diivaar dekhanaa

aa.Nkhe.n churaaiio na Tuk abr-e-bahaar se
merii taraf bhii diidah-e-Khuu.N_baar dekhanaa

ae ham-safar na aable ko pahu.Nche chashm-e-tar
lagaa hai mere paao.n me.n aa Khaar dekhanaa

honaa na chaar chashm dik uss zulm-paishaah se
hoshiyaar ziinhaar Khabardaar dekhanaa

sayyad dil hai daaG-e-judaaii se rashk-e-baaG
tujh ko bhii ho nasiib ye gulazaar dekhanaa

gar zam_zamaa yahii hai koii din to ham-safiir
is fasl hii me.n ham ko giriftaar dekhanaa

bul-bul hamaare gul pe na gustaaKh kar nazar
ho jaayegaa gale kaa kahii.n haar dekhanaa

shaayad hamaarii Khaak se kuchh ho bhii ae nasiim
Girbaal kar ke kuuchaa-e-dildaar dekhanaa

us Khush-nigaah ke ishq se parahez kiijio ‘Meer’
jaataa hai leke jii hii ye aazaar dekhanaa

do zamanoon mein musalsal hai humari zindagi

do zamanoon mein musalsal hai humari zindagi
aik zamaa khawab ka hai dosra tabeer ka

uth gaya ghabra kay aur phir roo para bay ikhtiyaar

uth gaya ghabra kay aur phir roo para bay ikhtiyaar
mein nay daikha jab watan apna kafan pehlay howay

Kaya hein yeah loag apnay shajar aap kaat kar

Kaya hein yeah loag apnay shajar aap kaat kar
Detay hein phir duhaaye keh saya karay koyee

Jo tera bakhat hai nahi khulti hai uss ki aankh
Laakh asmaan sayroshni laya karay koyee

Chup Rahoon tu Azaab Aata Hai

Chup Rahoon tu Azaab Aata Hai
Bolta Hoon Kharaab Hota hoon

Woh daur se guzri hai daastane mohobbat hamari

Woh daur se guzri hai daastane mohobbat hamari,
Lamhon ne khata ki thi, sadiyon ne saza paayi.

Yun to har shaam ummidon pe guzar jaati thi

Yun to har shaam ummidon pe guzar jaati thi
Aaj kuch baat hai jo shaam pe ronaa aayaa