Tuesday, May 31, 2011

Dekh aa kar kabhi un ko bhi,jo tere hathon


Dekh aa kar kabhi un ko bhi,jo tere hathon
Aise ujre hain ke aabad nahin hone ke

Wasf-e-may aur sift-e-yaar ke mazmoon ke siwa
Naseha!Tere sukhan yaad nahin hone ke

Yaar-e-bad ehad ka kitna bara ehsan hai ke hum
Ab kisi ke liye barbad nahin hone ke

Us jafa ju ko dua do ke agar woh na raha
Phir kisi se sitam ejaad nahin hone ke

Aaj phir jashn manaya gya azadi ka
Kal gharon par kayi afrad nahin hone ke

Itne aram talab ho to muhabbat mein Faraz
Meer ban jao ge,farhad nahin hone ke

Shehr-e-muhabbat,hijr ka mausam,ehd-e-wafa aur main


Shehr-e-muhabbat,hijr ka mausam,ehd-e-wafa aur main
Tu to us basti se khush khush chala gay,aur main?

Tu jo na ho to jaise sab ko chup lag jati hai
Aapas mein kia baatain karte raat,diya aur main

Sair-e-chaman aadat thi pehle,ab majboori hai
Teri talash mein sab chal parte hain,baad-e-saba aur main

Jis ko dekho teri hawa mein pagal phirta hai
Warna hum mushrib to nahin thay khalq-e-Khuda aur main

Aik to woh humraaz mera hai,phir tera maddaah
Bas tera hi zikar kia karte hain zia aur main

Aik zamane baad Faraz yeh shair kahe main ne
Ek muddat se mile nahin hain yaar mera aur main

Hum ko bhi chupa ay shab-e-gham apne paron mein



Hum ko bhi chupa ay shab-e-gham apne paron mein
Hum log bhi shamil hain tere humsafaron mein

Ay deeda dari main tere maiyaar ka mujrim
Phir le ke chala apne gohar kam nazron mein

Badal to baraste hain magar banjh zameen par
Suraj to ubharta hai magar bebasaron mein


Mumkon ho to har aik dar-o-deewar pe likh doon
Pathar na chupaya karo sheeshe ke gharon mein

Marham ki jagah bant’te phirte hain naye zakhm
Yeh rasam bhi nikli hai ajab charah garon mein

Is ghar ke muhafiz bhi khabar dar hain kitne?
Sorakh to chatt mein huye,taale hain daron mein


Ay dost tera dard kahan rahat-e-jaan tha?
Tu hum ko ghaneemat samajh aashufta saron mein

Is sheher mein rehta hoon is andaz se Mohsin
Jaise koi funkaar phire be-hunaron mein!

Aakhir ko zaroorat hi khareedar ki nikli


Aakhir ko zaroorat hi khareedar ki nikli
Maryam si woh lobat bhi to bazar ki nikli

Dekho kabhi maqtil kabhi gulzar lage hai
Tasveer ajab koocha-e-dildar ki nikli

Ankhon ki tasalli nahin hoti to na howey
Hum khush hain koi shakal to deedar ki nikli

Kyun yaar ke inkar se afsurda hai aye dil
Nadaan! koi rah to iqrar ki nikli

Woh giryaan kunan aur dilasa,main usey doon
Kia tarfa tabiyat mere ghum khwar ki nikli

Waa rehne de Ya Rab dar-e-tauba ke abhi to
Hasrat hi kahan tere gunahgar ki nikli

Kal hijr ki shab,roz-e-qayamat ki tarah thi
Din nikla na jaan hi tere beemar ki nikli

Jane nashe mein ke woh aafat-e-jaan khwab mein tha


Jane nashe mein ke woh aafat-e-jaan khwab mein tha
Jaise ek fitna-e-bedaar,rawaan khwab mein tha


Woh sar-e-sham,samundar ka kinara,tera sath
Ab to lagta hai ke jaise yeh samaan khwab mein tha

Jaise yaadon ka dareecha koi waa reh jaye
Ek sitara meri janib nigraan khwab mein tha


Jab khuli ankh to main tha,meri tanhai
Woh jo tha qafila-e-humsafaran khwab mein tha

Aik shab aik saraye mein makeen thay dono
Main to soya hi nahin,woh bhi kahan khwab mein tha

Aise qatil ko koi hath lagata hai Faraz
Shukar kar shukar ke woh dushman-e-jaan khwab mein tha

Nahin ke nama baron ko talash karte hain


Nahin ke nama baron ko talash karte hain
Hum apne be-khabaron ko talash karte hain

Muhabbaton ka bhi mausam hai jab guzar jaye
Sab apne apne gharon ko talsh karte hain

Suna hai kal jinhain dastar-e-iftikhar mili
Woh aaj pane saron ko talash karte hain

Yeh ishq kia hai ke izhar-e-arzu ke liye
Hareef,noha garon ko talash karte hain

Yeh hum jo dhoondte phirte rehte hain qatal gaahon ko
Dar-asal charahgaron ko talash karte hain

Riha huye pe ajab haal hai aseeron ka
Ke ab woh apne paron ko talash karte hain

Faraz daad ke qabil hai justaju un ki
Jo hum se darbadaron ko talash karte hain

Phir tere na aane ki khabar sham mein aayi


Phir tere na aane ki khabar sham mein aayi
Zohrab ki talkhi si mere jaam mein aayi

Aye kash na poora ho koi bhi mera arman
Yeh aur tamanna,dil-e-nakaam mein aayi

Kia kia na ghazal us ki judai mein kahi hai
Barbadi-e-jaan bhi to kisi kaam mein aayi


Kuch tera sarapa mere ashaar mein utra
Kuch shairi meri,tere inam mein aayi

Kab tak ghum-e-doran mujhe fitrak mein rakhta
Aakhir ko to duniya bhi mere daam mein aayi

Kal sham ke tha sheikh-e-haram,sahib-e-mehfil
Sehba ki pari jaama-e-ehraam mein aayi

Har chand Faraz aik faqeer-e-sar-e-reh hoon
Par mumlikat-e-harf mere naam to aayi

meri taar taar mohobatain meri dil figaar mohobatain


meri taar taar mohobatain
meri dil figaar mohobatain
meri be waqqar mohobataiN
jo ujarR sakeeN na panam sakeeN
sar-e-shaakh dil na saja kabhi
koi lamha khilte gulaab sa
sar-e-baab jaaN na raqam hoa
koi saaneha koi ulmiyaa
meri be yaqeeN mohobataiN
na ata hoa inhain dohor maiN
na sharf hi shohrat-e-aam ka
na sanad hi koi dawaam ki
na wisaal maiN koi sar khushi
na to shiddataiN ghum-e-hijar maiN
sab hi raahataiN bhi theeN ajnabi
na ruqaabatooN maiN khuloos tha
na theeN istewaar rifaaqataiN
kisi qaid maiN kisi jabar main
sau kitaab-e-jaaN ki ibaarataiN
na siyaah hoi na safaid hi
wahi ek rang tha surmaee
wo jo pairahan hai shaam ka
yoohi umar saari guzar gai
kisi sar kasheeda sawaal maiN
kisi khuaab k se khayal maiN
kisi khauf jese malaal maiN
ek ajeeb si soorat-e-haal maiN
meri bad naseeb mohobatooN
meri ek baat ye jaan lo
kabhi mautabir jo bhi hogaeeN
isi zindagi hi maiN tum agar
to ye dair-e-baab khushi mujhe
nae dukh se kar degi aashnaaN
maiN kahaN se dhoond k laaogi
wo khushi baratne ka zauq-o-shoq
jise waqt le k bhi ja chuka

Galiyon mein kaisa shor tha,kyun bheer si maqtil mein thi


Galiyon mein kaisa shor tha,kyun bheer si maqtil mein thi
Kia wasf us shair mein tha,kia baat us pagal mein thi

Aisa sitam kia ho gaya,ek raahro tha,kho gaya
Phir zindagi ki sham thi aur sham bhi jungle mein thi

Ki kia hua,chalti rahi yeh lo magar jalti rahi
Kia zor us andhi mein tha,kia taab us mashal mein thi

Shola ba dil,aatish bajaan phirta raha woh be-amaan
Warna saba zulfon mein thi,warna ghata kajal mein thi

Tarsi hui ankhon mein,kin kin sahilon ke khwab thay

Par kashti-e-umr-e-rawaan haalaat ki daldal mein thi
Khil’att ne awaaze kasey,taane diye,fatwe jarre


Woh sakht jaan hansta raha,go khud kushi pal pal mein thi
Apni kasheed-e-jaan se hi peeta raha,jeeta raha

Nasha kahan saghar mein tha,masti kahan bottle mein thi

Un ki dahleez tak ja kar wo sub waady bhoola dena

Un ki dahleez tak ja kar wo sub waady bhoola dena
Guzar un ka jahan se ho wo sub raasty bhoola dena



Agar jeena he nae sir se to maazi ke wo pul saary
Udaasi men ghiry thy jo wo sub lumhy bhoola dena



jahan un ki nigahon se kanwul khilty hen sub saary
nasheely khuwab ki tarha wo sub julwey bhoola dena



sanum ki yaad turpaey na tumhen sookh aaram mil paey,,
jala kar khut jo tum un ke wo sub raabity bhoola dena


Mokader ke paharon se suron he jo tukrana
Mohabat men mar mitny ke wo sub juzby bhoola dena


Wafa ke phool morjhaen jafa ki tez hawaon men
choony ulfat ke bagon se wo gul dusty bhoola dena


Jawani ke hen din thory nahin he sath koi deta
kasam waady kiye thy jo wo sub jumly bhoola dena


Pookary jo tumhen gum-e-hijra"n ke dukh sary
na mor kar dekhna hurgiz wo sub naary bhoola dena

Pather hi sahi raah mein haael to rahunga


Pather hi sahi raah mein haael to rahunga,
Kuch dair tera madd-e-muqabil to rahunga..

Jab tak teri bakhshish ka bharam khul nahin jata,
Ay meri sakhi,main tera saael to rahunga..

Is waaste zinda hoon sar-e-maqtil-e-yaraan,
Wabasta-e-kam zarfi-e-qatil to rahunga!

Ay taiz hawa mera dhuwaan dekh k jana,
Bujh kar bhi nishan-e-reh-e-manzil to rahunga!

Dushman hi sahi naam to lay ga mera tu bhi,
Yoon main teri awaz mein shamil to rahunga..

Jab tak main baghawat na karun jabr-o-sitam se,
Zindaan mein hoon,paband-e-salasil to rahunga.?

Mohsin zad-e-adaa se agar mar bhi gaya main,
Maiyaar-e-tameez-e-haq-o-batil to rahunga..

Abhi kuch pul hamarey haath main hain


Abhi kuch pul hamarey haath main hain
koan jaaney
konsa lamha hamarey haath say phisley, girey
or paoon ki zanjeer hojayey
abhi yeh din jo lagta hay k hum ik doosrey k saath
reh saktey hain pal do pal
najaaney kub kahan deewaar bun jayain
abhi do chaar saansain buch rahi hain
yeh to jhaunka hain
kisey maloom kis aahistagi say yoon guzar jayay
k hum daryaoun k do mukhtalif na'aashna goongey kinaaroun par
kharey
ik doosrey ki shakal takney ko taras jayain
meri awaaz teri yaad main zinda hou bus
or main teri tasweer aankhoun main liyey rona chupaoon
shehar waaloun say
abhi kuch pul hamarey haath main hain
hum jo chahain gain to kuch kum kum bhi mil lain gain
magar jaaney kahan.... ?
kub... ?
konsa lamha....?

Main Kab ka Khud Se Bicharr Chukka Hoon


Bicharnay Waalay!
Bicharnay Waalay!
Tujhay Khabber Hai?
K Tairay Jaanay se Maira Jeevan
Hazaar KhanooN main Batt Gaya Hai!
Tujhay Khabber Hai Bicharnay Waalay!
K Mairi Khushiyan hee Kho Gai Hain
Main Kitna Tanha Sa Ho Gaya HooN
Wajood Maira Tu Iss Safar Main
Yeh Daikh ZakhmooN se Att Gaya Hai
Main Sochta HooN!
Mager Yeh Sochain,
Kyun Aik Nuqtay Pe Jamm Gai Hain,
Mujhay Yeh Mehsoos Ho raha Hai!
K Jaisay Saansain Hee Thamm Gai Hain
Mujhay Bata Day Bichrnay Waalay!
K Khud ko Kaisay Sambhalna Hai
Hijar K RastoooN Pe Chaltay Chaltay!
Yeh Mairay PaaoN Laho main Terr Hain
Yaqeen Ker Lay Main Thakk Gaya HooN
Bicharnay Waalay! Tujhay Khabber Hai
Main Kab ka Khud Se Bicharr Chukka Hoon

un kahi batoon ko un sunay lafzoon ko


un kahi batoon ko
un sunay lafzoon ko
qaid say rehaey do
ke warna .....
guzrya hoyay kal ki
chubhan ki bazgasht ....
mairi koey unkahi
tumhari koey unsuni
aanay walay kal main
achanak kabhi takrai to
ankhain khoon rooain gi
zubaan laRkharaey gi
samAt kalbalaey gi .
zindigi dagmagaey gi.
jis chubhan pe zinda thay
ik pal main na rahi
to
usi pal mar jao gay

wo nafraton ke sawal kar ke


wo nafraton ke sawal kar ke

mohabaton ke jawab maange

ye chaahton ki karri mushaqat

chalen hain tanha

shikast khuurda

koi to mera bhi dard jaane

koi to uss se hisaab maange

Raat bhar taaron ko jaga raha he koi


Raat bhar taaron ko jaga raha he koi,
unhen takdeer per nohy sona raha he koi.


gozry mazi ke lumhon ko yad kurty hoey,
sookhi pulkon pe ansoo saja raha he koi.


logoN ki bebusi per ongliyan othany walo,
khatir khoshi ke jholi phehla raha he koi.


Tha naaz jisey kal apni rafakaton per,
aaj khod ke saey se ghubra raha he koi.


ghum o husrat ke bhunwar men jo gurk hoi,
tabah zindagi ki kushti bucha raha he koi.


jesy jaty hen kubron men dufnaey junazy,
yon apni khowahishon ko daba raha he koi.


shayed na jhel saka hijr ki sukhtiyon ko,
tub hi to apny ghar ko jala raha he koi.


hai burson ke baad soya na bedar kar abhi,
issy supno men aa kar soola raha he koi.


janaa rahi hai sooli sada ashikon ki zeenat,
muktal se aesy naary laga raha hai koi..

Ye dil bhulata nahi hay muhabbatein us ki


Ye dil bhulata nahi hay muhabbatein us ki
pardi hoi thein mujhay kitni aadatein us ki

Ye mera sara safar us ki khushboowon mein kata
mujhay to rah dikhati thin chahatein us ki

Main door honay lagi hon to aesa lagta hay
keh chhaon mein jesi thin mujh pe rifaqatein us ki

Ye kis gali mein kis sheher mein nikal aayay
kahan e reh gain logo sadaqatein us ki

Main barishon mein juda ho gai hon us say magar
ye mera dil, meri sansein amanatein uski

Jo khushi tumharay kareeb ho Woh sada tumhain naseeb ho


Jo khushi tumharay kareeb ho
Woh sada tumhain naseeb ho

Tujhe woh khulos milay ke jo
Teri zindagi pe muheet ho

Jo mayaar tujhko pasand ho
Jo tumhare dil ki umang ho

Teri zindagi jo talab kare
Teray hamsafar ka wo rang ho

Jo khayaal dil main aseer ho
Aur dua main bhi taseer ho

Teray haath uthatay hi Khuda karay
Teray saamne tabeer ho

Tujhe wo jahan milay jidhar
Ghamon ka koi guzar na ho

Jidhar rooshni ho khuloos ki
Aur nafratoon ko khabar na ho

Lafz gum ho jate hain youn aksar jannan


Lafz gum ho jate hain youn aksar jannan
jaise sagar me chah jaye sakoot achanak
jaise mouj-e-rawan tham jaye yakdum
jaise koi chup ho jaye kuch kehte kehte

Lafz tu lafz hain jane baharan
teray hon ya meray
chalo aj in munjamid jazbon ko kkuch lafz ata karain
lafz aise jo pighla dain undekhi zanjeron ko
aur
giran dain har dewar
chalo ab k jannan kuch aisa karain
ke
ye lafz gum hi na houa karain
chalo apne ehad-o-pemaan ko
ye lafz ata karain

muhabton ka zawal likhna jab bhi meri dastan likhna


muhabton ka zawal likhna
jab bhi meri dastan likhna

wafaon ka bhaut qehat pada hai
jafaon ka charcha sae-e-aam likhna

wo sahayed majboriyun ka qaidi ho
chalo usko na sazawar likhna

uski nigahain sarapa-e-sawal tehrein
per ye bhi teh hai na koi jawab likhna

aye meray MOULA kab ye kaha tha
na uska aur mera visal likhna

jis phool ko choona hum ne murjha ke gir gaya


jis phool ko choona hum ne murjha ke gir gaya
ab daman main kantun ke sewa nahi kuch bhi

hum ne kab na tujh se baatain kin tere sajde kiye
aae khuda on duaun se hasil howa nahi kuch bhi

kehte hain mazloom ki aah sonta hae woh jab
zalim ki saza,der o derwazah wa nahi kuch bhi

khail ke kirdaar hain pardah gire jab aankhun se
duniya khail tamasha hai eske sewa nahi kuch bhi

Anmol ho chuka hai ab ye piyar her jagah


Anmol ho chuka hai ab ye piyar her jagah
insaaN hi hai insaan se be-zaar her jagah

her roz mughfirat ki dua paRh k soya kar
aadam ba-shakl e mout hai tayyar her jagah

safr mohabbatoN ka go taveel tr raha
khoya hai main ne dil pe ikhtiyaar her jagah

goya wo lout kr yahaN aaye ga laazmn"
aisay kiya hai uska intezar her jagah

aadam e awwal ne faqt ki thi khataa bs ik
aur ibn e adam to hai khata kaar her jagah

taqdeer main likhi ho maat tab to baat hai
khud hi likh rahy hain apni haar her jagah

rishty khaloos dil ke ab na-paid ho chalay
lalch hawas o hirs ke ambaar her jagah.

jo tum ko bhool jae ussay dil se nikal do


jo tum ko bhool jae ussay dil se nikal do
meri aaghosh main aao zindagi sanwar do

jaltarung bajain hum bhi tarung main hon
jo zeghaiz kerde rooh ko essi malhar do

zehn o dil ter o tazah rahain bahr-soorat
jis pe ghizaan na aae mujhe esi bahar do

gardish e aiyam ki talkhiyaan na rahain baqi
jo otre nas nas main woh nashila khumar do

na jane kitni nazrun ki zad main he jamal
tum aao mere gher , meri nazr otar do

Maa ke jaisa dil ho, kisi ke seene mein


Maa ke jaisa dil ho, kisi ke seene mein
Aise to dunya mein,koi ho hi nahi sakta

Allah se yun gidh-gidah ke, apne bache ke liye
Jaise roti apni maa hei, koi ro hi nahi sakta

Jiski Maa yun samne uske, apna dam tod jaye
Wo shakhs phir chain se kabhi,so hi nahi sakta

Jisne seekha ho sabr karna, apni Maa se humesha
Koi gham uski ankhon ko, phir bigho hi nahi sakta

Tere sath dua hai Maa ki, tu ye janta hai
Beedh dunya ki chahe ho jitni, tu kho hi nahi sakta

Dunya mein har ik shahs mein koi kami to hoti hai


Dunya mein har ik shahs mein koi kami to hoti hai
Chahe Jitna khudh ko muqamal samjhe,uski aankh bhi roti hai

Khud ko jo tanha pata hei, jo dunya ke iss mele mein
Tanhai mein uski ghamon sang, Ik bheed si lagi hoti hai

Dil mein hon chahe lakhon gham, par ajeeb baat ye hai
Ke honton pe uske har ik pal, to muskaan saji hoti hai

Baton se tumhe lagta hei ke, gham usne kabhi dekhe nahin
Jhanko jo uski ankhon mein, chupi ajeeb si nami hoti hai

Dil ko na jaane dhadkane ka, usne hunar kaha se seekha hei
Uske hath pe rakho hath jo, to uski nabz to thami hoti hei

Har koi wafa ka haqdar nahi, zara kareeb se dekhna
Kuch logon ke chehre par bewafai ki, ik teh si jami hoti hai

Iss dunya mein agar tumhe jeena hai


Iss dunya mein agar tumhe jeena hai
To ek chehre ko apne chehre pe lagana hoga

Chahe jitne bhi hon gham bhare seene mein
Phir bhi honton pe, hansi ko sajjana hoga

Dil ki har baat ko na sabse karna kabhi
Kisi ek baat ko to dil mein chupana hoga

Sach bolna yahan kisko aata hei dost?
Tumhe dil ko jhoot se hi, behlana hoga

Yahan apne hi apnon ka bura karte hein
Kaun kehta hei ke dushman beghana hoga

Kissi hath mein nahi dete, apni zindagi ki dor
Iss patang ko to tumhe khud hi udaana hoga

Dunya nahi dekh sakti khush kisi ko
Buri nazar se tumhe khudh ko bachaana hoga

Janay kis zoam mein maqtal ko sajaye tum ho


Janay kis zoam mein maqtal ko sajaye tum ho
mujh ko kia qatl karo gay mere saaye tum ho

Mera pindar bardha isi mayyar kay sath
jis raoonat say mujhay daar pe layay tum ho

Is khijalat kay tabassum say ayan hen yaro
aastinon mein woh khanjar keh chupayay tum ho

Dost ka lutf to ehsan hay jab ho jayay
mehban phir bhi bardi dair mein ayay tum ho

Dastbasta o kamarbasta o labbasta sahi
is pe bhi khush ho keh darbar mein aayay tum ho

Hayay woh subh e tamanna keh na dekho gay Faraz
hayay in shammon ki qismat keh jalayay tum ho

Apnay mahl say thay qais kay rishtay kia kia


Apnay mahl say thay qais kay rishtay kia kia
dasht mein aaj bhi uthtay henbagolay kia kia

Ishq mayyar e wafa ko nahi karta nilaam
warna idraak nay dikhlayay thay rastay kia kia

Jaisay ham aadam o hawwa ki saza bhool gayay
darghulatay rahay jannat kay nazaray kia kia

Log ashyaa ki tarah bik gayay ashya kay liyay
sar bazar tamashay nazar aayay kia kia

Kahin qadmon kay nishan hen, kahin qabron kay nishan
karwan zeest ki sherah say guzray kia kia

Goonj uthta dil e insan to koi baat bhi thi
gosh insan mein undelay gayay daway kia kia

Lafz kis shan say takhliq hoa tha lekin
is ka mafhoom badaltay rahay nuqtay kia kia

Ek karan tak bhi na ponhchi meray batin mein Nadeem
sar aflaak damaktay rahay taray kia kia

Agar bazm-e-insan mein aurat na hoti


Agar bazm-e-insan mein aurat na hoti
khayalon ki rangeen jannat na hoti

Sitaron kay dilkash fasanay na hotay
baharon ki nazuk haqiqat na hoti

Jabinon par noor-e-musarrat na khilta
nigahon mein shan e murawwat na hoti

Ghataon ki aamad ko sawan tarastay
fizaon mein behki baghawat na hoti

Faqiron ko irfan-e-hasti na milta
ata zahidon ko ebadat na hoti

Musafir sada manzilon pe bhataktay
safinon ko sahil ki qurbat na hoti

Har ek phool ka rang phika sa rehta
nasim e baharan mein nikhat na hoti

Khudaai ka insaf khamosh rehta
suna hay kisi ki shafaat na hoti

Gul ko shabnam say aag lag jayay


Gul ko shabnam say aag lag jayay
maoj ko ram say aag lag jayay

Bazm e taqdees ki fizaon mein
husn e barham say aag lag jayay

Aesay zakhmon ko kia karay koi
jin ko marham say aag lag jayay

Kaash ! aay zindagi ki raqqasa
teri chham chham say aag lag jayay

Chandni kay suhag mein Saghar
chashm e purnam say aag lag jayay

Jo hadsay ye jahan meray naam karta hay



Jo hadsay ye jahan meray naam karta hay
mera shaoor usay nazr e jaam karta hay

Hamaray chak e gariban say khelnay walo
hamen bahar ka sooraj salam karta hay

Hamhi say qaos o qazah ko mili hay rangini
hamaray dar pe zamana qayam karta hay

Ye mekada hay, yahan ki har ek shay ka huzoor
gham e hayat bohat ahtram karta hay

Faqih e sheher nay tuhmat lagai Saghar par
ye shakhs dard ki daolat ko aam karta hay

Raat kay khawab sunaen kis ko, raat kay khawab suhanay thay


Raat kay khawab sunaen kis ko, raat kay khawab suhanay thay
dhundlay dhudlay chehray thay. par sab janay pehchanay thay

Ziddi, wehshi, alhard, chanchal, mithay log, rasilay log
hont unkay ghazlon kay misray, aankhon mein afsanay thay

Wehshat ka unwan hamari, in mein say jo naar bani
dekhen gay to log kahen gay, Insha jee diwanay thay

Ye lardki to in galyon mein roz hi ghooma karti thi
is say in ko milna tha to is kay lakh bahanay thay

Ham ko sari raat jagaya, jaltay bujhtay taron nay
ham kiun un kay dar par utray, kitnay aur thikanay thay

Gham-e-aashqi se keh do reh-e-aam tak na ponhchay


Gham e aashqi say keh do reh-e-aam tak na ponhchay
mujhay khaof hay ye tuhmat meray naam tak na ponhchay

Main nazar say pi raha tha keh ye dil nay bad dua di
tera haath zindagi bhar kabhi jaam tak na ponhchay

Nai subh par nazar hay magar aah ye bhi dar hay
ye sahar bhi rafta rafta kahin shaam tak na ponhchay

Ye adaa e be niyazi tujhay be wafa mubarak
magar aesi be rukhi kia keh salam tak na ponhchay

Jo naqaab e rukh utha di to ye qaid bhi laga di
uthay har nigah lekin koi baam tak na ponchay

Layi hayat aayay, qaza lay chali chalay


Layi hayat aayay, qaza lay chali chalay
apni khushi say aayay na apni khushi chalay

Behtar to yehi hay na dunya say dil lagay
par kia karen jo kaam na be dil lagi chalay

Kam hon gay is bisat pe ham jaisay bad qumar
jo chaal ham chalay so nihayat buri chalay

Ho umr e khizr bhi to kahen gay bawaqt e marg
ham kia rahay yahan abhi aayay abhi chalay

Dunya nay kis ka rah e fana mein dia hay saath
tum bhi chalay chalo yonhi jab tak chali chalay

Nazan na ho khud pe jo hona hay, woh hi ho
danish tri, na kuch mri danishwari chalay

Junoo"n ki kaed mien ye dil per goobar kaisa hai


Junoo"n ki kaed mien ye dil per goobar kaisa hai
Nasha jo piyar men na tha to khoomar kaisa hai



Chuly gaey jo gum-e-hijr se aleel kar ke mujhy,
kiyon gaer se poochty hen ke beemar kaisa hai



Jub bhi rootha to meri ankhon men numi bhar aai,
Wo kia jany ke manany men karar kaisa hai



Tum jo kahty ho ke eeman namazon men hy,,
To phir moola ye musjidon men intishar kaisa hai



Bikhar gai he meri zaat apni tunhai men,
Ab ginoo jo shubha-e-hijr to shumaar kaisa hai


diya jala ke wafaon ka men betha cokhut per,
hawa ne zor se bujha kar kaha ye intazar kaisa hai



Main manita hon ke wo kisi aur ka hai
magar munn ko iss hakeekat se inkaar kaisa hai

Azaab-e-ishq jo kundhon pe hum otha k chale


Azaab-e-ishq jo kundhon pe hum otha k chale..
khata bagaer na koi yun saza nibha k chale


men buzm-e-yar se mohabat ko esy chor chala,
laash bety ka koi hathon se dufina k chale


Aey. khudaya na kabhi esa din dekhy koi,
rakeeb aagy jub nazron ko hum jhooka k chale


Aey. zamana kiyon jafa un ki men parukh na saka
dekho ulfat ke chiragon se ghar jala k cchale


Kamal-e-zubt mera toota yun sanam ki cokhut per,
zaban ko bund or pulkon se ashk gira k chale


un ke dar tak meri korbat ka safar hota tha,,
Aaj dehleez se qadam kiyon to larkhra k chale


Piyar ki jot jalai thi jo munn mein
wo dil ke deepuk aahon se hum boojha k chale

Jalwon ki bheek, husn ki khairat chahyay


Jalwon ki bheek, husn ki khairat chahyay
ye kia kaha keh tujh ko mri zaat chahyay

Ab to kuch aesi soorat e halaat chahyay
woh bhi kahen, hamen to tra haath chahyay

Kis nay kaha tujh say musalsal ho iltifat
lekin kabhi kabhi to mulaqat chahyay

Aashuftagi jan hay mri wajha inbisaat
dunya ko to hansi kay liyay baat chahyay

Mumkin nahi keh koi, dua barwar na ho
din raat sarf us say manajat chahyay

Mahtab ruten aaen to kia kia nahi kartin


Mahtab ruten aaen to kia kia nahi kartin
is umr mein to lardkiyan soya nahi kartin

Kuch lardkiyan anjam nazar hotay howay bhi
jab ghar say nikalti hen to socha nahi kartin

Yan piyas ka izhaar malamat hay gunah hay
pholon say kabhi titliyan poocha nahi kartin

Qismat jinhen kar day shab e zulm kay hawalay
aanchal woh kisi naam ka aordha nahi kartin

Jo lardkiyan tarik muqaddar hon kabhi bhi
raton ko diyay ghar mein jalaya nahi kartin

Duniya ki loo`gee khushiyaan manaane mein reh gaya


Duniya ki loo`gee khushiyaan manaane mein reh gaya
ham bad-nasiib ashk bahaane mein reh gaye

kuchh jaaN- nissaar aise bhi guzare hai.n dehr mein
miT kar bhi jinn ke naam, zamaane me.n reh gaye

mismaar ho gayaa thaa mera ghar fasaad mein
taa- umr apnaa ghar hi banaane me.n reh gaye

aa.nsuu chhalak paRe tau, khabar sab ko hi gayii
ham apne dil ke daaGH chhipaane mein reh gaye

khud sar-baland ho na sake uumr-bhar kabhii
apne hariif ko jo jhukaane mein reh gaye

sikhaa nahii.n zamaane se chhoTaa sa ik sabaq
taa-uumr duusron ko sikhaane mein reh gaye

apne hunar se aur tau zardaar ban gaye
ham lo`g khote sikke chalaane mein reh gaye

insaan bhi jalaaye gaye lakriyon ke saath
ham hai.n k apni jaan bachaane mein reh gaye

Kabhi sochta hoon mein, ke tab kaisa hota


Kabhi sochta hoon mein, ke tab kaisa hota
Ke jo sab kuch, meri soch ke jaisa hota

Tum mujh jaise hote, mein tum jaisa hota
Diwaar beech mein lagaye na ye paisa hota

Hum muskura ke jo chaahte khareed laate
Har gareeb bhi ek raees shakhs jaisa hota

Har koi milta ek duje se kholoos ke sath
Aur uska dil bhi saaf sheeshe jaisa hota

Koi marne deta na, kisi ko bhook aur pyaas se
Hum sabke dil mein Khauf Khuda ka aisa hota

Koi aur badle na badle, ye baad ki baat hei
Tu dua kar janaa kash tu bhi aisa hota?

Kaash too mera sath deta kuch din aur


Kaash too mera sath deta kuch din aur
men bhi roswai se buch jata kuch din aur


dayar-e-husn kiya jany ulfat ki giran keemat,
mooft bazar-e-ishq men bik jata kuch din aur


gaer ke shano.n per teri jo bahen dekhin,
Ya Rub ye nazara na dikhlata kuch din aur

he tamunna dil-e-nadan ki mery hurjai se,
ke do pal mohabaton men gozarta kuch din aur

mezbani teri yadon ki sujai thi mun men,
dil ka mehman hi bun ke rukta kuch din aur

tum raho khush to chala jaon teri dunya se door,
gar na khuwabon men aakar satata kuch din aur

dil-e-mayoos ko gum-e-hijran ke na zakhum de dilbar,
ik molakat se hi bharum rakhta kuch din aur

Kiyon marasum ye toota na jaan suka
kaash teri daga ka sehar rehta kuch din aur

jub mila lutf teri bahon ki pazirai se


jub mila lutf teri bahon ki pazirai se.....
meny bhar kar khod ko paya sari khudai se...

Ankkh num hoti thi un ki rooth jany se qabl,
ye ada kis ne choorali he mery hurjai se..

ab men sumjha hon birahmun ki boot parasti ko,
k meri terha wo bhi andha he ishq-e-beenai se.


Tum khuda ka mujh pe ehsan ho ba soorat-e-dilbar,
ya ibn-e-Mariyum ka mojiza ho koi masihai se.......


nahin perwa kisi adam ko deen o dunya ki yahan,
bus k wakif he wo khuwahish ki shanasai se..


Mujh pe ilzam kushi ki tum na takleef otha,
men hon budnaam bohat khod ki be hayai se..


guzri yaadon ki aseeri ne mujhy jawed rukha,
dosti muzboot hogai phir apni tunhai se....


chor kafir pe durgozar ki ab ye aadat
kuch bhi haasil nahin jahiL ki rahnoomai se.

JUB KHOOB KHUDA NE KIA YE INTAKHAB CHEHRA


JUB KHOOB KHUDA NE KIA YE INTAKHAB CHEHRA.
FARISHTON NE MIL KAR KAHA HE LAJAWAB CHEHRA.


RAHY NOOR-E-SHUMS MADHUM OR CHAND BHI SHURMAEY,
IK LUMHA JO HO JAEY YE BE HIJAAB CHEHRA.

ZAHID BHI APNY ZOHD MEN KAAMIL NAHI REH SUKTA,
MEHFIL MEN AGAR DEKH LY YE KATIL SHABAB CHEHRA.

UNJAN SE NASHY MEN MUKHMOOR HOGAYA HON,
NENO KE SAGARON SE JO PILAYA SHARAB CHEHRA.

HUR PHOOL KI HE HUD-E-UMR KHILTA NAHI KHIZAN MEN,
KABI MAR KAR NA MORJHAEY HE WO GUL E GULAB CHEHRA.

DARWESH RAHI HE DUNYA KIYON HUSN K JULWON KA,
ISS RAZ SE PARDA HUTA JUB UTRA NAKAB-E- CHEHRA.

ZULMAT KADY HEN AOR BHI WAHSHI JAHAN HE SARA,
MERY ISHQ KE GHAR KIYON KHOLAYE WEHSHUT KA BAB CHEHRA

MISKEEN KO AAYA NAHIN KABHI FUN SANAGARI KA,
HUSRAT RAHI K AB TAK NAHIN DEKHA JANAB CHEHRA......

Humko aatay thay kabhi khwab suhanay walay

Humko aatay thay kabhi khwab suhanay walay
Janay kis shehr gaye hum ko lubhanay walay

Ab uss k raastay mein kon dil bicHaaye ga?
Mileinge uss ko kahan ham sa chaahnay walay?

Woh to kuch itni ada say tha pukara us nay
Werna hum bhi thay kahan lot kay janay walay

Wo jo kartay thay her ik baat par hi jaaN sadqay
Janay kis dais gaye dost puranay walay

Hath mein hath diye sath chalein gay younhi
Hum se jaltey hein to jal jaein zamanay walay

Waqat e rukhsat teri aankhon ne ghazab kia dhaya
Keh gaein raaz sabhi, jo they chupanay walay

Doobta chand hai, saahil ki hawa, main aur tum
Ab kion aatey hein wohi khwab puranay walay 

hum ne to dekh liya ye dil lagany se pehly


hum ne to dekh liya ye dil lagany se pehly.
tum kitny be wafa thy humen apnany se pehly.

he perwanoN ki fitrat wahi julna wa turapna,
per shama to bojhti nahi sehar hojany se pehly.

kiyon dostoN ko parukhna he dustoor-e-zamana,
hum haar chuky hen tumhen aazmany se pehly.

iss se barh kar wafa ki aor den kiya daleel,
k khud hi ro pary hen tumhen satany se pehly.

dunya se chupaey rukha apny piyar ko lekin,
nuzroN se ayaaN hogaey kuch batany se pehly.

wo kis terha den apni begunahi ka saboot,
jo wady apny taor gaey kisi bahany se pehly.

miskeen teri daga se kabhi be khabar na tha,
tubhi to rota chaor gaey humen manany se pahly.

aye chaand agar na too hota ye raat soohani na hoti


aye chaand agar na too hota ye raat soohani na hoti,
phoolon mn mehuk taron mn chamuk hr shae mn jawani na hoti.

ye zulf shab e dejor se aur chal teri mastani si
bulbul na sunti geet koi, aur lehroon main rawani na hoti

Koi na perhta heer, na samajhta shereN-ferhad
roshan na hoti koi shama, perwaney ki kahani na hoti

hur chodviN ko tum aangun main mehboob k lums ko chooty ho,
men lurta jhagurta tum se agar wo tujh pe deewani na hoti.

mehtab-e-falak aa dekh zara mehtab-e-zameeN k julwon ko,
tera naam sanam ko na deta gar tujh si peshani na hoti.

muqrooz tera hur aasique he mujboor tera hur shair he,
julwaa na tera gar roshan ho nughmon main rawani na hoti.

Kuch aag si pinhaan hay teri in thandi thandi kirno mein
warna in chandni raaton mein wehshat ki rawani na hoti

choti aankhain khab baray rastay main kab raat paray


choti aankhain khab baray
rastay main kab raat paray

chal ab ghar ko laot chalen,
phir se na barsaat paray.

kaon nibhaey ishq k vaadey ?
toofano'n se kaon larey

Bhoolney waley tujh per to they
nada'n dil ko maan barey

daman mera laho laho
aankhon mein youn khwab gharey

teri zad se nikalanaa chaahata hai


teri zad se nikalanaa chaahata hai
ye dariyaa ruKh badalanaa chaahataa hai



vo sapanaa jis kii suurat hii nahii.n hai
merii aa.Nkho.n me.n chalanaa chaahataa hai

dilo.n kii maa.Ndagii pe kyaa ta'ajjub
ki suuraj bhii to Dhalanaa chaahataa hai



nashist-e-dard badalii hai to ab dil
zaraa pahaluu badalanaa chaahataa hai



mujhe bhii saamanaa hai karbalaa kaa
meraa sar bhii uchhalanaa chaahataa hai

nahii.n hai tarjumaan-e-Gam ye aa.Nsuu
ye paanii ab ubalanaa chaahataa hai



tabassum zer-e-lab kahataa hai 'Amjad'
koi jazbaa machalanaa chaahataa hai

Tuesday, May 24, 2011

Kho kar mujhay panay ki tamanna na karo tum


Kho kar mujhay panay ki tamanna na karo tum
yon apni muhabbat ko to ruswa na karo tum

Hay tum ko agar ham say taghaful ki shikayat
haal dil e bimaar sunaya na karo tum

Ek baar bhula kar, jo sao baar jataen
ehsan kabhi un ka uthaya na karo tum

Pchhtanay say to behtar Qamar baat yehi hay
hargiz kabhi apnon pe bharosa na karo tum

Kabhi Hum Un se Kabhi Woh Hum Se Rooth Jate Hain


Kabhi Hum Un se Kabhi Woh Hum Se Rooth Jate Hain
Hawa Kuch Chalti Hai Aisi Ke Kinare Choth Jate Hain


Samandar Ki Gehrayi Se Bhi Hote Hain Jo Gehray
Pal Bhar Main Woh Rishtay Kyun Toot Jate Hain

Jin Pe Hota Hai Bharosa Apne Aap se Bhar Kar
Woh Log Dil Ki Dunya Kyun Loot Jate Hain

Teer Chalta Hai Jab Nafrat Ka Un Ki Aakhon Se
Dil Kaanch Ke Hote Hain Aksar Toot Jate Hain

Bara Naaz Tha Mujhe Un Ki Wafaon Par
Zara Zara Si Baat Par Jo Aksar Rooth Jate Hain

mujhe tan se ziyaada, us kaa mann acha laga tha


mujhe tan se ziyaada, us kaa mann acha laga tha
aur us ki shakhsiyat kaa baankpan acha laga thaa

Gharaz mujh ko nahiin thii zaahirii surat se us ki
mujhe tau sirf andaaz-e-suKhan achchhaa lagaa tha

vo siidhii baat bhi kartaa thaa aksar shaayrii meN
mujhe uss kaa yehii diivaanaapan achchhaa lagaa tha

zamaanaa keh rahaa thaa us ke baare meN fasaane
magar mujh ko tau us kaa har chalan achchhaa lagaa tha

dhanak ke raNg hi bhaate haiN aksar laRkiyoN ko
mujhe tau eik saadaa pairahan achchhaa lagaa tha

bane alfaaz aNgaare tau ab hairaan huuN maiN
ke us lahje kaa mujh ko dhiimaapan achchhaa lagaa tha

mire baaloN ki chaaNdii se gurezaaN aaj hai wo
jise kal mera chaaNdii saa badan achchhaa lagaa tha

vo jis dam us ne mujh se khelne ko chaaNd maaNgaa
mujhe bachche kaa apne, bholaapan achchhaa lagaa tha

pariindaa laut ke vaapas qafas meN aa gayaa hai
jise phailaa huvaa niilaa gagan achchhaa lagaa tha

Tujh se milnay k karay dil ye bahanay kia kia


Tujh say milnay kay karay dil ye bahanay kia kia
ishq ho jayay to bantay hen fasanay kia kia

Tujh ko paa lenay ki tadbeer mein dhondhon har soo
main nay dekhay hen teray khawab suhanay kia kia

Main nay aankhon say teri sari balaen lay lin
ranj uthayay hen teray wastay janay kia kia

main hi janoon hon, mujhay waqt nay kia zakhm diyay
mujh pe bitay hen muhabbat mein zamanay kia kia

Ek wohi raaz meray dil mein na thehra pal bhar
aek wohi baat lagi sab ko sunanay kia kia

Ishq Mujhko Nahin, wehshat Hi Sahi


Ishq Mujhko Nahin, Vehshat Hi Sahi
Meri Vehshat Teri Shohrat Hi Sahi
Katta Keeje Na Taalluk Hamse
Kutch Nahin Hai To Adavat Hi Sahi

Mere Hone Mein Hai Kya Rusvayee
Ae Veh Majlis Nahin Khallat Hi Sahi
Hum Bhi Dushman To Nahin Hain Apne
Gair Ko Tujhse Mohabbat Hi Sahi

Apni Hasti He Se Ho Jo Kutch Ho
Aagahi Gar Nahin Gaflat Hi Sahi
Umr Harchand Ki Hai Barke-Kharam
Dil Ke Khoon Ki Fursat Hi Sahi

Hum Koyee Tarqe-Vafa Karte Hain
Na Sahi Ishq Museebat Hi Sahi
Kutch To De Ae Falke-Na-Insaaf
Aaho Fariyad Ki Rukhsat Hi Sahi

Hum Bhi Tasleem Ki Khoo Dalenge
Benayazi Teri Aadat Hi Sahi
Yaar Se Chedh Chali Jaye 'Asad'
Gar Nahin Vasl To Hasrat Hi Sahi

Aawaaz de rahi hai yeh kiski nazar Mujhe


Aawaaz de rahi hai yeh kiski nazar Mujhe
Shayad mile kinara wahin doobkar Mujhe

Chaha Tujhe to khud se Mohabbat si ho gayi
Khone ke baad mil gayi apni khabar Mujhe

Har har kadam pe saath hoon saya hoon mai tera
Ai bewafa dikha to zara bhool kar Mujhe

Duniya ko bhoolkar teri duniya me aa gaya
Le jaa raha hai kaun idhar se udhar Mujhe

Duniya ka har nazara nigahon se chheen le
Kuch dekhna nahi hai tujhe dekhkar Mujhe

Hamara Haal Kab Poocha Gaya Hay


Hamara Haal Kab Poocha Gaya Hay
Hamain Hasrat Say Bas Dekha Gaya Hay

Kisi Ko Khud Say Barh Kar Chahnay Ka
Muhabbat Nam Q Rakkha Gaya Hay

Woh Kal Hoga Jahan Ki Thokroun May
Abhi Barh Kar Jisay Chooma Gaya Hay

Yahan Jis Nay Bhi Ahcay Sher Likhay
Usi Ka R aasta Rokha Gaya Hay

Mere Zakhmoun Say Andaza Laga Lo
K Mujhay Ko Kis Qadar "CHAHA GAYA HAY"

Har Shaam-e-roz Dil Ko Behla Leta Hoon


Har Shaam-e-roz Dil Ko Behla Leta Hoon..
Tanhai Mein Khud Ko Hi.. Dost Bana Leta Hoon..

Kabhi Yaad Unko Kar.. Muskura Leta Hoon..
Guzre Lamho Ko Phir.. Kareeb Bula Leta Hoon..

Shaam Jab Aati Hai.. To Pooch Jaati Hai..
Kyaa Aaj Bhi Aansu Bahaoge? Mein Hans Deta Hoon..

Har Shaam-e-roz Dil Ko Behla Leta Hoon..
Tanhai Mein Khud Ko Hi Dost Bana Leta Hoon..

Zindagi Ko Jeenewala..Aaj Kyun Chup Baitha Hai..
Jab Maa Yeh Poochti Hai.. To Sir Jhuka Leta Hoon..

Ab Mera Yaqeen Kamzor Padta Jaa Raha Hai..
Mohabbat Tere Naam Se.. Dil Darta Jaa Raha Hai..

Pooche Gar Koi..Ke Meri ye Haalat Ka Zime-daar kaun,
To Aaine Mein Dekh Khud Pe Ungli Utha Deta Hoo..

Har Shaam-e-roz Dil Ko Behla Leta Hoon..
Tanhai Mein Khud Ko Hi Dost Bana Leta Hoon…

Kuch B Na Ban Para To Dabo Daingay Safeena


Kuch B Na Ban Para To Dabo Daingay Safeena
Sahil Ki Qasam Minnat-e-Tufaan Na Karaingay

Likh Agar Waqt-e-Rawan


Likh.............
Likh
Agar Waqt-e-Rawan
Tufeeq-e-Muhlat Day Tujhay
Rooh K Awraaq Par
Apnay Badan Ki "DASTAAN"

Koi ghazal suna ker kya kerna


Koi ghazal suna ker kya kerna,
Yoon baat barrha ker kya kerna..?

Tum mere thay tum mere ho,
Duniya ko bata ker kya kerna..?
...
Tum ehad nibhao chaahat say,
Koi rasm nibha ker kya kerna..?

Tum khafa bhi achay lagtay ho,
Phir tum ko mana ker kya kerna..?

Tere dar pe aa k bethay hain,
Ab ghar bhi ja ker kya kerna..?

Din yaad se acha guzray ga,
Phir tum ko bhula ker kya kerna

Apni mohabbat ki koi wazahat nahi karta


Apni mohabbat ki koi wazahat nahi karta
Han yeh dil tere siwa koi chahat nahi karta

Ek hum hain jo inpar khushiyan bhi nichawar kar dete hain
Ek woh hai jo dard bhi inayat nahi karta

Jab bhi isay bhoolnay ki koshish karta hoon
Mere andar hai koi jo meri himayat nahi karta

Apni taqdeer ki kitab main hi shayad mohabbat ka baab nahi
Main tum se koi jana shikayat nahi karta.

fasle mehro muhabbat ko zar kha gaee


fasle mehro muhabbat ko zar kha gaee
zindagi ko kisi kee nazar kha gaee
....

mujh pay iflas kee teergi mustaqil
merai bachoon ka roshan sahar kha gaee
....

mera ghar hi nahi muflisi ka shikar
oor bhi aisai kitnai hi ghar kha gaee
....

dil kai hathon muhabbat main us nai faraib
laakh chaha na kha e magar kha gaee
....

tab hi aya dua kai asar ka yaqeen
jab bala ko dua asar kha gaee
....

zindagi ka rahai kaisai phir aetibar
zindagi zindagi ko agar kha gaee

Waqt burham ho to Puray Kahan arman hongay


Waqt burham ho to Puray Kahan arman hongay.
PaaeNgay hum na sokooN bulkay parishan hongay.

Dust-e-purkhar ki Zahmat bhari Tanhaai Main.
Chaak dil Chaak Jigar Chaak Gariban hongay.

Saath lay Jaingay Qirtas-e-amal Hum apnay.
Dufn jub khaak main hum Sokhta Samaan hongay.

Kum nagahi say mujhay daikh nay walay ekdin.
Meri Qismat kay sitaray bhi daraksha hongay.

Yeh Zamana to sada Aik Saan rahta hi nahi.
Hansnay Walay Bhi Kabhi Maa-e-lay Giryan hongay.

Tum nay Daikha Hay jinhay Shabh Kay Safar mai roshan.
Ab Sitaray woh KhaN Din MaiN NomayaN hongay.

Naz Sujday pay ghalat hoga tumhara Sajid.
Tum say Kitnay Hi Yahain Sajda GuzaraN hongay.

nahi cher un ke tasawwur meN ai bahaar mujhe


nahi cher un ke tasawwur meN ai bahaar mujhe
kissi ki yaad mein rehney day bay qarar mujhe

hawaa nah de mire shauq-e-wafaa ko yooN hamdam
nah kar de Hasrat-e-dil phir gunaahgaar mujhe

jab aayinay taras gaye aur aks dhundlay huay
chaman meN kheeNch laaya Husn-e-naubahaar mujhe

tiraa naSeeb, Gham-e-dil! kabhee to jaage gaa
abhee to rehne de Hasrat kaa too shikaar mujhe

anaa huyee thee muHabbat kee kyoN Hareef bhalaa?
kiyaa shikast-e-anaa ne hai sogawaar mujhe

rahaa nah yaad mah-o-saal kaa shumaar mujhe
huwaa jo ishq meN laaHaq yeh intizaar mujhe

nah jaaooN gee kabhee dunyaa-e-Khwaab mein
nah aaYe gaa kissi waday pay aitbaar mujhe

badi lambi kahani hai, tujhe leikin sunani hai


badi lambi kahani hai, tujhe leikin sunani hai
tera ghum jaan leva yaad teree par suhani hai


ghamoon ko chor bhi detey, sakoon ko tham hi letey
ghamoon sey kya karein leiekin, bari yari purani hai

ghamo tum door hi rehna, samandar ansoon ka hai
baha le jaye na tum ko, ye lehri bhi dewani hai

zameen ko cheerna chahye, hawa pey teyrna chahye
badi pagal sahi leikin yehi yaroon jawani hai

Mohabat bhol bhi jatey, sanam pey yuon na hum martey
magar 'ijaz' baibas hain, ye afat asmani hai

Na Hamari Gazlen Padha Karo Na Hi Hum Pe Gazlen Likha Karo


Na Hamari Gazlen Padha Karo
Na Hi Hum Pe Gazlen Likha Karo

Bus Eik Aag Hi Mere Jism Me
Mujhe Is Tarah Na Chuwa Karo

Jo Utha Hai Daste Talab To Phir
Mere Haq Mein Bhi To Dua Karo

Who Hai Be Wafa Hai Use Khaber
Mujhe Keh Raha Raha Hai Wafa Karo

Yahi Mere Dil Ki Hai Aarazoo
Mere Saamne Hi Raha Karo

Jo Hai Sang Sang Hi Rehne Do
Na Tarash Kar Ab Khuda Karo

Yahan Be Hayayi To Aam Hai
Zara Paas Sharm O Haya Karo

Kabhi Ungliyo Se Fizawon Mein
Mera Naam Yuon Na Likha Karo

Sitam-sha'ar hain, halaat hain, awamil hain


Sitam-sha'ar hain, halaat hain, awamil hain
Saraab dil ki tamanna ke sab muqabil hain

Hazaar shukr ke nakhwat ko ilm hi na hua
muhabbaten bhi to gustakhion main dakhil hain

Wo ek shakhs jo dil main maqaam rakhta tha
Usi ke naam ke tashnay wafa ko hasil hain

Tamam shehr tamanna ke behr main utra
Utar sake na magar ham ke ham to Sahil hain

Ye aur baat ke hasti to mit gai apni
Magar ye zoam ke ehl-e-junoon main shamil hain

Chale To Kat Hi Jaye Ga Safar Ahista Ahista

Chale To Kat Hi Jaye Ga Safar Ahista Ahista
ham us ke paas jaate haiN magar aahistaa-aahistaa

dikhaa denaa usey zaKhm-e-jigar aahistaa-aahistaa
samajh kar, soch kar, pahchaan kar, aahistaa-aahistaa

uThaa denaa hijaab-e-rasmiyaat-e-darmiyaaN lekin
Khitaab aahistaa-aahistaa, nazar aahistaa-aahistaa

abhii taaroN se khelo, chaaNd kii kirnoN se iThlaao
milegii us ke chehre kii sahar aahistaa-aahistaa

dariichoN ko to dekho, chilmanoN ke raaz to samjho
uTheNge pardah_haa-e-baam-o-dar aahistaa-aahista

yooN hii ik roz apne dil kaa qissah bhii sunaa denaa
qit'ah aahistaa-aahistaa, nazar aahistaa-aahistaa

zamaane bhar ki kaifiyat simaT aayegi saaGhar meN
pii'o un aNkhRhioN ke naam par aahistaa-aahistaa

mahak uThegii saarii rah_guzar aahista-aahista


mahak uThegii saarii rah_guzar aahista-aahista
huaa karta hai khushbu ka safar aahista-aahista

diye sirf ek gham ne ziNdagii ko zaaviye kyaa-kyaa
jaliiN ik lau se shammeN kis qadar aahista-aahista

mere husn-e-nazar ka khud mujhe ehsaas tak kyooN ho
jamaal-e-yaar kar aaNkhoN meN ghar aahista-aahista

shuaaeN khud hi apna raasta pahchaan letii haiN
utar aatii hai aankhon meN sahar aahista-aahista

teri yaadeN bhii ik-ik kar ke rukhsat hotii jaatii haiN
bichhaRhte jaa rahe haiN hamsafar aahista-aahista

phir uthii dil meN ek mauj-e-shabaab aahista-aahista


phir uthii dil meN ek mauj-e-shabaab aahista-aahista
Phir aaya ziNdagii meN inqilaab aahista-aahista

samaa kar mujh meN wo aain-e-shabaab aahista-aahista
banaa degaa mujhe apnaa jawaab aahista-aahista

yeh mahfil zaahedaana-e-khushk kii mahfil hai ai riNdo
zaraa is bazm meN zikr-e-sharaab aahista-aahista

merii nazreN mujhii ko rafta-rafta bhoole jaatii haiN
hue jaate haiN jalwe kaamyaab aahista-aahista

na kahiye, haaN na kahiye, aapko mujhse muhabbat hai
nigaaheiN khudd hii de deNgii jawaab aahista-aahista

''Shakeel'' iss darjah maayoosii shuroo-e-ishq meN kaisii
abhii to aur honaa hai Kharaab aahista-aahista

chala aata hai ek mast-e-shabaab aahista-aahista


chala aata hai ek mast-e-shabaab aahista-aahista
duaaeiN ho rahii haiN mustejaab aahista-aahista

haya kushta hooN maiN uThe naqaab aahista-aahista
sukooN se ham_baghal ho izteraab aahista-aahista

sharaab-e-naab de lekin zara ruk-ruk ke jhuk-jhuk ke
nigaah-e-mast kar mast-o-Kharaab aahista-aahista

khud apne husn ka parda hai noor-e-sarmadi teraa
bane jis tarah mehar apnii naqaab aahista-aahista

tasallii ki ye baateiN haiN, ke taRhpane ki baateiN haiN
khaamoshi, phir tabassum, phir Khitaab aahista-aahista

be_hamdillah shoKhii se hua sheer-o-shakar aaKhir
ghula mauj-e-tabassum meN hijaab aahista-aahista

mujhe kyaa niiNd aaegii ke ham-dam maiN ne dekhii haiN
woh aaNkheiN baNd hote, waqt-e-Khwaab aahista-aahista

shabaab-e-husn kii garmii meN hai raNg-e-hayaa shaamil
gul-e-aariz se khiNchtaa hai gulaab aahista-aahista

mohabbat raah kartii hai yooNhii mahboob ke dil meN
ke jaise nashaa kartii hai sharaab aahista-aahista

khulii jo aaNkh, ufaq par ek sitara jhilmilaata thaa
maiN samjha tha ke jaaega shabaab aahista-aahista

''Asar'' is tarah meN misra ''Walii'' ka to suna hogaa
"khitaab aahista-aahista jawaab aahista-aahista"

sarakti jaaye hai rukh se naqaab aahista-aashista


sarakti jaaye hai rukh se naqaab aahista-aashista
nikalta aa rahaa hai aaftaab aaista-aahista

javaaN hone lage jab wo to ham se kar liya parda
haya yak_lakht aa_ii aur shabaab aahista-aahista

shab-e-furqat ka jaaga hooN farishto ab to sone do
kabhii fursat meN kar lenaa hisaab aahista-aahista

sawaal-e-vasl par un ko udoo ka Khauf hai itnaa
dabe hoNThoN se dete haiN jawaab aahista-aahista

wo be_dardii se sar kaateN ''Ameer'' aur maiN kahooN unse
huzoor aahista-aahista janaab aahista-aahista

hamare aur tumhare pyaar meN bas farq hai itna
idhar to jaldi-jaldi hai udhar, aahista-aahista

kiya mujh ishq ne zaalim koon aab aahista-aahista


kiyaa mujh ishq ne zaalim kooN aab aahista-aahista
ki aatish gul kooN kartii hai gulaab aahista-aahista

ajab kuchh lutf rakhta hai shab-e-Khalvat meN gulroo sooN
Khitaab aahista-aahista jawaab aahista-aahista

mire dil kooN kiyaa be_Khud tirii aNkhiyaaN ne aaKhir kooN
ki jyooN be_hosh kartii hai sharaab aahista-aahista

adaa-o-naaz sooN aata hai vo raushan_jabiiiN ghar sooN
ki jyooN mashrik se nikale aafataab aahista-aahista

''walii'' mujh dil meN aata hai Khayaal-e-yaar-e be_parvah
ki jyooN aNkhiyaaN mane aataa hai Khwaab aahista-aahista

Mein ke phir dasht-e rifaqat ka safar ker aaya


Mein ke phir dasht-e rifaqat ka safar ker aaya
kia kahoon kitni aziyat se guzer ker aaya

har koi ham se mila umr-e guraizan ki tarah
woh tou jis dil se bhi guzra ghar ker aaya

tum ne ik sang uthaya mer aayiney per
aur har shakhs ko mein aayeina-gar ker aaya

mujh se kia poochtey ho shehr-e wafa kaisa hai
aisa lagta hai saleebon se uter ker aaya

sirf chehrey hi agar karb ke aayiney hein
kyun na mein dil ka lahoo aankh mein bhar ker aaya

ab jo is sheher ki taqdeer ho, mein tou logon
dar-o deewar pe hasrat ki nazar ker aaya

ham tou samjhey thay mhbt ka payambar hai Faraz
aur woh be-meher touheen-e hunar ker aaya.

Kyon Na Mujh Per Itaab Ho Jaye


Kyon Na Mujh Per Itaab Ho Jaye,
Yeh Bhi Kaar e Sawab Ho Jaye.

Khaar Dekho Jo Muskurake Tum,
Phool Ka Woh Jawaab Ho Jaye

Aao Chalte Hain Mai Kade Ki Taraf,
Ek Daur e Sharab Ho Jaye

Ya Ilahi Jo Raat Dekha Hai,
Ik Haqeeqat Woh Khwaab Ho Jaye

Unki Nazron Se Khud Gire Bijlee,
Khaak Unka Naqab Ho Jaye

Dekh Lo Tum Gulabi Ankhon Se,
Saara Pani Sharab Ho Jaye

Tum Agar Rooth Jao Manzar Se,
Zindagi Ik Azaab Ho Jaye

Maut Ki Reh Guzar Mein Hoti Hai


Maut Ki Reh Guzar Mein Hoti Hai,
Zindagi Jab Safar Mein Hoti Hai.

Unke Ghar Mein Chiraagh Jalte Hain,
Roshni Mere Ghar Mein Hoti Hai.

Kya Mohabbat Isi Ko Kehte Hain,
Kyun Yeh Sozish Jigar Mein Hoti Hai.

Unka Ana Hai Maut Ka Ana,
Zindagi To Khabar Mein Hoti Hai.

Kya Zaroori Ke Esi Dil Mein Ho,
Jesi Nafrat Nazar Mein Hoti Hai.

Jo Bhi Kehna Hai Saaf Saaf Kaho,
Mujh Ko Uljhan Agar Mein Hoti Hai.

Pani Hota Hai Ankh Mein Manzar,
Aag Bhi Chashm e Tar Mein Hoti Hai.

Kya Kya Ajab Gul Khilati Hai Zindagi


Kya Kya Ajab Gul Khilati Hai Zindagi,
Sukh Ke MausaMon Ko GaM Ki Chadar Udhati Hai Zindagi,

Pehle Aankhon Mein Khwaab Sajati Hai,
Phir Unhi Khwabon Ka Mazak Udati Hai Zindagi,

Pehle Khushbuon Se Phoolon Ko Mehkati Hai,
Phir Unhi Phoolon Se Khushbu Ko Churati Hai Zindagi,

Pehle GaM-E-Yaar Se Milati Hai,
Phri Usi GaM-E-Yaar Se Juda Karti Hai Zindagi,

Pehle Jeene Ka Jawaz HaMein Batlati Hai,
Phir Usi Jawaz Ko Mita Si Jaati Hai Zindagi...

Dukh Ki Do Ek Barsaton Mein Kab Ye Dil Payab Bhara


Dukh Ki Do Ek Barsaton Mein Kab Ye Dil Payab Bhara,
Wo To Koi Dariya Le Aaya Dariya Bhi Sailab Bhara,

Sochta Tha GaM Ko GaM Kaate Zeher Ka Zeher Bane Teriyaq,
Ab Dil Abla Abla Hai Aur Shisha Shisha Jaan Zeher,

TuM Aa Jate To Us Raat Ki Umar Bhi LaMbi Ho Jaati,
Abhi Tha Deewaron Par Sabzah Abhi Tha Sehen Gulaab Bhara,

Jaane Hijr Ki Raat Ke Wasl Ki Raat Guzaar Ke Aaye,
Aankhein Neendon Neend Bhari Hai JisM Hai Khwabon Khwaab Bhara...

Meri Zindagi Bhi Meri Nahi, Ye Hazaar Khaano Mein Bant Gayi


Meri Zindagi Bhi Meri Nahi, Ye Hazaar Khaano Mein Bant Gayi,
Mujhe Ek Mutthi ZaMeen De, Ye ZaMeen Kitni SiMat Gayi,

Teri Yaad Aayi To Chup Rahun, Zara Chup Rahoon To Gazal Kahun,
Ye Ajeeb Aag Ki Bail Thi, Mere Tan Badan Se Lipat Gayi,

Mujhe Likhnewala Likhe Bhi Kya, Mujhe Padhne Wala Padhe Bhi Kya,
Jahan Mera NaaM Likha Gaya Wahin Roshni Ulat Gayi,

Na Koi Khushi Na Kio Malal Hai, Ke Sabhi Ka Ek Sa Haal Hai,
Tere Sukh Ke Din Bhi Guzar Gaye, Meri Dukh Ki Raat Bhi Kat Gayi,

Meri Band Palkon Pe Toote Ke Koi Phool Raat Bikhar Gaya,
Mujhe Siskiyone Jaga Diya, Meri Kachhi Nind Uchet Gayi...

Mujhe Is Zindagi Se Qabal Hi Nashaad Kar Dete


Mujhe Is Zindagi Se Qabal Hi Nashaad Kar Dete,
Abhi Tanha Kiya Hai To Tabhi Barbaad Kar Dete,

Kabhi Tere Dayaar-IshQ Mein Abaad Na Hota,
Dil-E-Mehtaab Ko Aisa Dil-E-Barbaad Kar Dete,

Har Ek Rabt KhataM Aur Saari Aas Bhi Tooti,
Adhoore Khwaab Se Aankhon Ko Bhi Aazaad Kar Dete,

Mujhe TuM Kuch Bhi Kehte Mujhse FaQt Pyaar Na Karte,
Jala Kar Raakh Karte Zindagi Barbaad Kar Dete,

Kiye Waade Nibhate Aur Mujhe Abaad Kar Dete,
Sabhi Waade Jo Tode Mujhe Bhi Barbaad Kar Dete,

HaMein MaluM Agar Hota Ke Hona Wasta GaM Se,
To TuM Is Dilki NarMiyonko Folaad Kar Dete,

Agar Sab Kuch Mere Naseeb Ka Likha Nahi Hota,
To TuM Duniya Ko Bhi Is Dilki Tarah Barbaad Kar Dete...

Ek To Teri Awaaz Yaad Aayegi


Ek To Teri Awaaz Yaad Aayegi,
Teri Kahi Hui Har Baat Yaad Aayegi,

Din Dhal Jayega Raat Yaad Aayegi,
Har LaMha Pehli MulaQaat Yaad Aayegi,

Kabhi Hasti Kabhi Roti Kabhi Muskurati,
Ye Zindagi Tere Bin Bhi Kat Jayegi,

Par Kuch KaMi Is Mein Bhi To Reh Jayegi,
Dilko Tadpayegi Kabhi Tarsayegi,
Har LaMha Teri Yaad Aayegi...

Teri Tareef Karte Hai To IsMe Kya Burayi Hai,


Teri Tareef Karte Hai To IsMe Kya Burayi Hai,
Khuda Ne Apne Hathonse Teri Surat Banayi Hai,

Hazaron Ki Tarah Sunle Teri Ruswai Ke Dar Se,
Teri Tasveer HuMne Kitabon Mein Chhupayi Hai,

Teri MasooM Surat Ki Yehi Tarif Hai Sun Le,
Zubaan Pe Hai Yehi Sab Ke Khudayi Hai Khudayi Hai,

Marz Ye IshQ Ka Aisa Laga Ki Phir Nahi Chhuta,
Dua Bhi HuMne Ki Dawa Bhi AazMaayi Hai...

Meri Bebasi Par Na Baha Aansu


Meri Bebasi Par Na Baha Aansoo,
Kadar Ab Teri Nahi Aye   Aansoo  

In Hiron Ka Bhav Koi Ab Kahan Dega,
Teri Kadar Ab Koi Nahi Aye Aansoo

Tu Lahoo Ke Har Boond Me Se Uthta Hai,
Tu Apni Bekadri Na Kar Aye Aansoo

In AnMol Motiyon Ke Ab Koi Kardardaan Nahi,
Tu Apni Bekadri Na Kara Aye Aansoo ..

Bhigi Palkon Ki KasaM Raat Ki Tanahyi Mein


Bhigi Palkon Ki KasaM Raat Ki Tanahyi Mein,
Khoon Ke Aansu Rota Hoon Main Teri Judayi Mein,

Teri Aankhein Goya Ek SaMundar Hai,
Doobke Mar Jaunga Main Inki Gehrayi Mein,

Kitaab Kholun To Tera Hi Chehra Nazar Aata Hai,
Kya Karun Dil Nahi Lagta Mera Padhayi Mein,

Adalat-E-Pyaar Mein Main Apne JurM Ka IQraar Karta Hoon,
SanaM Mujhe Kuch Nahi Kehna Apni Safayi Mein...

na hi manzil mili , na koi aashna, main bhatakti rahi, safr jaari raha


na hi manzil mili na koi aashna, main bhatakti rahi, safr jaari raha
umar-e-chand roz ka lamha lahma yahan main ne tanha saha garchay bhari raha

yeh muqaddar ke madd-o-jazar kiya kahoon? ke main shahsdar rahi, kuch bhi keh na saki
woh mujhe daikh kar ajnabi ban gaya jo merey rastoN ka pujari raha

mujh say pucho nahin tum Khuda ke liye, main nahin janti muskurahat hai kia
ke main jabtak rahi to mere dais main aalam-e-wehshat-o-sog taari raha

na koi aarzoo hai na shikwa gila, yeh bhi acha huwa mera dil bujh gaya
warna jab tak raha yeh mere wastay mustaqil wajha-e-bayqaraari raha

aisa kiyoonkar huwa…sochti hi rahi, main dukhon ke qafas main umar bhar rahi
main kisay dosh doon ke meri raah main…mera apna muqaddar shikaari raha

woh mila to bhi ankhon ko aansoo milay, na mila to bhi hontoN pe aahain raheeN
woh ajab shakhs tha ke har ik haal main…wajha-e-bay sabab sogwaari raha

kya bataayen ke jaan gayee kaise


kya bataayen ke jaan gayee kaise...
phir se dohraayen wo ghadi kaise......

waqt pe paaon kab rakhaa humne....
zindagee muh ke bal giri kaise....

kisne raste mein chaand rakhaa tha....
mujhko thokar wahan lagee kaise....

aankh to bhar gayee thi paanee se....
teri tasveer jal gayee kaise....

Hum to ab yaad bhee nahin karte...
aapko hichkee lag gayee kaise...

kya bataayen ke jaan gayee kaise...
phir se dohraayen wo ghadi kaise......

ab bhi kisi ko dar-badar daikhty hain


ab bhi kisi ko dar-badar daikhty hain.
Kuch waqt ko apna hi manzar daikhty hain.

Un lamhon main hamen maazi yaad aa jata hai,
Ujarrta hua jab bhi koi naya ghar daikhty hain.

Darakhton k saay main jahan sath baitha karty they,
Unhi raahon par,mujhy tanha ab shajar daikhty hain.

Apny hi iraadon sey naadim ho jaty hain wo loag,
Jo bicharrny ki baat to lamhon main,magar raah umar bhar daikhty hain.

Qabar par bhi ik phool tak na gira un k hath sey
Marny k baad bhi,hamara wo sabar daikhty hain

kuch un ki wafaon ne loota Kuch un ki inayat maar gayi


kuch un ki wafaon ne loota
Kuch un ki inayat maar gayi,

Hum raz-e-mohabat keh na saky
Chup rehny ki aadat maar gayi,

Dil ne bhi bahut majboor kiya
Milne bhi lakhon baar gaye,

Jee bhar k unhein na dekh saky
Aankhon ki sharafat maar gayi

Wo kon hy jin ko jeeny ka
Pegham mohabat deti hai,

Hum ko tu zamane main ae dil
Be-dard Mohabat maar gayi

donon se hi shikayat hai
Ilzam ab kis par lagayen,

Kuch dil ne hamain barbaad kiya
Kuch apni qismat maar gayi

Wo Rulakar Hans Na Paaya Der Tak


Wo Rulakar Hans Na Paaya Der Tak
Jab Mein Rokar Muskaraya Der Tak

Bhulana Chaha Agar Usko Kabhi
Aur Bhi Wo Yaad Aya Der Tak

Bhuukhe Bachhon Ki Tassalli K Liye
Maa Ne Phir Paani Pakaya Der Tak

Gun Gunaata Jaa Raha Tha Ek Faqir
Dhup Rehti Hai Naa Saaya Der Tak

Wo Rulakar Hans Na Paaya Der Tak
Jab Mein Rokar Muskaraya Der Tak

Mere pagal Piya Meri chahat na kar



Mere pagal Piya Meri chahat na kar
Mere pagal Piya Meri chahat na kar

Mujhey dekha na kar Mujha sochaa na kar
Meri Be Khawab Aankhon mein na janka kar

Mein to khoo jao gi Mujhey na dhoonda kar…
Mein hun Bad-e-Saba jo rukti nahi

Mein hun essi Ghatta jo barasti nahi hai
Mien essi leher hun jiss mein Halchal na ho

Na tum ko Dabo dey ye lehrein kahein
Mere pagal Piya essi khawaesh na kar

Mein woh sapna hun jo ke sach na ho
Mein woh Umid hun jo ke adhoori rahey

Mein woh rasta hun jiski na manzil miley
Mein woh sehraa hun ke jis mein Bhatak jao ge

Mere pagal Piya esse raste pe na chal
Mein essi kiran hun jo ke be-noor hai

Mein to woh sep hun jiss mein moti na miley
Mein to woh khooshboo hun jiss ko bikar jana hai

Mere pagal Piya mera picha na kar
Mein to woh shaam hun jo ke dhal jaye gi

Meri sanson mein teri khushboo to basee aaj bhi hai


Meri sanson mein teri khushboo to basee aaj bhi hai
Dil ki khwahish hai ke tumhay choo ker phir se dekhoon

Faaslay itney bhi ho jaain gai sochha hi na tha
Teray ehsas mein teri tasweer mein kab tak dekhoon

Kaisey dorahey per khara hoon ke aqal sakit hai
Dar hai pyaron sey judai ka, khud ko tarapta dekhoon

Tera ehsas-e-janoon mujh ko bhi pyara hai mager
Ishq ke anjam mein apney liye azziat dekhoon

Dil diwana tha kabhi tera so aaj bhi hai
Teri aankhon mein wohi pyar mein phir se dekhoon

Mein ne her lamha khuda se mangee hai dua
Mein teray pyar ka mausam sada hi dekhoon

hum ko tum kho do gee


Meri rooh nikalne wali ho gee
Meri sans bikharne wali ho gee
Phir daman zindagi ka choote ga
Dhaga sans ka toote ga
 Phir wapis hum na ayen gee
Phir hum se koi na poche ga
Phir ankhon mein noor na ho ga
Phir dil gham se choor na ho ga
 Us pal tum hum ko thamo gee
 Hum se khushi apni maango gee
 Phir hum na kuch b bolein gee
 Ankhein b na kholein gee
 Us pal tum ro du gee
HUM KO TUM KHO Do GE
HUM KO TUM KHO Do GE

Sirf tujhko hi mere dil ne apna mana hai


Sirf tujhko hi mere dil ne apna mana hai
Tere bagair mujhko aur kahan jana hai

khwabon main akar satate ho kyun mujhe
khud sote ho aram se sirf mujhko jagana hai

izhare muhabat main hun zara sa nadan magar
yahan waqt ka pehra hai isi baat ka rona hai

mujhe need kahan ati hai tere dur jane se
teri zulfon ke saaye main mujhe chain se sona hai

har pal khoya rahoon bus nigahon main teri
kho jata hun ‘uff’ kya tere ye naina hai

har roz meri rabse dua hoti hai yehi
teri muskurahat se hi to mera jeena hai

NAZAR likhta nahi hai ghazal aaj kal is liye
teri tareef main lafzon ka mushkil se milna hai

Bana lenge tumein apna,zara tum sabar to karlo


Bana lenge tumein apna,zara tum sabar to karlo
Mujhe duniya se ladna hai,zara tum sabar to karlo

Tumhare bin kisi ko sauchna mumkin nahin jaana
Yeh jeevan tum bin adhura hai,zara tum sabar to karlo

Yeh duniya chhor de mujh ko,mujhe parwah nahin iski
Faqat tum ko hi paana hai,zara tum sabar to karlo

Tum apne dil ki basti mein,mujhe abaad hi rakhna
Bahaut bardasht hai mujh mein,zara tum sabar to karlo

Hamein tum se mohabbat hai, hamara imtihaan le lo,
Agar chaho to dil le lo, agar chaho to jaan le lo.

Hamein tum bhool mat jaana, ye ik faryaad karte hein,
Wafa ki shart se bhi hum tumein, azaad karte hein,

Zubaan bhi hum na kholeinge, yeh tum hum se zubaan le lo.
Hum apni jaan de kar bhi, mohabbat ka bharam rakh lein,

Tumhare dil pe koi bhojh ho, to sar pe hum rakh lein,
Khizaan ke ghum hamein de do, bahaaron ka sama le lo.

Zamaana kuchh nahin hai, sirf ik rangeen dhoka hai,
Tumhare pyaar pe lekin, hamein poora bharosa hai,

Zara si dil mein bas de do, jagah, saara jhaan le lo.
Hamein tum se mohabbat hai, hamara imtihaan le lo

Jab bhi aati hain khayalon main tumhari aankhen


Jab bhi aati hain khayalon main tumhari aankhen,
Bheeg jati hain kisi ghum se hamari aankhen.

Dhal gai shaam andehre ne tani phir se apni chadar,
So gaien thak ke tere hijjar ki maari aankhen.

Tum mere pass nahi phir bhi tumhara chehra,
Sochti rehti hain yeh dard ki maari aankhen.

Silsila toot bhi sakta tha barsaat ka kabhi,
Thaam leti mere ashkon ko tumhari aankhen.

Hum isi aas pe aankhon ko khula rakhte hain,
Laut aain na kisi rooz tumhari aankhen.

Gaate gaate hamain ik shakhs ki yaad aati hai,
Bheeeg jaati hain ser-e-bazam hamari aankhen.

Jaane kya baat hai kyon dekhti rehti hain,
Meri aankhon ki taraf shehar ki saari aankhen

Ik tamanna thi jis ki, woh khwab tum ho


Ik tamanna thi jis ki, woh khwab tum ho,
Hai sitaron ko bhi khabar, mera mehtaab tum ho.

Youn tau kai chehre mile iss zamane mein,
Magar dil ne kaha, nigahon ka aftaab tum ho.

Dekh kar phoulon ko hota hai ye gumaan,
Mast baharon mein khila gulaab tum ho.

Dastaan-e-mohabbat ho, ya koi afsaana-e-dil,
Har bazm-e-yaraan mein, mera khitaab tum ho.

Likha hai main ne, ae dost, alfaaz-e-mohabbat,
Meri ghazal,mere ashaar,meri kitaab tum ho

Har khushi Hai Logon Ke Daman Mein


Har khushi Hai Logon Ke Daman Mein,
Par Ek Hansi Ke Liye Waqt Nahin.
Din Raat Daudti Duniya Mein,
Zindagi Ke Liye Hi Waqt Nahin.

Maan Ki Loree Ka Ehsaas Toh Hai,
Par Maan Ko Maan Kehne Ka Waqt Nahin.
Saare Rishton Ko To Hum Maar Chuke,
Ab Unhen Dafnane Ka Bhi Waqt Nahin.
Saare Naam Mobile Mein Hain,
Par Dosti Ke Lye Waqt Nahin.
Gairon Ki Kya Baat Karen,
Jab Apno Ke Liye Hi Waqt Nahin.

Aankhon Mein Hai Neend Badee,
Par Sone Ka hi Waqt Nahin.
Dil Hai Ghamon Se Bhara Hua,
Par Rone Ka Bhi Waqt Nahin.

Paison ki Daud Mein Aise Daud padey hain,
Ki Thakne ka Bhi Waqt Nahin.
Paraye Ehsason Ki Kya Kadr Karein,
Jab Apne Sapnon Ke Liye Hi Waqt Nahin.

Tu Hi Bata Aey Zindagi,
Iss Zindagi Ka Kya Hoga,
Ki Har Pal Marne Walon Ko,
 Jeene Ke Liye Bhi Waqt Nahin

Badnam Zamane main Mohabbat Nahi Karte


Badnam Zamane main Mohabbat Nahen Karte,
Dil Waly To Dushman Se Bhi Nafrat Nahen Karte,

Ek Bar Jisy Chaha Sada Uss K Rahe Phir,
Ham Log Amanat Main Khianat Nahen Karte,

Tanhai Main Karlete Hain Yaad Aansoo Baha Kar,
Zahir Kabhi Ham Apni Ebadat Nahen Karte,

Waqt Aane Par Maaloom Yeh Ho Jaiy Ga Tum Ko,
Ham Sirf Dekhawe Ki Mohabbat Nahen Karte,

Lekhte Hain FAQAT Ek Tumhare Liye Ghazlain,
Har Shakhs Pe ham Aise Enayat Nahen Karte

Dil Pe Aise Bhi Azaabon Ko Utarte Dekha


Dil Pe Aise Bhi Azaabon Ko Utarte Dekha
Hum Ne Chup Chap Use Khud Se Bichhadte Dekha

Usko Socha To Har Ek Soch Mein Khushboo Utri
Usko Likha To Har Ek Lafz Mehakte Dekha

Yaad Aa Jaye To Qaboo Nahi Rehta Dil Par Mera
Warna Duniya Ne Na Kabhi Humko Tadapte Dekha

Teri Surat Ko Faqat Aankh Nahi Tarsi Hai
Raaston Ko Bhi Teri Yaad Mein Rote Dekha

Hum Mohabbat Ke Liye Aaj Bhi Deewane Hain
Yeh Alag Baat Hai Ke Tum Ne Nahin Mud Kar Dekha

Ruswayion mein ajab ik mazaa hai


Ruswayion mein ajab ik mazaa hai ..
Dushwaryion mein ajab ik mazaa hai ..

Kabhi is mehfil mein aakar to dekho ..
Tanhayion mein ajab ik mazaa hai ..

Sooraj ko doobhte dekha to samjha..
Pasteyon mein ajab ik mazaa hai..

Kabhi ho jo hum per bhi nazre karam..
In inayaton mein ajab ik mazaa hai ..

Na hum un ko samjhe na woh hum ko samjhe..
Khushfehmyion mein ajab ik mazaa hai..

Chale jaa rahe hain yu hi be irada..
Is darbadri mein bhi ajab ik mazaa hai ..

Mil kar bhi un se door kitne ..
In faaslon mein ajab ik mazaa hai ..

Na kehna koi bewafa un ko yaaro..
In bewafayion mein ajab ik mazaa hai ..

Na hum kuch kahein gein ,na woh kuch kahein gein..
Khamoshyeon mein ajab ik mazaa hai..

Apni hi dhun mein guzari hai shayed..
Meri zindagi mein ajab ik mazaa hai..

Khuda se kya maangon tere waaste


Khuda se kya maangu tere vaaste
Sada khushiyon se bhare ho tere raaste
Hansi tere chehre pe rahe is tarah
Khushboo phool ka saath nibhati hai jis tarah

Sukh itna mile ki tu dukh ko tarse
Paisa shohrat izzat raat din barse
Aasma ho ya zameen har taraf tera naam ho
Mehkti hui subah aur lehlahati shaam ho

Teri koshish ko kamyaabi ki aadat ho jaye
Sara jag tham jaye tu jab bhi gaye
Kabhi koi pareshani tujhe na sataye
Raat ke andhere mein bhi tu sada chamchamaye

Dua yeh meri kubool ho jaye
Khushiyan tere dar se na jaye
Ek choti si arzi hai maan lena
Hum bhi tere dost hain ye jaan lena

Khushiyon me chahe hum yaad aye na aye
Par jab bhi zarurat pade hamara naam lena
Is jahan me honge to zaroor ayenge

Maa ne mujhe is tarah pala hai


Maa ne mujhe is tarah pala hai

Nakhuda ne kashti ko jaise toofan mein sambhala hai

Meri shararton se jo hansi us ke chehre par aai hai

Yeh saughat baharon ne bhi nahin paai hai

Us ki be-laus mohabbat ka mujh par jo saaya hai

Kisi rishte ne woh mokaam nahin paaya hai

Pakad kar haath mera jo chalna sikhaya hai

Aaj tak aisa rahbar main ne nahin paaya hai

Mere dukh se jo sailaab uski aankh mein aata hai

Samundar bhi us toofan ka taab nahin laata hai

Aashyane mein mere aaj aaram bahaut hai

Maa ke aanchal mein sakoon bahaut hai

Jiske pairon ke neeche jannat hai

Yeh khuda ki,hum sab ko sab se badi nehmat hai

Aa mujh ko phir ik baar seene se laga le maa

Apna chanda,apna suraj,apna raja, in naamo se bula le maa

Bahaut roya hoon main tere aanchal se bichar kar

Phir gud-gudiya karke woh bachpan wali mujhe,hasa le maa

Maa teri gaud ka mujhe woh sahara de de

Bartan mein jo dikhaati thi,woh sitara de de

Maa mujhe suna woh loriyan bachpan ki

Maa mujhe ik baar phir se woh nazara de de

Ban ke rahoon sadda tera laadla main

Teri gaud mein le kar mujhe,yeh jahan saara de de

Teri raahon mein main khud ko rakh doon

Maa mujhe tu khidmat karne ka phir ishara de de

Yaad ro ro ke teri satati rahi


Yaad ro ro ke teri satati rahi
Aag judai ki dil ko jalati rahi

Aandhiyan jab guzarti rahi baagh se
Shakh-e- gul apne sar ko jhukaati rahi

Apni mohabbat ki nakaamiyan kya kahoon
Khwaish-e-ishq har kadam mujhe rulati rahi

Woh doosron se has has ke milte rahe
Meri he badkismati ashq bahati rahi

Hum wafa jinse karte rahe umar bhar
Hum pe unki jafa muskurati rahi

Shayad kusur meri mohabbat ka he hai
Jo sab sehkar bhi unein chahti rahi

Teri Yaadon K Bikhray Tukrray Chun Kar


Teri Yaadon K Bikhray Tukrray Chun Kar
Guzray Maazi Ki Zara Tasweer Mein Bana Loon

Apnai Har Khushi Teray Nam Likh Kar Janaana.
Teray Dukhoon Ko Apni Taqdeer Mein Bana Loon

Kuch To Bol, Hukum Kar, Chairr To Sahi Qissaa
Teray Gham Ki Shayed Kuch Tadbeer Mein Bana Loon

Thehr Ja,Meray Iss Khwab Ko Preshan Nah Kar
Aankh Khulnay Se Pehlay Taabeer Mein Bana Loon

Chahti Hoon Pehna Doon Insaniyat K Galay Mein Jo
Tu Saath Ho Mohabbat Ki Aik Zanjeer Mein Bana Loon

Is Barish Se Mujhe Pyar Hai Bohat


Is Barish Se Mujhe Pyar Hai Bohat,
Meri Tanhaiyon Ka Ise Abhaas Hai Bohat,
Jab-Jab Ye Barish Aayi Mujhse Milne,
 Chehre Pe Ashq Hote Thhe Mere
Meri Tanhai Samajh Gayi Thhi Yeh,
Hamesha Saath Mere Roti Rahi Yeh,
Maine Kaha Tum Jao,Mujhe Akele Rehne Do,
Is Par Wo Boli,Mujhe Bhi Apne Saath Rone Do,
Phir Na Wo Kuch Boli,Na Main Kuch Boli,
 Gumsum Roti Rahi Main Akeli
Jab Jab Wo Aati,Muhe Issi Haal Me Paati,
Main Bhi Usse Ankhe Na Thhi Mila Paati,
Aaj Phir Bohat Din Baad Ye Barish Aayi,
Aur Aaj Usne Mere Hothon Pe Hansi Payi,
 Khush Ho Gayi…..Tej Baras Padi
Mere Saath Woh Bhi Khilkhilakar Hans Padi,
Maine Poocha Tum Kyon Hans Rahi Ho Aaj,
 Usne Kaha Meri Dost Jo Khush Hai Aaj
Phir Ansoo Jhalak Pade Meri Ankho Se,
Par Is Baar Khushiyon Ki Chamak Thhi In Ankho Me,
Phir Maine Use Sab Kuch Bataya,
 Dil Ka Kissa Usko Sunaya
Bohat Khush Hui Wo Sab Kuch Sun Kar,
Phir Chali Bhi Gayi Duayein De Kar,
Wada Liya Maine Usse Phir Jaldi Aane Ka,
Use Har Baat Dil Ki Batane Ka…..,
Phir Maine Socha Yahi To Hai Meri Saathi,
Mera Chehra Dekhkar Jo Hai Hansti-Roti.

Tum meri yaad ho mere paas aao tau koi baat bane


Tum meri yaad ho mere paas aao tau koi baat bane
Tum meri jaan ho yoon zindagi mein aao tau koi baat bane

Tumhari yaad mein guzra har lamha mere din ko mehkaata hai
Khushboo banke meri saanson ko mehkaao tau koi baat bane

Main duniya ki nahin karta parwah tumko jab yaad karta hoon
Kabhi tum bhi ruswayion ko gale se lagaao tau koi baaat bane

Raqeebon ko tumhare baare mein yoon batana accha nahi lagta
Kabhi khud bhi aao mere haal pe hans jaao tau koi baat bane

Kabhi rootha nahi hoon tumse main iss tarha se ke
Main tumse rooth jaaon aur tum mujhko manaao tau koi baat bane

 Humesha khuda se tumko hai maanga hai sham-o-seher
Dua ko haath uthayein, saamne tumhe payein, tau koi baat bane

Qalam rukta nahin hai, yaad ka darya beh jaata hai
Kabhi tum bhi iss mein doob jaao tau koi baat bane

Meri mazaar pe aana tum ek pal ke liye



Meri mazaar pe aana tum ek pal ke liye
mere ghar ko bhi sajaana tum ek pal ke liye

yahin banaunga jannat mai do jahano ki
gareeb-khane me aana tum ek pal ke liye

kahin kho jayenge andhere umar bhar ke liye
chirag dil ka jalana tum ek pal ke liye

kyi baras se pada hu mai qaid-khane me
rihaayi mujhko dilana tum ek pal ke liye

har ek pal me ho shaamil pyar sadiyon ka
ek aisi shaam ko lana tum ek pal ke liye

tadap raha hu tanhaai me ek jamane se
mujhe gale se lagana tum ek pal ke liye

tujhe samjhunga sajan apna mai sada ke liye
mujhe mehboob banana tum ek pal ke liye

Nigahon ke raaste tu shamil hai mujh mein


Nigahon ke raaste tu shamil hai mujh mein,
Nigahon se mujh ko hataa too na do gee?

Dekho ge jo mujh ko aankhon se tum,
Dil ko mere, chura tau na lo gee?

Saanson se mujh ko, chhoo lo ge ik din,
Bataao mujhe tum,dhoka tau na do gee?

Zalim hai duniya,kadha ye safar hai,
Raasta kabhi tum,badal tau na lo gee?

Lehron mein kashti,jo dagmagaa gai bolo,
Patvaar ban kar,sahara tum do gee?

Sahil mile ga, manzil mile gee
Jeevan bhar tum, chaha jo karo gee?

Kiyon ansoo beh gaye aaj bina teri yaad aaye


Kiyon ansoo beh gaye aaj bina teri yaad aaye

Kiyon bewajah itni shidat se hum roye

Badhi der tanhai mein baithe rahe

Shayad rone ka sabab yaad aa jaye.

Sawaal kiya,ae dil bata,bina uski yaad aaye

Aaj kiyon ansoo beh gaye?

Dil ki gehrahiyon se ik awaaz aaye

Mian yeh ansoo tere nahin

Tere yaar ke hain,tere pyaar ke hain

Jisse na jaane kiyon aaj tum bahaut,bahaut yaad aye

Jab Tumhare Dil Mein Mere Liye Pyar Umad Aaye


Jab Tumhare Dil Mein Mere Liye Pyar Umad Aaye,
Aur Woh Tumhari Aankho Se Chalak Sa Jaye.
Mujhse Apni Dil Ke Baaten Sunane Ko
Yah Dil Tumhara Machal Sa Jaye.

Tab Ek Awaz De Kar Mujhko Bualana
Diya Hai Jo Pyar Ka Vachan Sajan
Tum Apni Is Preet Ko Nibhana
Tanaha Raaton Mein Jab Sanam

Neend Tumhari Uad Si Jaaye.
Subeh Ki Laali Mein Bhi Mere Sajan,
Tumko Bas Akas Mera Hi Nazar Aaye.
Chalati Thandi Hawa Ke Jhonke

Jab Meri Khushbu Tum Tak Pahuchaaye.
Tab Tum Apna Yeh Rup Salona
Aa Ke Mujhe Ek Baar Dikha Jaana
Diya Hai Jo Pyaar Ka Vachan Sajan

Tum Apni Is Preet Ko Nibha Janaa
Baagoo.N Mein Jab Koyal Kuke.
Aur Sawan Ki Ghata Chhaa Jaaye
Apni BaahooN Ke Jhule Mein

Mujhe Jhulane Ko Tumhara Jee Lalcha Jaye.
Uljhe Se Mere Baalo.N Ki Giraha Mein.
Dil Tumhara Uljhe Sa Jaaye
Aa Ke Apni Ungaliyo Se Us Girah Ko Suljha Janaa

Jo Ho Tumhre Dil Mein Bhi Kuch Aisa.
Tab Tum Mere Pass Aa Jana
Pahle Milan Ki Woh Mulaqat Suhani.
Yaad Hai Abhi Bhi Mujhko Tumhari Woh Bholi Nadani

Mere Haatho Mein Apne Haatho Ko Lekar
Gaya Tha Tumne Jab Pyaar Ka Geet Suhana
Ho Jab Tumhre Dil Mein Bhi Asi Yaado Ka Basara
Tab Tum Apni Preet Ka Vachan Nibhana

Jo Ho Tumhare Dil Mein Kuch Aisa
Tab Tum Mujh Tak Sajan Aa Janaa

Uske Husn Ki Tarif Mein Kya Kahiye


Uske Husn Ki Tarif Mein Kya Kahiye
Koi Sehzadi Zamee Par Utar Aayi Hai
Ae Banane Wale Lagta Jaise
Koi Sangmarmar Ki Murat Tune Banayi Hai

…Uske Zulafo Ki Tarif Mein Kya Kahiye
Jaise Din Dhalte Hi Chhayi Andhyari Hai
Ho Chali Hai Pawan Bhi Pagal
Uski Zulaf Lehar-2 Leharaayi Hai

Aankhein Uski Ya Mehkashi K Pyaale
Dekhkar Hi Hum Pe Khumari Si Chhayi Hai
Honth Kahu Ya Phoolo Ki Paankhein
Jiski Khushboo Ne Hamari Saaso Ko Mehkayi Hai

Abar Kahu Uske Gaalo Ko Main
Dhoodh Se Jaise Wo Nahayi Hai
Chand Kahu Fir Bhi Kam Hoga
Aasma K Nakshtro Mein Wo Hi Jag-Magayi Hai

Uske Husn Ki Tarif Mein Kya Kahiye
Koi Sehzadi Zamee Par Utar Aayi Hai
Ae Banane Wale Lagta Jaise
Koi Sangmarmar Ki Murat Tune Banayi Hai

Mainey Din Raat Apney Jisski Yaad Ke Naam Kiye Hain


Mainey Din Raat Apney Jisski Yaad Ke Naam Kiye Hain
Woh To Ikk Pall Bhi Mujhe Sochta Na Hoga

Jiski Tasveer Main Har Aik Shae Main Hoon Dekhta Rehta
Ikk Nazzar Bhi Woh Shaks Mujhe Dekhta Na Hoga

Yeh Labb Jo Sada Osska Naam Ley Kar Mangtey Hain Duaian
Mera Naam Bhi Woh To Kabhi Laita Nahin Hoga

Ossey Sadain Daita Rehta Hey Yeh Pagal Dil Mera
Aik Pukar Bhi Kabhi Dil Oska Mujhe Daita Nahi Hoga

Meri Ankhain Dekhti Hain Har Pall Rasta Oska
Woh To Youn Pall Pall Mera Inteezar Karta Na Hoga

Jiskey Liye Mera Bhawla Mann Tarasta Rehta Hey
Shabb-e-Tanhai Main Meri Terah Woh Tarapta Nahin Hoga

Haathon Ki Lakeeron Main Ossko Dekha Hey Mainey
Kabhi Bhi Mujhe Woh Shaks Aisey Talaash Karta Na Hoga

Osska Ehsas Beh Raha Hey Mujh Main Laho Ki Manidd
Mujhe Woh Apney Ansoun Main Bhi Pata Nahin Hoga

Apney Naam Ko Main Osske Naam Se Jor Daita Hon
Merey Aur Osske Rishtey Ka Ossey Kheyal Bhi Ata Nahi Hoga

Jissko Mana Hey Mainey Sabab Mussarat-e-Zindagi
Woh To Mujhe Apna Dukh Bhi Maanta Nahin Hoga

Ban Chukka Hey Woh Meri Manzil Meri Taqdeer
Kabhi Bhi Juda Rastoon Ko Meri Terah Woh Aik Karta Nahi Hoga

Itni Door Hey Mujhse Phir Bhi Merey Kitney Kareeb Hey
Oss Ne To Kabhi Mujhe Mehsoos Hi Nahi Kia Hoga

Tumne To Wasi Apney Wajood Ko Rang Dia Hey Oski Chah Main
Kabhi Socha Hey Tumne Woh Shaks Tumse Pyar Karta Bhi Hoga?

USAY MAINE YEH LIKHA THA SUNO AEY JAAN SE PIYAARI GURRIYA


USAY MAINE YEH LIKHA THA

SUNO AEY JAAN SE PIYAARI GURRIYA !!!

TUMHAIN MALOOM HI H0GA

TUMHARE BIN TO AB MERA GUZARA H0 NAHI SAKTA..

TADAPTA H0N JUDAAYI MAI

MAGER,,

YEH BE’BASI KESI !!

KEH

MEI KHUL KE R0O NAHI SAKTA..

MERE A’ASAAB PEH HAAWI
TUMHARI YAAD KA PEHRA

MAIN SHAB KO SOO NAHI SAKTA..

SUNO GURRIYA !!

KOI RASTA,
K0I TADBEER HO AESI

KEH DIL K CHAAK SIL JAAYAIN

JUDAAYI MAI WAFAA0N K KAHII PEH GUL JO KHIL JAYAIN

HUM PHIR IK BAAR MIL JAAYAIN..

JO AB GURRIYA NE LIKH BHEJA

AEY MERI JAAN SE BARH KAR !!

YEH MERA AAKHRI KHATT HE..

YEH MANA HE BOHT MUSHKIL

MAGER !!

DEKHO MERI KHAATIR TUMHAIN HAR HAAL MAI

MUJHSE KINARA KARNA HI H0GA..

KOI TADBEER BHI AB K

HAMARE BAS SE BAAHER HE..

JO DIL K CHAAK HAI JANAA’N

YEH PHIR SE SIL NAHI SAKTE

JUDAAYI MEI WAFAA0N K KABHI GUL KHIL NAHI SAKTE

SUN0 !!
HUM MIL NAHI SAKTE..

TUMHARI KHWAAHISHAIN JANAA’N

HAIN SIR AANKH0N PEH MERE

SO ,,

SAR-E-RAAH M0HABBAT MAI

TUMHARI KHWAAHISH0N KA AB JO IK TAWA’AN HE ZIMMAY !!

USI KO BHAR RAHA H0N MAIN

UBHERTI SAANS KEHTI HE MUSALSAL MAR RAHA H0N MAIN

SUNO GURRIYA !!!

GUZARA KAR RAHA H0N MAIN .

muqaddar chhod de jisko zamaanaa chhod deta hai


muqaddar chhod de jisko zamaanaa chhod deta hai
khizaa meN har parinda aashiyanaa chhod deta hai

samajh leN lag rahi hai aapki buniyaad meN deemak
padosi jab kabhi nazreN milana chhod deta hai

zamaane bhar ki taqreereN asar mujh par naheeN karteeN
magar ik lafz tiraa ik fasaana chhod deta hai

wo zaalim bewafaa harjaai hai magar fir bhi
nazar milte hi ik manzar suhana chhod deta hai

hazaroN koshisheN kar ke use hum bhooll paae haiN
roz khidki meN koi khat purana chhod deta hai

zamaane bhar ki talwareN jhuki ati haiN kadmoN pe
koee ban kar ke jab gautam gharanaa chod deta hai.

Hoke nisaar ishq me zindgi yoon sawar jaati hai


Hoke nisaar ishq me zindgi yoon sawar jaati hai,
jaise koi mehndi piske haanthon ko rachati hai.

Mere mahboob pe sadqe jaaun ki ye ada hai uski,
apna bhi kahti hai mere gham pe muskurati hai.

Pahle khwabon me hi wo pahloo me hua karti thi,
ab to har shab ratjagon me hi guzar jaati hai.

Gar yahi sila hai muhabbat ka to manzoor hai mujhe,
ki mera ghar jalake wo zalim,apna dil bahlati hai.

Shayad aaj bhi uske dil me meri yaad aai hogi,
yoon laga koi aawaz mujhe door se bulati hai.

Wo banke dulhan chali magar ye khayal bhi rakha,
apni doli ki wo mere kaandhon me thamaati hai

Logo se milna masti bhi kerna


Logo se milna masti bhi kerna,
per tere gam mai aksar tarapta bhi hoon

Hai sabse aage nikalne ki khwaahis,
per tumse bicharne se darta bhi hoon

-Kabse tere aane ka intzaar kerta bhi hoon..

Tum ho hi nahi mujhe ye to pata hai,
per tere har ek ada ko samajhta bhi hoon

Seene mai hai pyar itna ke ji na sakoon,
per dil ke ujalo mai marta bhi hoon

-Kabse tere aane ka intzaar kerta bhi hoon..

Hai ye Kitne janmo ka lamba safer,
per saanso ka har geet sunta bhi hoon

Chup hi rehna gar milker ishq ho gaya,
per ankhoo hi ankhoo mai padhta bhi hoon

-Kabse tere aane ka intzaar kerta bhi hoon..

Jin Raato ko samjha hai bas koi ratjaga,
per main judai ka har kat’l sehta bhi hoon

Chuape aaj saare ye jhakm dekh lo,
per tere har chu’han se seharta bhi hoon

-Kabse tere aane ka intzaar kerta bhi hoon

Aik Aaghosh Ki Khushboo Hai Abhi Tann Mann Mein


Aik Aaghosh Ki Khushboo Hai
Abhi Tann Mann Mein
Aik Ehsaas Ki Shiddat Hai
Mere Jeevan Mein

Yahan Aya Hun Mein Nya Nya
Abhi Koi B Nahi Aashna

Yeh Jo Log Hein Mere Samnay
Nahi In Mein Koi Bhi Ham-nawaa

Magar In Se Rishta Lahu Ka Hai
Na Rahe Gey Muj Se Kabhi Juda

Mein Kisi Wajood Ka Aks Hoon
Mein Kisi Hayaat Ka Ayina

Meri Zindagi Mein Hai Roshni

Mein Sitara Subha-e-umeed Ka
Mein Sitara Subha-e-umeed Ka

Meri Choti Choti Hein Khawaishein
Millain Apno Hi Ki Muhabbatein

Jo Hai Baat Dil Ki Bata Sakoon
Mein Sabhi Ko Apna Bana Sakoon

Sabhi Aik Hon Hai Yeh Arzoo
Sabhi Pyar Ki Karein Guftagu

Koi Door Hai Koi Paas Hai
Mujhe Sirf Pyar Ki Pyas Hai

Mein Ujaalun Sab Hi Ka Rasta

Mein Sitara Sunha-e-umeed Ka
Mein Sitara Subha-e-umeed Ka

Kuch Tu Tanhai Ki Raaton Me Sahara Hota


Kuch Tu Tanhai Ki Raaton Me Sahara Hota,
Tum Na Hote Na Sahi Zikar Tu Tumhara Hota,

Zindagi Kitni Musarat Se Guzarti Yarab,
AISH Ki Tarhan Gham Bhi Gawara Hota,

Kis Ko Fursat Thi Zamane Ke Sitam Sehne Ki,
Agar Na Is Shokh Ki Aankhon Ka Sahara Hota,

Koi Humdard Zamane Mein Na Paya
Dil Ki Hasrat Rahi Koi Humara Hota

Kyun baandh baithte hum umeed gairo se


Kyun baandh baithte hum umeed gairo se
Kyun nahi samjhte rishta hai bandha gairo se

Laafzon se khelte hai aur bandh te hai rishta
Hoon main har pal saath kehte hai jaise apno se

Duniya badi maatlabi hai dekh liya aaj maine
Khate hai dhoka hum aapna kehne walo se

Dukhao ge dil kisi ka to saza bhi yahi paoge
Khuda se to daro chahe na daro duniya walo se

Jeeyo aur jeene do kam se kaam sukun se hume
Na nibha sako to na baandho kisko umeedo se

Ye teri shohrat hai ke meri ishq ki pashemani


Ye teri shohrat hai ke meri ishq ki pashemani,
Sabki zubaa.N pe hai yahan mere lutne ki kahani.

Chaman me bas khaar hain,nigahen kise dhundhti ho,
Khali hai daaman na milega aankhon me bhi paani.

Ilahi itna hi karam kar ki ab meri mout aa jaae,
Bahot udaas hai dil koi samjhe bhi na pareshani.

Jis Ishq ko paane me humne bachpan gawaa daala,
Zindagi tak na chhodi maula kyon di mujhe jawani.

Tere jode ne sangdil aaj bhi hum pe Inayat ki hai,
laal kafan bana hai ab tak,meri turbat ki nishani.

Is kabar pe aaj bhi muhabbat ke phool khilte hain,
Mat rona aye ‘Shaad’ zaaya na hogi teri qurbaani

Adawat ke sholon me jab jalte thay yaaron



Adawat ke sholon me jab jalte thay yaaron,
Khabar na thi wo bhi humpe marte thay yaron.

Abki jo tanhaai hai wo pahle na hua karti thi,
Shabe-gham chaand taare to nikalte thay yaaron.

Karte hain wo shiqayat teri kalam kyon khamosh hai
Koun batae tab lafz nahi jazbaat nikalte thay yaaron.

Jab na raha kuch dil me to kyon aas lagaate ho,
Aise bhi kuch kalaam likhe ki log marte thay yaaron.

Na rakhun shiqva kisi se na karun shiqayat magar,
Wo kyon-kar har baat me mera zikr karte thay yaaron.

Tu kyon us lamhe ko dil se lagae baitha hai “shaad”
Wo to pahle hi ise,ek haseen bhul kahte thay yaaron.

Jab Bhi Kabhi Mere Karib Aayega who


Jab Bhi Kabhi Mere Karib Aayega who
Dil Ko Khushion Se Bhar Jaayega who

Kho Jaaungi Uske Sapno Main Hi Phir
Pyaar ‘Sandhaya’ Pe Aise Lutayega who

Samete Hai Uski Yaadon K Phool Maine
Meri Yaadon Ko Maala Banayega who

Meri Khushian Thi Adhuri Uske Bina
Maang Ko Chand Taron Se Sajayega who

Bikhar Jaaungi Main Banke Bistar Uska
Jab Jaan Kehke Mujhko Bhulayega who

Kya Kahun Jab Karega Tarif wo Meri
Sarmaungi Main Aur Tab Muskayega who

Dekhti Hun Main Khawab Roj Hi Kitne
Ankh Khulne Pe Sochu Kab Aayega who

Wajood apna na rooh apni Bas ik tamasha ye zeest thehri


Wajood apna, na rooh apni
 Bas ik tamasha ye zeest thehri,

Na dil'lagi mein sakon paia,
Na ashqi mein qarar paia,

Na wasl lamhy hi raas aiy,
Na firaq hi hm guzar paey,

Ajab ye chaht k marhaly hain,
Na jeet paey,na haar paey,

Na hi yadon ki dhund utri,
Na dil k daman ko jhar paey,

Na ankhein khawbon ko dhond paien,
Na khawb ankhon ko dhond paey,

Bs ik tamasha ye zeest thehri
Na Wajod apna, Na rooh apni..

Tera Zikar Bhi Karna Chor Diya


Tera Zikar Bhi Karna Chor Diya
Ab Hum Ne Rona Chor Diya

Jub Rona Nahin To Hasna Kiya
Ab Hasna Hasana Chor Diya

Har Shakhs Ne Hum Ko Zakham Diye
Ab Dil Ko Lagaana Chor Diya

Tum Rootha Karte Thay Hum Se
Ab Hum Ne Manaana Chor Diya

Teri Yaad Bohot Aati Thi Humain
Tujhe Yaad Bhi Karna Chor Diya

Meri Har Nazar Teri Muntazir Teri Har Nazar Kisi Aur Ki


Teri Har Nazar Kisi Aur Ki

Meri Zindagi Teri Bandagi

Teri Zindagi Kisi Aur Ki

Kabhi Waqat Jo Mille Tujhe

Zara Aake Dekh Mere Hal Ko

Meri Har Ghadi Tere Liya

Teri Har Ghadi Kisi Aur Ki

Mujhe Sirf Teri Talab Thi

Par Jane Mujhe Tu Kyun Na Milla

Tu Usse Milla Mere Sanam

Jise Thi Talab Kisi Aur Ki

Mujhe Maaf Kar Mere Hum Safar


Mujhe Maaf Kar Mere Hamsafar

Tujhe Chahna Meri Bhool Thi

Kisi Raah Par Jo Uthi Nazar

Tujhe Dekhna Meri Bhool Thi

Koi

Nazam Ho

Koi

Ghazal Ho

Kahin

Raat Ho

Kahin

Seher Ho

Woh

Gali Gali

Woh Sheher Sheher

Tujhe Dhoondna Meri Bhool Thi

There Gham Ki Koi Dava Nahi

Mujhe Tujhse Koi Gila Nahi

Mera Koi Tere Siva Nahi

Yehi Sochna Meri Bhool Thi

“Mujhe Maaf Kar Mere Hamsafar

Tujhe Chahna Meri Bhool Thi…..

Pariyo si sunder ek ladki hai


Pariyo si sunder ek ladki hai
jaane kya jadu karti hai

chahe jitna gam ho
per dekh ke uski surat dil ko khushi milati hai

chand sa roshan chehara hai
aankho se masti jhalkati hai

baate hai misri si meethi
awaz me koi koyal bolati hai

rup hai uska koi khilata hua kamal
usko dekhkar hi shayad gazal banati hai

kisi pal bhi wo na dur rahi humse
her pal jo mere saanso me basti hai

ag ko dekhkar aur baato se hi
jaane kitni khwahish is dil me palati hai

Likhi hai yeh ghazal sirf tere liye

Likhi hai yeh ghazal sirf tere liye
Dewane bane bhi to sirf tere liye

Kisi ko nahin dekheingi ab yeh aankhein
Nazrein tarseingi bhi to sirf tere liye

Her saans mein yaad kareinge tujhe
Ye saans nikle gi bhi to sirf tere liye

Her pyar se pyare lagte ho tum mujhe
Maine pyar seekha bhi to sirf tere liye

Woh mere pass hai kya pass bulaaon us ko


Woh mere pass hai kya pass bulaaon us ko
Dil mein rehta hai kahan dhoondne jaaon us ko

Aaj phir pehli mulakaat se agaaz karon
Aaj phir duor se hi dekh ke aaon us ko

Chalna chahe to rakhe pauon mere seene par
Baithna chahe to aankhon pe baithaaon us ko

Mujhe maloom hai us ne juda hona hai
Lekan ik baar to seene se lagaaon us ko

Jab Raat K Tanha Lamhon Mein


Jab Raat K Tanha Lamhon Mein
Koi Aahat Mujh Se Kehti Hai
Is Dil Mein Halchal Rehti Hai
Koi Jugnu Pass Se Guzre To
Koi Baat Halak Se Nikle To
Main Khud Se Ulajhne Lagta Hon
Phir Jaane Kya Kya Kehta Hon
Phir Yaad Uski Aati Hai
Phir Pal Do Pal K Lamhe Ko
Yeh Sans Meri Ruk Jati Hai
Ek Sholah Dil Mein Bharakta Hai
Woh Dard Sehar Tak Rehta Hai
Phir Weham Mujhe Yeh Kehta Hai

Koi Mere Dil Mein Rehta Hai
Koi Mere Dil Mein Rehta Hai

Popular Posts