tere dar pe vo aa hi jaate hain

tere dar pe vo aa hi jaate hain
jin ko piine kii aas ho saaqii

aaj itanii pilaa de aa.Nkho.n se
Khatm ri.ndo.n kii pyaas ho saaqii

halqaa halqaa suruur hai saaqii
baat koi zaruur hai saaqii

terii aankhain kisii ko kyaa de.ngii
apanaa apanaa suruur hai saaqii

terii aankhon ko kar diyaa sajadaa
meraa pahalaa qusuur hai saaqii

tere ruKh pe ye pareshaa.N zulfein
ik a.Ndhere mein nuur hai saaqii

terii aankhain kisii ko kyaa de.ngii
apanaa apanaa suruur hai saaqii

piine vaalon ko bhii nahi maaluum
maikadaa kitanii duur hai saaqii

dewana banaanaa hai to dewaanaa banaa de

dewana banaanaa hai to dewaanaa banaa de
warnaa kahii.n taqdiir tamaashaa na banaa de

aye dekhanewaalo.n mujhe ha.Ns ha.Ns ke na dekho
tum ko bhii mohabbat kahii.n mujh saa na banaa de

mai.n Dhuu.NDh rahaa huu.N merii wo shammaa kahaa.N hai
jo bazm kii har chiiz ko parwaanaa banaa de

aakhir koii suurat bhii to ho Khaanaa-e-dil kii
Kaabaa nahii.n banataa hai to but_Khaanaa banaa de

"Behzad" har ek jaam pe ek sajdaa-e-mastii
har zarre ko sang-e-dar-e-jaanaa.N naa banaa de

Wo to milta hay jahaN rakha gaya tha

Wo to milta hay jahaN rakha gaya tha,
sochta huN maiN kahaN rakha gaya tha

jany aansu kis amal se ban gaye haiN,
aankh meiN to bas dhuaN rakha gaya tha

jab-keh donoN meiN koi aisa nahiN tha,
kis ko dhoky meiN kahaN rakha gaya tha

kuch to sang-e-meel hona tha , lehaza,
aasmaN ko dermiyaN rakha gaya tha

choR aa'ye haiN bohat peechy jisy ham,
naam us ka La-makaN rakha gaya tha

barisheN is ko baha sakti nahiN haiN,
khawb aankhoN se nihaN rakha gaya tha

maiN wohi eijaz Shakir huN, meri jaaN
aap ko to bad-gumaN rakha gaya tha

Sakuut-e-shaam-e-KhizaaN hai qariib aa jaao

Sakuut-e-shaam-e-KhizaaN hai qariib aa jaao
ba.Daa udaas samaa.N hai qariib aa jaao

na tum ko Khud pe bharosaa na ham ko zom-e-vafaa
na aitabaar-e-jahaa.N hai qariib aa jaao

raah-e-talab me.n kisii ko dhyaan nahii.n
hujuum-e-ham_safaraa.N hai qariib aa jaao

jo dasht-e-ishq me.n bichha.De.n vo umr bhar na mile
yahaa.N yahaa.N dhuaa.N hii dhuaa.N hai qariib aa jaao

ye aa.Ndhiyaa.N hai.n to shahar-e-vafaa kii Khair nahii.n
zamaanaa Khaak_fashaa.N hai qariib aa jaao

faaqih-e-shahar kii majalis nahii.n ke duur raho
ye bazm-e-piir-e-maGaa.N hai qariib aa jaao

'Faraz' duur ke suuraj Garuub samajhe gaye
ye daur-e-kam_nazaaraa hai qarib aa jaao

Itne dinon ke baad tu aayaa hai aaj

Itne dinon ke baad tu aayaa hai aaj
sochataa huu.N kis tarah tujh se miluu.N

mere andar jaag uThii ik chaa.Ndanii
mai.n zamii.n se aasamaa.N tak ek ang huu.N

aur ujalaa ho gayaa qurbat kaa chaa.Nd
aur gaharaa ho gayaa teraa fusuu.N

ai saraapaa rang-o-nikahat tuu bataa
kis dhanak se teraa pairaahan bunuu.N

saare gul_buuTe tar-o-taazaa hue
duur tak pahu.Nchii hai merii mauj-e-Khuu.N

kar rahe hai.n lamhe lamhe kaa hisaab
mil ke phir baiThe hai.n yaaraan-e-junuu.N

dasht-e-Gam kii dhuup me.n mujh par khulaa
mai.n Khud apanaa saayaa-e-diivaar huu.N

naaz kar Khud par ki tuu hai beshumaar
qadr kar merii ki mai.n bas ek huu.N

Muntazir kab se tahayyur hai teri taqariir kaa

Muntazir kab se tahayyur hai teri taqariir kaa
baat kar tujh par gumaa.N hone lagaa tasviir kaa

raat kyaa soye ki baaqii umr kii niind u.D ga_ii
Khvaab kyaa dekhaa ki dha.Dakaa lag gayaa taabiir kaa

jaane tuu kis aalam me.n bichha.Daa hai ki tere baGair
aaj tak har lafz fariyaadii merii tahariir kaa

jis tarah baadal kaa saayaa pyaas bha.Dakaataa rahe
mai.n ne vo aalam bhii dekhaa hai terii tasviir kaa

kis tarah paayaa tujhe phir kis tarah khoyaa tujhe
mujh saa munkir bhii to qaa_il ho gayaa taqadiir kaa

ishq me.n sar pho.Danaa bhii kyaa ke ye be-meher log
juu-e-Khuu.N ko naam dete hai.n juu-e-shiir kaa

jis ko bhii chaahaa use shiddat se chaahaa hai 'Faraz'
si_-silaa TuuTaa nahii.n dard kii zanjiir kaa

Nama to humne bheja hai usko saba ke haath

Nama to humne bheja hai usko saba ke haath
ab dekhiye lage na lage aashna ke haath

phir yaad aa gaii.n mujhe mehroomiya.n meri
dil beTh sa gaya dua ko uTha ke haath

jaane kis aastee.n se pukaare mera luhu
munsif adaalato.n mein hain beThay chhupa ke haath

duniya bhi tere saath hai dil bhi teri taraf
ab mera tera faisla Thehra khuda ke haath

us sard meher ki sitam ijaadiyaa.n na pooch
jo taapta tha mere khato.n ko jalaa ke haath

umro.n ki dosti ka sil yeh mila ke woh
rukhsat hua to bas yunhi rasman hila ke haath

aye shikwa sanj-e-shiddat-e-aghyaar shukr kar
tujhko lage nahin hain kisi aashna ke haath

tajdeed-e-dosti hai to aye mere zood ranj
thoRa sa muskura ke zara sa baRha ke haath

chaak-e-qaba pe meri nazar thi ke yaar ne
jaldi se rakh diye meri aankhon pe aa ke haath

saaqi ne kitne pyar se dekha FARAZ jab
maangi sharab main ne pyala bana ke haath

Khushi ne mujh ko Thukaraayaa hai ranj-o-Gam ne paalaa hai

Khushi ne mujh ko Thukaraayaa hai ranj-o-Gam ne paalaa hai
gulo.n ne beruKhii kii hai to kaa.NTo.n ne sambhaalaa hai

muhabbat me.n Khayaal-e-saahil-o-manzil hai naadaanii
jo in raaho.n me.n luT jaaye vahii taqadiir vaalaa hai

charaaGaa.N kar ke dil bahalaa rahe ho kyaa jahaa.N vaalo
andheraa laakh raushan ho ujaalaa phir ujaalaa hai

kinaaro.n se mujhe ai naaKhudaa duur hii rakhanaa
vahaa.N lekar chalo tuufaa.N jahaa.N se uThane vaalaa hai

nasheman hii ke luT jaane kaa Gam hotaa to kyaa Gam thaa
yahaa.N to bechane vaalo.n ne gulashan bech Daalaa hai

Kaj-e-dil tak to bay nishan pohanchay

Kaj-e-dil tak to bay nishan pohanchay
phir na janay kahan kahan pohanchay

tishnage ki sabeel jari the
ham musafir jahan jahan pohanchay

aik mud'dat kay bad ham akhir
apnay or us k darmiyan pohanchay

kaisay sir ho ye roshni ka pahar
kaisay manzil pay khasta jaan pohanchay

ik parinda hai ye zameen daikhain
kis shajar pay ye bay zuban pohanchay

lams-e-gul bhi na main karon manzoor
is ki jaan ko agar ziyan pohanchay

kahne ki bat ho to use kah sunayiye

kahne ki bat ho to use kah sunayiye
jo dil pe ban rahi ho, kyon kar dikhayiye



dunya ki ho hawas to dil-o-din ginwayiye
yan khoyiye bahut-sa to kuch ja k payiye



ye kya k dil hai dair mein aur kabe mein maqam
ho rahiye bas wahin k, jahan dil lagayiye



gar jan ka zarar hai mohabbat mein naseho
ham jan hi se baithe hain bezar jayiye



aur aitabar khote hi apna raha-saha
bas a gaya yaqin hamein, qasmein na khayiye



hoti hujum-e-gam mein hai, kyon zahar ki talash
Hali' batayen ap ko, gar kuch khilayiye

Dhoop ke saath gayaa saath nibhaane waalaa

Dhoop ke saath gayaa saath nibhaane waalaa
ab kahaa.N aayegaa vo lauT ke aane waalaa

ret par chho.D gayaa naqsh hazaaro.n apane
kisii paagal kii tarah naqsh miTaane waalaa

sabz shaaKhe.n kabhii aise to nahii.n chiiKhatii hai.n
kaun aayaa hai parindo.n ko Daraane waalaa

aariz-e-shaam kii surKhii ne kiyaa faash use
pardaa-e-abr me.n thaa aag lagaane waalaa

safar-e-shab kaa taqaazaa hai mere saath raho
dasht pur_haul hai tuufaan hai aane waalaa

mujh ko dar_pardaa sunaataa rahaa qissaa apanaa
agale vaqto.n kii hikaayaat sunaane waalaa

shabanamii ghaas ghane phuul larazatii kirane.n
kaun aayaa hai Khazaano.n ko luTaane waalaa

ab to aaraam kare.n sochatii aa.Nkhe.n meri
raat kaa aaKhirii taaraa bhii hai jaane waalaa

Dil Kahan, Karab-e-Dil Azaari Kahan?

Dil Kahan, Karab-e-Dil Azaari Kahan?
Zulzaloo'n Ki Zud Mai Hai Kacha Makaa'n

Lamha Bher Kay Hijar Ne Phaila Dia
Ik Zamanaa Teray Meray Dermiyaa'n

Nachti Hai Dhoop Si Ankhoo'n Mai Jub
Barishoo'n Mai Bheeghti Hain Larkiyaa'n

Kal Usay Dekh Naye Malboos Mai
Jaisay Rangoo'n Kay Bhanwer Mai Kehkishaa'n

Baadbaa'n Jub Se Hawa Ki Zud Mai Hai
Sahiloo'n Se Khoof Khayain Kashtiyaa'n

Jangloo'n Kay Pair Hain Sehmay Howay
Jugnoo'n Ko Dhondthi Hain Bijliyaa'n

Neend Kia Touti Kay Dil Murjhaa Gaya
Orrh Gayee'n Khawboo'n Ki Sari Titliyaa'n

Sochna Mohsin Saffer Kay Shoor Mai
Gher Ka Sanaata Tha Kitna Meherbaa'n

Azaab-e-Deed Mai Ankhain Lahoo Lahoo Ker Kay

Azaab-e-Deed Mai Ankhain Lahoo Lahoo Ker Kay
Mai Sharumsaar Howa Teri Justujo Ker Kay

Khander Ki Teh Se Bareedha Baddan Siroon Kay Siwa
Mila Na Kuch Bhi Khazanoo'n Ki Arzoo Kar Kay

Suna Hai Shaher Mai Zakhumi Diloo'n Ka Maila Hai
Chalain Gay Hum Bhi Mager Pairhan Raffu Kar Kay

Musaafut-e-Shub-e-Hijraa'n Kay Baad Bhaid Khula
Hawa Dukhi Hai, Chiraaghoo'n Ki Abruu kar Kay

Zamee'n Ki Piyaas Usi Kay Lahoo Ko Chaat Gaye
Wo Khush Howa Tha Samander Ko Abb-Joo Kar Kay

Yeh Kis Ne Hum Se Lahoo Ka Khiraaj Phir Manga Hai
Abhi Tu Soai Thay Maqtil Ko Surkhroo Kar Kay

Jaloos-e-Ehal-e-Waffa Kis Kay Der Pay Phoncha Hai
Nishaan-e-Touq-e-Waffa Zeenat-e-Guloo Kar Kay

Ujaar Rut Ko Gulaabi Bannai Rukhti Hai
Humari Ankh Teri Deed Se Wazzu Kar Kay

Koi Tu Habs-e-Hawa Se Yeh Pochta MOHSIN
Mila Hai Kia Usay Kaliyoo'n Ko Be-Namuu Kar Kay

misl-e-Khayaal aaye the aa kar chale gaye

misl-e-Khayaal aaye the aa kar chale gaye
duniyaa hamaarii Gam kii basaa kar chale gaye

phuulo.n kii aas dil se lagaaye hue the ham
kaa.NTe vo raaste me.n bichhaa kar chale gaye

aayii na thii hamaare chaman me.n bahaar abhii
vo Khvaab aashiyaa.N me.n lagaa kar chale gaye

bhuule se bhii kabhii na dil ham bhulaa sake
dil se hame.n vo apane bhulaa kar chale gaye

aap agar ham ko mil gaye hote

aap agar ham ko mil gaye hote
baaG mein phuul khil gaye hote

aap ne yuun hii ghuur kar dekhaa
hont to yuun bhii sil gaye hote

kaash ham aap is tarah milate
jaise do vaqt mil gaye hote

ham ko ahal e Khirad mile hii nahii.n
varanaa kuchh munfaiil gaye hote

us kii aankhein hii kaj nazar thiin Adam
dil ke parde to hil gaye hote

Zabaan Sukhan Ko Sukhan Baankapan Ko Tarsega

Zabaan Sukhan Ko Sukhan Baankapan Ko Tarsega,
Sukhan-Kadaa Meri Tarz-e-Sukhan Ko Tarsega,

Naye Pyaalay Sahi Tere Dour Mein Saaqi,
Yeh Daur Meri Sharaab-e-Kohan Ko Tarsega,

Mujhe Toh Khair Wata Chor K Aman Na Mili,
Watan Bhi Mujhse Gareeb-ul-Watan Ko Tarsega,

Unhi K Dam Se Farozaan Hain Millaton K Charaagh,
Zamana Sohabat-e-Arabaab-e-Fan Ko Tarsega,

Badal Sako Toh Badal Do Yeh BaagBaan Verana,
Yeh Baag Saaya-e-Sard-o-Samaan Ko Tarsega,

Hawa-e-Zulam Yahi Hai Toh Dekhna Ek Din,
Zameen Pani Ko Sooraj Kiran Ko Tarsega......!!!!

Qariya-e-girya sajany ko gharoN se nikly

Qariya-e-girya sajany ko gharoN se nikly,
ham wo deewany thy jo deedawaroN se nilky

koi surat nazar aaye k ye halat ho bahaal,
koi tadbeer kye soda saroN se nikly

daam-e-sayyad jala aur hua khakastar,
kuch sharar paoN se kuch mery paroN se nikly

kon imdaad ko aata tha hawa-e-khud sar,
kon thy jo teri dastak pe gharoN se nikly

izn hi zaad-e-safar tha, tery hijrat zaady
be amaN be sar o samaN jo gharoN se nikly

kya tera zikr chiRa zikr-e-wafa se pehly
kuch khirad mand bhi aashufta saroN se nikly

apanii zulfo n ko sitaaron ke havaale kar do

apanii zulfo n ko sitaaron ke havaale kar do
shahar e gul baadaagusaaron ke havaale kar do

talKhi e hosh ho yaa mastii e idaraak e junuun
aaj har chiiz bahaaron ke havaale kar do

mujh ko yaaro na karo rahnumaaon ke supurd
mujh ko tum rahguzaaron ke havaale kar do

jaagane vaalo.n kaa tuufaan se kar do rishtaa
sone vaalon ko kinaaron ke havaale kar do

merii taubaa kaa bajaa hai yahii ejaaz Adam
meraa saaGar mere yaaron ke havaale kar do

Meri afsurdgi sey pareshaan naa ho

Meri afsurdgi sey pareshaan naa ho
Too meri talkhiyun kaa sabab tou nahin

Teri aankhain tou meri hi damsaz hain
Thein kabhi ajnabi lakin abb tou nahin

Tujh ko meri musarrat muqaddam sahi
Tera gham mujh ko wajh-e-tarab tou nahin

Tera ehsaan hay too ney meray liye
Apni palkoon say raahon key kantay chuney

Khud kari dhoop main reh key merey liye
Tou ney zulfoon kay shadaab saye bunay

Meri khatir zamanay ko paagal kahaa
Meri khatir zamanay kay tanay sunay

Aarzu ye nhi k ghum ka tufaan tal jaye

Aarzu ye nhi k ghum ka tufaan tal jaye.

Fiqar to ye hy k tumhara dil na badal jae.

Kabhi b mujh ko agar bhulana chaho.

Tum dard itna dena k mera dum nikal jae..

“Mere Dil may ik dharkan teri hai,

Uss dharkan ki kasam tu zindgi meri hai,

Meri saanso may ik saans teri hai,

Woh saans jo ruk jae to maut meri hai.

Sza na do mj ko beqasur hu me,

Tham lo mj ko ghmo se choor hun me,

Uski duri ne krdia pagal mj ko,

Or logo ka kehna hy k mghrur hu me.

Buhat khubsorat he ye dua hamari,

Phoolon ki tarha mehke ye zindagi tumhari,

Mujhe kiya chahiye or zindagi mein

Kabhi khatam na ho bas ye Muhabbat hamari

Yun dil ko jlana tera eman ho Shayad…

tery Seny me B koi tofan ho Shayad…

Mat mujhy Azma Itna K dam nikal jaye…

Mery Wajud me teri B Jan ho shayad..

Sahar ki yaad ho tum aur kheyaal-e-shaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

Tumhe kehyaal ki ra'anaaiyoN meN dekha hai
tumhe ummeed ki tanhaaiyoN meN dekha hai
tumhiN to roop ki gahraaiyoN meN dekha hai
jidhar bhi aankh uthaayi hai farogh-e-baam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

har ik ummeed ka meri tumhi ho gah'waara
tumhiN ho jaise har ik dard ka mere chaara
tumhiN pe aa ke tahrati hai chashm-e-awaara
har ibtadaay-e-tamanna ka ikhtetaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

MaiN kaun ik gul-e-afsurda-o-dil-e-nashaad
tum ik chaman ki zeenat tum ik chaman ki muraad
kahaN tum aur kahaN mujh sa zindagi barbaad
mere naseeb ki jis meN nahiN woh jaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

ufaq hayaat ka phir bhi tumhiN se hai zareeN
har ik khawaab-e-tassavur tumhiN se hai rangeeN
tumhaari simt hai dil ki nigaah baaz paseeN
andheri zeest ki ik zar nagaar shaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

karooN maiN arz-e-tamanna meri majaal nahiN
sawaal dil meN hai aur jurrat-e-sawaal nahiN
tumhaari yaad se ghaafil magar kheyaal nahiN
maiN kuchh kahooN na kahooN hsaail-e-kalaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

khamoshiyoN meN hai damsaaz kaun tum jo nahiN
nazar nazar ka meri raaz kaun tum jo nahiN
nafas nafas ki hai awaaz kaun tum jo nahiN
peyaam bar hooN agar maiN mera peyaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

kissi nigaah ka jo dil ghulaam ho na saka
jo sar kissi ki chhokhat pe aaj tak na jhhuka
tumhaare dar pe wohi aaj hai jabeeN-farsa
to kya jahaaN ka mulla se inteqaam ho tum

Sahar ki yaad ho tum aur kheyaal-e-shaam ho tum
jo ban geya hai mera jazw-e-lab woh naam ho tum

waqt ki oat se pehron, main khara dekhta hoon

waqt ki oat se pehron, main khara dekhta hoon

khwab or'rhey huey yadon k sitarey tankey
bikhri zulfon main gaey lamhon ki mehkar liye
apni sanson main kisi dard ki chehkar liye
apni aankhon main sambhaley huey ashkon k diy''ye

sooni poron pe kisi reshmi hiddat ki pukar
sard aankhon main sulagtey huey lamhon ki jalan
naram pairon pe lapetey hue raston ki thak'an

ye her ik shkhas se tum kis ka pata puchti ho
janey kyuon badliyan simtain to guman hota hai
tum jisey dhundti phirti ho kaheen main to nhi
kya her ik shkhas se tum mera pata puchti ho

waqt ki oat main pehron, main khara sochta hun
tum jisey dhundti phirti ho kheen main to nhi

Sapnoon main tujhey aaney ki ijazat nahi hey

Sapnoon main tujhey aaney ki ijazat nahi hey
ye bin barsat key roona meri aadat nahi hey

ghamoon sey tu hey apna jeevan bher ka rishta
khushiyon sey tu pal ki raafaqt nahi hey

gira key tu daikh ansoon key do qatreyabbasi
ye khali sa aik sujda ebaadat nahi hey

Khizaon ki udaasi hai jo ab tak dil pai chaayi hai

Khizaon ki udaasi hai jo ab tak dil pai chaayi hai
Baharon ka haseen mausam kahin sai saath lana tum..

Yeh mana aur bhi tum ko jahan mai hain bohat sai kaam
Magar duniya kai mailon mai hamein mat bhool jana tum..

Mairay ashaar hain jitnay.. Tumharay naam kerta hoon
Ghazal mairy sunno jab bhi.. Ghazal mai doob jana tum..

Agar tum sai koyi mairay baray mai poochay tu
Faqat itni si khuwahish hai.. Mujhay apna batana tum..


Koyi jab Alwida-ee mausam ka zikar chairay tu
Nammi ankhon mai matt rakhna.. Hamesha muskurana tum..

AB MAIN RASHAN KI QATARON MAIN NAZAR ATA HON

AB MAIN RASHAN KI QATARON MAIN NAZAR ATA HON
APNE KHETON SEY BICHADNE KI SAZA PATA HON

ITNI MEHANGAI KEY BAZAR SEY KUCH LATA HON
APNEY BACHON MAIN USEY BANT KEY SHERMATA HON

APNI SOCHON KA LAHOO PONCHNEY KI KOSHSH MAIN
JAGTEY JAGTEY THAK JATA HON SOJATA HON

KOI CHADER SAMAJH K KHEENCH NA LEY IS KO KHALIL
MAIN KAFAN ODH KEY FOOT PATH PEY SOJATA HON

Us ki yadon ka tha safar logo

Us ki yadon ka tha safar logo,
Neend aati kya raat bhar logo.

Zakhm mujko milay judai main,
Mai raha phir bi bay kahbar logo.

Kis tarah se usay manata main,
Lafz sare thay be asar logo,

Sirf aankon say ashk behtay thay,
Khuwab saray thay dar badar logo,

Tanha tanha hai aaj bhi
Zindagi ho gi kia basar logo.

Us ki jaam-e-jam aaNkhein shiisha-e-badan meraa

Us ki jaam-e-jam aaNkhein shiisha-e-badan meraa
us kii band muTThii me.n saaraa baa.Nkpan meraa

aao aaj ham dono.n apanaa apanaa ghar chun le.n
tum tabaah-e-dil le lo Khittaa-e-badan meraa

mai.n ne apane chehare pe sab hunar sajaaye the
faash kar gayaa mujh ko saadaa pairahan meraa

dil bhii kho gayaa shaayad shahar ke suraabo.n me.n
ab merii tarah se hai dard bevatan meraa

ek dasht-e-Khaamoshii ab hmeraa muqaddar hai
yaad besadaa terii zaKhm bechaman meraa

roz apanii aa.Nkho.n ke Khvaab Khuun karataa huu.N
haaye kin Ganiimo.n se aa pa.Daa hai ran meraa

maGrabii havaa ne phir ye sandeshaa bhejaa hai
muntazir tumhaaraa hai Khushbuo.n kaa ban meraa

Bar bar kya karty eitbar kya karty

Bar bar kya karty
eitbar kya karty

haar man beTha tha,
us pe waar kya karty

tu bata k tery bad,
mery yaar! kya karty

khud se bhi adawat thi,
tum se pyar kya karty

wo ana se khela tha,
derkinar... kya karty

pyar pyar hota hay
karobar kya karty

gham se pyar tha Shakir,
ghamgusar kya karty

Gaye Dinon Ka Chiraag LeKar Kidhar Se Aaya Kidhar Gaya Woh

Gaye Dinon Ka Chiraag LeKar Kidhar Se Aaya Kidhar Gaya Woh,
Ajeeb Manoos Ajnabi Tha Mujhe Toh Hieeran Kar Gaya Woh,

Bas Ai Moti Si Chub Dikha KarBas Aik Mithi Si Dhun Suna Kar,
Sitara Sham Ban K Aya Barang Khuwab Shehr Gaya Woh,

Khushi Ki Raat Ho K Gham Ka Mousam Nazar Usay Dhundti Hai Har Dam,
Woh Buye Gal Tha K Naghma Jaa'n Maray Toh Dil Mein Utar Gaya Woh,

Na Ab Woh Yadon Ka Charta Darya Na Fursaton Ki Udas Barkha,
Yunhi Zara Si Kasak Hai Dil Mein Jo Zakham Gehra Tha Bhar Gaya,

Kuch Ab Shanbalnay Lagi Hai Jaan Bhi Badal Chala Door Asmaan Bhi,
Jo Raat Bhari Thi Thal Gayi Hai Jo Din Khara Tha Guzar Gaya Woh,

Woh Jis K Shanay Par Hath Rakh K Safar Kiya Tunay Manzilon Ka,
Teri Gali Se Najanay Kyun Aj Sar Jhukaye Guzar Gaya Woh,

Woh Raat Ka Be Nawa Musafir Woh Tera Sahir Woh Tera "NASIR",
Teri Gali Taq Hum Ne Dekha Tha Phir Najanay Kidhar Gaya Woh......!!!!

Tu Hai Ya Tera Saya Hai

Tu Hai Ya Tera Saya Hai,
Bhesh Judayi Ne Badala Hai,

Dil Ki Havelii Par Muddat Se,
Khamoshi Ka Qufl Para Hai,

Cheek Rahay Hain Khali Kamre,
Shaam Se Kitni Teaz Hawa Hai,

Darwazay Sar Phor Rahay Hain,
Kon Is Ghar Ko Chor Gaya Hai,

Hickhki Thamati Hi Nahi "NASIR"
Aaj Kissi Ne Yaad Kiya Hai......!!!!

Main hon majnoon mera andaz zamanay wala

Main hon majnoon mera andaz zamanay wala
teri nagri main to pathar nahin khany wala

tu nay daikha hi nahi sath mery chal ky kabhi
main hon tanhai ka bhi sath nibhanay wala

mujh ko tum dasht e taheer main no choro tanha
khof taari hai ajab dil ko daranay wala

khof ata hai mujhy apni hi tanhai sy
roth jata hai koi mujh ko mananay wala

dil wo sheesha k tera aks liye phirta hai
roz aata hai koi is ko mitanay wala

is ki har bat sir ankhon pay liye phirta hon
mujh ko accha bhi to lagta hai rulanay wala

is qadar ajnabi andaz sy kiun daikhta hai
main wohi hon tera kirdaar fasanay wala

har qadam soch samjh kr hi uthana ay dil!
tera rehbar to nahin rah batanay wala

chahay jitni bhi safarish karo is ki
main teri baton main hargiz nahin anay wala

tum ghamoun ko aangan mein abaad neigh kerna

tum ghamoun ko aangan mein abaad neigh kerna
khushyoun se bahara aangan berbaad neigh kerna

punchie to hawaahoun mein azaad hi orta hai
penjaray ke band punchie azaad neigh kerna

beakar umeedoun per beakar se waadoun per
tum zindagi youn apni berbaad neigh kerna

jab beachaar jaay koi ye loat kay na aay
tab tootay huway dil ko nashaad neigh kerna

duniya ka chalan hai ye dill tor ke hunstie hai
is duniya ke aagay tum feryaad neigh kerna

bisat-e-ishq me muje maat ho jaye gi

bisat-e-ishq me muje maat ho jaye gi...
kise khabr thi k banjr ye zat ho jaye gi...

shayd wo ana me pehchan-nay se inkar ker day...
kabhi jo rah-e-ishq pe mulaqat ho jaye gi...

judai bakhshay gi umer bhar ka adhoura pun...
ya hijr me mukamal meri zat ho jaye gi...

us ka nam tak lene ki ijazat nai ab to...
khayal to yeh tha k kabi kabi bat ho jaye gi...

guman tak na tha is qadar zawal ka aakash...
socha tha k subh hote hi rat ho jaye gi...

Daulat E Dard ko duniya se chupa kar rakho

Daulat E Dard ko duniya se chupa kar rakho
Aankh mein aansu na ho aur dil mein samandar rakho

Meri deewangi pe is qadar hairaan hote ho

Meri deewangi pe is qadar hairaan hote ho
mera nuqsaan to dekho muhabbat gumshuda meri !

Ye faqat showk ki baat thi jo hamne kalam thaam li

Ye faqat showk ki baat thi jo hamne kalam thaam li
warna teri bewafayi ne to hame zinda maar diya tha

Khawahishat saaye ke tarhan insan k badan say lipte rehti hain

Khawahishat saaye ke tarhan insan k badan say lipte rehti hain..

Kabhi humara hath thaam kay hum ko liyeah phirtee hain..

Tu kabhi humara ta'aqub kartee hain..

Kabhi barhti hain tu hadoon say barh jaati hain...

Aur kabhi ghat'tee hain tu kadmoon mein khoo jati hain...

Gharz jab tuk mayoosi ke sayahee har cheez ko nigaal na lay..

Yeah kissi joonk jaisay jism say liptee rehti hain...

Hum chahain bhi tu in say azaadi paa nahi saktay...

Kissi ghulaam jaisay hum is ataat kartay hain...

Yeah kissi mujhay shahsawar jaisay...

Peeth pay baithay humain sar patt dorati phirti hain..

Kabhi moun kay bal girtay hain...

Kabhi badan lahoo lahaan hota hai...

Kabhi rahain manziloon say pehlay kho jati hain..

Tu Kabhi manzilain gard e rah ban jati hain..

Safar magar yeah kab tamaam hoota hai..

Dil Ki Ab Koi Arzoo Hi Nahin

Dil Ki Ab Koi Arzoo Hi Nahin
Ek teri Chahat Palayne Ke Siwa.

Jeene Ka Ab Koi Maqsad Hi Nahin,
Sung Tere Umer Bitanay ke siwa.

Dil Ki Ab Koi Hasrat Hi Nahin,
Ek Teri Jogan Ban Janay Ke Siwa.

Ankhon Mein Ab Koi Sapna Hi Nahin,
Ek Teri Dulhan Ban Janay Ke Siwa.

Mohabbat ki basti main gunah gar thehrey

Mohabbat ki basti main gunah gar thehrey
Sumbhal kar chulay per khata kar thehrey

Va-e-rey kismat ajab khel khela tu nay
Chuptey phirey per ashkaar thehrey

Khultey nahi logh mudaaton baad bhi
Khuli kitaab thay per be-aitebar thehrey

motiyoon kay khuzanay bharey ankhoon main
Nigahon main zamany ki per be-kaar thehrey

Hum hi masoom they kay pehchanay na sazishoon
Ya phir apnoon ki bheer main hi ayaar thehrey!!!

Kuch Dard Liye Iss Duniyaa Main Rehta Parhtha Hay

Kuch Dard Liye Iss Duniyaa Main Rehta Parhtha Hay
Roz Jeena Parhtha Hay Roz Marnaa Parhthaa Hay

Aagahi Kay Azaab Kay Saath Guzarti Hay Zindagi To
Iss Karb-e-Musalsal ko Hamesha Sehna Parhtha Hay

Agarchey Nafs Ki Ghulaami Say Azaad Hobhi Jaye Bashar
Phir Bhi Zarooraton Kay Jehad Ko Larna Parhtha Hay

Bohat Unwaanon Say Ibarat Hotey Hain Iss Jahan Kay Gham
Har Chand Kay Khushi Kay Nisaab Ko Bhi Parhna Parhtha Hay

Iss Umer-e-Raigaan Kay Haadsaat Say Ham Sambhal Hi Gaye
Maslehat Kay Tehat Hi Sahi Yah Kaam Bhi Karna Parhtha Hay

Katthin Aur Dushwaar Raaston Per Chal Kar Milta Hay Wasl
Uskay Liye Hijr Ki PurKhaar raah Say Guzarnaa Parhtha Hay

Saba Taluqaat Jab Banney Lagey Rooh Ka Azaab
Inn Saarey Taluqaat say Phir Mukarna Parhtha Hay

Galat nahi ke zamane main lajawaab hain hum

"Galat nahi ke zamane main lajawaab hain hum
Samajh sake na koi, woh kitaab hai hum"

HER PAL MEHAK AATEY HEY TERi YADOON KI

HER PAL MEHAK AATEY HEY TERi YADOON KI
YOON HI CHALTI HEY DOOR SANSOON KI


SHAHER-E-KHAYAL MEIN HER ROZ MULAQAT HOTI HEY
PHIR BHEE BUJHTEY NAHEYN PIYASS AANKHOON KI


DEYKHOON JO NAIN TERY TO KHAYAL AATA HEY
KITNI MADHAM SI HEY CHAMMAK TAROON KI


KITNEY NEEM JAAN SEY HO GAEY HEYN SHAFA BUSS
IK NAZAR-E-KARAM TERY HUM BEEMAROON KI

Tum kehtay ho to such ho ga

Tum kehtay ho to such ho ga
Aag mein gul khil saktay hongay
mil kar dil kho saktay hongay
kho kar dil mil saktay hongay

Tum kehtay ho to such ho ga
rang-birang  kay saaray panchi
mil jul kar urr saktay hongay
Aan hee Aan mein jeevan sapnay
toot k phir jurr saktay hongay

Tum kehtay ho to such ho ga
Yeh sab kuch ho sakta ho ga
lekin baat ik aur bhee hai
meray ilawa bhee kya koi
tum ko yun such maanay ga?

Sara qasoor mera nahi

Sara qasoor mera nahi
jo abr e mohabat bersa nahi
maiN ne jazboN ko
aanch to di the
tabkheer bhe saari
ho gai the
BoondaiN samaitney meiN
hawa ne dair laga di

teri soch ik titli

teri soch ik titli
jo meray mann kay jungle mein
is tarhaan mandlati hai
jaisay khizan kay mausam mein
koi panchi
kisi saathi ko khoo chuka ho
teri soch
khizaan ka ik umer raseeda patta
jo meray khayal kay jungle mein
sirgadaan hai
kissi gum manzil ke talash mein
teri soch
meray mann ke woh pehli bahar
jis ka mafhoom khushi aur bayhad khushi kay siwa

Tum Hum Se Ye Kehte Ho, Mohabbat NahiN Rahi

Tum Hum Se Ye Kehte Ho, Mohabbat NahiN Rahi
TumheeN Badal Gayey, Ya Woh Ulfat NahiN Rahi..

Har Baat Pe Tanaa Har Andaz MeiN TashheH
KiyoN Saaf NahiN Kehteh Mohabbat NahiN Rahi..

GheroN Pe Karam, ApnoN Pe Sitam Karte Ho
Phir Shaan Se Kehte Ho, Qurbatt NahiN Rahi..

Sehraa MeiN, Tapish Mein, Jab Tum Ne HumeiN Choorraa
Is Husn Ke Baazar MeiN Woh Qeematt NahiN Rahi..

Mana Ke Hum Se Bhi Bohat Ghaltiyan Hoi heN
Shaed Ke Darguzar Ki Tumhein Aadat NahiN Rahi..

Manzar To Wohii HaiN Halaat HaiN Badlay
Shaed Kay Ishq-e-Yaarr Ki Zarrorat NahiN Rahi..!!

mein aksar sochti hoon

"mein aksar sochti hoon
zindagi ka ye kaun sa moor hai
jahan mein ruk si gai hoon
chahoon to hath  barha kar
tumhein chu sakti hoon
sochoon to is rah par
tanha hi hoon
mohabbat ka ye kaun sa rang hai
jis mein ghir gai hoon
dil chahata hai is mein
doob jaoon
dil darta hai
kahin kho na jaoon
khawaboon ki kaisi manzil hai ye
jis ki dehleez par
gham hai to khushi bhi
mein dubti ubharti
janai kis jahan mein hoon"

KIA YA MUMKIN HEY JAB RAAT K PICHLAY PAHER

KIA YA MUMKIN HEY JAB RAAT K PICHLAY PAHER
NEEND AANKHOON SE KOSOON DOOR HOOO
DIL BECHAN HOO ROOOH BESAKOON HOOO
TUMHEIN SOOCHOON
JAB MERI ZINDAGI UDASS HOO
HER PAL MUJHAY AKALAYPAN KA EHSAS HOO
TUMHEIN SOOCHOON
JO MERI ZAAT KO KOI AAS HOO TUMHARI HOOO
MERI ROOH MEIN KOI PYAS HOO TUMHARI HOOO
MERI JUSTAJOO HER AARZOO TUMHARI HOOO
MEIN APNI ZAAT KI TAKMEEL TAK TUMHEIN SOOCHOON
MUJHAY AB TU IKHTIYAR DOO TUMHEIN SOOCHOON

shaam roz aa jati hai meray darwazay par

shaam roz aa jati hai meray darwazay par
meri tanhaye ka tamasha dekhnay kay liye
sooraj roz nikal aata hai
mujhay umeed dikhanay ko
chaand bhi pandra bees dinon tak jhalak dikhata hai
aatay jatay mousam jessay
waswasay or khouf bhi aatay hain
andhera bhi bisaat bhar darata hai
zindagi bhi door khari hunsti hai
kal barish nay bhi darawa diya kabhi na barasnay ka
khizaa;n kay pattay bhi ruswayion say daranay lagay
barf taknay apni sard banhon main panah denay ko kaha
sabhi aaye bari bari
sirf tum nahin aaye

yeh chaahat bhi ajab si hoti hai

yeh chaahat bhi ajab si hoti hai
kuch na hotay huway bhi sab kuch hoti hai


rang birangi kaanch ki chooriyon si hoti hai
pehan lo to shokh khanak
toot jaaye to ik chubhan si hoti hai


phool par thehri shabnam si hoti hai
saja kay ik ik patti
phisalti hui saath chor saa deti hai


fiza mein phaili khusboo si hoti hai
pal bhar ko apni
phir door faasilon mein phaili si hoti hai


badaltay mausam taiz hawaaon si hoti hai
khilay to bahaar jaisay
rukh badlay to khizaan si hoti hai


yeh chaahat bhi ajab si hoti hai
kuch na hotay huway bhi sab kuch hoti hai