rafta rafta dar-o-deewar khulain gain mujh par

rafta rafta dar-o-deewar khulain gain mujh par
shehr e gham tere sab israr khulain gain mujh par

pehla pathar meray ahbaab he marain gain mujay
baad main sab lab-e-izhaar khulain gain mujh par

band ankhon se sabhi dekh rahain hain mujh ko
janay kab deeda-e-bedaar khulain gain mujh par

aazmanay ki koi shart na rakhi main ne
kis tarha meray wafa daar khulain gain mujh par

sir uthaanay ki kisi roz jo fursat hogi
kitnay manzir sir-e-kuhsaar khulain gain mujh par

samnay aye gee jis wakt meri jaan-e-ghazal
meray mani meray ashaar khulain gain mujh par

manzil-e-fukr se guzron ga main jis dam faysal
khud ba khud shahon kay darbaar khulain gain mujh par

..........................................

Kabhi Aansoo, kabhi Khushboo, kabhi Naghma ban kar

Kabhi Aansoo, kabhi Khushboo, kabhi Naghma ban kar
Hum se her shaam mili hai tera CHEHRA ban kar ;

Chaand nikla hai teri Aankh ke Aansoo ki tarah
Phool mahke hain teri Zulf ka Saaya ban kar ;

Meri Jaagi hoi Raaton ko Osski hai Talaash
So raha hai meri Aankh mein jo Sapna ban kar ;

Dil ke Kaghez pe Uttarta hai woh Shairon ki tarah
Mere Honton pe machalta hai woh Naghma ban kar ;

Raat bhi ho toh boujhti nahi Chehray ki Chamak
Rooh mein phail gaya hai woh Ujaala ban kar ;

Mera kya Haal hai, yeh Aa ke kabhi dekh toh le
Jee raha hoon tera bhoola howa Waada ban kar ;

Dhoop mein kho gaya woh Haath chhuda kar faysal
Ghar se jo saath chala tha mera Saaya ban kar ;

KHABHI AANSOO, KABHI KHUSHBOO, KABHI NAGHMA BAN KAR
HUM SE HER SHAAM MILI HAI TERA CHEHRA BAN KAR !

Guzre waqt ko bhula dena asaan nahi hota

Guzre waqt ko bhula dena asaan nahi hota
Ghamon ko hansi mein chupa lena bhi asaan nahi hota 

Zaruri nahi k poori ho har khawahish lekin
Apni khawahish ko daba lena bhi asaan nahi hota 

Maana ki toote howay phooloon se khushboo nahi aati
Magar unhein kitabon mein sajaa lena assan nahi hota 

Koi aur tere baad aa sakta nahin qun ke
Har kisi ko dil mein jagah dena asaan nahi hota

ab dostoon se hai na teri be-rukhi se hai

ab dostoon se hai na teri be-rukhi se hai
jo bhi gilaah hai apni sada dili se hai

kaisay katay gi raat batana tow sham e hijar
ek dard e be-panah tow dil mein abhie se hai

teri khushi hein gar meri be-chainiyaan tow kiya
mera sakoon e dil bhi tow teri khushi se hai

mein uss se humkalaam hon aur woh hai be-niyaaz
jaisay mera khitaab kisi ajnabi se hai

phir kis liye bachaaon phati aurrhni ko mein!!!
jab tu hi mut-mayen meri be-chaadri se hai

Kab tak teri yaad mein ashak bahaye ga

Kab tak teri yaad mein ashak bahaye ga
Dil hai aakhir tujh ko bhuol he jaye ga

Jis kay sathzehan mein lakhoon uljhaina hoon
Woh kia uljhi dunia ko suljhaye ga

Aakhir thandi raat badan ko sehlaye gi
Taptaa surajh kab tak jaan jalaaye ga

Kon jagaye ga inn soye logon ko ?
Kon inn par sar dhaar ki bazi lagye ga

KAWISH aghyaar say bhari ess dunia mein
Koi toh apna ban kar bhi kabhi aaye ga

aik Waadah Hai Kisi Ka Jo Wafa Hota Nahi

aik Waadah Hai Kisi Ka Jo Wafa Hota Nahi
Warna Inn Taron Bhari Raaton Mein Kiya Hota Nahi

Ji Mein Ata Hai Ulat Den Unn K Chehron Se Naqaab
Hoslah Kartay Hein Par Hoslah Hota Nahi

Shama Jis Ki Abro Pe Jaan De De Jhoom Kar
Woh Patanga Jal Tow Jata Hai Fanah Hota Nahi

Ab Tow Muddat Se Raah O Rasam E Nizaraah Band Hai
Ab Tow Unnka Toor Par Bhi Samna Hota Nahi

Har Shanaawar Ko Nahi Milta Talatum Se Kharaaj
Har Safeenay Ka Muhaafiz Na-khuda Hota Nahi

Har Bhikaari Pa Nahi Sakta Mukaam E Khawajagi
Har Kis O Nakis Ko Tera Ghum Ata Hota Nahi

Hayee Yeh Begaangi Apni Nahi Mujh Ko Khabar
Hayee Yeh Alam K Tu Dil Se Juda Hota Nahi

Baar Ha Dekha Hai *faysal* Ishq Mein
Karwaan K Saath Aksar Rehnumaa Hota Nahi

Tumhain Dil Say Bhulatay Hain Tu Aankhain Khoob Rooti Hain

Tumhain Dil Say Bhulatay Hain Tu Aankhain Khoob Rooti Hain,
Dard Dil Main Jagatay Hain Tu Aankhain Khoot Rooti Hain..

Tumharay baad Chahat Kay Sabhi Panchi Ur Jaien,
Kahin Bhi Dil Lagatay Hain Tu Aankhain Khoob Rooti Hain..

Teri Tasweer, Adhooray Khat To Jala Diye Hum Nay,
Ab Paani Pay Naqsh Banatay Hain Tu Aankhain Khoob Rooti Hain..

Ghata Aawargi Main Jab Siyah Choola Pehanti Hai,
Parenday Jab Satatay Hain Tu Aankhain Khoob Rooti Hain..

Kay Jab Bhi Shaam Dhalti Hai Meri Qismat Kay Sab Taray,
Falaq Par Jagmagatay Hain Tu Aankhain Khoob Rooti Hain..

Sard Tareek Raaton Main Siyah Sawan Ki Barish Main,
Dard Jab Muskuratay Hain Tu Aankhain Khoob Rooti Hain..

Saahil Ki Woh Mitti Kay Jis Pay Khoon Hathoon Say,
Wafa Likh Kar Mitatay Hain Tu Aankhain Khoob Rooti Hain.....

ab mohabbat ki wakalat nahi ki ja sakti

ab mohabbat ki wakalat nahi ki ja sakti
shehr bhar se to adawat nahi ki ja sakti

mera chehra meri ankhein hain salamat ab b
kon kehta hay wazahat nahi ki ja sakti???

bat ye hay k koi toot k chahy to sahi
har kisi se to mohabbat nahi ki ja sakti

ankh kehti hay kahein aur chalein jayen hum
dil ye kehta hay k hijrat nahi ki ja sakti

loh-e-dil pe yahi tehreer likhi hay
ishq walon ko nasehat nahi ki ja sakti



_________________

kya bataayen ke jaan gayee kaise...

kya bataayen ke jaan gayee kaise...
phir se dohraayen wo ghadi kaise......

waqt pe paaon kab rakhaa humne....
zindagee muh ke bal giri kaise....

kisne raste mein chaand rakhaa tha....
mujhko thokar wahan lagee kaise....

aankh to bhar gayee thi paanee se....
teri tasveer jal gayee kaise....

Hum to ab yaad bhee nahin karte...
aapko hichkee lag gayee kaise...

kya bataayen ke jaan gayee kaise...
phir se dohraayen wo ghadi kaise......



_________________

ye aarzuu thii, tujhe gul ke ruu-ba-ruu karte

ye aarzuu thii, tujhe gul ke ruu-ba-ruu karte
ham aur bulbul-e-betaab guftguu karte

payaambar na mayassar hua, to Khuub huaa
zubaan-e-Ghair se kyaa sharaH-e-aarzuu karte

meri tarah se mah-o-mahar bhii haiN aavaara
kisii habiib kii ye bhi haiN justujuu karte

jo dekhte terii zanjeer-e-zulf kaa aalam
asiir hone ki aazaad aarzuu karte

na puuchh aalam-e-bargashta taala'aii faysal
barastii aag, jo baraaN ki aarzuu karte

Nafratoon ka shahar mairay liyeah hai

Nafratoon ka shahar mairay liyeah hai
Usay tazleel ke khawahish mairay liyeah hai

Joo baat jeetay jee maar dalay insaan koo
Woh baat humnawa ke khaas mairay liyeh hai

Dostoon kay tanz, nashtar zehar bujhaay..
Takhtaa e mashaq, aaj mairay liyeah hai

Jaanta hoon kuch bhi mairaa nahi magar..
Phirr bhee yeah zid sab mairay liyeah hai..

Ik tu hon mubtala e karb e khudi mein ~faysal
Uss pay silsala e josh o junon bhi mairay liyeh hai



_________________

mohabbat oos ki soorat

mohabbat oos ki soorat,
piyasi pankhari kay hont ko seerab karti hai
golon ki asteeno mein anokhey rung bharti hai
sehar kay chatpatey mein, gongonati,muskarati, jagmagati hai
mohabbat kay deeno mein dasht bhi mehsoos hota hai
kisi firdoos ki soorat
mohabbat oos ki soorat!


mohabbat abbar ki soorat,
dilo ki sar zameen pay ghir kay atti hai aur barasti hai
chaman ka zarra zarra chomata hai,muskarata hai
azal ki baynamo metti mein sabza sar uthata hai
mohabbat un ko bhi abbad aur shaddab karti hai
jo dil hey kabir ki soorat
mohabbat abbar ki soorat!


mohabbat agg ki soorat,
bhojey seeno mien jalti hai tu dil bedar hotay hai
mohabbat ki tapish mien khuch ajab israr hotay hai
kay jitna yeh barhakti hai,aroos-e-jaan mehakti hai
dilo kay sahilo par jama hoti aur behkarti hai
mohabbat jhag ki soorat
mohabbat aag ki soorat!


mohabbat khowab ki soorat,
nighaoo mien utarti hai kisi mehtabb ki soorat
sitarey arzoo kay is tarha say jagmagatey hai
kay peh'chani nahi jati dil-e-bey taab ki soorat!
mohabbat kay shajar par khwab kay panchi utartee hai
tu shaghee jagh uthtee hai
thakey harey sitarey jab zameen say baat kartey hai
tu kab ki montizir ankhoo mien
mohabbat in mein jalti ha chargh-e-abb ki soorat
mohabbat khowab ki soorat!


mohabbat darad ki soorat
ghosishta mohsamoo ka istiyara ban kay rahti hai
shaban-e-hijar mien,roshan sitara ban kay rahti hai
monderoo pay charaghoo ki looh jab thartharati hai
nagar mien na umeedi ki haway sonsanati hai
gali mien jab koi ahat,koi saya nahi rahta
dhukey dil kay leya jab koi bhi dhukha nahi rahta
ghamoo kay boajh say jab tootnay lagtey hay shaney tu
yeh un pay haath rakhti hai
kisi hamdarad ki soorat!
ghuzar jatey hay sarey kafley jab dil ki basti say
faza mein teerti rahti ha deer tad
yeh gard ki soorat,
mohabbat darad ki soorat!



_________________

Muhabbatain rahein dilOon k daRmiyaan

Muhabbatain rahein dilOon k daRmiyaan na Khuwahishain
Na hiJr k dinOon ki kOi lehar paas Rehay gai
Na jUstaJou Na Aarzoo
Na Kou ba Kou Kisi waPsi ki Aas rehay gai
Samay !!
Teray sitUm kahain Ya apni BaywafiYaan
Khuch iss Tarah k Beej bOu gaein Moheib Zulmatain
Kali kali shajaR Shajar Sahaab kou taras gaye
Zamana SaziYoon main Pyar ki Aadain Gum hou gaein
Rutain Bahar kou , Chamun Gulaab kou taRus gaYe
Woh Qehat haY k Khuwab tUk siRaab kou Tarus gaYe
Kisi taraf laGain tOu Khuch saKoon hOu dil k shaihir main
Suwaab tOu aalaG rahay Aazaab Kou taRus gaye

Muhabbat Zaat hoti he...

Muhabbat Zaat hoti he...
Mohabbat zaat ki takmeel hoti hai`
Koi jungle main ja thehry
Kissi basti main bas jaye
Mohabbat saath hoti hai
Mohabbat khushbuwon ki lay
Mohabbat mousamoon ka dhan
Mohabbat absharoon k nikhartey paniyoon ka husn
Mohabbat jungloon main raq kaarti morti ka tan
Mohabbat barf barti sardiyoon main dhoop banti hai
Mohabbat chilchilatey garam sehra main thandi chaoon ki manind
Mohabbat dil
Mohabbat jaan
Mohabbat rooh ka darman
Mohabbat morti hai
Aur kabhi jo dil k mandir main kaheen par toot jaye to Mohabbat kanch ki guriya
Fizaoon main kissi k haath se gir k *** jaye to
Mohabbat abla hai karb ka
Aur phoot jaye to
Mohabbat roog hoti hai
Mohabbat soog hoti hai
Mohabbat sham hoti hai
Mohabbat raat hoti hai
Mohabbat jhilmilati aankh main barsat hoti hai
Mohabbat neend ki rutt main ratjagoon ki ghaat hoti hai
Mohabbat jeet hoti hai
Mohabbat maat hoti hai
MOHABBAT ZAAT HOTI HAI ..









_________________

MOHABBAT THAIRR JAATI HAI

" MOHABBAT THAIRR JAATI HAI ..... "

Hum aksar yeah samajhtay hain
jisay hum piyaar kartay hain
usay hum bhool baithay hain
magar aisa nahin hota
mohabbat daimi such hai
mohabbat thair jaati hai...!!!
hamary baat ke andar
mohabbat baith jaati hai
hamary zaat kay andar magar
yeh kam nahin hoti

kisi bhi dukh ki soorat main
kabhi koi zaroorat main
kabhi anjaan se gham main
kabhi lehjay ki thandak main
udaasi ki zaroorat main
kabhi baarish ki soorat main
hamari aankh ke andar
kabhi aab-e-rawan ban kar
kabhi qatray ki soorat main
bazahir aisa lagta hai usay
hum bhool baithay hain magar
aisa nahin hota magar aisa nahin hota….
yeah hargiz kum nahin hoti…
MOHABBAT THAIR JAATI HAI…….!!!




_________________

Log MuhabbUt karnaY walaY

ChuPkay chpkaY jal jatay hain
Log MuhabbUt karnaY walaY
PorWa sanG nikal jataY hain
Log MuhabbUt karnaY walaY
Aankhoon aankhOon chal partay hain TarOon ki Qandeel liyay
Chand k sath hee dhal jatay hain
Log MuhabbUt karnaY walaY
Dil main phOol khila daitay hain
Log MuhabbUt karnaY walaY
AaG main raag jaGa daitay hain
Log MuhabbUt karnaY walaY
Pani Beech bataShay sourut Khood tou Ghultay rehtay hain
Hum kOu shaid bana daitaY hain
Log MuhabbUt karnaY walaY
Tilti titli lehRatay hain PholOon ki Umeed liYaye
Aik dIn KhusbOu hou jatay hain
Log MuhabbUt karnaY walaY
Bun jatay hain NaQsh Wafa Ka
Log MuhabbUt karnaY walaY
JhoNka hain baychain Hawa ka
Log MuhabbUt karnaY walaY
Jali hui dhaRti par jaisaY badal Ghir k aaYin
Basti par hain Fazal Khuda ka
Log MuhabbUt karnaY walaY

Muhabbat kerte rehne se muhabbat kam nahi hoti

Muhabbat kerte rehne se muhabbat kam nahi hoti

k is jalte diye ki lau kabhi mudham nahi hoti

khuda ka ye khazana khatm hone main nahi aata

koi bhi ho kahin bhi ho,ager is simt aa nikle

to is main wo kahin se bhi koi kami nahi paata

muhabbat,mehr o ulfat,dilnawazi aur dildaari

ye mausam hain!

yehi mausam mere jazb e daroon k anderoon mausam ka hissa hain

mere dil ki kahani hain meri aankhon ka qissa hain

mujhe to jab koi nafrat kahin pe ghair leti hai

koi be rehm saaat meri jaanib berhne lagti hai

to main ehl e muhabbat se sahara maang leta hoon

MUhabbat se muhabbat ko dobara maang leta hoon




_________________

dil ko lagtii hai dilrubaa kii adaa

dil ko lagtii hai dilrubaa kii adaa
jii meN bastii hai Khush-adaa kii adaa

garche sab Khuub-ruu haiN Khuub vale
qatl kartii hai Mirzaa ki adaa

harf-e-bejaa hai gar boluuN
dushman-e-hosh hai piyaa kii adaa

naqsh-e-diivaar kyuN na ho aashiq
hairat-afzaa hai be-vafaa kii adaa

gul hu’e garq-e-aab-e-shabnam meN
dekh us saahib-e-hayaa kii adaa

ai “ dard-e-sar kii daaruu hai
manjh-kuuN us sandalii qabaa kii adaa

kabhi tu moheet-e-havaas tha, so nahi raha

kabhi tu moheet-e-havaas tha, so nahi raha
maiN tere beghair udaas tha, so nahi raha

meri wus’atoN ki havas ka khaana kharaab ho
mera gaaoN shehar ke paas tha, so nahi raha

teri dastaras main theeN bakhshishaiN, so nahi raheeN
meray lab pe harf-e-sipaas tha, so nahi raha

mera aks mujh se ulajh paRa to girah khuli
kabhi maiN bhi chehra-shanaas tha, so nahi raha

meray baad noha-be-labb havaaeiN kaha karaiN
woh jo ik dareeda libaas tha, so nahi raha

maiN shikasta-dil hooN saf-e-’udu ki shikast par
woh jo lutf-e-khof-o-haraas tha, so nahi raha

sada-e-dil tu hi , awanz-e-janu hamaari hey

sada-e-dil tu hi , awanz-e-janu hamaari hey
ke tujh mein khoi huwi apni dunya saari hey

tera hi rang-e-takhayul jazbaat pe chhaya hey
sareer araai teri her gosha-e-jaan taari hey

bahar-e-baad ghata zulf o kashaish-e-husn
aahoo-e-zarrien mein yakta-e-waza dari hey

suroop rangini-e-zebaish, o rang-e-apsara
sarapa-e-dilkushan qudrat ki sana kari hey

sokhta dil ho key jan gosha-e-tanhai guman
bas teri aik jhalak barson ki ghum gusari hey

hum sukhan, hum nafas, hum rung-e-dil o jan
warafta dil ko teri humsafari eztiraari hey

khayal tera nakhl-e-sehra o dar qatar key tu
kadi dhoop mein ba saya dar shajar kari hey

mata-e-zest hey tu, teri hamnawai ko salam
tu ho ger saath to zindagi hamein piyari hey

kushan kusha ye dil sabat us ka huwa jata hey
ye kaisi us ki mohabbat mai sitam kari hey




_________________

Hijar K Taray Doob Rahay Hain Dhalnay Lagi Hay Rat Wasi

Hijar K Taray Doob Rahay Hain Dhalnay Lagi Hay Rat Wasi
Qatra Qatra Baras Rahe Haya Aankhon Say Barsat Wasi

Teray Bad Ye Dunya Walay Mujhko Pagal Kr Dien Gay
Khushboo K Os Des Main Mujhko Lay Chal Apanya Sath Wasi

Yunhi Chup Ki Moher Laga Kr Kb Tuk Gumsum Betho Gay
Khamoshi Say Dam Ghut-Ta Hay Chhero Koe Bat Wasi

Aaj To Os ka Chehra B Kch Badla Badla Lgta Hay
Mosam Badla Dunya Badli Badal Gaye Halaat Wasi

Meray Ghar Main Khushboo Ka Ye Ruqs B Os K Dam Say Hay
Os K Saath Chali Jayegi Pholon Ki Braat Wasi

Chhor Wasi Ab Oski Yaden Tujhko Pagal Kr Den Gi
Too Qatra Hay Wo Darya Hay Dekh Apni Oqaat Wasi

MohabbatoN pe buhut aitmaad kya kerna

MohabbatoN pe buhut aitmaad kya kerna
bhula chuke haiN usay phir se yaad kya kerna ??

woh bewafa hii sahii uss pe tuhmateiN kaisi
zara sii baat pe itna fasaad kya kerna

kuch isliye bhii maiN paspa hua hooN maqtal meiN
k behr-e-maal-e-ghaneemat jihaad kya kerna

mukhalifoN se to mumkin hai dostii apni
munafiqoN se magar ittehaad kya kerna

nigaah meiN jo utarta hai dil se kyuN utray
dil-o-nigaah meiN paida tazaad kya kerna

maiN isliye usay ab tak na chu saka faysal
woh aaina hai usay sung'zaad kya kerna

Khwahish Rahi Hai Teri Mere Dil Ke Aaspaas

Khwahish Rahi Hai Teri Mere Dil Ke Aaspaas
Aur Dur-Dur Tu Her Waqt Nazar Aayi Hain

Tu Ban Gayi Hai Tarana Kisi Aur Hi Ka Kahin
Mere Saaz-E-Dil Ko Ye Teri Khabar Aayi Hain

Lahu Mein Garmin Iss Tarhaa Ubal Kar Aayi
Jaise Ashkon See Nigaahon Mein Utar Aayi Hain

Shaam Tanhaayion Ki Koi Daastan Ho Bani
Ab To Mushkil Ki Her Ek Sahar Aayi Hain

Jo Bani Thi Kahin Dil Mein Majbur Meri
Wahi Tasvir Nigaahon Mein Ubhar Aayi Hain

Rang-E-Mehfil Mein Barbaadiyon Ke Fasaane Hain
Dur Bajti Hui Koi Gum-E-Ghazal Aayi Hain

Hai Mohabbat Bhee Chand Dino Ki Zustzu Apni
Aur Ye Zist Bhee Apni Gum-E-Basar Aayi Hain

Ho Gaye Hain Jo Veeran Jo Aasiyaane Mere
Kitni Dilkash Bahraan-E-Sahar Aayi Hain

Baad mudat usse dekha logo

Baad mudat usse dekha logo,

Wo zara bi nahi badla logo,

Khush na tha mujh se bichad ker wo bi,
Iss ke chehre per likha tha logo,

Iss ki aankhein bi kahe daiti thyein,
Raat bhar wo bi na soya logo,

Ajnabi ban ke jo guzra hai abhi,
Tha kisi waqat mein apna logo,

Dost tu khair koi kisi ka hai ,
Uss ne dushman bi na samjah logo,

Raat wo dard mere dil mein utha,
Subah tak chaein na aaya logo,

Pyaas sehraon ki pher taiz hoi,
Abar pher toot ke barsa logo,

Ku-ba-Ku phail gayee baat shanasai ki

Ku-ba-Ku phail gayee baat shanasai ki
Usnay Khusbu ki tarha meri pazeerai ki

Kese kehdooN chorr diya hai usnay mujhay
Baat tau sach hai, magar baat hai ruswai ki

Usnay jalti paishani pe jab haat rakha
Rooh tak phail gai taseer maseehai ki

Wo jahan bhi gaya, laota to mere paas aya
Bas yehi baat hai ek acchi, mere harjai ki

kamaal-e-zabt to main khud bhi to azmaon gi

kamaal-e-zabt to main khud bhi to azmaon gi
Main apne haath se uski dulhan sajaon gi

supurd kar ke use chaandni ke haathon
main apne ghar ke andheron ko laut aaongi

badan ke karb ko woh bhi samajh na payega
main dil main roungi aankhon main muskroungi

woh kya gaya ke rafaqat ke sare lutf gaye
main kis se rooth sakoungi kise manaongi

woh eik rishtaa-e-benaam bhi nahiin laikin
main ab bhi us ke ishaaron pe sar jhukhaoungii

bichaa diya tha gulabon ke saath apna wajood
woh sou ke uthe to khwaabon ki raakh uthaoungi

ab us ka fan to kisi aur se mansoob hua
main kis ki nazam akele main gungunaoungi

javaz dhoondh raha thaa nayee mohabbat ka
woh keh raha tha ke main us ko bhool jaoungi

samaton main ghanay jangalon ki saansein hain
main ab kabhi teri awaz sun na paoungi

Kabhi nazrein milane mein zamane beet jate hein

Kabhi nazrein milane mein zamane beet jate hein
Kabhi nazrein churane mein zamane beet jate hein

Kisi ne ankh bhi kholi to sone ki nagri mein
Kisi ko ghar banane mein zamane beet jate hein

Kabhi kali seyah raatein humein pal pal ki lagti hein
Kabhi ik pal bitane mein zamane beet jate hein

Kabhi khola ghar ka darwaza khadi thi samne manzil
Kabhi manzil ko aane mein zamane beet jate hein

Ik ik pal mein toot jate hein umr bhar ke woh rishtey
Woh rishtey jo banane mein zamane beet jate hein

Jo khayal thay na ke yas thay wohi log mujh se bicher gaye

Jo khayal thay na ke yas thay wohi log mujh se bicher gaye
Jo Muhabatoon ki asas thay wohi log mujh se bicher gaye

Jinhain manta hi nahi yeah Dil ' Wohi log mairay hain humsafer
Mujhay her tarha se jo raas thay' Wohi log mujh se bicher gaye

Mujhay lamha bhar ki Rafaktoon' Ke sarab aur sataien gaye
Mairy umer bhar ki jo Payas thay wohi log mujh se bicher gaye

Yeah khayal saray hain Aarzi' Yeah gulab hain saray kaghzee
Gul Aarzoo ki jo baas thay wohi log mujh se bicher gaye

Jinhain ker saka na kabool main ' wo shareek-e-safar howe
Jo mairy talab' mairy Aas thay wohi log mujh se bicher gaye

Mairy dharkanoon ke kareeb thay' Mairy Chah thay' Maira Khawab thay
Wo jo Roze-O-Shab mairay paas thay wohi log mujh se bicher gaye



_________________

Zameen Pe Chal Na Saka Aasman Say Bhi Gaya

Zameen Pe Chal Na Saka Aasman Say Bhi Gaya
Kata K Par Ko Parinda Uaraan Say Bhi Gaya

Tabah Kar Gai Pakkay Makan Ki Khwahish
Main Apnay Gauon K Kachay Makan Say Bhi Gaya

Parai Aag Main Kood Kar Kiya Mila Tujhko
Usay Bacha Na Saka Apni Jaan Say Bhi Gaya

Bhulana Chaha To Bhulanay Ki Inteha Kardi
Wo Shaks Ab Mere Wehmon Guman Say Bhi Gaya

Kisi K Haath Ka Nikla Howa Wo Teer Hon Main
Hadaf Ko Choo Na Saka Our Kamaan Say Bhi Gaya

hokar zameen ki khaak, aasman ki chahat kyon karun

hokar zameen ki khaak, aasman ki chahat kyon karun
main tujhko paane ki aur tamanna kyon karun,

mujhko khabar hai, judai tadpayegi tujhe bhi har pal
isliye bata de main tujhse wafa ki aas kyon karun,

rooh ko meri *** lagegi gar tu na mila mujhe
tujhe aapna banane ki, par dua kyon karun,

teri masoomiyat ko banayaa hai rab ne mohhabat ke liye
tujhe na chahne ki khata main bhala kyon karun,

farishtey bhi tadap jate hain, teri aankhon se jab ashq chalakte hain
ye dard tujhe dekar, main ye gunah kyon karun,

teri meri kismat ki rahein hain juda juda
main phir bhi teri ban jane ki dua kyon karun,

mana ki mohhabat bhari nazar dil pe ghera asar karti hai
tujhe pyaar se dekh kar tujhpar ye rehmat kyon karun,

itna dukhaya hai dil ko tune mere, itna rulaya hai mujhe
sab kuch sahun phir bhi, tujhse be-intihah mohabbat kyon karun....



_________________

Furqat ke paRe' ham pe jo asaraat na poocho

Furqat ke paRe' ham pe jo asaraat na poocho
Jo kehne' se qaasir haiN, wohi baat na poocho

Kuch rakh lo bharam mera, nidaamat se bacha lo
YuuN baz'm ma mujh se, merii aoqaat na poocho

Mar jaayeiN ge, taoheen-e-mohabbat na kareiN ge
Kya ehl-e-wafa kii haiN, rasoomaat na poocho

Wo chaahe' to bin saaghar-o-meena hi pila de
Yaaro mere' saaqii kii, karaamaat na poocho

AaNkhoN ke to saawan ko sabhii dekh rahe' haiN
Seene' ma hai jo tundii-e-barsaat na poocho

Mala'im aazru khawhish shugufta, sham-e-rafta

Mala'im aazru khawhish shugufta, sham-e-rafta,
mahabbat aur nafrat ka wo jazba, sham-e-rafta....

hamary ishq ka joban kahani ban chuka hay,
tumhara bankpan ehd-e-guzishta, sham-e-rafta...

saNwarty ja rahy haiN aany waly din k sab khawb,
bikharti jaa rahi hay rafta rafta, sham-e-rafta,

mry saaloN ki mehnat raa'igaN jany lagi hay,
zara saya figan ho aik hafta, sham-e-rafta...

bhaTakty phir rahy haiN maavra k jangloN meiN,
mila kab raftagaN ko koi rasta sham-e-rafta!

haqeeqat me to ham sab kuch bhula beThy haiN faysal
magar wo aik shamm'e neim-kushta, sham-e-rafta...

Ye Gher Ye Gali Ye Shehar Chod Do

Ye Gher Ye Gali Ye Shehar Chod Do
Ya To Lut Jane Ka Der Chod Do.

Na Kuchh Hoga Hashil Wahan Se Tumhein ;
Kaha Mera Mano Wo Dar Chod Do.

In Kadmo.N Ko Roko Pehechano Waqt Ko;
Bhatakna Yu.N Sham-O-Shahar Chod Do.

Na Din Ko Shuku.N Hai Na Raton Ko Chain.
Ye Bekal Se Charo.N Pehar Chod Do.

Fasana Na Ban Jaye Ye Zindagi;
Is Kahani Ko Ab Mikhtaser Chod Do.

Na Fikra Karo Waqt Ki Tabdeeliyon Pe Tum;
In Masha-Il Ko Tum Waqt Per Chod Do.

Mai Zinda Hoon Maiy Ke Sahare Mastghan;
Wo Kehte Hain Peena zehar Chod Do.

terii zamiiN se uThTheNge to aasmaaN hoNge

terii zamiiN se uThTheNge to aasmaaN hoNge
ham aise log zamaane meN phir kahaaN hoNge


chale gaye to pukaaregii har sadaa ham ko
na jaane kitnii zubaanoN se ham bayaaN hoNge


lahuu lahuu ke sivaa kuch na dekh paaoge
hamaare naqsh-e-qadam is qadar ayaaN hoNge


sameT leejiye bhiige hu’e har ek pal ko
bikhar gaye jo ye motii to raayegaaN hoNge


udaas dil kaa Thikaanaa kisii ko kyaa ma’aluum
ham apne aap se bicchRe to phir kahaaN hoNge

Ab'r malboos-e-aab tha jaise

Ab'r malboos-e-aab tha jaise'
Chaand ko kuch hijaab tha jaise'

Kal achaanak wo yoon mila mujh ko
Koi pinhaan jawaab tha jaise'

Safha safha safar tha yaadon ka
Jalti bujhti kitaab tha jaise'

Adh'khili raat, an'kahe manzar
Raasta neem'taab tha jaise'

Chaandni ma' tuloo' hota hua
Raat ka aaftaab tha jaise'

Gehri taareekiyon ma' behta hua
Aik raushan gulaab tha jaise'

Raat bhar maire aariz-o-lab par
Bosa-e-maahtaab tha jaise'

Us ki aawaaz neem khwaabeeda
Phool saa zair-e-aab tha jaise'

So ke utha to mairi aankhon mein'
Us ki aankhon ka khwaab tha jaise'

dil ki dargaah pe mannat koi mani jaye

dil ki dargaah pe mannat koi mani jaye,
umr bhar khaak isi dasht ki chani jaye

rok lo aankh meiN ik ashk, kahiN aisa na ho,
haath sy aakhri pyaaroN ki nishani jaye

mery qatil ko mery baad saza mat dena,
raaeigaN youNhi na pehchan purani jaye

pyaas ne kr diya sairaab bohat der hui,
koi khaimoN ki taraf ley k na paani jaye

zindgi tujh sy taaluq ki koi raah mily,
ji ko laahaq hay jo ehsaas-e-girani, jaaye

meri jholi meiN mujhy daal dey mola, werna
saaf keh dy k tery dar sy diwaani jaaye

Hum Bhi Kitney Dewaaney Nikley

Hum Bhi Kitney Dewaaney Nikley

Diye Say Andehra Mitaney Nikley

Gham-e-Dil Pe Hamare Jo Hasa Kartey Hain

Hum Unko Hi Haal-e-Dil Sunaney Nikley

Kaaghzi Phoolon Par Aati Nahi Bahaarain

Ye Jaan Kar Bhi Gulshan Sajaney Nikley

Dunia Me Bikti Hain Jhooti Kahaniyan

Sachey Afsaney Sab Hum Jalaney Nikley

Log Behtay Hain Bhar Ke Muthi Me Namak

Janey Kia Soch Kar Hum Zakham Dikhaney Nikley

tere dar se uTh kar jidhar jaauuN maiN

tere dar se uTh kar jidhar jaauuN maiN
chaluuN do qadam aur Tha’hr jaauuN maiN

agar tuu Khafaa to parvaah nahiiN
teraa Gham Khafaa ho to mar jaauuN maiN

tabassum ne itnaa DaNsaa hai mujhe
kalii muskuraaye to Darr jaauuN maiN

sambhaale to huN Khud ko tujh bin magar
jo chhuu le ko’ii to bikhar jaauuN maiN

Wohi qissay hain wohi baat puraani apni

Wohe qissay hain wohe baat puraani apni
Kaun sunta hai bhala raam kahani apni

Her sitamgar ko ye hamdard samajh leti hai
Kitni khush feham hai kambakht jawani apni

Roz miltay hain dareechay pe naye phool mujhy
Chorr jata hai koi roz nishaani apni

Tujh say bichrray hain to paaya hai beyanban ka sakoot
Warna daryaaon say milti thi rawaani apni

Dushmanon say he ghum ka madaawa maangein
Doston ne to koi baat na maani apni

Aaj phir chaand ufaq per nahe ubhra hai
Aaj phir raat na guzray gi suhaani apni.... .

Mit gaya hun mujh ko mita rehnay do

Mit gaya hun mujh ko mita rehnay do
Meray jazbat k sholon ko bujha rehnay do

Dard sehnay ki ho gai hai ab aadat mujh ko
Meray ristay huay zakhmon ko hara rehnay do

Ab to tabeer ki hasrat he nahe hai mujh ko
Meri ankhon mein mera khawab chupa rehnay do

Muskurahat pe mera haq he nahe hai yaaro
Meray honton say tabassum ko khafa rehnay do

Dil jo toota hai to ankhein na chalak jayen
Aaj ankhon ko in ashkon say bhara rehnay do... .

Tujhe khud se ziyada chaha humne

Tujhe khud se ziyada chaha humne,
Aur khud se bewafayi ki,

Tujhe khushiya dekar apni, tere gam le liye,
Aur apni khushiyo se bewafayi ki,

Apne dosto ko bhool gaye tumse milkar,
Aur humne dosto se bewafayi ki,

Ek pal na teri yaad ne soney diya kabhi,
Aur apni neend se bewafayi ki,

Lo aaj has has ke humne jan bhi dedi,
Aur humne zindagi se bewafayi ki,

Likh diya humne hisab-e-zindagi aur tera nam na aaya,
zamane ne hisab mein bewafayi ki......!!!!

hawas naseeb nazar ko kahiiN qaraar nahiiN

hawas naseeb nazar ko kahiiN qaraar nahiiN
maiN muntazar houN, magar teraa intezaar nahiiN 

hamiiN se raNg-e-gulistaaN, hamiiN se raNg-e-bahaar
hamiiN ko nazm-e-gulistaaN pe iKhtiyaar nahiiN 

abhii na chheR muhabbat ke geet aie mutrib
abhii hayaat kaa maahaul Khushgavaar nahiiN 

tumhaare ahd-e-vafaa ko maiN ahd kyaa samjhouN
mujhe Khud apnii muhabbat kaa aitbaar nahiIN 

na jaane kitne gile ismeiN muztarib hai nadeem
vo ek dil jo kisii kaa gilaa-guzaar nahiiN 

gurez kaa nahiiN qaa’il hayaat se, lekin
jo sach kahouN to mujhe maut naagavaar nahiiN 

ye kis maqaam pe pahuNchaa diyaa zamaane ne
k ab hayaat pe tera bhi iKhtiyaar nahiiN

Gham ko zanjeer kiya hay main nay

Gham ko zanjeer kiya hay main nay
Ye hunar bhi seekh liya hay main nay

Ab her ek hal main khush rehta hon
Sochna chor diya hay main nay

Tujhe to dekha to ehsas ye hoa
Khoa'ab taaber kiya hay main nay

Wo jo ek shakhs hay khushboo khushboo
Sang tha phool kiya hay main nay

Aik chehra hay kahan tak dekhon
Aa'ena toar diya hay main nay

Sach ka izhar ye hi hota hay
Raat ko raat kaha hay main nay

Apni qismat ko bana kar mehnat
Hath main qaed kiya hay main nay

Gumbad-e-shab k andheron main
Sobha ka naam liya hay main nay

woh baat baat mein itna badalta jaata hai

woh baat baat mein itna badalta jaata hai
keh jis tarhaan koi wadda badalta jaata hai 

Yeh arzoo thi keh hum us kay sath sath challain
magar woh shakhas tu rasta badalta jata hai 

jo taiz dhoop mein sar par raha wohi anchal
hawa chali hai tu kitna badalta jata hai 

ruttein visaal ki aab khawb honay wali hein
keh us ki baat ka lehja badalta jaata hai 

woh baat kar jisay duniya bhi mo?atbar samjhay
tujhay khabar zamana badalta jaata hai 

yeh arzoo thi keh hum uss kay sath sath chalain faysal
magar woh shakhas tu raasta badalta jata hai

har baat yahaa.N baat ba.Dhaane ke liye hai

har baat yahaa.N baat ba.Dhaane ke liye hai
ye umr jo dhokaa hai to khaane ke liye hai

ye daaman-e-hasarat hai vahii Khvaab-e-gurezaa.N
jo apane liye hai na zamaane ke liye hai

utare hue chehare me.n shikaayat hai kisii kii
ruuThii hu_ii rangat hai manaane ke liye hai

Gaafil terii aa.Nkho.n kaa muqaddar hai andheraa
ye farsh to raaho.n me.n bichhaane ke liye hai

ghabaraa na sitam se na karam se na adaa se
har mo.D yahaa.N raah dikhaane ke liye hai

Tere' maqtal ki aabroo hum the

Tere' maqtal ki aabroo hum the'
Qatl ke' waqt baa wazoo hum the'

Ye' nadii ab kise' bulaati hai?
Pahle' to is ki justajoo hum the'

Apni basti ko yaad hai ke' nahin
Us ki galiyon ki hao hoo hum the'

Apne' kaam aa gaii wo mahroomi
Pyaas ke' din kinaar-e-joo hum the'

Apne' kuch khwaab yaad aane' lage'
Raat maazi ke' roo ba'roo hum the'

Jee chuke hum bahut faqt apne liye

Jee chuke hum bahut faqt apne liye, gar jiye apnii khaatir to phir kyaa jiye
Hum pe ehsaan bhaarii zamaane ke hain, na zamaane kii khaatir jiye, kyaa jiye

Aaj apnaa watan raas aataa nahin, naujawaan chul pade aaj pardes ko
Is watan mein zahaalat, gariibii sahii, bewatan kii tarah gar jiye kyaa jiye

Chaahe aapas mein kitanii adaavat rahe, khuun ke rishte mitate nahin bair se
Rishte gairon se bun kar bhii bunate nahin, gair ke ghar mein jaa kar jiye, kyaa jiye

Aadamii kii hawas kyaa kabhii kum huii, jeb jitanii bharii utnii khaalii rahii
Paisa puuje kabhii bhii khudaa na mile, paise ke waaste jo jiye kyaa jiye

Pyaar apne se aur apne dil se sabhii, log karte hain karte rahe hain sadaa
Pyaar sacchhaa jo auron ke dil se kare, hain wahii jo Khalish asliyat mein jiye...

Mohabat ka guman hota bohat hai

Mohabat ka guman hota bohat hai
k ab ye lafz bhi ruswa bohat hai

udasi ka sabab main kya btaon?
gali kuchon mein sanata bohat hai

na milne ki qasam kha ker b main ny
tujhy her rah mein dhoonda bohat hai

ye aankhain aur kya dikhain kisi ko?
in aankhon ne tujhe dekha bohat hai

na jane q bacha rakhay hain aansoo?
abhi shayad mujhe rona bohat hai

tujhe maloom to ho ga mere hamdam!
tujhe ek shakhs ne chaha bohat hai



_________________

ik gali thi jab us se hum niklay

ik gali thi jab us se hum niklay
aise niklay ke jaise damm niklay

jin se dil ka moaamla hota
yaa.n bht kamm hi aise ghamm niklay

koocha-e-aarzoo jo tha us mein
zulf-e-jaana.n tarha ke khamm niklay

jo phire dar ba dar yahaa.n woh log
apnay baahar bohot hi kamm niklay

aag dil sheher mein lagi ji din
sab se aakhir mein waa.n se humm niklay

jaun yeh jo wujood hai yeh wujood
kya banegi agar adamm niklay?

shikwa yeh hai ke woh bhi woh nikla!
hai nadaamat ke hum bhi humm niklay!

Main shayaad tum ko Yaksar bhoolnay wala hoon

Shayaad


Main shayaad tum ko Yaksar bhoolnay wala hoon
Shayaad Jaan-e-Jaan, Shayaad
Ke ab tum mujh ko pehlay se ziyaada Yaad aati ho
Hai dil Ghamgeen, bohot Ghamgeen
Ke ab tum Yaad dil Daarana aati ho
Shamim-e-Dooor maanda ho
BOhot Ranjeeda ho mujh se
Magar Phir bhi
Mishaam-e-Jaan main meri Aashti Mandaana aati ho
Judaii main Bala ka Iltifaat-e-Mehrmana hai
Qayamat ki Khabar geeri hai
Be-hud Naaz bardari ka ALam hai
Tumharay Rang mujh main aur gehray hotay jatay hain
Main Darta hoon
Meray Ehsaas ke is Khuwaab ka Anjaam kya hoga
Yeh meray Andaroon-e-Zaat ke Taraaj gar
Jazboon ke Bairi waqt ki sazish na ho koi
Tumharay is tarhaa Har lamha yaad aanay se
Dil Sehma hua sa hai
To phir Tum kum hi yaad aaoo
Mata-e-DIl, Mata-e-Jaan phir Tum kum hi Yaad aaoo
BOhot kuch Beh gaya hai Sail-e-Mah-o-Saal main ab tuk
Subhi kuch to na Beh jayee
Ke meray Paas Reh bhi kya gaya hai
Kuch to Reh jayee



_________________

Mard hi be-wafa nahin hotay

Loog kehtay hain Ishq ka rona
Garya-e-Zindagi se aari hai
Phir bhi yeh Na-Murad Jazba-e-Dil
Aqal ke falsafoon pe bhari hai
Aap ko apni baat kya samjhaoon
Rooz bujhtey hain hoosloon ke Kanwal
Rooz ki Uljhanoon se takra kar
Toot jatay hain dil ke Sheesh Mehl
Laikin aapus ki Taiz batoon per
Sochtay hain Khafa nahin hotay
Aap ki Sinf main bhi hai yeh baat
Mard hi be-wafa nahin hotay



_________________

tassalsul Toot jaay ga!

na chaiRho khilti kalyoN, hanste phoolon ko
in uRhti titliyoN, aawara bhawron ko,

tassalsul Toot jaay ga!


fiza mehway sama'at hai,
haseen honton ko naghma-rez rehne do,

nigahaen neechi rakho aur mujassam gosh ban jaao

agar junbish labon ko di,

tassalsul Toot Jaay ga!

hawa say pat-tiyaaN sargoshiyoN meiN mehave haiN
aur jhoomti shakHoN ke jhooloN meiN

parindoN ki chahak se sara sahil

sarmadi ehsas meiN Dooba huwa

sarshar-o-shadaaN hai

agar kankar bhi satah-e-aab pe mara

tassalsul Toot jaay ga!


ufuq meiN Doobte sooraj ka manzar
iss bulandi se zara dekho

issi rangeen kinaare par,

shafaq sona luta-ay gi

yoonhi tum be- hiss-o-saakit raho

aise meiN palkaiN bhi zara jhapkaiN

tassalsul Toot jaay ga!

wo kHwabeeda hai, kHwabeeda hi rehne do
na jaane kHwaab meiN kin waaadiyoN ki sair karti ho

bulandi se phisalte aabsharoN meiN kahiN gum ho

falak- asaar choti par kahiN meh'way tarranum ho

agar awaz di tum ne

tassalsul Toot jaay ga!

maiN shayar hooN,
meri fikr-e- rassa, ehssass ki uss satah par hai
jiss meiN kHushboo rang banti hai
sada ko shakl milti hay
tassavvur bol uthTa hai
kHamoshi gungunaati hai
yeh wo waqfa hai _ _ _ _ _ _ aise meiN,
agar daad-e-sukHan bhi di
tassalsul Toot jaay ga!





_________________

Main nay iss tour say chaha tujhay akser jaana

Main nay iss tour say chaha tujhay akser jaana

Jaysay mehtab ko bay unt sumander chahe

Jaysay sooraj ki kiran seeep kay dil main utray

Jaysay khushboo ko hawa rung say hut kur chahye



Jaysay phuther kay kalaijey say kiran phoothti hay

Jaysay ghunchay kihlay mosam say hina mangay

Jasyay khawaboo main kihalonn ki kaaman tootti hay

Jaysay barish ki duva aabla paa mangay



mayra her khawab mayray such ki ghuwahi day ga

wusat-e-deed nay tuj say tayri khawish ki hay

mayri soochoon main khabhi daykh saarapa apna

main nay duniya say aalug taryi puristish ki hay



khawish-e-deed ka mosaum khabhi dhundla jo hova

nooch daali hain zamany ki nuqabin main nay

tari pulkoon pay utarti hoi subhon kay liye

toor daali hain sitaroon ki tunaibin main nay



main nay chah kay tayray husan ki gulnar fiza

mayri ghayloon ki qataroon say dehkti jaye

main nay chah kay mayray fun kay gulistaan ki bahaar

tayri aankhoo kay gulaboon say mehktai jaye



tay tu yeh tha kay sajata rahay lafzoon kay kanwal

mayray khamoosh kihaloo main tabusam tayra

ruqs kurta rahay bhurta rahay khushboo ka khumaar

mayri khawish kay jayeeroon main tabussam tayra



tu muger ajnabi mahool ki purwurda kiran

mayri bujti hoi ratoon ki sehar kur na suki

tayri sansoon main museehai thi layin tu bhi

char-e-zakhm-e-gume deed kur na suki



tuj ko ahsaas hi kub hay kisi durd ka daagh

aankh say dil main utar jaye tu kiya hoota hay

tu kay seemab tabiyat hay tughay kiya maloom

mosam-e-hijar ther jaye tu kiya hoota hay



tu nay uss moor pay toora hay taulq kay jaahan

daykh sukta nahi koi bhi pulat kur jaana



ub yeh aalm hay kay aankhain jo khulain gi aapni

yaad aaye ga tayri deed ka munzar jaana



mugh say mangay ga tayray ahd-e-mohabut ka hisaab

tayray hijraan ka dehkta hova mehsar jaana



youn mayray dil kay braber tayra ghum aayiya hay

jaysay sheeshay kay muqabil koi phater jaana



jaysay mehtab ko bay unt sumader chaye

main nay iss tour say chah tujay uqser jaanaa......







_________________

Nikley Sadaf Kaf-e-Aankh se moti marey hoye

Nikley Sadaf Kaf-e-Aankh se moti marey hoye
Phootey hen Chandni me shagofay marey hoye

Her Ek sang-e-meel hai ab Nang-e-Rahguzr
Hen Rehbaro'n ki Aqal pe Parday parey hoye

Bewaja to nhi hen Chaman ki Tabhaiya'n
Kuch Bagh-Ban hen Barq-o-Sharrer se miley hoye

ye Wardat-e-sukhan bhe Ajeeb hai
Naghma Tarzaa-e-shaoq hon, Lab hen Siley hoye...!!!

Na giraao Ashq bhe Aankh sey,

Na giraao Ashq bhe Aankh sey, Na Labo'n se nikley Kraah bhe
Jo Zameen-e-Dil me Dabi rahi, Hoi Bar-awar wohi Aah hee

Mera Haath Thaam ley Rehbar mujy Manzalo'n ka pata nhi
Hen Bari katthan ye Musaafate'n, Bari Pech-dar Raah bhe

Na Zuban pe shikway hon na gilay, keh Barhen gey es to Faasley
Jo Aanaa na beech se ja saki to na ho sakey ga Nibah bhe

Main Bhatak Bhatak key Qadam Qadam phira hon teri hee tilash me
Meri Dil-gudazi ki kaifiyat merey peyar ki hai Gawah bhe

Osey zindagi ki Naveed dey, jisey maar dala hai Hijer ney
Dil-e-reza reza liye hoye jo parey hen Chasham-e-Bahaar bhe

Koi Bad-Gumaa'n ye keh na dey, Hai kahan jisey they Pukaartey
Karo Be-Basi ko na mushtaahir, Na Aayaan ho Haal-e-Tabah bhe

Meri Fard-e-Juram jo likh rahey hen Farshtey Un se ye Araz hai
Meri Hasrate'n bhe shumaar hon, Jo likhey hen merey Gunah bhe..!!!

**********************

Husn paabaNd-e-razaa ho, mujhe maNzoor nahiiN

Husn paabaNd-e-razaa ho, mujhe maNzoor nahiiN
maiN kahooN tum mujhe chaaho, mujhe maNzoor nahiiN

jisne iss daur ke insaan kiye haiN paidaa
vahii meraa bhii khudaa ho, mujhe maNzoor nahiiN

shart-e-izhaare-e-nadaamat hai, jo bakhshish ke liye
ai jawaanii ke gunaaho ! mujhe maNzoor nahiiN

hashr ke din mujhe sach kahne kii tauqiiq na de
koii haNgaama bapaa ho, mujhe maNzoor nahiiN

husn vaale mere qaatil haiN, yah daavaa hai meraa
husn vaaloN ko sazaa ho, mujhe maNzoor nahiiN

dostoN ko bhii mile dard kii daulat yaa-rab!
meraa apnaa hii bhalaa ho, mujhe maNzoor nahiiN

mujhko ai kaatib-e-taqdiir tamaasha na banaa
ishq chehare pe likhaa ho, mujhe maNzoor nahiiN

ai buto ! tum pe adhaa-dhuNd mare Khalk-e-Khuda
aour Khudaa dekh rahaa ho, mujhe maNzoor nahiiN

mai_kadaa vaaloN ki Khafgii ! are taubaa-taubaa
koii khush ho ke Khafaa ho, mujhe maNzoor nahiiN

.................................

Tanha na apnay aapko ab payey janaab

Tanha na apnay aapko ab payey janaab,
Meri ghazal ko saath liyey jayey janaab !


Nagmon ki baarishon mein kahin beegnay chalay,
Mausam ki aarzoo ko na thukrayey janaab !



Rishton ko bhool jana to aasaan hai magar,
Pehlay khud apnay aapko samjhayey janaab !



Aisa na ho thamay huey aansoo chalak padey,
Rukhsat kay waqt mujko na samjhayey jaanab !



Main saaz hoon yeh yaad rahey isliyey kabhi,
Meray hi sher mujko suna jayey janaab !



Tanha na apnay aapko ab payey janaab,
Meri ghazal ko saath liyey jayey janaab ! 

***************************************

Jab meri haqeekat ja ja kar, unko jo sunayee logon nay

Jab meri haqeekat ja ja kar, unko jo sunayee logon nay,
Kuch sach bhi kaha kuch jooth kaha, kuch baat banayee logon nay !


Dayain hain hamesha zulm-o-sitam, duniya nay mohabaat waalon par,
Do dil ko kabhi milnay na diya, deewaar uthayee logon nay !



Aankhon say na aansoo poch sakey, hothon pay khushi dekhi na gayee,
Aabaad jo dekha ghar mera, to aag lagayee logon nay !



Tanhayee ka saathi mil na saka, rusvai mein shaamil shaher hua, faysal
Pehlay to mera dil tod diya, phir Eid manayee logon nay !



Is daur mein jeena mushkil hai, ae `Ashq' koi aasaan nahin,
Har ik kadam par marnay ki, ab rasam chalayee logon nay !

Mujko to sirf aapka farmaan chahiyey

Mujko to sirf aapka farmaan chahiyey
Maujood jaan bhi hai agar jaan chahiyey !



Do phool hi chada dein, woh aa kar mazaar par,
Kuch to shaeed-e-ishq ki pehchaan chahiyey !


Kuch bhi raha na dil mein, teri yaad kay siva,
Is ghar kay vaastay, yahi mehmaan chahiyey !



Hoorain mili ba-e-ishq mein mujko to kya mila,
Insaan kay liyey koi insaan chahiyey !



Mujko bhura, rakeeb ko acha samajh liya,
Achay bhuray ki kuch unhay pehchaan chahiyey !





*************************************

Kabhi to aasmaan say chaand utray, jaam ho jayey

Kabhi to aasmaan say chaand utray, jaam ho jayey,
Tumharay naam ki ik khoobsoorat, shaam ho jayey !



Ajab haalaat they yun dil ka sauda ho gaya aakhir,
Mohabaat ki hawali jis tarah neelaam ho jayey !



Main khud bhi ahtiyatan us taraf say kum guzarta hoon,
Koi maasoom kyon meray liyey badnaam ho jayey !



Mujhay maaloom hai uska thikana phir kahan hoga,
Parinda aasmaan choonay mein jab naakaam ho jayey !



Ujaalay apni yaadon kay hamaray saath rehnay do,faysal
Na jaanay kis gali mein zindagi ki shaam ho jayey !



Kabhi to aasmaan say chaand utray, jaam ho jayey,
Tumharay naam ki ik khoobsoorat, shaam ho jayey !

Na jee bhar kay dekha na kuch baat ki

Na jee bhar kay dekha na kuch baat ki,
Badi aarzoo thi mulakaat ki !



Kayee saal say kuch khabar hi nahin,
Kahan din guzara kahan raat dee !



Main chup tha to chalti hawa ruk gayee,
Zuban sab samjhtay hain jazbaat ki !



Sitaron ko shaayad khabar hi nahin,
Musaafir nay jaanay kahan raat dee !


*******************************

Chaahat ka ik meetha meetha dard jaganay shaam daley

Chaahat ka ik meetha meetha dard jaganay shaam daley,
Teri yaadain aa jaati hain mujko rulanay shaam daley !



Teri zulfain in kaandon par tera chehra haathon mein,
Mainay bhi dekhay hain kitnay khawab suhanay shaam daley !



Har din humsay vaada kar kay yun hi agar tadpaogay,
Ik din yun hi ho jayengay hum bhi deewaanay shaam daley !



Din kay ujalon mein to mana loon laakh yatan say behla loon,
Lekin dil ka paagal panchi ek na maanay shaam daley !

Rangat teri zulfon ki gataon nay churayee

Rangat teri zulfon ki gataon nay churayee,
Khushboo teray aanchal say hawaon nay udaayee !


Paimanay ka dil toot na jayey to kahoon main,
Hai cheez gazab ki jo nikhaon nay pilayee !



Qaidi teri zulfon ka hai aazaad jahan say,
Mujko yeh rihayee to sazaon nay dilayee !



Maana ki baharon nay khilaaya hai gulon ko,
Ulfat ki kali dil mein wafaon nay khilayee !



Tham-tham kay barasna kabhi jham-jham kay barasna,
Saawan ko ada yeh meray ashkon nay sikhayee !



Manzil pay pahunch kar `faysal' ahsaaas hua hai,
Jis rah say pahuncha woh khataon nay dikhayee !



Rangat teri zulfon ki gataon nay churayee,
Khushboo teray aanchal say hawaon nay udaayee !

*********************************************

Ay husnay-be-parba tujhay shabnam kahoon shola kahoon

Ay husnay-be-parba tujhay shabnam kahoon shola kahoon,
Phoolon mein bhi shokhi to hai, kisko magar tujsa kahoon !



Gaysoon uday mehki fazan, jadoo karein aaankhay teri,
Soya hua manzar kahoon, ya jaagta sapna kahoon !



Chanda ki tu hai chaandni, lehron ki tu hai raagni,
Jaan-e-tammna main tujhay, kya kya kahoon kya na kahoon !



Ay husnay-be-parba tujhay shabnam kahoon shola kahoon,
Phoolon mein bhi shokhi to hai, kisko magar tujsa kahoon !

*********************

Aawaara hain galiyon mein, main aur meri tanhayee

Aawaara hain galiyon mein, main aur meri tanhayee,
Jayay to kahan jayay, har mod pay rusvayee !



Yeh phool say chehray hain, hastay huey guldastay,
Koi bhi nahin apna, begaanay hain sab rastay,
Rahain bhi tamashayee, rahee bhi tamashayee !


Armaan sulagtay hain seenay mein chita jaisay,
Qaatil nazar aati hai duniya ki hawa jaisay,
Roti hai meray dil par bajti hui shehnayee !



Aakash kay maathey par taaron ka charagan hain,
Pehloo mein magar meray zakhmon ka gulistan hain,
Aaankho say lahoo tapka daaman mein bahaar aayee



Aawaara hain galiyon mein, main aur meri tanhayee,
Jayay to kahan jayay, har mod pay rusvayee !

**************************

Badnaam meray pyaar ka afsaana hua hai

Badnaam meray pyaar ka afsaana hua hai,
Deewaanay bhi kehtay hain ki deewaana hua hai ! 

Rishta tha tabhi to kisi be-dard nay toda,
Apna tha tabhi to koi be-gana hua hai !



Baadal ki tarah aa kay baras jaayey ik din,
Dil aapkay hotay huey veeraana hua hai !



Bajtay hain khayalon may teri yaad kay ghungroo,
Kuch din say mera ghar bhi pari-khana hua hai !



Mausam nay banaaya hai nikhaon ko sharaabi,
Jis phool ko dekhoon wahi paimana hua hai !



Badnaam meray pyaar ka afsaana hua hai,
Deewaanay bhi kehtay hain ki deewaana hua hai !

****************************

Khuli jo aankh to woh tha na woh zamaana tha

Khuli jo aankh to woh tha na woh zamaana tha,
Dehakti aag thi tanhayee thi fasaana tha !



Gamon nay baant liya hai mujhay yun aapas mein,
Ki jaisay main koi loota hua khazana tha !



Yeh kya ki chand hi kadmon pay thak kay baith gayey,
Tumhay to saath mera door tak nibhana tha !



Mujhay jo meray lahoo mein bigo kay guzra hai,
Woh koi gair nahin yaar ik purana tha !



Khuli Jo aankh to woh tha na woh zamana tha,
Dehkti aag thi tanhayee thi fasaana tha !

**************************

Kaisay sakoon paoon, tujhay dekhnay kay baad

Kaisay sakoon paoon, tujhay dekhnay kay baad,
Ab kya ghazal sunaoon, tujhay dekhnay kay baad !



Aawaaz dey rahi hai meri zindagi mujhay,
Jaoon main ya na jaaon, tujhay dekhnay kay baad !



Kaabay ka ahteraam bhi meri nazar mein hain,
Sar kis taraf jukaoon, tujhay dekhnay kay baad !


Teri nigah-e-mast nay makhnoor kar diya,
Kya maikaday ko jaaoon, tujhay dekhnay kay baad !


Nazron may taab-e-deed hi baaki nahi rahi,
Kis say nazar milaoon, tujhay dekhnay kay baad !



Kaisay sakoon paoon tujhay dekhnay kay baad,
Ab kya ghazal sunaoon tujhay dekhnay kay baad ! 

************************

Yeh bhi kya ehsaan kam hain dekhiyey na aapka

Yeh bhi kya ehsaan kam hain dekhiyey na aapka,
Ho raha hai har taraf charcha hamara aapka !



Chaand mein to daag hain par aap mein woh bhi nahin,
Chaudvi kay chaand say bad kay hai chehra aapka !


Ishq mein aaisay bhi hum doobay huey hain aapkay,
Apnay chehray pay sada hota hain dokha aapka !



Chaand sooraj dhoop subah kehkashan taaray shama,
Har ujaalay nay churaaya hain ujaala aapka !



Yeh bhi kya ehsaan kam hain dekhiyey na aapka,
Ho raha hain har taraf charcha hamara aapka ! 

 

***********************************

Mil bhi jaatay hain to katra kay nikal jaatay hain

Mil bhi jaatay hain to katra kay nikal jaatay hain,
Hai mausam ki tarah dost badal jaatay hain !



Hum abhi tak hain giraftaar-e-mohabbat yaaro,
Thokrain kha kay suna tha ki sambhal jaatay hain !



Woh kabhi apni jafa par na hua sharminda,
Hum samajtay rahey pathar bhi pigal jaatay hain !



Umar bhar jinki wafaon pay bharosa keejay,
Waqt padnay pay wahi log badal jaatay hain !



Mil bhi jaatay hain to katra kay nikal jaatay hain,
Hai mausam ki tarah dost badal jaatay hain ! 

***********************************

Chaand say phool say ya meri zuban say suneyay

Chaand say phool say ya meri zuban say suneyay,
Har taraf aapka kissa hai jahan say suniyey !



Sab ko aata nahin duniya ko saja kar jeena,
Zindagi kya hai mohabbat ki zuban say suniyey !



Meri aawaaz parda hai meray chehray ka,
Main hoon khamosh jahan mujko wahan say suniyey !



Kya zaroori hai ki har parda uthaya jayey,
Meray haalaat bhi apnay makaan say suniyey !



Chaand say phool say ya meri zuban say suneyay,
Har taraf aapka kissa hai jahan say suniyey ! 

**********************

Itna to hua ae dil, ik shakhs kay jaanay say

Itna to hua ae dil, ik shakhs kay jaanay say,
Bichday huey miltay hain, kuch dost puranay say !


Ek aag hai jungle ki, rusvai ka charcha hai,
Dushman bhi chalay aayey, milnay kay bhanay say !



Ab mera safar tanha, ab uski juda manzil,
Poocho na pata uska, tum meray thikanay say !



Roshan huey viraanay, khush ho gayee duniya bhi,
Kuch hum bhi sakoon say hain, ghar apna jalanay say !



Rusvai to vaisay bhi taqdeer hai aashiq ki,
Zillat bhi milee humko, ulfat kay fasanay say !



Itna to hua ae dil, ik shakhs kay jaanay say,
Bichday huey miltay hain, kuch dost puranay say ! 

***************************

Teri taareef kartay hain to ismay kya burayee hai

Teri taareef kartay hain to ismay kya burayee hai,
Khuda nay apnay haathon say teri soorat banayee hai !



Hazaron ki tarah sun lay teri rusvaee kay dar say,
Teri tasveer humnay kitabon mein chupayee hai !



Teri masoom surat ki yahi taareef hai sun ley,
Zaban pay hai yahi sabkay khudai hai khudai hai !



Marz yeh ishq ka aisa laga ki phir nahin choota,
Dua bhi humnay ki `Rahi' dava bhi aazmayee hai !



Teri taareef kartay hain to ismay kya burayee hai,
Khuda nay apnay haathon say teri soorat banayee hai !
**************************

Hajoomay gham may meray saath chal sako to chalo

Hajoomay gham may meray saath chal sako to chalo,
Kadam kadam pay hai mushkil sambhal sako to chalo !



Hamaray beech hain rasom-rivaj ki deewaar,
Tum usko tod kay aagay nikal sako to chalo !



Yeh rah-e-ishq nahin aag ka samundar hai,
Lapakti mauj mein ghar tum sambhal sako to chalo !



Tumhari kashti-e-ulfat hai gham kay toofan mein,
Meri tarah rukh-e-toofan badal sako to chalo !



Hajoomay gham may meray saath chal sako to chalo,
Kadam kadam pay hai mushkil sambhal sako to chalo !
***********************

Hum hi mein thee na koi baat

Hum hi mein thee na koi baat, yaad hi na tumko aa sakey,
Tumnay hamein bhula diya, hum na tumhay bhula sakey !



Tum hi na sun sakey agar, kisa-e-gham sunayga kaun,
Kis ki zubaan khulagi phir, hum na agar suna sakey !



Shauk-e-visaal hain yahan, lab pay sawaal hain yahan,
Kis ki majaal hain yahan, hum say nazar mila sakay !



Hum hi mein thee na koi baat, yaad hi na tumko aa sakey,
Tumnay hamein bhula diya, hum na tumhay bhula sakey !

*********************

Apnay haathon say yun chehray ko chupatay kyon ho

Apnay haathon say yun chehray ko chupatay kyon ho,
Mujh say sharmatay ho to saamnay aatay kyon ho !



Tum kabhi meri tarah kar bhi lo ikraar-e-wafa,
Pyaar kartay ho to phir pyaar chupatay kyon ho !



Ashq aankho mein meri dekh kay rotay kyon ho,
Dil bhar aaata hain to phir dil ko dukhatay kyon ho !



In say vaabasta hai jab mera muqaddar phir tum,
Meray shano say yeh zulf hatatay kyon ho !



Roz mar mar kay mujhay jeenay ko kehtay kyon ho,
Milnay aaatay ho to phir laut kay jaatay kyon ho !



Apnay haathon say yun chehray ko chupatay kyon ho,
Mujh say sharmatay ho to saamnay aatay kyon ho !

Thandi hawa kay jhonkay chaltay hain halkay halkay

Thandi hawa kay jhonkay chaltay hain halkay halkay,
Aisay mey dil na todo vaaday karo na kal kay !



Chaltay hain woh bhi humsy tevar badal badal kay,
Jinko sikhaya humnay chalna sambhal sambhal kay !



Saqi nay aaj mujko aaisee nazar say dekha,
Mausam hua gulabi rangeen jaam chalkay !



Bistar ki silvato say yeh mahsoos ho raha hai,
Toda hai dam kisi nay karvat badal badal kay !



Thandi hawa kay jhonkay chaltay hain halkay halkay,
Aisay mey dil na todo vaaday karo na kal kay !

Humko kiskay gham nay maara, woh kahaani phir sahi

Humko kiskay gham nay maara, woh kahaani phir sahi,
Kisnay toda dil hamara, woh kahaani phir sahi !



Dil kay lutnay ka sabab poocho na sabkay saamnay,
Naam aayega tumhara, woh kahaani phir sahi !



Nafraton kay teer kha kar doston kay shehar mein,
Humnay kis kis ko pukara, woh kahaani phir sahi !



Kya batayein pyaar ki baazi wafa ki rah mein,
Kaun jeeta kaun haara, woh kahaani phir sahi !



Humko kiskay gham nay maara, woh kahaani phir sahi,
Kisnay toda dil hamara, woh kahaani phir sahi !

******************************

Hamay koi gham nahin tha, gham-e-aashqi say pehlay

Hamay koi gham nahin tha, gham-e-aashqi say pehlay,
Na thi dushmani kisi say, teri dosti say pehlay !



Hai yeh meri badnaseebi tera kya kasoor ismay,
Teray gham nay maar daala mujhay zindagi say pehlay !



Mera pyaar jal raha hai aray chaand aaj chup jaa,
Kabhi pyaar tha hamay bhi teri chaandni say pehlay !



Main kabhi na muskarata jo mujhay yeh ilm hota,
Ki hazaron gham milengay mujhay ik khushi say pehlay !



Yeh ajeeb imtehaan hai ki tumhi ko boolna hai,
Milay kab they is tarah hum tumhay bedilli say pehlay !



Hamay koi gham nahin tha, gham-e-aashqi say pehlay,
Na thi dushmani kisi say, teri dosti say pehlay !



~*~*~*~*~*~*~*~*~*~ *~*

Tumharay shehar ka mausam bada suhana lagey

Tumharay shehar ka mausam bada suhana lagey,
Main ek shaam chura loon agar bhura na lagey !



Jo doobna hai to itnay sakoon say doobo,
Ki aas paas ki lehron ko bhi pata na lagey !



Tumharay bas mein agar ho to bhool jao hamain,
Tumhay bhulaanay mein shayaad hamain zamaana lagey !



Hamaray pyaar say jalnay lagi hai ik duniya,
Dua karo kisi dushman ki bad-dua na lagey !



Tumharay shehar ka mausam bada suhana lagey,
Main ek shaam chura loon agar bhura na lagey !

lagta nahiN haiN dil mera ujhre dayyar meiN

lagta nahiN haiN dil mera ujhre dayyar meiN
kiski bani hai aalam-e-napaaydar meiN



keh do inn hasratoN se kahiN aur ja baseN
itni jagah kahaN haiN dil-e-daagdar meiN



umr-e-daraaz maang kar laaye the chaar din
do aarzu main kat gaye do intezaar mein



kitna haiN badnaseeb 'faysal', dafn ke liye
do gaz zameen bhi na mili koo-e-yaar main






~*~*~*~*~*~*~*~*~*~ *~*

Ya to mit jaiye ya mita deejiye

Ya to mit jaiye ya mita deejiye,
Keejiyee jab bhi sauda, khara keejiye !



Ab jafa keejiye ya wafa keejiye,
Aakhri waqt hai bas dua keejiye !



Apnay chehray say zulfain hata deejiye,
Aur phir chaand ka saamna keejiye !



Har taraf phool hi phool khil jayengay,
Aap aisay hi hastay raha keejiye !



Aap ki yeh hansi jaisay gungroo bhajay,
Aur qayamat hai kya yeh bata deejiye !



Ya to mit jaiye ya mita deejiye,
Keejiyee jab bhi sauda, khara keejiye !

Kuchh na kuchh to zaroor hona hai

Kuchh na kuchh to zaroor hona hai,
Saamna aaj unsay hona hai !



Todo fainko rakho karo kuch bhi,
Dil hamara hai kya khilona hai !



Zindagi aur maut ka matlab,
Tumko paana hai tumko khona hai !



Itna darna bhi kya hai duniya say,
Jo bhi hona hai woh to hona hai !



Uth kay mehfil say mat chalay jaana,
Tumsay roshan yeh kona kona hai !



Kuchh na kuchh to zaroor hona hai,
Saamna aaj unsay hona hai !



~*~*~*~*~*~*~*~*~*~ *~*

Kabhi aansoo kabhi khushi baychee

Kabhi aansoo kabhi khushi baychee,
Hum gareebon nay bekasi baychee !


Chand saansay khareednay kay liyey,
Roz thodi see zindagi baychee !



Jab rulanay lagey mujhay sayey,
Mainay ukta kay roshni baychee !



Ek hum they ki bik gayey khud hi,
Varna duniya nay dosti baychee !



Kabhi aansoo kabhi khushi baychee,
Hum gareebon nay bekasi baychee !
***********************************

hum haiN mataa'-e-koochah-o-baazaar kee terah

hum haiN mataa'-e-koochah-o-baazaar kee terah
uThtee hai har nigaah Khareedaar kee terah



iss koo-e-tiSHnagee meiN bohat hai ke aik jaam
haath aa gaya hai dolat-e-baidaar kee terah



* wo to haiN kaheeN aur magar dil ke aas paas
phirtee hai koi SHae nigah-e-yaar kee terah



seedhee hai raah-e-shoq pe yooNhee kabhee kabhee
Kham ho gaee hai gaisoo-e-dildaar kee terah


ab jaa ke kuch khulaa hunar-e-naakhun-e-junooN
zaKhm-e-jigar hooay lab-o-ruKhsaar kee terah



* 'majrooh' likh rahay haiN wo ahl-e-wafa kaa naam faysal
hum bhee khaRay hooay haiN gunah-gaar kee terah




~*~*~*~*~*~*~*~*~*~ *~*

dair lagi aaney meiN tum ko

dair lagi aaney meiN tum ko, shukr hai phir bhi aaye to
aas ne dil kaa saath na choda, waisey hum ghabraay to



shafaq, dhanak, mahtaab, ghataaiN, taaraiN, naghmay, bijlee, phool
uss daaman meiN kya kya kuch haiN, wo daaman haath meiN aaye to





chaahat ke badley meiN hum ne baich dee apni marzee tak
koiee miley to dil kaa gaahak, koi hameN apnaay to



suni sunaaee baat naheeN ye apney ooper beetee haiN
phool nikaltay haiN, sho'loN se, chaahat aag lagaay to



naadaanee aur mujbooree meiN yaaro kuch to faraq karo
ik bay-bus insaan karay kya toot ke dil aa jaay to


~*~*~*~*~*~*~*~*~*~ *~*~*~*~*~*~*~*~*~*~*~ *~*

Huzoor aapka bhi, ahtraam karta chaloon

Huzoor aapka bhi, ahtraam karta chaloon,
Idhar say guzra tha saucha, salaam karta chaloon !



Nikha-o-dil ki, yahi aakhri tamanna hai,
Tumhari zulf kay, saayey mein shaam karta chaloon !



Unhay yeh zid ki, mujhay dekh kar kisi ko na dekh,
Mera yeh shauk ke, sabsay qalaam karta chaloon !



Yeh meray khabon ki, duniya nahin sahi lekin,
Ab aa gaya hoon, to do din qyaam karta chaloon !

Kya khabar thi is tarah say woh juda ho jayega

Kya khabar thi is tarah say woh juda ho jayega,
Khawab mein bhi uska milna haadsa ho jayega !



Zindagi ki qaid-e-gham say kya nikalogay usay,
Maut jab aa jaayegi to khud riha ho jayega !



Dost bankar usko chaha yeh kabhi socha na tha,
Dosti hi dosti mein woh khuda ho jayega !



Uska parda hoga kya jiska ki parda noor hai,
Jo bhi usko dekh lega woh fida ho jayega !



Kya khabar thi is tarah say woh juda ho jayega,
Khawab mein bhi uska milna haadsa ho jayega !

Manzil na dey charagh na dey, haunsla to dey

Manzil na dey charagh na dey, haunsla to dey,
Tinkay kaa hi sahi, tu magar aasra to dey !



Mainay yeh kab kaha ki meray haq mein ho jawaab,
Lekin khamosh kyon hain tu, koi faisla to dey !
Manzil na dey charagh.......................



Barson main teray naam pay khaata raha pheraib,
Meray khuda kahan hain tu, apna pata to dey !
Manzil na dey charagh.......................



Beshaq meray naseeb pay rakh apna ikhteyaar,
Lekin meray naseeb mein, kya hai bata to dey !
Manzil na dey charagh.......................



Manzil na dey charagh na dey, haunsla to dey,
Tinkay kaa hi sahi, tu magar aasra to dey !

Zindagi toonay lahoo leykay diya kuch bhi nahin

Zindagi toonay lahoo leykay diya kuch bhi nahin,
Teray daaman mein meray vaastay kya kuch bhi nahin !



Meray in haathon ki chaho to talashi ley lo,
Meray in haathon mein lakiron kay siva kuch bhi nahin !



Humnay dekha hai kayee aisay khudaon ko yahan,
Saamnay jinkay woh sachmuch ka khuda kuch bhi nahin !



Ya khuda ab kay yeh kis rang mein aayee hai bahaar,
Zard hi zard hain pedon pay hara kuch bhi nahin !



Dil bhi ik zid pay ada hai kisi bachay ki tarah,
Ya to sab kuch hi isay chahiyey ya kuch bhi nahin !



Zindagi toonay lahoo leykay diya kuch bhi nahin,
Teray daaman mein meray vaastay kya kuch bhi nahin !

paseene paseene huey jaa rahe ho

paseene paseene huey jaa rahe ho
yeh bolo kahaN se chale aa rahe ho



hameN sabr karne ko keh tho rahe ho
magar dek lo, khud hi ghabra rahe ho



yeh kiski boori tumko nazar lag gayee haiN
baharoN ke mausam meiN murjha rahe ho



yeh aaina haiN yeh tho sach hi kahega
kyoN apni haqeeqat se katraa rahe ho

Tum nahin gham nahin sharaab nahin

Tum nahin gham nahin sharaab nahin,
Aisee tanhayee ka jawaab nahin !



Gahey gahey isey pada kijey,
Dil say behtar koi kitaab nahin !



Jaaney kis kis ki maut aayee hai,
Aaj rukh pay koi naqaab nahin !



Woh karam ungaliyon pay gintay hain,
Zulm ka jinkay kuch hisaab nahin !



Tum nahin gham nahin sharaab nahin,
Aisee tanhayee ka jawaab nahin ! 

***************************************

Aankh say aankh mila baat banaata kyon hain

Aankh say aankh mila baat banaata kyon hain,
Tu agar mujhsay khafa hai to chupaata kyon hain !



Gair lagta hai na apno ki tarah milta hain,
Tu zamanay ki tarah mujko sataata kyon hain !



Waqt kay saath khayalaat badal jaatay hain,
Yeh haqeeqat hai magar mujko sunaata kyon hain !



Ek muddat say jahan kafilay guzray hi nahin,
Aisee rahon pay charagon ko jalaata kyon hain !



Aankh say aankh mila baat banaata kyon hai,
Tu agar mujhsay khafa hai to chupaata kyon hai !

Wo jo hum mein tum main qarar tha tumhain yaad ho ke na yaad ho

Wo jo hum mein tum main qarar tha tumhain yaad ho ke na yaad ho
Wohi wada yani nibah ka tumhain yaad ho ke na yaad ho

Wo jo lutf mujh pay thay paish-tar wo karam ke tha mairay haal par
Mujhay sab hai yaad zara zara tumhain yaad ho ke na yaad ho

Kabhi baithay sab main jo ru-baru to isharoon hi say guftagoo
Wo bayan shauq ka barmala tumhain yaad ho ke na yaad ho

Wo naiy gilay wo shikayatain wo mazay mazay ki hikayatain
Wo har ik baat pay roothna tumhain yaad ho ke na yaad ho

Kabhi hum main tum main bhi chah thi kabhi hum se tum ko bhi raah thi
Kabhi hum bhi tum bhi thay aashna tumhain yaad ho ke na yaad ho

Wo bigarna wasal ki raat ka wo na man’na kisi bhi baat ka
Wo nahi nahi ki har aan ada tumhain yaad ho ke na yaad ho

So zikar hai kai saal ka kia ik aap nay wada tha
So nibhanay ka to zikar kia tumhain yaad ho ke na yaad ho

Jisay aap gintay thay aashna jisay aap kehtay thay bawafa
Main wohi hoon Momin mubtala tumhain yaad ho ke na yaad ho!!

Main Nazar Se Pi Raha Hoon Ye Samaan Badal Na Jaye

Main Nazar Se Pi Raha Hoon Ye Samaan Badal Na Jaye
Na Jhukao Tum Nigahain Kahin Raat Dhal Na Jaye,

Abhi Raat Kuchh Hai Baaqi Na Utha Naqab" Saqi
Tera Rind Girty Girty" Kahin Phir Sanbhal Na Jaye,

Meri Zindgi K Maalik Mere Dil Pe Haath Rakhna
Tere Aany Ki Khushii Mein Mera Dam Nikal Na Jaye,

Mere Ashk Bhi Hain Is Mein Ye Sharaab Ubal Na Jaye
Mera Jaam Chhoony Vaaly Tera Hath Jal Na Jaye,

Main Bana To Loon Nasheman Kisi Shakh-e-Gulsitan Pe
Kahin Saath Aashiyan K Ye Chaman Bhi Jal Na Jaye,

Mujhe Phoonkny Se Pehle Mera Dil Nikaal Lena
Ye Kisi Ki Hai Amanat Mere Saath Jal Na Jaye !

tasqeen-e-dil mahzooN na hui

tasqeen-e-dil mahzooN na hui, vo sai-e-qaram farma bhi gaye
is sai-e-qaram ko kya kahiye, bahla bhi gaye tarpa bhi gaye





ik arz-e-wafa bhi kar na sake, kucch keh na sake, kucch sun na sake
yahan hamne jabaN hi khole thi, vahan aankh jhuki sharma bhi gaye



aashuftage-e-vahshat ki qasam, hairat ki qasam, hasrat ki asam
ab aap kahen kucch ya na kahen, hum raaz-e-tabassum pa bhi gaye



roodad-e-gham-e-ulfat unse hum kya kahte, kyon kar kahte
ik harf na nikla hothoN se aur aaNkh maiN aansoN aa bhi gaye

Jawan hain raat sakiya, sharaab la sharaab la

Jawan hain raat sakiya, sharaab la sharaab la,
Zara si pyaas to bhuja, sharaab la sharaab la !



Teray shabab par sada karam rahey bahaar ka,
Tujhay lagay meri dua, sharaab la sharaab la !



Yahan koi na jee saka, na jee sakega hosh mein,
Mita dey naam hosh ka, sharaab la sharaab la !



Tera bada hi shukriya pilayey ja pilayey ja,
Na zikr kar hisaab ka, sharaab la sharaab la !




*************************************************

Aaftab Wohi Per Roshni Nai

Aaftab Wohi Per Roshni Nai
Alfaaz Wohi Per Mayni Nai
Shamma Wohi Per Mehfil Nai
Parwana Wohi Per Aashqui Nai

Mohabbat Wohi Per Jazbat Naye
Baat Wohi Per Waade Naye
Himmat Wohi Per Iraade Naye
Gulshan Wohi Per Phool Naye

Dost Wohi Per Dosti Nai
Phool Wohi Per Khushboo Nai
Khawab Wohi Per Tabeer Nai
Shakal Wohi Per Tasveer Nai

Karwan Wohi Per Rahi Naye
Baraat Wohi Per Barati Naye
Chand Wohi Per Chandni Nai
Eid Wohi Per Khushiyan Nai

Sonch Wohi Per Sawal Naye
Zindagi Wohi Per Saal Naye
Pyar Wohi Per Ahsaas Naye
Kwahish Wohi Per Khayal Naye

Khailnay kay vaastay, ab dil kisi ka chahiyey

Khailnay kay vaastay, ab dil kisi ka chahiyey
Umar aisee hai, ki tumko ik khilona chahiyey !



Mujko kahiyey, haath mein mehndi lagana hai agar,
Khoon-e-dil doon ya, ki phir khoon-e-tamana chahiyey !



Bazm mein aao kisi din, kar kay tum solahan singaar,
Ik qayamat waqt say pehlay bhi aaana chahiyey !



Tum kaho to mar bhi jaoon main, magar ik sharat hain,
Bas kafan kay vaastay aanchal tumhara chahiyey !



Kal talak tha dil zaroori rah-e-ulfat mein '',
Aaj kay is daur mein chandi-o-sona chahiyey !

Kya kaam surahi say paimano say kya lena

Kya kaam surahi say paimano say kya lena,
Woh aankh salamat hai maikhano say kya lena !



Mujko to teray dar par sar apna jukaana hai,
Masjid say garaz kya hai but khano say kya lena !



Marzi hai patango ki aayey ki nahin aayey,
Shama ko to jalna hai, parwaano say kya lena !



Miltay hi nazar unsay armaan machaltay hain,
Par unko meray dil kay armaano say kya lena !



Deewana `' usnay khud humko banaya hai,
Ab khud hi woh kehta hai deewaano say kya lena !



Kya kaam surahi say paimano say kya lena,
Woh aankh salamat hai maikhano say kya lena !

**************************************************************

Kuch aur to khuda say nahin chahtay hain hum,

Kuch aur to khuda say nahin chahtay hain hum,
Tum say juda na ho yeh dua maangtay hain hum !



Is mein bala jahan say darnay ki baat kya,
Hum har jagah kahengay tumhay chahtay hain hum !



Lagta hai yeh ki jheel ki gharayee kuch nahin,
Unki haseen aankh mein jab jaanktay hain hum !



Maangay agar woh jaan bhi haazir hai doston,
Unki koi bhi baat kahan taaltay hain hum !



Vaada hai unka raat mein aanay ka ae `'
Har raat is khayaal say ab jaagtay hain hum !



Kuch aur to khuda say nahin chahtay hain hum,
Tum say juda na ho yeh dua maangtay hain hum !
***********************************************

Mera dil bhi shauk say todo, ek tajurba aur sahi

Mera dil bhi shauk say todo, ek tajurba aur sahi,
Lakh khilonay tod chukay ho, ek khilona aur sahi !



Raat hai gham ki aaj bhuja do jalta hua har ek chirag,
Dil mein andhera ho hi chuka hai, ghar mein andhera aur sahi !



Dam hai niklta ik aashiq ka, beeed hai aa kar dekh to lo,
Lakh tamashay dekhay hongay, ek nazaara aur sahi !



Khanjar ley kar saunchtay kya ho, qatl `' bhi kar daalo,
Daag hain sau daaman pay tumharay, ek izaafa aur sahi !

Sochte The Kabhi To Karenge Izhar-E-Mohabbat

Sochte The Kabhi To Karenge Izhar-E-Mohabbat
Magar Afsos! Yehi Khayal Unka Bhi Tha

Ham Tadapte Rahe Unki Pyaarbhari Ek Nazar ko
Haye Kismat! Yehi Haal Unka Bhi Tha

Jab Aaye The Wo, Meri Doli Ko Uthane
Aankho Me Malal Unka Bhi Tha

Intazar Kar Rahi Thi Jab Hamari Ruh Unka
Kya Pata Tha Ye Intazar Unka Bhi Tha

Jab Mile Aamne Samne Janaze Hamare
Aaj Chehra Khushal Unka Bhi Tha

Jo Na Puchh Paye The zindagibar Unhe Ham
Aaj Wohi Sawal Unka Bhi Tha

Zulm Ke Andere Mitane Ki Koshish Karta Hon

Zulm Ke Andere Mitane Ki Koshish Karta Hon
Unko Roz Bhulane Ki Koshish Karta Hon

Din Bhar Unki Yaddon Mein Tadapte Hue
Suraj Na Dhalne Ki Dwa Karta Hon

Kaise Kisi Ko Ye Paigaam Pahonchaoon
Ke Aaj Bhi Unke Deedar Ka Intezzar Karta Hon

Ye Kaisi Mahobbat Hai Meri Ye Kaise Junoon Hai
Unki Bewafa-E-Ko Yaad Karke Muskuraya Karta Hon

Ye Unki Qata Thi Ye Meri Kismath Ka Tagaza Hai
Har Pal Apne Aap Se Yehi Sawal Karta Hon

Tera Koi Intezaar Kare Ya Na Kare “faysal”
Per Mere Kaam Yehi Hai Ke Main Unka Intezaar Karta Hon

Neend say aankh khuli hai, abhi dekha kya hai

Neend say aankh khuli hai, abhi dekha kya hai,
Dekh lena abhi kuch der mein, duniya kya hai !



Baandh rakha kisee saunch nay ghar say humko,
warna apna dar-o-deewar say rishta kya hai !



Ret ki eent ki pathar ki ho ya miti ki,
Kisi deewar kay sayey ka barosa kya hai !



Apni daanist may samjhay koi duniya,
Varna hathon mein lakiron kay ilaava kya hai !



Neend say aankh khuli hai, abhi dekha kya hai,
Dekh lena abhi kuch der mein, duniya kya hai !

gham ka khazana tera bhi hai mera bhi

gham ka khazana tera bhi hai mera bhi
yeh nazrana tera bhi hai mera bhi



apne gham ko geet bana kar gaa lena
raag purana tera bhi hai mera bhi



tu mujhko aur main tujhko samjhaoon kya
dil deewana tera bhi hai mera bhi



shehar mein galiyon galiyon jiska charcha hai
woh afsana tera bhi hai mera bhi



maikhane ki baat na kar mujhse faysal
aana jaana tera bhi hai mera bhi

Jahan jahan mujhay sehra dikhayee deta hai

Jahan jahan mujhay sehra dikhayee deta hai,
Meri tarah say akela dikhayee deta hai !



Yeh ek abr ka tukda kahan kahan barsay,
Tamam dasht hi pyasa dikhayee deta hai !



Yeh kis muqaam pay layee hai justjoo teri,
Jahan say arsh bhi nicha dikhayee deta hai !



Jahan jahan mujhay sehra dikhayee deta hai,
Meri tarah say akela dikhayee deta hai !

Tamanao kay behlavay mein aksar aa hi jaatay hain

Tamanao kay behlavay mein aksar aa hi jaatay hain,
Kabhi hum chot khatay hain kabhi hum muskaratay hain !



Hum aksar doston ki be-wafai seh to letay hain,
Magar hum jaantay hain dil hamaray toot jaatay hain !



Kisi kay saath jab beetay huey lamhon ki yaad aayee,
Thaki aankho mein ashko kay sitaray jilmilatay hain !



Tamanao kay behlavay mein aksar aa hi jaatay hain,
Kabhi hum chot khatay hain kabhi hum muskaratay hain !
*******************************************************

Har shama bhuji rafta rafta, har khwab luta dheeray dheeray,

Har shama bhuji rafta rafta, har khwab luta dheeray dheeray,
Sheesha na sahi pathar bhi na tha, dil toot gaya dheeray dheeray !



Barson mein marasim bantay hain, lamhon mein bala kya tootaingay,
Tu mujh say bichadna chahey to, deewar utha dheeray dheeray !



Ehsaas hua barbaadi ka, jab saaray ghar mein dhool udi,
Aayee hai hamaray aangan mein, patjhad ki hawa dheeray dheeray !



Dil kaisay jala kis waqt jala, humko bhi pata aakhir mein chala,
Phaila hain dhuan chupkay chupkay, sulgi hai chita dheeray dheeray !



Woh haath paray ho bhi gayey, ab dhoor ka rishta hai FAYSAL
Aati hai meri tanhayee mein, khushboo-e-hina dheeray dheeray !

Hum teray shehar may aayey hain musaafir ki tarah

Hum teray shehar may aayey hain musaafir ki tarah,
Sirf ik baar mulakaat ka mauka dey dey !



Meri manzil hai kahan mera thikana hai kahan,
Suboh tak tujh say bichad kar mujhay jaana hai kahan,
Sochnay kay liyey ik raat ka mauka dey dey !



Apni aankho mein chupa rakhey hain jugnu mainay,
Apni palkon pay saja rakhay hain aansoo mainay,
Meri aankho ko bhi barsaat ka mauka dey dey !



Aaj ki raat mera dard-e-mohabbat sun ley,
Kup kapatay huey hothon ki shikayat sun ley,
Aaj izhaar-e-khayalaat ka mauka dey dey !



Bhoolna tha to yeh ikraar kiya hi kyon tha,
Bewafa toonay mujhay pyaar kiya hi kyon tha,
Sirf do chaar sawaalaat ka mauka dey dey !



Hum teray shehar may aayey hain musaafir ki tarah,
Sirf ik baar mulakaat ka muaka dey dey !

khayal keejiye kya kaam aaj maine kiya

khayal keejiye kya kaam aaj maine kiya
jab un ne di mujhe gaali, salaam maine kiya



kaha yeh sabr ne dil se ke lo khuda haafeez
ke haq-e-bandagee apna, tamaam maine kya




jhidak ke kehne lage, lab chale bahut ab tum
kabhi jo bhool ke unse, kalaam maine kiya



hawas yeh reh gayee, sahib ne par kabhi na kaha
ke aaj se tujhe 'insha', gulaam maine kiya




***************************************

Kal chodhveen ki raat thi, shab bar raha charcha tera

Kal chodhveen ki raat thi, shab bar raha charcha tera,
Kuch nay kaha yeh chaand hai, kuch nay kaha chehra tera!




Is shehar mein kis say miley, hum say to chooti mehfilay,
Har shakhs tera naam lay, har shakhs deewana tera !



Hum bhi wahan majood they, hum say bhi sab poocha kiyey,
Hum hus diyey hum chup rahey, manzoor tha parda tera !



Kal chodhveen ki raat thi, shab bar raha charcha tera,
Kuch nay kaha yeh chaand hai, kuch nay kaha chehra tera!

Dosti jab kisi say ki jaayey

Dosti jab kisi say ki jaayey,
Dushmano ki bhi raay lee jayey !



Maut ka zahar hai fizaon mein,
Ab kahan ja kay saans lee jayey !



Bas isee saunch mein hoon dooba hua,
Yeh nadi kaisay paar kee jayey !



Meray maazi kay zakhm barnay lagay,
Aaj phir koi bhool kee jayey !



Botlay khol kay to pee barson,
Aaj dil khol kay bee pee jayey !



Dosti jab kisi say ki jaayey,
Dushmano ki bhi raay lee jayey !

Log har mod pay ruk ruk kay sambhaltay kyon hain

Log har mod pay ruk ruk kay sambhaltay kyon hain,
Itna dartay hain to phir ghar say nikaltay kyon hain !



Main na jugnu hoon diya hoon na koi tara hoon,
Roshni vaalay meray naam say jaltay kyon hain !



Neend say mera taaluq hi nahin barso sein,
Khawab aa aa kay meri chat pay tehltay kyon hain !



Mod hota hai jawaani ka sambhalnay kay liyey,
Aur sab log yahin aa kay fisaltay kyon hain !



Log har mod pay ruk ruk kay sambhaltay kyon hain,
Itna dartay hain to phir ghar say nikaltay kyon hain !

Jhoothi sachchi aas pay jeena, kab tak aakhir

Jhoothi sachchi aas pay jeena, kab tak aakhir, aakhir kab tak,
Mey ki jagah khoon-e-dil peena, kab tak aakhir, aakhir kab tak !



Saucha hai ab paar utraingay, ya takra kar dhoob maraingay,
Toofano ki zad pay safeena, kab tak aakhir aakhir kab tak !



Ek maheenay kay vaaday par, saal guzaara phir bhi na aayey,
Vaaday ka yeh ek maheena, kab tak aakhir aakhir kab tak !



Saamnay duniya bhar kay gham hain, aur idhar ik tanha hum hain,
Sainkdo pathar ik aaiana, kab tak aakhir aakhir kab tak !

auroN ko kush karte rahe aur khud gham sehte rahe

auroN ko kush karte rahe aur khud gham sehte rahe
zindagi bhar hum ek gham gusaar ki talaash karte rahe




na koi hamraaz mila, na koi hamsafar ka saath
jahaN bhi gaye, siraf yaad-e-maazi ko saath karte rahe





haiN rooh ussi dehleez par, bas jism haiN yahaN
kiska haiN yeh kasoor, bas yahi sochthe rahe



yooN tho manzil saamne thi magar hamen na thi koi talab
karavaan guzrthe rahe aur hum siraf dekthe rahe





khud pe afsos karne se ab kya fayda hoga, 'faysal'
tum apne liye kab, siraf doosroN ke liye jeethe rahe

Kaanto ki chuban paayee phoolon ka maza bhi

Kaanto ki chuban paayee phoolon ka maza bhi,
Dil dard kay mausam mein roya bhi hasa bhi !



Aanay ka sabab yaad na jaaney ki khabar hai,
Woh dil mein raha aur usay tod gaya bhi !



'Gumnaam' kabhi apno say jo gham huey haasil,
Kuch yaad rahey unhey to kuch bhool gaya bhi !



Kaanto ki chuban paayee phoolon ka maza bhi,
Dil dard kay mausam mein roya bhi hasa bhi !


*************************

Dhoop hai kya aur saya kya hai, ab maaloom hua

Dhoop hai kya aur saya kya hai, ab maaloom hua,
Yeh sab khel tamasha kya hai, ab maaloom hua !



Hanstay phool ka chehra dekhoon aur bar aayee aankh,
Apnay saath yeh kisa kya hai, ab maaloom hua !



Hum barson kay baad bhi usko ab tak bhool na payey,
Dil say uska rishta kya, ab maaloom hua !



Sehra sehra pyasay batkay saari umar jaley,
Baadal ka ik tukda kya hai, ab maaloom hua !



Dhoop hai kya aur saya kya hai, ab maaloom hua,
Yeh sab khel tamasha kya hai, ab maaloom hua !

mausam ko isharon se bula kyun nahi lete

mausam ko isharon se bula kyun nahi lete
rootha hai agar woh to mana kyun nahi lete



deewana tumhara hai koi gair nahi hai
machla hai to seene se laga kyun nahi lete



tum jaag rahe ho mujhe achcha nahi lagta
chupke se meri neend chura kyun nahi lete



khat likh ke kabhie aur kabhie khat ko jala kar
tanhai ko rangeen bana kyun nahi lete


**************************

sar meiN saudaa bhi nahiN dil meiN tamanaa bhi nahiN

sar meiN saudaa bhi nahiN dil meiN tamanaa bhi nahiN
lekin iss tarq-e-muhabbat ka bharosaa bhi nahiN



yooN to hangaame uthathe nahiN deewaana-e-ishq
magar ei dost kuchch aisoN ka thikaanaa bhi nahiN



muddateN guzriN teri yaad bhi aayee na hameN
aur ham bhool gaye hoN tujhe, aisaa bhi nahiN



muNh se ham apne buraa to nahiN kehthe, ke 'faysal'
haiN tera dost magar aadmi achchaa bhi nahiN



****************************************

Toti Hai meri Neend mager, Tum ko is se kiya

Toti Hai meri Neend mager, Tum ko is se kiya!
Bajtey Rahe Hawaoon se Dar, Tum ko is se kiya!

Tum Moj Moj misel-e-Saba Ghoomtey Raho
kat Jaye Mere Sooch Ke Per, Tum ko is se kiya!

Auro Ka Hath Thamoo, Unhain Raasta Dekhao
Main Bhool Jaoo Apna Ghar, Tum ko is se kiya!

Le Jaye Mujh Ko Maal-e-ganimaat Ke Saath Koi
Tum Ne Tu Daal De Hai Seper, Tum ko is se kaya!

Tum Ne Tu Thak Ke Dhast Main Khemain Laga Liye
Tanha gaya Kissi Ka Safar ,Tum ko is se kaya!

Kabhi kabhi yun bhi humnay, apnay hi ko behlaya hai

Kabhi kabhi yun bhi humnay, apnay hi ko behlaya hai,
Jin baaton ko khud nahin samjhay, auron ko samjhaya hai !



Humsay poocho izzat waalon ki, izzat ka haal kabhi,
Humnay bhi is shehar mein reh kar, thoda naam kamaaya hai !



Us say bichday barson beetay, lekin aaj na jaanay kyon,
Aangan mein hastay bachon ko, be-qaaran dhamkaaya hai !



Koi mila to haath milaya, kahin gayey to baatain kee,
Ghar say baahar jab bhi nikley, din bhar bhoj uthaya hai !




Kabhi kabhi yun bhi humnay, apnay hi ko behlaya hai,
Jin baaton ko khud nahin samjhay, auron ko samjhaya hai !

Tanha tanha hum ro lengay, mehfil mehfil gayengay

Tanha tanha hum ro lengay, mehfil mehfil gayengay,
Jab tak aansoo paas rahengay, tab tak geet sunayengay !



Tum jo socho woh tum jaano, hum to apni kehtay hain,
Dher na karna ghar jaanay mein, varna ghar kho jayengay!



Bachon kay chotay haathon ko, chaand sitaray choonay do,
Chaar kitabain pad kar woh bhi, ham jaisay ho jayengay !



Kin rahon say door hai manzil, kaun sa rasta aasan hai,
Hum jab thak kar ruk jayengay, auron ko samjayengay !



Achi soorat vaalay saray, pathar-dil ho mumkin hai,
Hum to us din raay dengay, jis din dokha khayengay !



Tanha tanha hum ro lengay, mehfil mehfil gayengay,
Jab tak aansoo paas rahengay, tab tak geet sunayengay !

Acha sa koi mausam tanha sa koi aalam

Acha sa koi mausam tanha sa koi aalam,
Har waqt ka rona to, beekaar ka rona hai !



Barsaat ka baadal to deewana hai kya jaanay,
Kis rah say bachna hai, kis cchat ko bigona hai !



Gham ho ki khushi dono, kuch dher kay saathi hain,
Phir rasta hi rasta hai, hasna hai na rona hai !



Duniya jisey kehtay hain, jadoo ka khilona hai,
Mil jaayey to mitti hai, kho jaayey to sona hai !
**************************************

har taraf har jagah beshumar aadmi

har taraf har jagah beshumar aadmi
phir bhi tanhaiyon ka shikaar aadmi



subah se shaam tak bojh dhota hua
apni hi laash ka khud mazaar aadmi


 har taraf bhaagte daudhte raaste
har taraf aadmi ka shikaar aadmi



roz jeeta hua roz marta hua
har naye din naya intezar aadmi



zindagi ka mukkaddar safar dar safar
aakhri saans tak bekaraar aadmi

dhoop mein niklo ghataon mein naha kar dekho

dhoop mein niklo ghataon mein naha kar dekho
zindagi kya hai kitabon ko hata kar dekho



woh sitara hai chamakne do yun hi ankhon mein
kya zaroori hai use jism banakar dekho



paththaron mein bhi zuban hoti hai dil hote hain
apne ghar ki dar-o-deewar saja kar dekho



faasla nazaron ka dhoka bhi tho ho sakta hai
woh mile ya na mile haath badha kar dekho



****************************************

Apna gham ley kay kahin aur na jaaya na jayey

Apna gham ley kay kahin aur na jaaya na jayey,
Ghar mein bikhri huee cheezon ko sajaya jayey !



Jin chiragon ko hawaon ka koi khof nahin,
Un chiragon ko hawaon say bachaya jayey !



Baag mein jaanay kay aadaab hua kartay hain,
Kisi titlee ko na phoolon say udaya jayey !



Ghar say masjid hai bahut door chalo yun kar ley,
Kisi rotay huey bachay ko hansaya jayey !



Apna gham ley kay kahin aur na jaaya na jayey,
Ghar mein bikhri huee cheezon ko sajaya jayey !

************************************************

garaj baras pyaasi dharthi par phir paani de maula

garaj baras pyaasi dharthi par phir paani de maula
chidiyoN ko daane, bacchoN ko gud-dhaani de maula



do aur do ka jod hamesha chaar kahan hota haiN
soch samajh waaloN ko thodi naadaani de maula



phir roshan kar zeher ka pyaala, chamka nayee salibeN
jhootoN ki duniya meiN sach ko taabaani de maula



phir moorath se baher aakar chaaroN aur bhikar ja
phir mandir ko koi meera deewaani de maula


**********************************

Jab kisi say koi gila rakhna

Jab kisi say koi gila rakhna,
Saamnay apnay aaiana rakhna !



Yunh ujalon say vaasta rakhna,
Shama kay paas hi hawa rakhna !
Saamnay apnay ........



Ghar ki taameer chahay jaisee ho,
Ismay ronay ki kuch jagah rakhna !
Saamnay apnay ........



Masjiday hain namazion kay liyey,
Apnay ghar mein kahin khuda rakhna !
Saamnay apnay ........



Milna julna jahan zaroori ho,
Milnay julnay ka hausla rakhna !
Saamnay apnay ........



Jab kisi say koi gila rakhna,
Saamnay apnay aaiana rakhna !

Nazar nazar say mila kar sharaab peetay hain

Nazar nazar say mila kar sharaab peetay hain,
Hum unko paas bitha kar sharaab peetay hain !



Isee liyey to andhera hai maikaday mein bahut,
Yahan garon ko jala kar sharaab peetay hain !



Hamey tumharay siva kuch nazar nahin aaata,
Tumhay nazar mein saja kar sharaab peetay hain !



Un kay hisay mein aati hai pyaas hi aksar,
Jo doosron ko pila kar sharaab peetay hain !



Nazar nazar say mila kar sharaab peetay hain,
Hum unko paas bitha kar sharaab peetay hain !

dono jahaN teri muhobat meiN haar ke

dono jahaN teri muhobat meiN haar ke
wo ja raha haiN koi shab-e-gham guzaar ke



weeraan haiN maikadah KHum-o-saagar udhaas haiN
tum kya gaye ke rooth gaye din bahaar ke



duniya ne teri yaad se baigaana kar diya
tujh se bhi dil-faraib haiN gham-rozgaar ke



bhoole se muskuraa to diye the woh aaj 'faysal'
mat pooNch val-vale dil-e-kirdah_kaar ke

raaz-e-ulfat chupa ke dekh liya

raaz-e-ulfat chupa ke dekh liya
dil bahut kuch jalaa ke dekh liya




woh mere ho ke bhi mere na huey
un ko apna bana ke dekh liya



aur kya dekhne ko baakhi haiN
aap se dil laga ke dekh liya



'faysal', takmeel-e-gham bhi na ho sake
ishq ko aazmaa ke dekh liya

Agar hum kahen aur woh muskra dey

Agar hum kahen aur woh muskra dey,
Hum unkay liyey zindgaani luta dey,


Har ik mod par hum gamon ko saza dey,
Chalo zindagi ko mohabbat bana dey !



Agar khud ko bhoolay, to kuch bhi na bhoolay,
Ki chaahat mein unki khuda ko bhula dey !



Kabhi gham ki aandi jinay choo na payey,
Wafaon kay hum woh nash-e-man bana dey !



Qayaamat kay deewanay kehtay hain humsay,
Chalo unkay chehray say parda hata dey !



Saza dey sila dey, bana dey mita dey,
Magar woh koi faisla to suna dey !

Ulfat ka jab kisi nay liya naam ro padey

Ulfat ka jab kisi nay liya naam ro padey,
Apni wafa ka soch kay anjaam ro padey !



Har shaam yeh sawaal, mohabbat say kya mila,
Har shaam yeh jawaab, ki har shaam ro padey !



Rah-e-wafa mein hum ko khushi ki talaash thi,
Do gaam hi chalay thay ki har gaam ro padey !



Rona naseeb mein hai to auron say kya gila,
Apnay hi sar liya koi ilzaam, ro padey !



Ulfat ka jab kisi nay liya naam ro padey,
Apni wafa ka soch kay anjaam ro padey !

ishq meiN GHairat-e-jazbaat ne rone na diyaa

ishq meiN GHairat-e-jazbaat ne rone na diyaa
Warna kyaa baat thi kis baat ne rone na diyaa



aap kehte the ke rone se na badlenge naseeb
'umr bhar aapki is baat ne rone na diyaa



tujh se milkar hameiN rona tha, bahut rona tha
tangi-e-waqt-e-mulaaqaat ne rone na diyaa



ek do roz kaa sadma ho to ro leiN, 'Faysal'
ham ko har roz ke sadmat ne rone na diyaa




******************************

Aaj kay daur mein ay dost yeh manzar kyon hai

Aaj kay daur mein ay dost yeh manzar kyon hai,
Zakhm har sar pay har ik haath mein pathar kyon hai !



Jab haqeeqat hai ki har zaray mein tu rehta hai,
Phir zameen par kahin masjid kahin mandir kyon hai !



Apna anjaam to maaloom hai sab ko phir bhi,
Apni nazron mein har insaan sikandar kyon hai !



Zindagi jeenay kay kaabil hi nahin ab `Faysal'
warna har aankh mein ashko ka samandar kyon hai !



Aaj kay daur mein ay dost yeh manzar kyon hai,
Zakhm har sar pay har ik haath mein pathar kyon hai !

kissi ranjish ko hava do

kissi ranjish ko hava do, ki meiN zinda hooN abhi
mujhko ehsaas dila do, ki meiN zinda hooN abhi



mere rukne se meri saanseN bhi ruk jaayengi
faasle aur bada do, ki meiN zinda hooN abhi




zeher peene ki tho aadat thi zamaane waaloN
ab koi aur dava do, ki meiN zinda hooN abhi



chalthi raahoN meiN yooNhi aankh lagi haiN 'faysal'
bheed logoN ki hata do, ki meiN zinda hooN abhi

Saamnay hai jo usay log bura kehtay hain,

Saamnay hai jo usay log bura kehtay hain,
Jisko dekha hi nahin usko khuda kehtay hain !



Faasiley umar kay kuch aur bada deti hai,
Jaaney kyon log usey phir bhi dava kehtay hain !



Chand masoom say paton ka lahoo hai `Faysal',
Jisko mahboob kay hathon ki heena kehtay hain !



Saamnay hai jo usay log bura kehtay hain,
Jisko dekha hi nahin usko khuda kehtay hain !

Pathar kay khuda pathar kay sanam

*************************





Pathar kay khuda pathar kay sanam,
pathar kay hi insaan payey hain,
Tum shehar-e-mohabbat kehtay ho,
hum jaan bacha kar aayey hain !



But-khana samjhtay ho jisko,
poocho na wahan kya haalat hain,
Hum log wahin say lautay hain,
bas shukar karo laut aayey hain !



Hum soch rahey hain muddat say,
ab umar guzaray bhi to kahan,
Sehra main khushi kay phool nahin,
shehro mein gamon kay sayey hain !



Hothon pay tabassum halka sa,
aankho mein nami see ay `Faysal'
Hum ahl-e-mohabbat par aksar,
aisay bhi zamanay aayey hain !



*******************************