Ek Umr Ke Baad Usko Dekha

Ek Umr Ke Baad Usko Dekha,
Aankhon Mein Sawal The Hazaron,
Honthon Pe Magar Wohi Tabassum,
Chehre Pe Likhi Hui Udaasi,
Awaz Mein Gunjti Judayi,
Baanhein Thi Magar Wasal-E-Samaa,
Simti Hui Uske Baazuon Mein,
Ta Der Sochti Rahi Thi,
Kisi Abr-E-Guraiz Paa Ki Khatir,
Main Kaise Shajar Se Kati Rahi Thi,
Kis Chhanv Ko TarQ Kar Diya Tha,
Main Uske Gale Lagi Hui Thi,
Wo Ponchh Raha Tha Aansu Mere,
Lekin Bahut Der Ho Chuki Thi...