Nazar ka apna mizaj thehra

Nazar ka apna mizaj thehra

Jigar ka apna mizaj thehra

Safar ka apna mizaj thehra

To ghar ka apna mizaj thehra

Hum…..Safar kay rahay na ghar kay rahay

Hamara apna mizaaj thehra

.

Hamari Mae ka mizaj apna

Hamari lae ka mizaj apna

.

Hamari aankhoon kay khaab apnay

Dard apnay azaab apnay

Meray lahoo rang gulaab apnay

Sawaal apnay, Jawaab apnay

.

Hamaray aangan main chalnay wali HAWA ka apna mizaaj thehra

Hamaray seenay main jalnay wali WAFA ka apna mizaaj thehra

Kisi ki choukhat pay jhuknay wali ANAA ka apna mizaaj thehra

Hamaray sajdoon ko gin’nay walay KHUDA ka apna mizaaj thehra

.

Ajab riwajoon, Ajab mizajoon kay iss nagar main

Tumhara apna mizaaj thehra, Hamara apna mizaaj tehra

.

_________________