Thursday, April 1, 2010

pukartii rahii kuch deir tak havaa mujh ko

pukartii rahii kuch deir tak havaa mujh ko

samajh sakaa na zara bhi ke kiya kahaa mujh ko





bahaar ho ke khizaaN, mere dil ke gulshan mein

sunayaa kartii hai ik dukh bharii sadaa mujh ko





nigaah mein wohii manzar hai mausam-e-gul ka

rullaa raha hai abhii ek haadesa mujh ko





biggar biggar ga_ii hain zehan mein wo tasviireN

faqtt jo yaad rahii terii ik adaa mujh ko





main muntazir hoN ko_ii mujh ko bhii manaaye ga

na dii kisii ne abhii tak ko_ii sadaa mujh ko





_________________

No comments:

Popular Posts