naqsh faryadi hai kis ki shokhi-e-tahrir ka
kagzi hai pairahan har paikar-e-taswir ka
kawe-kawe sakhtjani haye tanhai na puch
subah karna sham ka lana hai ju-e-shir ka
jazba-e-beikhtiyar-e-shauq dekha chahiye
sina-e-shamshir se bahar hai dam shamshir ka
agahi dam-e-shunidan jis qadar chahe bichaye
mudda anqa hai apne alam-e-taqrir ka
bas k hun 'Ghalib' asiri mein bhi atish zar-e-pa
mu-e-atishdida hai halqa meri zanjir ka
No comments:
Post a Comment