kuch din to baso meri aankhoon main
phir Khawab agar ho jaao to kyaa
koii rang to do mere chehray ko
phir zaKhm agar mehkaao to kyaa
ik aayena tha so toot gaya
ab Khud se agar sharmaao to kyaa
main tanhaa thaa main tanhaa hoon
tum aao to kyaa na aao to kyaa
jab hum hii na mehkay phir saahib
tum baad-e-sabaa kahlaao to kyaa
jab dekhnay vaalaa koii nahii
bujh jaao to kyaa jal jaao to kyaa
No comments:
Post a Comment