titlee jo aik mujhko mili thi kitab mai
wo apna aks chhorh gayee merey khwab mai
ab tak wo merey zehn mai uuljha sawal hai
shamil rahi jo harr gharhi merey nisaab mai
aankho'n mai nind hai na koi khwab door tak
rehtey hain ham bhi aaj kal waisey azaab mai
milta hai mushkilo'n se galey lagg k chand bhi
aaye simat k fasley kitney saraab mai
aakhir meri wafa ka mujhey kia sila mila
likkha na aik harf bhi uss ne jawab mai....
No comments:
Post a Comment