us ney poocha
haath ki reeykhaoon per wishwas hai tumhara?
mein ney kaha bus thoda thoda
woh bola,
dekhlana tu tehreer hai kya haathoon pey tumharey
mein ney kaha choro jaaaney do,
kya rakha hai in baatoon mein
us ney jab israar kiya tu,
mein ney muthee khol dekhai
us ney haath ko thaama,,,dekha aur yeh bola
cross buhut hain zayada is per
waisay qismat buri nahi hai
haath chura ker mein yeh boli,,,
such kehtey hoo,, yun hi ho ga
tab woh aahista sa bola
such poocho tu, mein ney sab jhoot kaha hai
qismat k is ellam sey mein bhi nawaqif hoon
mein ney tu bus haaath tumhara chhona chaha.....
No comments:
Post a Comment