Maloom na tha hum ko sataye ga bohat wo
Bichray ga to phir yaad bhi aaye ga bohat wo
ab jis ki rafaqat main bohat khanda ba lab hain
iss baar milay ga to rulaye ga bohat wo
chor aaye ga tabeer k sehra main akela
har chand hamain khawab dikhaye ga bohat wo
wo mauj e hawa bhi hai zara soch k milna
umeed ki shamain to jalaye ga bohat wo
honton se na bolay ga per ankhon ki zabani
afsanay judai k sunaye ga bohat wo
No comments:
Post a Comment