So Wo Aansu Hamare Akhri Aansu Thay
Jo Humne Gale Milkar Bahaye Thay
Na Jane Waqt Un Aansuon Se Kis Taur Pesh Aya,
Magar Meri Fareb-E-Waqtki Behki Hui Aankhon Ne,
Uske Baad Bhi,
Aansu Bahaye Hain,
Mere Dil Ne
Bahut Se Dukh Rachaaye Hain,
Magar Yun Hai Ke
Mah-O-Saal Ki Is Rayeigaani Mein,
Meri Aankhein,
Gale Milte Hue Rishton Ki Furqat Ke Wo Aansu,
Shayad,
Phir Na Ro Paayein...
No comments:
Post a Comment