Wednesday, August 4, 2010

zindagi ke raahoun main baar baat ye dekha hai


zindagi ke raahoun main
baar baar ye dekha hai
sirf sun nahein rakha
khud bhe aazmaya hai
tajurboun se saabit hai
jo bhe perDhtay aaye hain
us ko theek paya hai
is tarah ke baatoun se
manziloun se pehlay he
saath choot jaatay hain
log rooth jaatay hain
ye tumhein bata doun main
chahatoun ke rishtoun main
"girah nahein lagti"
lag bhe jaye to is main
phir kashish nahein rehti
aik pheeka pheeka sa
rabta to hota hai
taazgi nahein rehti
rooh ke taaluq main
zindagi nahein rehti
baat wo nahien banti
dosti nahien rehti
laakh baar mil ker bhe
dil kabhi nahien miltay
yaad ke dareechoun main
titliyoun ke rangoun main
phool phir nahien khiltay
is liye main kehta houn
hum is tarah ke baatoun main
ihtiyaat kartay hain
hum is tarah ke baatoun se
ijtinaab kartay hain...!!

No comments:

Popular Posts