Khud apna bharam mujhko mukarne nahi deta
main dil main teri yaad ko marne nahi deta
sailaab sa rehta hai meri aankhon main jari
main ashk k dariya ko utarne nahi deta
rakhta hon dil-o-jan ko yakja teri khatir
ukhri hoyi saanso ko bikharne nahi deta
karta hon wohi kaam jo taqdeer ki zid ho
main khud koi kaam sanwarne nahi deta
ye soch k tabeer ki khahish na sataey
main khawaab ko apne aankhon se guzarne nahi deta
har rah main raqsan hain kae khouf k saye
ye khouf he rastay se guzarne nahi deta
No comments:
Post a Comment