Mere zehan main ek tera hee tasawur hay
Woh tasawur kay jo dil say judaa nahee hotaa
Zehan o dil main ek jang bapaa rahtee hay
Aur es jang kaa koi faisala nahee hotaa
Zehan kahtaa hay tu apnee nahee, paraee hay !
Dil yeh kahtaa hay sanam bewafa nahee hotaa !
Aik uljhan see mere saath lagee rahtee hay
Es uljhan kaa koi bhee siraa nahee hotaa
Yaad kartaa hon jab guzrey mah o saal ko main
Tujh ko khonay kaa kaheen bhee gumaan nahee hotaa
Hum nay jo sath guzarey hain lamhey, Un sab main
Ek ghari ko bhee main gham aashana nahee hotaa
Par jo dekhon main apney aihad kaa chalan FAYSAL
Belos ishq kaa yahan kuch silaa nahee hotaa
No comments:
Post a Comment