Monday, January 2, 2012

Yaad aataa hai roz O shab koi

Yaad aataa hai roz O shab koi
Hum se rutha hai be sabab koi


Lab E joo chhaaoN me darakhtoN ki
Woh mulaaqaat thi ajab koi!!


Jab tujhe pahli baar dekhaa tha
Woh bhi tha mausam E tarab koi


Kuchh khabar le K teri mahfil se
Door baitha hai jaaN ba lab koi


Na Gham E zindagi na dard E firaaq
Dil meN yuNhi si hai talab koi


Yaad aati haiN door ki baateN
Pyaar se dekhta hai jab koi


khaayi hai baarhaa lekin!
Aaj to dard hai ajab koi


Jin ko mitna tha mit chuke ‘Nasir’
Un ko ruswaa kare na ab koi...

No comments:

Popular Posts