Friday, November 2, 2012

Ab ghar hai na koi rastaa hai

Ab ghar hai na koi rastaa hai
bas aik chiragh jal raha hai

sab shehr k log so rahay haiN
ik mera makaan jagta hai

ToTay ye hisaar e shab k ab to
khud se hi diya uljh paRa hai

dekhi jo kitab e umr ab k
aik aur warq ulat gaya hai

aaye rasm e shikasta paai tu ne
dil ko baRa hosla diya hai

utray ga na qarz asmaaN ka
jb tak ye zameen zair e paa hai

dekho to zara sakhi samndr
dariya se khiraaj mangta hai

zinda hai abhi Saleem Kousar
kis gham main ye shehr marr raha hai

No comments:

Popular Posts