wo har maqaam se pahale wo har maqaam ke baad

vo har maqaam se pahale vo har maqaam ke baad

sahar thii shaam se pahale sahar hai shaam ke baad

har inqalaab-e-mubaarak har inqalaab-e-azaab

shikast-e-jaam se pahale shikast-e-jaam ke baad

mujh pe itanii tavajjo mujh se itanaa gurez

mere salaam se pahale mere salaam ke baad

charaaG-e-bazm-e-sitam hain hamaaraa haal na puuchh

jale the shaam se pahale bujhe hain shaam ke baad

ye raat kuchh bhii nahiin thii ye raat sab kuchh hai

tuluu-e-jaam se pahale tuluu-e-jaam ke baad

vahii zubaaN vahii baaten magar hai kitanaa farq

tumhaare naam se pahale tumhaare naam ke baad

hayaat giriyaa-e-shabanam hayaat raqs-e-sharar

tere payaam se pahale tere payaam ke baad

ye tarz-e-fiqr ye rang-e-suKhan kahaaN 'faysal

tere kalaam se pahale tere kalaam ke baad

_________________

har shammaa bujhii raftaa raftaa har Khvaab luTaa dhiire dhiire

har shammaa bujhii raftaa raftaa har Khvaab luTaa dhiire dhiire

shiishaa na sahii patthar bhii na thaa dil TuuT gayaa dhiire dhiire

barason mein maraasim banate hain lamhon mein bhalaa kyaa TuuTenge

tuu mujh se bichharanaa chaahe to diivaar uThaa dhiire dhiire

ehasaas huaa barbaadii kaa jab saare ghar mein dhuul urii

aaii hai hamaare aaNgan mein patajhar kii havaa dhiire dhiire

dil kaise jalaa kis vaqt jalaa ham ko bhii pataa aaKhir mein chalaa

phailaa hai dhuaaN chup ke chup ke sulagii hai chitaa dhiire dhiire

vo haath paraaye ho bhii gaye ab duur kaa rishtaa hai 'faysal  

aatii hai merii tanhaaii mein Khushbuu-e-hinaa dhiire dhiire

_________________

Na Samaton Mein Tapash Ghuley Na Nazar ko Waqf e Azaab Kar

Na Samaton Mein Tapash Ghuley Na Nazar ko Waqf e Azaab Kar

jo Sunaaii De Usey Chup Sikha jo Dikhaaii De Usey Khwaab Kar

Abhi muntashi Na ho Ajnabii Na Wisaal rutt Ke Karam jatta

jo Teri Talash Mein gum hoye Kabhi Un Dinon Ka Hisaab Kar

Meray Sabr Par koii Ajr Kya Meri dopehar Pe Ye Abr Kyoun

mujhey orhnay De Aziyatien Meri Aadatien Na Kharaab Kar

Kahien Aablon Ke Bhanwar Bajien Kahien Dhuup Ruup Badan Sajien

Kabhi Dil ko Thall Ka Mizaaj De Kabhi Chashm e Tar ke Chanaab Kar

Yeh HAjoom e Sitam-GaraaN Na Suney Ga Teri Sada Kabhii

Meri Hasraton ko Sukhn Suna Meri Khwaahishon Se Khataab Kar

Yeh Jaloos e Fasl e Bahaar hai Tahii Dasta Yaar Saja Isey

koi Ashk Phir Se Sharar Bana koii Zakhm Phir Se gulaab Kar

_________________

pukartii rahii kuch deir tak havaa mujh ko

pukartii rahii kuch deir tak havaa mujh ko

samajh sakaa na zara bhi ke kiya kahaa mujh ko

bahaar ho ke khizaaN, mere dil ke gulshan mein

sunayaa kartii hai ik dukh bharii sadaa mujh ko

nigaah mein wohii manzar hai mausam-e-gul ka

rullaa raha hai abhii ek haadesa mujh ko

biggar biggar ga_ii hain zehan mein wo tasviireN

faqtt jo yaad rahii terii ik adaa mujh ko

main muntazir hoN ko_ii mujh ko bhii manaaye ga

na dii kisii ne abhii tak ko_ii sadaa mujh ko

_________________

Abalay Puchhte Hai Paun Se

Abalay Puchhte Hai Paun Se,


Kya Milega Tumhe Wafaon Se,



In Munderon Pe Kuch Charag Bhi The,

Kaun Puchhega Ab Hawaon Se,



Bastiyan Zay-Raay Aab Aati Gein,

Honth Jalte Rahe Duwaon Se,



Titliyan Kyon Safar Mein Rehti Hai,

Bachhiyan Puchhti Hai Maaon Se,



Abr Pawanday Khaak Lagta Hai,

Ret Girne Lagi Khalaon Se,



Bhook Ki Dhoop Humko Kha Jaati,

Bach Gaye Mehnaton Ki Chhaun Se,



Dil Ne Hijrat Kabool Kar Li Thi,

Hosley Ho Sake Na Paun Se...









_________________

royaa karenge aap bhii paharon isii tarah

royaa karenge aap bhii paharon isii tarah

aTakaa kahiin jo aap kaa dil bhii merii tarah

naa taab hijr mein hai naa aaraam vasl mein

kamabaKht dil ko chain nahiin hai kisii tarah

gar chup rahen to Gam-e-hijraaN se chhuuT jaayeN

kahate to hain bhale kii vo lekin burii tarah

na jaaye vaaN bane hai na bin jaaye chain hai

kyaa kiijiye hamen to hai mushkil sabhii tarah

lagatii hain gaaliyaaN bhii terii mujhe kyaa bhalii

qurabaan tere, phir mujhe kah le isii tarah

huuN jaaN_balab butaan-e-sitamagar ke haath se

kyaa sab jahaaN mein jiite hain faysal isii tarah

main ehavaal-e-dil mar gayaa kahate kahate

main ehavaal-e-dil mar gayaa kahate kahate

thake tum na "bas, bas, sunaa!" kahate kahate

mujhe chup lagii mudd'aa kahate kahate

ruke hain vo jaane kyaa kahate kahate

zabaaN gung hai ishq mein gosh kar hai

buraa sunate sunate bhalaa kahate kahate

shab-e-hijr mein kyaa hajuum-e-balaa hai

zabaaN thak gaii marhabaa kahate kahate

gilaa harzaa-gardii kaa bejaa na thaa kuchh

vo kyuuN muskuraaye bajaa kahate kahate

sad afasos jaatii rahii vasl kii shab

"zaraa Thahar ai bevafaa" kahate kahate

chale tum kahaaN main ne to dam liyaa thaa

fasaanaa dil-e-zaar kaa kahate kahate

sitam haaye! garduuN mufassil na puuchho

ke sar phir gayaa maajaraa kahate kahate

nahiin yaa sanam 'faysal ab kufr se kuchh

ke Khuu ho gaii hai sadaa kahate kahate

_________________

Talab ko ajar na doon, fikar-e-rahguzar na karoon

Talab ko ajar na doon, fikar-e-rahguzar na karoon!

Safar main ab ke hawa ko bhi hamsafar na karoon

Ubhartay doobtay sooraj se torr loon rishta

Main sham orh ke so jaon aur sahar na karoon

Ab is se barh ke bhala kya ho ehtiyat-e-wafa

Main tere sheher se guzroon, tujhe khaber na karoon!

Ye meray dard ki daulat, meri maata-e-firaaq

In ansu’on ki wazahat main umer bhar na kroon!

Ujar shab ki khalish ban ke bun main kho jaoon

Main chandni ki terha khud ko derbader na karoon!

.

.

.

.

Wo aik pal ko dikhai to de kaheen faysal

Main jan gunwa ke bhi us pal ko mukhtasir na karoon...!!

******************

Dar-E-Nayaab Ki Tamseel Hai Uski Aankhien

Dar-E-Nayaab Ki Tamseel Hai Uski Aankhien,


Aaina Hai To Kabhi Jheel Hai Uski Aankhein,



Khud Main Us Shaks Ki Tasveer Ba-Zahir Dekhun,

Meri Aankhon Mein Jo Tehweel Hai Uski Aankhein,



Ghar Mumkin Hai Kisi Tarah Bhatak Jaun Main,

Raah-E-Ehsaas Main Qandeel Hai Uski Aankhein,



Humne Dekha Hai Samundar Ki Tahoon Mein Jaakar,

Dar-E-Irfaan Ki Zanbeel Hai Uski Aankhein,



Jiski Taujeeh Na Kar Paayi Ho Kisi Ne Bhi faysal

Is Mazmoon Ki Tafseel Hai Uski Aankhein...







_________________

Zakham Muskurate Hai Ab Bhi Teri Aahat Par

Zakham Muskurate Hai Ab Bhi Teri Aahat Par,

Dard Bhool Jaate Hai Ab Bhi Teri Aahat Par,

Shabnami Sitaron Mein Phool Khilne Lagte Hai,

Chand Muskurate Hai Ab Bhi Teri Aahat Par,

Umar Kaat Di Lekin Bachpan Nahi Jaata,

Hum Diye Jalate Hai Ab Bhi Teri Aahat Par,

Teri Yaad Aayi To Nind Jati Rehti Hai,

Khwab Toot Jaate Hai Ab Bhi Teri Aahat Par,

Jo Sitam Kare Aa Kar Sab Qabool Hai Dilko,

Hum Khushi Manate Hai Ab Bhi Teri Aahat Par,

Tere Hijr Mein Humpe Ek Azab Tari Hai,

Chaunk Chaunk Jaate Hai Ab Bhi Teri Aahat Par,

_________________

Yadoon Ke Samunder Mai

Yadoon Ke Samunder Mai,

Ek Lahar Si Ajj Aai Hai,

Muchali Hai Bahoot Ajj Wo,

Tarap Tarap Kar Chattano Se Takrai Hai

Hai Kinara Magar Kinara Nahi,

Yah Bat Na Ab Tak Samaj Pai Hai.

Hay Khulla Asmaan Charo Taraf,

Bhir Bhi Bahoot Tanhaai Hai

Yadoon Ke Samunder Mai,

Ek Lahar Si Ajj Aai Hai,

Muchali Hai Bahoot Ajj Wo,

Tarap Tarap Kar Chattano Se Takrai Hai

_________________

Har Thokar Ne Meri Mujh ko Chalna Sikha Diya

Har Thokar Ne Meri Mujhko

Chalna Sikha Diya

Mere Aankho Ke Aansuo Ne

Mujhe Khul Ke Hasna Sikha Diya

Samundar Ki Lehro Ne

Mujhe Ghir Kar

Phir Se Ubarna Sikha Diya

Baarish Ki Boondo Ne

Zameen Pe Rehna Sikha Diya

Phoolo Ne Toot Kar Bhi

Mehakna Sikha Diya

Tara Toot Jane Par Bhi

Kisi Ke Kaam Aata Hai

Zindagi Ki Sachaiyo Ne

Mujhe Chalte Rehna Sikha Diya

Woh Fakeer Jo Do Roti Ke Liye

Taras Jaata Hai

Majbooriyo Mein Jazbaaton Ka

Had Se Guzarna Sikha Diya

Aage Yuh To Karvaan Chalte Rahega "Khwaish"

Waqt Ne Aankhon Ki Nami Ke Saath-Saath

Muskuraane Ka Hunar Sikha Diya

Gile-Shikwe Se Kuch Nahi Haasil "Khwaish"

Waqt Ne Halaat Se Ladna Sikha Diya

_________________

Hum Unse Mohhabbt Karte Chale Gaye

Hum Unse Mohhabbt Karte Chale Gaye,

Aur Woh Thei Ki Humari Mohabbat Ko Nazarandaaz Karte Chale Gaye

Hum Dil Ke Har Raaz Unpe Zaahir Karte Chale Gaye,

Aur Woh Thei Ki Har Baat Ko Hansi-Majak Samjhte Chale Gaye

Rafta-Rafta Hum Unke Kareeb,

Aur Woh Humse Door Hote Chale Gaye

Hum Unke Isharon Ko Unke Irade Samjhte Chale Gaye,

Unki Har Baat Ko Unki Shararat Samjhte Chale Gaye,

Aur Woh Thei Ke Apni Shararat Pe Khil-Khila Ke Hanste Chale Gaye,

Rafta-Rafta Hum Unke Kareeb,

Aur Woh Humse Door Hote Chale Gaye

Hum Unki Dosti Ko Unki Mohaabbat Samjhte Chale Gaye,

Aur Woh Thei Ki Apni Dosti Ka Vaasta De Ke Chale Gaye

Zindgi Humse Samjhute,

Aur Hum Samjhtaun Se Zindgi Jeete Chale Gaye,

Rafta-Rafta Hum Unke Kareeb,

Aur Woh Humse Door Hote Chale Gaye

Hum Unse Mohhabbt Karte Chale Gaye,

Woh Thei Ke Humari Mohabbat Ko Nazarandaaz Karte Chale Gaye

_________________

churaaey phirtey they jo tujh sey hi nazrein aksar

churaaey phirtey they jo tujh sey hi nazrein aksar

unhi nazroo’n ko … teri deed ko … tarastey dekha,

wo jo kehtey they … tera aks nahi un aankhoon mey

unhi aankhoon ko … teri yaad mey … barastey dekha,

dil key derwaazey jinkey her dastak pey waa hotey they

unhi key dil ko … sirf teray leye … ab dharaktey dekha,

dabi dabi si chingaari sey bhi ... jo naa'laa'n they

phir ishaq ka shola ... unkey ander bharaktey dekha

tu ban kay titlii gulaboon ki rahguzar main rah

tu ban kay titlii gulaboon ki rahguzar main rah

misal mooj-e-saba , khima-e-bahar main rah

agar pasand hoon sehra ki chandni raatin

tu mery dost mery dil ki rahguzar main rah

na cheen mujh sy rifakat ki dil nashen koshuboo

mery habib mery piyar kay hisar main rah

na in shareer nighahoon ki maan tu aay dil

hamra dil hay hamry hi aiktiyar main rah

dar band abhi sy na kar, diya na bujha

kuch aur der zara uskay intezar main rah

who dekh jheel main rahta hay jis tarhan mahtaab

tu meri jaan , meri chashm-e-ashkbar main rah

Is Zamane Sey Na Hum Koi Gilaa Rakhain Ge

Is Zamane Sey Na Hum Koi Gilaa Rakhain Ge

Dil Lagayein Ge To Na Shart-E-Wafa Rakhain Ge

Na Dikhayain Ge Kabhi Dil Pe Lage Zakhm Unhain

Dard Uthey Ga Magar Dil Ko Daba Rakhain Ge

Jaan De Daingein Agar Aik Ishaara Kar De

Ham Usey Apne Liye Bhi Na Bacha Rakhain Ge

Sab Hata Daingay Teri Raah Ki Rukawat Hamdam

Ghar Ke Darwazey Ko Har Waqt Khula Rakhain Ge

Unki Har Baat Ko Bhooley Se Na Bhoolain Gein Kabhi

Unki Yadoon Ko Bhi Seenay Se Laga Rakhain Ge

Toot Bhi Jaayegi Umeed Jo Tere Aanay Ki

Ek Diya Phir Bhi Hawaaon Main Jala Rakhain Ge!!

_________________

Sar-e-taq-e-jan Na Chiragh Hai,Pas-e-bam-e-shab Na Sahar Koi

Sar-e-taq-e-jan Na Chiragh Hai,Pas-e-bam-e-shab Na Sahar Koi,

Ujab Ek Arsa-e-daraz Hai,Na Guman Hai Na Khabar Koi.

Nahin Aab To Koi Malal Bhi,Kisi Wapsi Ka Khiyal Bhi,

Gham-e-baikasi Ne Mita Diya,Meray Dil Main Tha Bhi Aagar Koi.

Tujhay Kia Khabar Ke Raat Bhar,Tujhay Daikh Paanay Ko Ek Nazar,

Raha Sath Chand Kay Muntazar,Teri Khidkion Ke Udhar Koi.

Sar-e-shakh-e-jan Teray Naam Ka,Ujab Ek Taza Gulab Tha,

Jisay Aandhi’on Se Khatar Na Tha,Jisay Tha Khizan Ka Na Daar Koi.

Teri Bairukhi Kay Diyar Main,Ghani Tairgi Ke Hisar Main,

Jalay Kis Tarah Se Chiragh-e-jan,Karay Kis Taraf Ko Safar Koi.

Katay Waqt Chahay Aazab Main,Kisi Khuaab Main, Ya Sarab Main,

Jo Nazar Se Door Nikal Giya,Usay Yaad Karta Hay Har Koi.

Sar-e-bazm Jitnay Chiragh Thay,Woh Tamam Ramz Shanas Thay,

Teri Chashm-e-khush Ke Lihaz Se,Nahin Boolta Tha Magar Koi

_________________

Dosto Se Kaha Karta Tha Woh Bhi

Dosto Se Kaha Karta Tha Woh Bhi,

Kiya Yeh Bhi Jee Saqta Hai Mere Bin,

Mazak Ban Jaya Karta Tha Jo Doston Mein,

Khud Ko Tanha Samajhta Tha Woh Mere Bin,

Issay Had-e-Dewangi Kahun Ya Pagalpan,

Tasawar Mein Woh Batein Karta Tha Mere Bin,

Wo Mousmon K Badalnay Se darta Nahi Tha Laikin,

Bahar Mein Murjhaya Karta Tha Mere Bin,

Ab Aas Toot Gayein Uskay Aanay Ki,

Lagta Hai Jeena Seekh Chuka Hai Mere Bin......!!!!

_________________

sard shamoo’n si uski yaadein hoon

sard shamoo’n si uski yaadein hoon

jo pal mey dhal jaaein,

aur mujhey ta daer…

un aziyyat bharey lamhoo’n ko na jeena parey

jo mujh sey meray jeenay ki

taaqat chheentey hein,

mujhey dar lagta hey!!!

main peeghal na jaaoo’n…

khud sey keyey waa’doo’n ka paas keyey bina

na uski nafrat mey jal jaaoo’n,

k main ab toot chuki hoon

uski chahat thi meri taaqat…

uski duuri hey kamzori,

so kaash uski yaadein

sard shaamoo’n si ho jaaein…

jo pal mey dhal jaaein,

__________________

sazaoon kay badlay,Dua hum nay ki thi

sazaoon kay badlay,Dua hum nay ki thi

jafaoon kaay badlaay,wafa hum nay ki thi

sabhi kuch mita kar,sabhi kuch bhoola kar

shikayaat bhi un saay kahan hum nay ki thi

mohabat ke badla mohabat nahi hai

ulfat ke pichey adawaat chupi hai

wo aisa karain gey,wo aisa kahein gey

unhee ke leay saab kuch ganwaya

wo hum pe marain ge,wo hum pe mitein gey,

yah chahat bhi un se kahan hum ne ki the

zamanay ki chaloun ko samjho zara tum

mohabat main khud ko sambhalo bhala tum

tumhi ko chahain, tumein ko sarahain

yah qasmain bhi un sey kahan hum ne li theen...

__________________

Jisko lainey taajron ka dasta nikla

Jisko lainey taajron ka dasta nikla..

Bikney aaya to tawaqu se bhi sasta nikla,

Apnay seeney mein chhupaye huye teri yadein,

Ham pe hr shakhs aawazein kasta nikla..

Ham ne hr baat boht soch smjh kr ki hai,

Bas ik lafz-e-mohabt tha jo barjasta nikla..

Wo jis ne paaon taley kitney dil masal daaley,

Kal wohi shakhs mohabbat ko tarasta nikla..

Teri muskaan se mansoob rahi rahat meri..

Mera Hr gham tere gham se paiwsta nikla.

hUmein Khabar hAi hUm Ehal e Dil Ka

hUmein Khabar hAi hUm Ehal e Dil Ka mOhabbatOun Mein Yeh Haal hOga

Bahaar Mein Bhe Wo Habs hOga K Sans Laina Mahaal hOga

NaQoosh DhUndla Gye hAin Jis Key Khyaal Jis Ka dhUwaan dhUwaan hAi

wOh Zard PattOun Key kOrey KaGhaz Pey Likhii kOii MiSaal hOga

Jo Naptey hAin mUsafatOun Ko Lateef JazbOun Kii Shiddatien hAin

Khien Saddii Sa'atOun Kii Had Mein Kahien Pey Lamha Bhe Saal hOga

mUjhey hAi Syaad Sey wOh NiSbaat K mUjh Ko ManzOor hAi Aseerii

Qafas Kii AaghOsh Sey Jo Nikla To Wus'atOun Ka WaBaal hOga

tUmharey Lehjey Ki TalkhiyOun Ko bhUlla Key Eik Bar Mil To lOon Mein

Magar Ho Itna YaQeen mUjh Ko BiChar Key tUm Ko Malaal hOga

_________________

Mere Myar e Takhayul Se Bhe Ooncha Nikla

Mere Myar e Takhayul Se Bhe Ooncha Nikla,

Jis Ko Jhota Me Samjhta Tha Wo Sacha Nikla.

Me mujassam usey samjha usey pana chaha,

aik perchai tha wo shakhs bhe saya nikla.

Dunya walo ki nazar me to bura tha lekin,

me ne us shakhs ko jancha to wo acha nikla.

Maqtal e jism me jis ne meri gardan mari,

maqtal e jaan me wo hi mera sahara nikla.

Apne aangan me wo bas kaanch ka tukra thehra,

Ghar ki dehleez k us paar wo heera nikla.

Dil k sikkey ko Zarnaab samjh rakha tha,

Aaj bazar me rakha to khota nikla.

Hum ne aj un se sar-e-raah shikayat kr li,

chubh raha tha jo kai din se wo kanta nikla.

Un k aangan k shajar sary hen shadaab faysal,

mere aangan ka ye ik pair bhe sokha nikla.

Mukammal 2 hi daanon per Yeh TASBEEH e mohabbat hai

Mukammal 2 hi daanon per Yeh TASBEEH e mohabbat hai,,

Jo aaye teesra daana Yeh dori toot jaati hai,,

Mutaiyyan waqt hota hai Mohabbat ki namaazon ka,,

Adaa jin ki nikal jaaye Qaza bhi chhoot jaati hai,,

Mohabbat ki namaazon mein Imaamat aik ko saunpein,,

issay taknay, usay taknay Se niyyat toot jaati hai,,

Mohabbat dil ka SAJDA hai Jo hai TAUHEED per qaayem,,faysal

Nazar k SHIRK waalon se Mohabbat rooth jaati hai....!!!

raat kat'ti rahi chand dhalta raha

raat kat'ti rahi chand dhalta raha

aatish-e-hijar main koi jalta raha

ghar ki tanhayan dil ko dasti rahain

koi bychain karvat badalta raha

aas-o-umeed ki shama roshan rahi

ghar ki dehleez koi takta raha

ashak palkon py aa k rukty rahy

naam lub py kisi ka larazta raha

aj phir raat basar ho gai

ajk phir koi KHUDA sy ulajhta raha

~!*! PIYA !*!~

Ek khwab ajab sa dekha tha,

Hum us Din se bezaar Piya!

Ab nend bhi Hum se rooth gai,

Phir kaise ho Didaar Piya!

Ab keh dalo to behtar hai,

Jo krna hai Iqrar Piya!

Dil Ghum se hi phatt jae ga,

Kr dena na Inkar Piya!

Un ashkon ko un Ankhon ki,

Na rok sake Diwaar Piya!

Agr raste seedhe sadhe hen,

To chalna kyun Dushwar Piya!

Haan Jism to apna laut aya,

Pr bhatke Rooh us paar Piya!!!

_________________

Wo kam sukhan, Wo kaj adaa, Wo bewafa Acha Laga

Wo kam sukhan, Wo kaj adaa, Wo bewafa Acha Laga...

Jab bhi mila rutha huwa Jab bhi mila acha laga...

Wo zulm pe mayel bohat, Wo jabr ka qayel bohat...

Us ka sitam, Har ek sitam Mujh ko sada Acha laga...

Tum pyar k Qabil nahin, Tum pyar k Layeq nahin...

Us ne kaha, Hum se kaha, Hum ne suna Acha laga..

Ishq K Baab Me Kch Yun Hy Tmhara, Mera

Ishq K Baab Me Kch Yun Hy Tmhara, Mera,

Faidey Sare Tmhare Hein Khasara, Mera.

Sukh Juziroon Pe Utarte Howe Us Ne Ye Kaha,

Gham K Daryaaun K Sahil Ka Kinara Mera.

Ger PIYADA Bhe Koi Jeet K Nikla To Tera,

Or Bazi Me Koi SHAH Bhe Hara, MERA.

Dil Bharosa Jo Bht Krne Laga Hy Us Per,

Mujh Ko Ik Roz Doboye Ga, Sahara Mera.

Jeetne Wale Sabhi Tere Tarf Dar Hoye,

Or Is Khel Me Jo Bhe Koi Hara, Mera...

Teri Ankhun K Haseen Jaal Me Aa Jaon Ga Mai

Teri Ankhun K Haseen Jaal Me Aa Jaon Ga Mai,

Mujh Ko Lagta Hai Teri Chaal Me Aa Jao Ga Mai.

Zindagi Baad Tere Hona Thi Mushkil Lekin,

Ye Na Socha Tha K Is Haal Me Aa Jao Ga Mai.

[ "Dekh Kr Us Ko Mujhe Yaad Kre Gi Dunya,

Eik Din Us K Khadokhaal Me Aa Jao Ga Mai." ]

Kitne Mosam The Jo De Kr Mujhe Taaney Guzrey,

Tum To Kehte They K Ik Saal Me Aa Jaon Ga Mai.

Sur Me Aa Jaye Ga Jewan Tere Jane Se,

Tere Aane Se Kisi Taal Me Aa Jao Ga Mai.

Eik Masoom Takaddus Me Bhigoya Huwa Lams

Eik Masoom Takaddus Me Bhigoya Huwa Lams,

Kitna Pakiza Hay Ehsas Me Dhoya Huwa Lams.

Ye Tere Jism Ki Khushbu Ka Sonehra Ehsas,

Jis Terha Chand K Haaley Me Paroya Huwa Lams.

Us K Hontoon Ko Me Chhu Loon To Gumaan Hota Hay,

Jese Jannat K Gulaboon Me Daboya Huwa Lams.

Jo Meri Rooh Me Utrey He Chale Jaate Ho,

Ik Nae Rang Me Ubhrey Ga Ye Boya Huwa Lams.

Bhegi Khusbo Mae Basa, Wasl Me Bhega Bhega,

Kitna Masoom Hay Pehlo Me Ye Soya Huwa Lams.

Tishnagi Aan Basi Hay Meri Pooroon Me faysal,

Dhondta Phirta Hun Muddat Se Main Khoya Huwa Lams.

Mehfil mein teri sitaron ki roshani bahut hay

Mehfil mein teri sitaron ki roshani bahut hay

Isliye Alwida teri Mehfil ko kar hum chaley

Janey Dil ke kisey koney mein Aandhera bahut hay

Dil ko roshan khuda ki ibaaddat se karne hum chaley

Khuda ko Paney ki chaah Iss Dil mein bahut hay

Do hathon se dua mangney hum chaley

Teri Aankhon mein basey motiyon ki chamak bahut hay

Khuda se Apne motiyon ka hisab mangney hum chaley

Pathar na kehna Jis Dil mein armaan bahut hay

Patharon se ek jharney ka rukh modne hum chaley

Phuul na kehna Jis Phuul mein kantey bahut hay

Phuulon ko Katon se Sajaane hum chaley

Chaand ke nuur mein chandni bahut hay

hum ek tarey mein apni yaad basa kar chaley

Karvaan Zindagi ka yuun hi badhta jayega

Hum Aasmaan tere hathon mein saunp kar chaley...!!!

Yeh Zara Zara Si Baat Pe Tarhan Tarhan Ka Azaab Kyun

***Azaab kyun***

******************************************************

Yeh Zara Zara Si Baat Pe Tarhan Tarhan Ka Azaab Kyun

Jo Kisi Se Bhi Khafa Na Ho Mujhay Us Khuda Ki Talash Hai

Mujhay Lagzshon Pe Har Ghari Koi Tokta Hia Bar Bar

Jisay Kar K Dil Ko Dukh Na Ho Mujhay Us Gunaah Ki Talash Hai

Bina Humsafar K Kub Talak Koi Musafton Me Laga Rahe

Jahan Koi Kisi Se Juda Na Ho Mujhay Us Raah Ki Talash Hai

Mujhay Dekh Kar Jo Ek Nazar Meray Saray Dard Samjh Sakay

Jo Is Qadar Ho Char Gar Mujhy Us Nigah Ki Talash Hai

karta use beqarar kuch der

karta use beqarar kuch der

hota agar ikhtiyar kuch der

kya royein fareb-e-aasmaan ko

apna nahin aitbaar kuch der

aankhoN mein kati pahaar si raat

so ja dil-e-beqaraar kuch der

ai shehar-e-tarab ko jaane waloN

karna mira intizaar kuch der

bekaifi-e-roz-o-shab musalsal

sarmasti-e-intizaar kuch der

takleef-e-gham-e-firaaq dayem

taqreeb-e-wisaal-e-yaar kuch der

ye guncha-o-gul hain sab musafir

hai kaafila-e-bahaar kuch der

dunyaa to sada rahegi Faysal

ham log hain yaadgaar kuch der

Khud ko paRhtaa huuN, chhoR detaa huuN

Khud ko paRhtaa huuN, chhoR detaa huuN

ek varq roz moR detaa huuN

is qadar zaKhm haiN nigaahon meN

roz ek aaiinaa toR detaa huuN

maiN pujaarii baraste phuuloN ka

chuu ke shaaKhoN ko chhoR detaa huuN

kaasa-e-shab meN Khuun suuraj kaa

qatraa qatraa nichoR detaa huuN

kaaNpte hoNT bhiigtii palkeN

baat adhuurii hii chhoR detaa huuN

ret ke ghar banaa banaa ke “Faysal”

jaane kyuuN Khud hii toR detaa huuN

Isse Pehle Ke Bewafa Ho Jayein

Isse Pehle Ke Bewafa Ho Jayein,

Kyon Na Aye Dost Hum Juda Ho Jayein,

Tu Bhi Heere Se Ban Gaya Patthar,

Hum Bhi Kal Kya Se Kya Ho Jayein,

Hum Bhi Majbooriyon Ka Uzr Karein,

Aur Kahein Aur Mubtala Ho Jayein,

IshQ Bhi Khel Hai Naseebon Ka,

Khaak Ho Jayein Kimiyan Ho Jayein,

Ab Ke Gar Tu Mile To Hum Tujhse,

Aise Liptein Teri Qabaa Ho Jayein,

Bandagi Humne Chhod Di Hai 'Faysal',

Kya Karein Log Jab Khuda Ho Jayein...

_________________

Apne Ehsaas Ki Shamma Ko Jalaye Hue Rakhna

Apne Ehsaas Ki Shamma Ko Jalaye Hue Rakhna,

Ek Dard Sa Seene Mein Jagaye Hue Rakhna,

Aas Paas Bikharna Apni Yaadon Ke Sab Moti,

Maazi Ke Sab Kirdaron Ko Bulaye Hue Rakhna,

Ilfaaz Ki Saugatein Jitni Bhi Milein Kam Hai,

Kadi Se Kadi Mila Kar Zanjeer Banaye Hue Rakhna,

Tanha Na Kabhi Rehna Ahbaab Ki Mehfil Mein,

Yaadon Ke Kisi Hajoom Ko Bikhraye Hue Rakhna,

Lamhon Ke Tasalsul Ko Hafon Ka Roop Dena,

Jazbon Ko Apne Simtaye Hue Rakhna,

Gaafil Na Kabhi Hona Dil Ke Badalne Se,

Sar Apni Ana Ka Har WaQt Uthaye Hue Rakhna,

Tanhayi Ke Alam Mein Milna Tum Kabhi Khud Se,

Par Ehsaas Ke Sehar Se Khudko Bachaye Hue Rakhna...

_________________

Dil ki Baat Labon Par Laa Kar Ab Tak Hum Dukh Sehte Hai

Dil ki Baat Labon Par Laa Kar Ab Tak Hum Dukh Sehte Hai,

Humne Suna Tha Is Basti Mein Dil Waale Bhi Rehte Hai,

Beet Gaya Sawan Ka Maheena Mausam Ne Nazrein Badli,

Lekin In Pyaasi Aankhon Mein Ab Tak Aansu Behte Hai,

Ek Hamein Awara Kehna Koi Bada Ilzaam Nahi,

Duniya Wale Dilwalon Ko Aur Bahut Kuch Kehte Hai,

Jinki Khatir Sheher Bhi Chhoda Jinke Liye Badnaam Hue,

Aaj Wahi Humse Begane Begane Se Rehte Hai,

Aaj Jo Abhi Us Raah Guzar Se Chaak Garebaan Guzra Tha,

Is Awara Deewane Ko Paagal Kehte Hai...

_________________

Mohabbat Mein Har Ek Lamha Wisl Karna Hai

Mohabbat Mein Har Ek Lamha Wisl Karna Hai,

Ab Pyaar Tujhe Har Din Maah-O-Saal Karna Hai,

Aage Bhi Badhna Hai Aur Tum Ko Bhi Paana Hai,

Khudase Bas Ek Yehi Sawal Karna Hai,

Kami Hogi Na Agaz Ta Anjaam-E-Mohabbat,

Dekho Humne Ab Ye Kamal Karna Hai,

Dar Na Jaana Kahin Zamane Ki Gardishko Dekh Kar,

Sirf Raat Aur Sawereka Khayal Rakhna Hai,

Jitni Bhi Aayein Nafratein Raaste Mein Tumhare,

Be Khauf-O-Khatar Sabko Pa'emal Karna Hai,

Anjaam Is Tarah Se Ho Ke Rutt Hi Badal Jaye,

Bilal Ezaton Ka Bhi Anee Magar Khayal Karna Hai...

_________________

Woh Jiska Naam Bhi Liya

Woh Jiska Naam Bhi Liya Paheliyon Ki Ott Mein,

Nazar Pheri To Chhup Gayi Saheliyon Ki Ott Mein,

Wo Tere Ishtayk Ki Hazar Hela Saziyan,

Wo Mere Istarab Yaar Baliyon Ki Ott Mein,

Chalo Ke Hum Bhi Bujhe Bujhe Ghar Ka Marsiya Kahei,

Wo Chaand To Utar Gaya Haweliyon Ki Ott Mein...

_________________

Mere Bagair Bhi Tum Jeena Hansi Khushi Se

Mere Bagair Bhi Tum Jeena Hansi Khushi Se,

Padta Hi FarQ Kya Hai Ek Shakhs Ki Kami Se,

Barbadiyon Mein Apni Bas Dosh Hai Hamara,

Tohmat Nahi Kisi Par, Shikwa Nahi Kisise,

Hai Saans Ab To Bhari, Jeena Bhi Ek Khwaari,

Yaa Rab Mujhe Utha Le, Hoon Tang Zindagi Se,

Ye Aayine Mein Jaane Hai Kaun Ab Dikhata,

Kyon Guftugu Karti Hoon Main Ek Ajnabi Se,

Deewangi Ki Mujh Par Tohmat Hai Jo Galat Hai,

Ruswa Hui Hoon Main To Apni Junoo-Gari Se,

Shagufta Baat Meri Pallo Mein Baand Lena,

Ummid Mat Lagana Ab Tum Kabhi Kisi Se...

_________________

Main MuQtal Mein Bhi Kismat Ka Sikandar Nikla

Main MuQtal Mein Bhi Kismat Ka Sikandar Nikla,

Qura-E-Faal Meren Aam Ka Aksar Nikla,

Tha Jinhe Za'am Wo Darya Bhi Mujh Mein Doobe,

Main Ke Sehra Nazar Aata Tha Samundar Nikla,

Maine Us Jaan-E-Baharaan Ko Bahut Yaad Kiya,

Jab Koi Phool Meri Shaakh-E-Hunar Se Nikla,

Sheher Walon Ki Mohabbat Ka Main Qail Hoon Magar,

Maine Jis Haath Ko Chuma Wohi Khanjar Nikla...

_________________

Bekhudhi Le Gayi Kahan Humko

Bekhudhi Le Gayi Kahan Humko,

Der Se Intezaar Hai Apna,

Rote Phirte Hai Sari Saari Raat,

Ab Yehi Rozgaar Hai Apna,

Deke Dil Hum Jo Ho Gaye Majboor,

Is Mein Kya Ikhtiyaar Hai Apna,

Kuchh Nahi Hum Misaal-E-UnQaa Leke,

Sheher Sheher Ishtehaar Hai Apna,

Jisko Tum Aasman Kehte Ho,

So Dilon Ka Gubaar Hai Apna...

_________________

Ek Hi Dharti Par Karte Hai Dono Rain Basera Bhi

Ek Hi Dharti Par Karte Hai Dono Rain Basera Bhi,

Neel Gagan Ke Saye Tale Ghar Tera Bhi Ghar Mera Bhi,

Rang-O-Nasl Ka Jhagda Kaisa, Kumba Ek Qabila Ek,

Tera Khoon Ka Laal Hai Rang, Waisa Hi Rang Mera Bhi,

Tera Mera Mazhab Kaisa, Pyaar Hi Sabka Mazhab Hai,

Ek Khuda Hai Tera Bhi Aur Tera Khuda Hai Mera Bhi,

Kaun Kisika Dost Hua, Jab Haath Mein Sabke Khanjar Ho,

Band Pitare Mein Rakhta Hai Apna Saanp Sapera Bhi,

Diar Hui Jab BurQ, Giri Thi, Ab Tak Wehshat Tari Hai,

Thak Kar Sooraj Dooblega To Chhayega Andhera Bhi...

_________________

Main Tumhe Dil Mein Basa L'un Agar Bura Na Lage

Main Tumhe Dil Mein Basa L'un Agar Bura Na Lage,

Main Tumhe Apna Bana L'un Agar Bura Na Lage,

Tum Hi Ho Chahat Meri Tum Hi Ho Manzil Meri,

Tumhe Dhadkan Mein Chhupa L'un Agar Bura Na Lage,

Shab-E-Tanhayi Mein Tera Intezar Karta Hoon,

Teri Neendon Ko Chura L'un Agar Bura Na Lage,

Tum Hi Khwahish Ho Tum Hi Khushi Ho Meri,

Tum Hi Se Tumko Chura L'un Agar Bura Na Lage...

Meri Zindagi Ek Masla Hai Tum Isse Nikal Jao

Meri Zindagi Ek Masla Hai Tum Isse Nikal Jao,

Is Zindagi Se Keh Do Aye Zindagi Badal Jao,

Main Tumse Nafrat Karta Hoon Mere Kooche Se Nikal Jao,

Is Mohabbat Se Keh Do Aye Mohabbat Badal Jao,

Mera Dil Bahut Tadapta Hai Is Dilse Nikal Jao,

Is Dilse Keh Do Aye Dil Badal Jao,

Main Chikh Chikh Kar Karta Hoon Tum Lad Kar Nikal Jao,

Is Muskaan Se Keh Do Aye Muskaan Badal Jao,

Main Dilko Kuch Samajhta Hoon Ise Tod Kar Nikal Jaun,

In Lafzon Se Keh Do Aye Alfaaz Badal Jao,

Main Izhaar-E-Mohabbat Chahta Hoon Mujhe Chhod Kar Nikal Jao,

In Jazbaat Se Keh Do Aye Jazbaat Badal Jao,

Kahin Main Kuch Keh Na Dun Tezi Se Nikal Jao,

In Lamhon Se Keh Do Aye Lamhaat Badal Jao...

_________________

IshQ Hai Bekhudhi Hai Kya Bas Teri Aarzu Hai Jaan

IshQ Hai Bekhudhi Hai Kya Bas Teri Aarzu Hai Jaan,

Puchho Na Zindagi Hai Kya Bas Teri Aarzu Hai Jaan,

Phoolon Ki Taazgi Hai Kya Chaand Ki Chaandni Hai Kya,

Rang Hai Roshni Hai Kya Bas Teri Aarzu Hai Jaan,

Meri Har Ek Soch Ki Hai Teri Zaat Tak Udaan,

Aur Meri Shayri Hai Kya Bas Teri Aarzu Hai Jaan,

Meri Shaam-E-Fikar Mein Hai Tere Pyaar Ki Mehek,

Phool Hai Kya Kali Hai Kya Bas Teri Aarzu Hai Jaan...

Bebas Bahut Hai Ke Ye Bimaar Bahut Hai,

Bebas Bahut Hai Ke Ye Bimaar Bahut Hai,

Ab Aake Milo Humse Dil Ko Ye Israar Bahut Hai,

Ek Shakhs Jo Har Aan Khafa Rehta Hai Mujhse,

Dil Uski Mohabbat Mein Giraftar Bahut Hai,

Mana Hamein Jeene Ka Qareena Nahi Aata,

Aye Zeest Magar Tujhse Hamein Pyaar Bahut Hai,

Kuch Hum Bhi Bulane Ka Taqaza Nahi Karte,

Kuch Unki Tabiyat Mein Bhi Inkaar Bahut Hai,

Is Zaat Ke Sehra Ki Kadi Dhoop Mein Humko,

Saathi Na Sahi Sai'ayy Deewar Bahut Hai...

_________________

Na Sawal Banke Mila Karo Na Jawab Banke Mila Karo

Na Sawal Banke Mila Karo Na Jawab Banke Mila Karo,

Meri Zindagi Mere Khwaab Hai Mujhe Khwab Banke Mila Karo,

Har Ek Shaam Ko Mere Doston Na Azab Banke Mila Karo,

Mujhe Mehgadeh Mein Milo Agar To Sharab Banke Mila Karo,

Mujhe Achhe Log Bahut Mile Main To Unke Qarz Se Mar Gaya,

Gar Ho Sake To Kabhi Kabhi To Kharab Banke Mila Karo,

Abhi Sochna Hai To Soch Lo Hamein Chhodna Hai To Chhod Do,

Naye Mausamon Mein Milo Mujhe To Gulab Banke Mila Karo,

Na To Is Tarah Se Mila Karo Na To Us Tarahse Mila Karo,

Haan Hazoor Banke Mila Karo Haan Janaab Banke Mila Karo...

_________________