juda jab ho jaoun to mari yaad main roya mat karna

juda jab ho jaoun to mari yaad main roya mat karna
har waqat k jagna oor dair say soya mat karna

younhi sotay main agar zikar ho jaye mara
khawab palkoon pay maray piroya mat karna

ho dil betab jab mujeh say milnay ko
piyar ki is judae main khud ko behal mat karna

hamain to har haal main jeena hay younhi tanha
tum apni zindagi banana hargiz mara intizar mat karna

chhupaaye dil me.n Gamo.n kaa jahaan baiThe hai.n

chhupaaye dil me.n Gamo.n kaa jahaan baiThe hai.n
tumhaarii bazm me.n ham bezabaan baiThe hai.n

ye aur baat ki manzil pe ham pahu.Nch na sake
magar ye kam hai ki raaho.n ko chhaan baiThe hai.n

fuGaa.N hai dard hai soz-o-firaaq-o-daaG-e-alam
abhii to ghar me.n bahut meharabaan baiThe hai.n

ab aur gardish-e-taqadiir kyaa sataayegii
luTaa ke ishq me.n naam-o-nishaan baiThe hai.n

vo ek lafz-e-mohabbat hii dil kaa dushman hai
jise shariat-e-ehasaas maan baiThe hai.n

hai maikado.n kii bahaaro.n se dostii 'Sagar'
baraaye had-e-yaqiin-o-gumaan baiThe hai.n

Jab Tak Main Zindah Hoon Mujhe Ji Bhar Sata Lo

Jab Tak Main Zindah Hoon Mujhe Ji Bhar Sata Lo!
Phir Kis Per Meray Baad Yah Ahsaan Karo Gay

Dekho Na Satao Chup Rahnay Do Aye Dost!
Mar Jain Gay Jis Din Tu Bohut Yaad Karo gay!

Bhar Aay Ga Dil Tum Se Anson Na Rokain Gay!
Ro Ro Kay Tasawur Main Humain Yaad Karo Gay

Aajao Kay Nahi Lagta Ab Dil Kisi Sourat!
Kia Is Dil Ko Kabhi Na Aabaad Karo Gay

Aye Dost Tumhain Chaha Hai Tamannaon Se Barhkar!
Khud Aik Rooz Is Baat Ka Iqrar Karo Gay

Pathar agar tha unka dil

Pathar agar tha unka dil
To mera kaanch ka na banaya hota
Unhain pighalna nahi aaya to
Mujhe sambhalna hi sikhaya hota

Koi kuch bhi na kahay to pata kya hai
Is bechain khamoshi ki wajah kya hai
Unhain ja kay koi kahay hum lay lenge zahar bhi
Woh sirf yeh to bata dain meri khata kya hai

Yeh tasavvur main bhi na tha hogi judaii bhi kabhi
Saza aisi hogi unsay dil lagaye ki kabhi
Hum to unki wafa ki laytay thay kasmain
Bewafa aise nikle kay nazar milayee na phir kabhi

Tore diye sab dil kay rishtay
Kar kay waadon ki her baat
Woh do qadam na saath day sake
Zindagi bhar kya dete khaak

tera aana meri dunya main aur chala jana

tera aana meri dunya main aur chala jana
jese ik phool ka bahaar main murjhaa jana....

dil ki dunya main bus k zindagi ko mehkaana
aur phir dour ja k deep sab bujhaa jana.....

Khushki sey chal k samandar k beech le aana
aur manjdhaar main yoon chor k chala jana.......

douri-ey-tashnagi k ehad ki wafa k liye
Lab-e-Furaat say piyaasa mujhe lota jana....

umer bher sath nibhanay ka ehad kar k ey Dost..
do kadam chal k hi daman ko yooon chhura jana........

tere firaaq main gar jaan chali jaey tu..
meri laash pe ik ashk tuu baha jaana..................

Mujhay bas itna kehna hai Kabhi main yaad aaoon to

Mujhay bas itna kehna hai
Kabhi main yaad aaoon to
Kabhi tanhai ki raatain
Tumhain ziada sataein to
Kabhi titli na bolay to
Aur jugnoo lout jaye to
Kabhi jab dil bhi bhar jaye
Koi jab sunn na paye to
Agar sab dost sathi bhi
Jo tum se rooth jaaein to
Kabhi jab khud se lar lar kar
Thakan se choor ho jao
Kabhi chahtay huay bhi khud akelay
Ro na paao to
Apni aankhon ko band karna
Mujhay aawaz de dena
Aur phir meray tasawwur se
Jo chaho batain keh dena
Meray kaandhay pe sir rakh kar
Tum jitna chaho ro lena
Phir khud main jab loat jao to
Us he duniya chalay jana
Magar bas itna kehna hai
Ke jab bhi dukh ya khushiyon main
Hamain dil se pukaro gay
Hamaintum saathpao gay.......

Aaj rootha huwa ik dost bohot Yaad aaya

Aaj rootha huwa ik dost bohot Yaad aaya
Acha guzra huwa kuch waqt bohot yaad aaya.....

meri aankhon k her ik ashk pe ronay wala
aaj jab aankh yeh roee tu bohot yaad aaya......

jo merey dard ko seeney mein chupa leta tha
aj jab dard huwa muj ko bohot yaad aaya.....

jo meri aankh mein kajal ki tarha rehta tha
aj kajal jo lagaya tu bohot yaad aaya.....

jo mere dil k tha kareeb faqat us ko hi
aj jab dil ney bulaya tu bohot yaad aaya.....

merey jeevan ki her khusi mein wohi tha Sonu
aaj jab yaad woh aaya tu bohot yaad aaya.....

tum merey paas aa jao naa

tum merey paas aa jao naa""
apney sab dukh batlao naa..
phir se meri dharrkan ko
tum apney lams se barhao naa....

tum merey paas aa jao naa

merye khuwabon ko mehka do naa..
merey honton ko phir se khila do na...
tum merey paas aa jao naa...

meri aankhon main bas jaao naa
meri zindagi ka ik ik pal
apni muskurahaton se mehka do naa
chamkaa do naa....

tum merey paas aa jao naa....

mera dil chahey
meri aarzoo ho...
teri aankhon main khushion ke
rang rang chamken..
ye bhi mera dil chahey...
pal pal zindagi tujhko
muskurati gungunati miley
tujhey khuwbon ki tabeer miley..

tum merey paas aa jao naa..

sirf merey ho jaao naa...
tum merey paas aa jao naa...
""""tum merey paas aa jao naaa

zindagi ke melay mein khawaishon ke railay mein

zindagi ke melay mein
khawaishon ke railay mein
tum se kiya kahen jana
iss qadar jhamele mein
waqt ki rawani hai
bakht ki girani hai
sakht bay zameeni hai
sakht la makani hai
hijr k samandar mein
takht or takhte ki
ik ki kahani hai
tum ko jo sunani hai
baat go zara si hai
baat umar bhar ki hai
umar bhar ki baatein kab
do ghari mein hoti hain
dard k samandar main
an ginat jazeere hain
be shumar moti hain
aankh k dariche mein
tum ne jo sajaya tha
baat uss diye ki hai
baat uss gile ki hai
jo laho ki khilwat mein chor ban k aata hai
lafz ki faseelon par toot toot jata hai
zindagi se lambi hai
baat rat-jagay ki hai
raste mein kaise ho
baat takhliyeh ki hai
guftogo izaafi hai
pyar karne walon ko
aik nigah kaafi hai
ho sake to sun jao
ek din akele mein
Tum se kia kahen jana
Iss qadar jhamele mein

Hamare Dil se Na Ja sakoge

Hamare Dil se Na Ja sakoge Hamarey Har Waqt Paas TUM HO
Ye Bat Hum Bhi Tou Mantey Hain K Waqte Rukhsat TUM Udas Ho

Kuch APney Aansu Kuch Apni Yadein Tumhein Nishaani Ham Aur Kia Dein
Hamarey Dil Ki Hain ye Muradein K Khush Raho Aur Kia Dein

Agar Kabhi Hamko Yad Karna Tou Ek Khat Likh Kar Shaad Karna
Na Yad Aaein Tou Bhool Jana Na Bhool Jao Tou Yad Karna

Agar hum kahein aur woh muskura dein

Agar hum kahein aur woh muskura dein
Hum un ke liye zindagni luta dein

Har ik mor par hum ghamun ko saza dein
Chalo zindagi ko mohabat bana dein

Agar khud ko bhule to kuch bhi na bhule
Ke chahat mein un ke khuda ko bhula dein

Kabhi ghum ke aandhi jinhe chu na paaye
Wafaun ke hum woh nasheman bana dein

Saza dein ke na dein bana ke mita dein
Magar woh koi faisila to suna dein

Ab Kis Aas Mai Betha Hai Navi Dehlees-e-hayat Pe

Ab Kis Aas Mai Betha Hai Navi Dehlees-e-hayat Pe
Is Tarhan Se Muntazir Rehna Bhi Kuch Munasib Nahi

Meri Mohabbat Ke Tapish Tujh Ko Pighlae Gi Ik Din
Jhooti Umedo Se Ji Ko Behlana Bhi Kuch Munasib Nahi

Hoa Kiyon Ker Masloob Eshq-e-Navi, Koi Kiya Janey.!
Her Ik Ko Razdaan Banana Bhi Kuch Munasib Nahi

Jub sey tum ko dekha hai

Jub sey tum ko dekha hai ,.
kuch mujh ko aisa lagta hai

In ankhon main aik chup si hai
Aur bala ka shor bhi hai

in ankhon main aik gehraie si hai
aur wafa ka zor bhi hai

Jub say tum ko dekha hai
Kuch muj ko aisa lagta hai

in akhon main aik aas si hai
aur umeed ka saath bhi hai

Dil main ab yoon tairay bhoolay huway gham aatay hain

Dil main ab yoon tairay bhoolay huway gham aatay hain
Jaisay bichray huway Kaabay Main sanam aatay hain

Aik aik kar k huway jaatay hain taaray rooshan
Mairi manzil ki taraf tairay qadam aatay hain

Raqsay mai taiz karoo saaz ki lay taiz karoo
Sooay maikhana safeeranay harram aatay hain

Sirf Itna Hi Kaha Hai, Pyaar Hai Tum se

Sirf Itna Hi Kaha Hai, Pyaar Hai Tum se
Jazbaton Ki Koi Numayish Nahin Ki

Pyaar Ke Badle Sirf Pyaar Manga Hai
Rishte Ki To Koi Guzarish Nahin Ki

Chaho To Bhula Dena Humein Dil Se
Sada Yaad RakhneyKi Sifarish Nahin Ki

Khamoshi Se Toofan Seh Letey Hai Jo
Un Baadlon Ne Izhar Ki Baarish Nahin Ki

Tumein Hi Mana Hai Rehnuma Apna
Aur to kisi Cheez Ki Khwahish Nahin ki

Pathar Bana Dia Mujahy Rone Nahi Diya

Pathar Bana Dia Mujahy Rone Nahi Diya
Damaan Bhi Tere Gham Ne Bighone Nahi Dia


Tanhaiyan Tumhara Pata Poochti Rahain
Shaab Bhar Tumhari yaad Ne Sone Nahi Dia

Ankhon Mein Akar Beth Gai Annsoon Ki Lehar
Palkon PeKoi Khoawab Perone Nahi Dia

Dil Ko Tumhare Naam Ke Ansoo Aziz Thay
duniya Ka Dard Dil Mein Samone Nahi Diya

Nasir Yoon Uski Yaad Chali Haath Thaam Ke
Mele Mein Is Jahan Ke khone Nahi diya

Jab Yunhi Kabhi Bethay Bethay

Jab Yunhi Kabhi Bethay Bethay

Kuch Yaad Achanak Aa Jaaye

Har Baat Se Dil Beyzaar Sa Ho

Har Cheez Se Dil Ghabra Jaaye

Karna Bhi Mujhay Kuch Or Hi Ho

Kuch Or Hi Mujh Se Ho Jaaye

Kuch Or Hi Sochoon Mein Dil Mein

Kuch Or Hi Honton Per Aaye

Aisay Hi Kisi Ik Lamhay Mein

Chupkay Se Kabhi Khamoshi Mein

Kuch Phool Achanak Khil Jaayen

Kuch Beetay Lamhay Yaad Aayen

Us Waqt Teri Yaad Aati Hai

jab Chandni Dil Ke Aangan Mein

Kuch Kehnay Mujh Se Aa Jaaye

Ik Khuwabeeda Se Chote Koi

Ehsaas Pe Meray Chha Jaaye

Jab Zulf Pareeshan Chehray Per

Kuch Or Pareeshan Ho Jaaye

Kuch Dard Bhi Dil Mein Honay Lagay

Or Saans Bhi Bojhal Ho Jaaye

Aisay Hi Kisi Ik Lamhay Mein

Chupkay Se Kabhi Khamoshi Mein

Kuch Phool Achanak Khil Jaayen

Us Waqt Teri Yaad Aati Hai

Jab Shaam Dhalay Chaltay Chaltay

Manzil Ka Na Koi Naam Milay

Hansta Hova Ik Aaghaz Milay

Rota Hova Ik Anjaam Milay

Palkon Pe Laraztay Ashkon Se

Is Dil Ko Koi Peghaam Milay

Or Saari Wafaon Ke Badlay

Mujh Ko Hi Koi Ilzam Milay

Aisay Hi Kisi Ik Lamhay Mein

Chupkay Se Kabhi Khamoshi Mein

Kuch Phool Achanak Khil Jaayen

Kuch Beetay Lamhay Yaad Aayen

Us Waqt Teri Yaad Aati Hai

Shidat Se Teri Yaad Aati Hai

Ager cha omer-e-rafta k dhairoon bars daikhay hain

Ager cha omer-e-rafta k dhairoon bars daikhay hain
tajrubay ki haseeen gheryaan
hamaray paas say ho ho k guzri hain
sukh aur dukh k her lamhay say
hum nay huz uthaya hai
kitni ghaltian serzad na honay k bais
hamaray paas say ro ro k guzri hain
mager naraaz logoon ko mananay ka saleeqa
hamain ab tuk nahi aaya
dostoon ki khafgioon ,narazioon ko door kernay ka
ya fun qat'un nahi aaya
yoon samjho k is lateef dunya dari k hawalay say
abhi hum tifl-e-maktab hain
yaari dosti k in marahil ko pukhta bananay main
hamaray taaray milanay main
samay ki taiz dhara ko abhi kuch aur chalna hai
hamari janib sy logoon ko mananay main ,naye(new) tauluq
bananay main
abhi kuch waqt lagna hai
mager hum ya baat wasooq say kehnay k qabil hain
k ager tum maaf ker do gay
tumhari mohabbat ki narm phavaroon say jub
hum bheeg jain gay
to rishtay nibhnay ka ya fun
bhi seekh jain gay

Lafz Adhoray Lagtay Hain Har Baat Adhori Lagti Hai

Lafz Adhoray Lagtay Hain Har Baat Adhori Lagti Hai
Chand Bhi Nahi Nikla Ye Raat Adhori Lagti Hai

Baras Rahay Hain Badal Meray Ashiyanay Per Qahar Ki Tarhaan
Abhi Tota Nahi Makaan Mera Ye Barsaat Adhori Lagti Hai

Kab Tak Sahara Den gi Umeedain Meri Sansoon Ko
Milta Nahi Koi Maharbaan Ye Kainaat Adhori Lagti Hai

Milti Hain Khushiyaan Bhi Mujhay Lamhoon Ke Wasta
Gar Gham Hi Moqadar Hain To Ye Soghaat Adhori Lagti Hai

Kis Se Gila Karoon Koun Sune ga Meri Daastan-E-Tanhaai
Likha Tha Jis Per Mera Naseeb Wo Kitaab Adhori Lagti Hai

faslay asay bhi hon gay darmian ye kabhi socha na tha

faslay asay bhi hon gay darmian ye kabhi socha na tha
samnay baitha tha mairay or wo maira na tha 

wo khusbo ki tarha phaila tha mairay chaar so
main usay mehsos kar sakta tha chosakta na tha 

raat bhar pichli si aahay kaan main aati rahi
jhaank kar daikha gali main koi bhi aya na tha 

aaj is nay dard bhi apnay alehda karliay
aaj to main roya to mairay sath wo roya na tha 

ye sabhi veranian is k juda honay say thin
aankh dhund lai hoi thi shar dhund laya na tha...

TU NEY AGIYAR SE MAHFIL KO SAJA RAKHA HAI

TU NEY AGIYAR SE MAHFIL KO SAJA RAKHA HAI
MAIN KHUD SE B MAGAR KHUD KO BACHA RAKHA HAI

KYA HUWA JO TU MARE SATH NAHIN CHAL SAKTA
HAMSAFAR YAAD K JHUKON KO BANA RAKHA HAI

UMAR BHAR SATH NA CHORIN GY SADA CHAHIN GY
SIRF ILAFZ THY, ILAFZ MAIN KYA RAKHA HAI

BEWAJA MAIN NEY GIREBAN KO NAHIN CHAK KIYA
SANG TU NEY B HATON MAIN UTHA RAKHA HAI

THI FAROZAN KABHI EK SHAMA_E_MUHABAT JIS MAIN
MUJH KO DEWANA US DIL NE BANA RAKHA HAI

DAM-BAKHUD DEAKH RAHA HAI WOH MARE DAMAN KO
MARE DAMAN MAIN TO BAS KHUWAB-E-WAFA RAKHA HAI

Aankon pe aansoo ki lakeer ban gayee Kabhi

Aankon pe aansoo ki lakeer ban gayee Kabhi
na socha tha aise takdeer ban gayee
Humne to pheri thi yuin hi rait mein ungliyan ..
Ghor se dekha to teri tasveer ban gayee ....


Hum use bhula kar bhi nahi ji sake,
hum use yaad rakh kar bhi nahi ji sake,
mar jaate kabke unke bina par unki baaho
ke bina mar bhi nahi sakte.




Mohabbat ke bhi kuch andaz hote hai,
jagti ankhon me bhi kuch khawb hote hai,
zaruri nahi ki gum me hi ansu nikle,
muskurati ankhon me bhi sailab hote hain.



Tere hote hue bhi tanhai mili hai,
wafa karke bhi bewafai mili hai,
jitni dua ki tumhe pane ki,
us se jyada teri judai mili hai.


Ae palak tu band ho ja,
khwabo mein unki surat to nazar aayegi,
intezar to subah dubara shuru hoga,
kam se kam raat to khushi se kat jayegi.

Aansoo Mein Na Dhoondna Humein

Aansoo Mein Na Dhoondna Humein
Dil Mein Hum Bas Jayen gye

Tamanna Ho Agar Milne Ki,
To Band Aankhon Mein Nazar ayen gye

Lamha Lamha Waqt Guzarr Jaye ga
Chand Lamhoo Mein Daaman Choot Jaye ga

Aaj Waqt Hai Do Baatein Kar Lo Humse
Kal Kya Pata Kon Apki Zindagi Mein Aa Jaye ga.

Paas Aa kar Sabhi Door Chale Jaate Hai
Hum Akele The Akele Hi Reh Jaate Hai

Dil Ka Dard Kisse Dikhaye,
Marham Lagane Wale Hi Zakhm De Jaate Hai

Waqt To Humein Bhula Chuka Hai
Muqaddar Bhi Na Bhula De

Dosti Dil Se hum Isi liye Nahin Karte,
Kyun ke Darte Hai,Koi Phir Se Na Rula De,

Zindagi Mein Hamesha Naye Log Milen gye
Kahin Ziyada To Kahin Kam Milen gye

Aitbaar Zara Soch Kar Karna,
Mumkin Nahi Har Jagah Tumhe Hum Milen gye

Khushbo Ki Tarah Aapke Paas Bikhar Jayen gye
Sukon Ban kar Dil Me Utar Jayen gye

Mehsoos Karne Ki Koshish To Kijiye,
Door Hote Hoye Bhi Pass Nazar Ayen gye

ik baat kahoon ger suntay ho

ik baat kahoon ger suntay ho
tum mujh ko achay lugtay ho
kuch chunchal se kuch chup chup se
kuch pagal pagal lugtay ho
hein chahnay walay our bohat
per tum mein hai ik baat bohat
tum apnay apnay lugtay ho
ik baat kahoon ger suntay ho
yeh baat baat pe kho jana
kuch kehtay kehtay ruk jana
yeh kis uljhan mein rehtay ho
kaya baat hai hum se keh dalo
ik baat kahoon ger suntay ho
tum mujh ko achay lugtay ho

kal hum ne sapna daikha hai

kal hum ne sapna daikha hai
jo apna hoo nahi sakta hai
uss shakhs ko apna daikha hai
woh shakhs ke jis ke khatir hum ne
iss dais phirain, uss dais phirain
joogi ka bana kar bhais phirain
chahat ke niraale geet likhain
jee mohne walle geet likhain
dharti ke mehakte baghoon se
kaliyoon ke jhooli bhar layain
anbar ke sajeele mundal se
taaroon ke dooli bhar layain
haan kis ke liye, sab us ke liye
woh jis ke lap pe taisoo hai
woh jiss ke naina ahoo hain
jo khaar bhi hai aur khushbo bhi
jo dard bhi hai aur daroo bhi
woh alhar si, woh chanchal si
woh shair si, woh pagal si
loog aap hi aap samajh jayen
hum naam na uss ka bat'layain
aye daikhne waloo tum ne bhi
uss naar ki peet ke anchoon mein
iss dil ka tapna daikha hai ?
kal hum ne sapna daikha hai...

Usay apnay ferd ki fikar thi

Usay apnay ferd ki fikar thi
Jo mera waqif-e-haal tha
Wo jo us ki subah urooj thi
Wohi mera wakt-e-zawaal tha

Kaha jao ge mujhay choor k
Main yea pouch pouch k Thak giya
Wo jawab mujh ko na desaka
Wo to khud hi sarapa-e-sawal tha

Mere baat kase wo maanta
Mera Dard kase wo jaanta
Wo to khud fana ke safar main tha
Usay rookna bhi mohaal tha

Wo jo us ke samnay aa giya
Wo hi roshany mian naha giya
Ajab uski haibat-e-ishq thi
Ajab uska rang-e-jamal tha

Dam-e-Wapisey
Arey kiya hua
Na wo roshany na wo tazagy
Wo sayara kaisay bikhar giya
Jo apny misaal app tha

Wo mila to sadyo k bad bhi
Mere lab pai koi gila na tha
Usay mere chup na rula diya
Jisay guftago main kamal tha

Mere paas aa k wo ro diya
Mujhay itna hi kh saka
Jisay jaanta tha main zindagy
Wo to mera weham-0-khayal tha

gairon ko dard sunaney ki zaroorat kya hai

gairon ko dard sunaney ki zaroorat kya hai,
hal-e-dil sub ko bataaney ki zaroorat kya hai,

na mita pao gay tum dil se mera naam kabhi,
phir kitabon se mitaney ki zaroorat kya hai,

yun to umer kum hai muhabbat k liye,
root ker waqt gawaney ki zaroorat kya hai,

jub muhabbat ka sila milta nahi logoun se,
uney is kader toot k chahney ki zaroorat kya hai,

Itni muddat bad mile ho,kin sochoon mein gum phirte ho

Itni muddat bad mile ho,kin sochoon mein gum phirte ho
itne khaaef kiyon rehte ho, har aahat say darr jate ho 

tez hawa nay poocha mujh say, rait pay kiya likhti rehti ho
kaash koi hum say yeh bhi poochay, raat bhar tak kiyon jagti ho

Kaisay kahoon main akaili hon tujh bin aay dost meray
saaya ban kar sath meray, har pal tum to rehtay ho.

Main dariyaa say darrti hon, tum dariyaa say bhi gehray ho
koun se baat hai tum mein aisi, itnay achay kion lagtay ho.

Meray jazboon say kabhi, kabhi meray khiyalon say ulajhtay ho
kehnay ko rehtay ho dil mein, phir bhi kitney doore rehtay ho.

Dharrakta hai dil mera bas abb teray hi naam par
JAAN MERI! tum meray dil mein dharrkan ban kar rehtay ho.

Hum say na poocho hijar kay qissay, apni kaho tum kaisay ho
tum ziddi bahot ho, jaisay ho, phir bhi achay lagtay ho.

Usey main hi likha tha

Usey main hi likha tha
Lehjey barf ho jain
Tu pigla nahi kertey
perndey dur ker ur jaian
Tu phir lota nahi kertey
Usey main hi likha tha
Yaqeen uth jaey tu shaid
khabi wapis nahi ata
Hawaon ka koi Tufan
khabi barish nahi lata
Usey main hi likha tha
Key shesha tout jey tu
Khabi jur nahi pata
Jo rastey sey Batuk jaey
Wo wapis mur nahi pata
Usey kehna wo bey-mani adhura khat
usey main hi likha tha
Usey kehna key Deewaney
Mukamal khat nahi likhtey!!

Zindagi Main Meri Yeh Ajab Mour Hai Aya

Zindagi Main Meri Yeh Ajab Mour Hai Aya
Who Shaks Bhi Kho Gaya Jisey Tha Mudaton Main Paya
Uss Ka Masoom Sa Chera Meri Nigahon Ko Bhaya
Iss Pasandeedgi Ney To Isqh Ka Hai Rogg Lagwaya


Kabhi Jo Hasney Hasaney Ki Baat Kerta Tha Mujh Sey
Aaj us Ki Narazgi Ney Mujhey Betahasha Rulaya


Woo Na Mana To Pall Main Bikher Jaon gi Main
Dil Hota Hai Woo, Gher Jo Ujjra To Kissi Ney Na Basaya

Kabhi Kitabon Mein Phool Rakhna

Kabhi Kitabon Mein Phool Rakhna
Kabhi Darakhton Pe Naam Likhna
Hamein Bhi Yaad Hai Aaj Tak Wo
Nazar Say Harf-e-Salam Likhna



Wo Chand Chehray, Wo Behki Batein
Sulagtay Din Thay, Sulagti Ratein
Wo Chotay Chotay Se Kaghazon Par
Muhabbaton Kay Payaam Likhna




Gulab Chehron Say Dil Lagana
Wo Chupkey Chupkey Nazar Milana
Wo Arzu'on Kay Khwab Bun'na
Wo Qissa-e-Na Tamaam Likhna



Mere Nagar Ki Haseen Fizao
Kaheen Jo Un Ka Nishan Pao
To Poochna Ke Kahan Basay Wo
Kahan Hai Un Ka Qayam Likhna



Gayee Ruton Mein Rubab Apna
Bas Ek Yeh Hi To Mashghala Tha
Kisi Kay Chehray Ko Subah Likhna
Kisi Kay Chehray Ko Sham Likhna

Agar mohabbat meri sachi hai to ik din zaroor mila de gi

Agar mohabbat meri sachi hai to ik din zaroor mila de gi
Agar zid meri pakki hai to aey Khuda asman ko bhi hila de gi

Na inkaar kar sakta hai koi meri wafa se, mujhe yakeen hai
Par tum sambhalna ek din meri wafa tujhe bewafai ka sila degi

Yeh baat sach hai ke tumne humse pyaar kiya par dusare hi pal bhula diya
Mera pyaar itna aashan na tha na socha tha ke teri mohabbat daga de gi

Na bhula sakon gi woh mohabbat na woh bewafai, jo tu ne ki
Saza iss se barh ke kya de gi ke umar bhar meri mohabbat tujhe dua de gi

Agar dam hai meri wafa-e-mohabbat mein to woh ik din, aye ga zaroor
Jab meri yaad mein to tarpe ga par tab tujhe apni mohabbat na de gi

Tum Chao To Mujhay Apnay Seenay Main Chupa Saktay Ho

Tum Chao To Mujhay Apnay Seenay Main Chupa Saktay Ho.
Tum Chao To Mujhay Apnay Dil Ki Har Baat Bata Saktay Ho

Tum Chao To Mujhay Sahra Say Nikal Saktay Ho
Tum Chao To Mujhay Saiban Day Saktay Ho

Tum Chao To Mujhay Tapte Dhoop Say Bacha Saktay Ho
Tum Chao To Mujhay Apnay Wajood Main Chup Saktay Ho

Tum Chao To Andairee Raat Ki Chadar Parh Kar
Tum Chao To Ik Diya Roshni Ka Jala Sakltay Ho

Tumhay Malom Hai Kay Yah Zinadagi Kuch Dino Ki Hai
Tum Chao To Isay Hans Kar Guzar Saktay Ho

Tum Chao To Mujhay Apne Zindagi Bana Saktay Ho
Tum Chao To Mujhay Apnay Seenay Main Chupa Saktay Ho

Tum Chao To Mujhay Apnay Dil Ki Har Baat Bata Saktay Ho
Tum Chao To Kia Nahi Kar Saktay

Tum Chao To Sub Kuch Kar Saktay Ho
Bus

Baat Tumhary Chahny Ki Hai..

IK BAAR KAHO TUM MERI HO

Hum ghoom chuke basti ban main
ik aas ki phans liye man main
koi sajan ho, koi piyara ho
koi depak ho, koi tara ho
jab jeewan raat andhairi ho

IK BAAR KAHO TUM MERI HO

jab sawan badal chaye hoon
jab phagan phool khilaye hoon
jab chanda roop lutata ho
jab soraj dhoop nahata ho
ya shaam ne basti ghairi ho

IK BAAR KAHO TUM MERI HO

haan dil ka daman phaila hai
kiyon gori ka dil maila hai
hum kab tak peet k dhoke main
tum kab tak door jharoke main
kab deed se dil ko sairi ho

IK BAAR KAHO TUM MERI HO

kiya jhagra sood khasare ka
ye kaaj nahi banjaare ka
sab sona roopa le jaye
sab duniya, duniya le jaye
tum aik mujhe bohteri ho

IK BAAR KAHO TUM MERI HO

wo mere paas hai kia paas bulaoon us ko

wo mere paas hai kia paas bulaoon us ko
dil main rehta hai kahan dhoondne jaon us ko

ajj phir pehli mulaqaat se aaghaz keroon
ajj phir door se hi dekh k aaon us ko

qaid ker loon usse aankhoon k naha khaane main
chahta hoon k kisi se na milaaon us ko

usse duniya ki nigahoon se keroon main mehfooz
wo wehaan ho k jehan dekh na paoon us ko

chalna chaahe to rekhe paaoon mere sine pe
bethna chahe to ankhon pe bithaoon us ko

wo mujhe itna sabak , itna sabak lagta hai
kabhi gir jaaye to palkoon se uthaon us ko

mujhe maloom hai akhir to juda hona hai
lekin ik baar to sine se lagaoon us ko

YAAD se us ki nahi khaali koi bhi lamha
phir bhi darta hoon kahin bhool na jaoon us ko

mujh pe yeh raaz isi aik hawale se khula
baat us ki hai mager kaise bataoon us ko

yeh mera dil , mera dushman , mera deewan dil
chahta hai ke sabhbi zakham dikhaoon usko

aaj too dhoop main taizi hi bohat hai warna
aapne saye se bhi shehzaad bahaoon us ko

Dil Ki Baat Zaban Tak Lana Kitna Mushkil Hai

Dil Ki Baat Zaban Tak Lana Kitna Mushkil Hai
Halay Dil Auroon Ko Sunana Kitna Mushkil Hai

Aik Humain Hai Teri Chahat,Aik Dunya Ki Majbori
Beech Samandar Diya Jalana Kitna Mushkil Hai

Tum Dunya Ki Shedai Ho,Main Sapnon Ka Bashinda
Sath Humain Yon Tera Nibhana Kitna Mushkil Hai

Aik Naye Dunya Ki Chahat Lay Aye Hai Kitni Door
Wapis Laut K Ghar Ko Jana Kitna Mushkil Hai

Wehshat K Saaz Pe Raksaan Matam K Kuch Alfaaz
In Hontoon Pe Geet Sajana Kitna Mushkil Hai

Apnay Hontoon Se Ana K Talay Hum Se Na Khol Payen Gain
Door Hote Sathi Ko Bholna Mitna Mushkil Hai

Ab Tu Har Aik Hi Hum Ko Dard Ka Mara Lagta Hai
Apne Zakham Logon Ko Dikhana Kitna Mushkil Hai

Roz Muhj Se Aik Naye Tamana Karta Hai Yeh Mera Dil
Is Nadaan Bache Ko Samjhana Kitna Mushkil Hai

Hum Ankhoon Se Kehne Wale Tum Hontoon Ko Sunane Wale
Apni Chahat Yon Tumhain Batana Kitna Mushkil Hai

Us ne phir poocha meri khamoshi ka sabab

Us ne phir poocha meri khamoshi ka sabab...

Is rangein duniya mein udasi ka sabab...

Is terha toot kay chahne ka sabab...

yun apne dil mein Basane ka sabab...


har lamha us ko sochne ka sabab...

apne naam Se yun jorne ka sabab...

bahoon mein rakhne ki tamana ka sabab...

labon se choone ki tamana ka sabab..

juda ho janay kay dar ka sabab...

kho janay kay dar ka sabab...

bichar janay kay dar ka sabab...

bhool janay kay dar ka sabab...

kia kahoon mein...kia kehta

bas yahi keh saka...Kay

tum meri ho

mujhay tum se mohabat hai..

Kahaan Aa Kay Rukney Thay Raastey, Kahaan Moor Tha, Ussay Bhool Jaa

"Kahaan Aa Kay Rukney Thay Raastey, Kahaan Moor Tha, Ussay Bhool Jaa
Joo Mil Gaya Ussay Yaad Rakh, Joo Nahien Mila Ussay Bhool Jaa


Woh Tere Naseeb Ki Baarishein Kisi Aur Chhat Pe Pe Baras Gayien
Dil-e-Bekhabbar Meri Baat Sun, Ussay Bhool Jaa, Ussay Bhool Jaa


Mein Too Gum Thaa Tere Hi Dehyaan Mein, Teri Aass Tere Gumaan Mein
Saba Keh Gayi Mere Kaan Mein, Mere Paas Aa Ussay Bhool Jaa


Kisi Ki Aankh Mein Nahien Ashq-e-Gham, Tere Baad Kuch Bhi Nahien Hai Kam
Tujhe Zindagi Ney Bhulaa Diya, Tu Bhi Muskuraa Ussay Bhool Jaa

Dil Ki Batain , Bata Deti Hain , Aankhen

Dil Ki Batain , Bata Deti Hain , Aankhen ,
Dharkanon Ko Jaga Deti Hain, Aankhen ,
Dil Pe Chalta Nahi Jadoo, Cheroon Ka Kabhi ,
Dil Ko Tu , Deewana Bana Deti Hain ,Aankhen,
Woh Hum Se Baat Nahi Karte , Tu Na Kare ,
Haal Sara Unke Dil Ka , Suna Deti Hain Aankhen,
Gham Sada Rehta Nahi , Aadmi Ke Saath,
Ashk Bana Kar , Chalka Deti Hain Aankhen,
Aata Hai Jab Dor - E - Jawani , Tu Ae Dosto,
Sunder Sapne Zehan Mein ,Basa Deti Hain Aankhen,
Ma Na Ke Neend Aati Hai , Aankhon Hi Ke Raste ,
Magar Kabhi Kabar ,Neend ,Ura Deti Hain Aankhen,
Eesha Shukar Hai , Khuda Ne Ata Ki , Aankhon Ki Neamat Humain,
Dard -O-Gham ,Sare Dil Ke , Chupa Deti Hain Aankhen.

sochti hoon jane kaise? kah paoon ghi main us say

sochti hoon jane kaise? kah paoon ghi main us say
milti hoon to dil ki sari batein badal jati hain


chahe "manzil" "dushwar" ho aur "duur" bhi
humsafer us jaisa ho to musaftein badal jati hain


yun to "raat" ka alam haseen hota hai, madhosh bhi
magar"chand"dekhoon to meri ratein badal jati hain


mat chaho,k mujhe aadat nahi itna chahne walon ki
yeh na ho log kahein, jald hi adatein badal jati hain

Jab tumhein yeh yaqeen ho jaye

Jab tumhein yeh yaqeen ho jaye
ke main tumhein kitna chahta hoon
Tumse kitni mohabbat karta hoon
To usi din tum laut aana
Tum mujhe apna muntazir paao gi

Jab tumhain aisa lage ke
koi tumhare sang nahi hai
koi tumhara hamdam nahi hai
To usi din tum laut aana
Tum mujhe apna muntazir paao gi

Jab tumhain zindagi dushwar lage
Jab koi umeed na koi aas ho
koi bhe na tumhare pass ho
To usi din tum laut aana
Tum mujhe apna muntazir paao gi

Agar kabhi yadein bohat dukh de
Tanhai ka ehsas bohat satae
To usi din tum lautt aana
Tum mujhe apna muntazir paao gi


Jab you lage tumhain ke
Tum ab aik qadam bhe nahi chal sakti
Mazeed is aag main nahi jal sakti
To usi din tum laut aana
Tum mujhe apna muntazir paao gi

Jab har saans boojh lagne lage
Tum andar hi andar tootne lago
To ausi din tum lautt aana
Tum mujhe apna muntazir paao gi

Na mile panah kisi key banhoon main
Aur shiddat se kisi ke zaroorat ho
To usi din tum laut aana
Tum mujhe apna muntazir paao gi

Jab yeh ehsas tumhain tadpane lage
Ke tum ne kabhi tukraya tha kisi ko
Yah phir koi tumhain tukra de
To usi din tum laut aana
Tum mujhe apna muntazir paao gi

Aankhoon main ajay agar ashk tumhari
Aur koi shaks pouchne wala na ho
koi ghum bant ne wala na ho
To usi din tum lautt aana
Tum mujhe apna muntazir paao gi

Koi tord de agar dil tumhara
Ho agar na koi muqabil tumhara
Tanhai ka ehsas bohat sataee
To usi din tum laut aana
Tum mujhe apna muntazir paao gi

Yeh to dukh deti hain sada
Tumhain bhe yadein sataye jab
Mehfil main bhe khud ko tanha paoo
To us din tum laut aana
Tum mujhe apna muntazir paao gi

Yeh mera wada raha tumse
Jo kuch bhe main ne kaha tumse
Yeh sab na bhool paoo gi
Tum muje sada,sada apna muntazir paoo gi,

Yeh ik piyara sa jo rishta hai

Yeh ik piyara sa jo rishta hai
Kuch mera hai, Kuch tera hai

Kahen likha nahin kahen parha nahin
Kahen dekha nahin, kahen suna nahin

Phir bhi jana pehchana hai
Kuch mera hai, Kuch tera hai

Kuch masum sa, Kuch ulbela
Kuch apna sa, Kuch begana hai

Kuch chunchul sa, Kuch shurmila
Kuch sukh sa, Kuch sunjida hai

Kuch uljha howa, Kuch suljha suljha
Kuch masti bhara, Kuch khafa khafa hai

Kuch mera hai Kuch tera hai
Yeh piyara sa jo rishta hai

Kabhi kari dhoop main saya hai
Kabhi andheri raat main jugnu hai

Kabhi bin badal barsaat hai
Kabhi bhutkay hawaon ka rah-bur hai
Kabhi rasta hai, Kabhi munzil hai

Kuch mera hai Kuch tera hai
Yeh piyara sa jo rishta hai

Kabhi dhagay say isay badha nahhin
Kabhi ehad-o-paiya'n main jukra nahin
Kabhi haq bhi to apna jutaya nahin

Phir bhi yeh kitna piyara hai
Jisay hum nay sachey moti ki turha
Dil ki sipi main qaid kiya
Sub ki nazro'n say dhanp liya

Kabhi maan diya, kabhi aitbar kiya
Sub kuch hi is par var diya

Kuch mera hai Kuch tera hai
Yeh piyara sa jo rishta hai

Bohat Door Hai Tu Mager Phir B Hum Ko

Bohat Door Hai Tu Mager Phir B Hum Ko
Teray Pass Anay Ko Dil Chahata Hai


Dosti Tujh Say Nahi Teri Seerat Say Ki Hai
Is Liye Dost Bananay Ko Dil Chahata Hai


Bharoosa Na Tha Dosti Par Kabi Hum Ko
Teray Milnay Ke Bad Bharoosa Karnay Ko Dil Chahata Hai



Hamain Narazgi Main Is Terhan Manaya Hai Tu Nay
K Phir Ruth Janay Ko Dil Chahata Hai


Tu Acha Hai Tujh Say Tu Rutha Na Jaye
Per Tujhay Satanay Ko Dil Chahata Hai


Dosti Nay Diya Bohat Faraib Hum Ko Mager
Teri Dosti Ko Nibhanay Ko Dil Chahata Hai


Tu Sehta Hai Sab Kuch Magar Piyar Kerta Hai
ALLAH Say Tujhay Mangnay Ko Dil Chahata Hai

dosti ik anmol rishta hai

dosti ik anmol rishta hai
jo ik phool ke manind hai
woh phool ke jo khil kar sare bhaag ko mautar kar de
haan dosti woh rishta hai
jo do dilon se shoro hota hai magar
janmon yaad rehta hai
janmon sath rehta hai
haan woh rishta hai,
ke jo kabhi bulaya nhi ja sakta
kabhi tora nhi ja sakta
haan sachi dosti kabhi toot ti nhi
kabhi mit ti nhi
to aao phir ik ehad karen
hum bhi sachi dosti karen

Baat suno dostoo Jo bi dunia kehye

Baat suno dostoo
Jo bi dunia kehye
us ko parkhye bina maan layna nehi
sari dunia yeh kehti hai
Parbaat par charnye ki nisbaat utarna bohat sehal hae
Kis tarha maan lain ?
Sarfarazi ki dhun mein
Koi aadmi jab bulandi k rastye chalta hae
toh baat tak karnye ko rukta nehi
aur oushi shakhas ko
umar ki siriyoon se utartye huye Paaoon uthta nehi
Iss liye Dostoo
jo bi Dunia kahe
ous ko Parkhye bina jaan layna nehi
Sari dunia yeh kehti hai
aasal safar toh in aankhoon mein pheala huwa khawab hai
Kis tarha maan lain ?
tum ne dekha nehi
umar kiss saraab mein b aajab khal hain
khawab toh khawab hain
hum khuli aankh se jo dekhtye hain woh hota nehi
Rabtey k liye Rastye ki tarha aadmi
apne khawaboon ko bi kaat dyta hae
lekin sulagta huwa rasta phir bi kaata nehi
Iss liye Dostoo
jo bi dunia kahe

Ye na samajh k bichra hoon too bhool gaya hoon

Ye na samajh k bichra hoon too bhool gaya hoon
Teri dosti ki khushbo mere hathoon main aaj bhi hai

Mohabbat se bhar ker mujhe tum se aqidat hai aye dost
Ye muqaam tera buland tera sab doston main aaj bhi hai

Tu woh hai jo barson ki talash ka samer hai
Tumhain sochna meri yaadon main aaj bhi hai

Ye aur baat hai k majburiyon ne nibhane na di dosti
Warna shamil sachai mari wafaon main aaj bhi hai

Mera her shair meri chahton ki gawahi de ga
Chahton ki khushbo inn lafzon main aaj bhi hai

Zindagi main jis ko bhar ker chaha wo tum he ho
Wasy shamil her shakhs mare doston main aaj bhi hai

Shairon ka lafz lafz tasawar bana hai
Safhy safhy main ek aks kitabon main aaj bhi hai

Her lamha zindagi main mohabatain naseeb hoon tumhain
Shamil meri duaon main tu aaj bhi hai........!!!

Itna hi yaad rakh mujhe Jaise kisi kitaab mein

Itna hi yaad rakh mujhe
Jaise kisi kitaab mein
Beetey dinon ke dost ka
Khat ik para huwa miley
Lafz mitey mitey se hon
Rang uraa uraa sahi
Lekin woh ajnabi na ho
Uth kar tere galey lage
Bhoole huwe tamaam dukh
Guzrey huwe tamaam sukh
Beetey dinon ki kathaa
Tujh se kahe aur ro pare
Itna hi yaad rakh mujhe
Beetey dinon ke dost ka
Jaise koi khat hoon main
Rakha huwa kitaab mein-

ay dost aoo meri janib apnay kadam barhaoo

ay dost aoo
meri janib apnay kadam barhaoo
mein tum ko apnay safer par sath lay kar chalna cahte hoon ke
pehly tum say kuch batay kah loo
ta kay tum mujay samajh sako
tumhay jazbat ki kader karni ho gi
meri tanhaya hatam karni hoon gi
mera har dukh har dard apna samajhna ho ga
meri ankhoo mein chupe iss nami ko
ponchna ho ga
mera har gham jan na ho ga
meray iss bikhray wajod ko
lamha lamha samaytna ho ga
meri har udasi ko apna banana ho ga
meray har ansoo kay katray ko
apni muskurahat say sajana ho ga
mein kia bataoo
kay tumhay
aur kia karna ho ga meray liyeh
ay dost
kar kay mujh say doste ka haq ada
tumhay mujh par ahsan karna ho ga

Subha ki thandak main Phoolon ki shabnam main

Subha ki thandak main
Phoolon ki shabnam main
Din ke ujaley main
Chand ke haley main
Sham ki shehnai main
Raat ki tanhai main
Dostoon ke jhameley main
Aur beth ke akeley main
Main ne dhonda saber-o-qarar
Khushiyon ke mausam main
Aanson ke aalam main
Dosroon ki batoon main
Beechain ratoon main
Dostoon ki qurbat main
Apno ki muhabat main
Chand ki chandni main
Main ne dhoonda saber-o-qarar
Chain se na soya main
Din raat roya main
Haqeeqat hoyi mujh pe zahir
Aur mil gaya mujh ko aakhir
Merey dil ka saber-o-qarar
Meri duaon main
Sari iltajaon main
Sadgi ebadat main
Rab se muhabat main
Aur phir koyi dukh koyi azaab
Koyi ranj na raha iss khushi ke baad
Maire Khaliq maire Malik
Maire Allah se dosti ke baad

Rok lo Qadam Jee bhar ke dekhlo

Rok lo Qadam Jee bhar ke dekhlo
Hamara tumhara saath bas yahin tak tha 

Manzil milay na milay ab hamari Kismat
Ke Zindagi ke sath safar bas yahin tak tha 

Tum chal nahi sakte is se aage ek qadam
Ruk jao ke Phoolon ka Chaman yahin tak tha 

Aage arahe hain gham mujh se milne gale
Ke apni khushiyon ka thikana bas yahin tak tha 

Uttho aur naye Hamraahi talash karo
Ke yeh khuwaab Suhana bas yahin tak tha