Juda hum jo dunya se honey lagey
To sab hath mal mal ke roney lagey
Abhi kuch ziyada bhi din kab huwey
keh charchey hamare hi honey lagey
Qadar un ko meri hui mere baad
Woh aansoo se damen bhigoney lagey
Koi khas baat un ko yaad aagayi
Pasiney pasiney woh honey lagey
Mere pyar ka khoob badlah diya
Woh nashtr sey dil mein chubhoney lagey
Meri yaad jab bhi unhein aagayi
Woh lariyon mein aansoo pironey lagey
Khuda jaane kya aap ne keh diya
Keh ab jaan sey hath dhoney lagey
Bazahir baare qadd key jo log thay
Jo dekha to bus wohi chotey lagey
No comments:
Post a Comment