sabhi udaas moasam hain kabhi milnay chalay aao

sabhi udaas moasam hain kabhi milnay chalay aao
dukhon main ham to gum sum hain kabhi milnay chalay aao

tumharay baad kesi roanaqain is dil ki nagri main
sabhi charagh madham hain kabhi milnay chalay aao

tumharay paas to hon gi zamanay bher ki sab khushian
hamaray paas to gham hain kabhi milnay chalay aao

tumhari yaad ab dil ko bohat taklif deti hai
nigahain bhi to purnam hain kabhi milnay chalay aao

lagay hain zakham kitnay bay baha dil pay mohabbat main
tumharay lafz merham hain kabhi milnay chalay aao

bohat hamderd hain yun to hamaray bhi zamanay main
mager phir bhi bohat kam hain kabhi milnay chalay aao

yeh pather hi na ho jaain nigahain dekhtay rasta
k khushian bhi to berham hain kabhi milnay chalay aao

na janay kab yeh larka haar day saanson ki bazi ko
isay lahaq tere gham hain kabhi milnay chlay aao