kabe main janbalab the ham duri-e-butan se
aye hain phir k yaron ab k Khuda k yan se
jab kaundhati hai bijli tab janib-e-gulistan
rakhti hai cher mere khashak-e-ashiyan se
kya khubi us k munh ki ae guncha naql kariye
tu to na bol zalim bu ati hai wahan se
khamoshi main hi ham ne dekhi hai maslahat ab
har ik se hal dil ka muddat kaha zaban se
itni bhi bad mizaji har lahza 'Mir tum ko
uljhaw hai zamin se, jhagra hai asman se
No comments:
Post a Comment