Ashak ankh main phir atak raha hai
kankar sa koi khatak raha hai
main is kay khial say gureezan
woh meri sada jhatak raha hai
tehreer usi ki hai ,magar dil
khat parhtay hoay atak raha hai
hain phone pay kis kay sath batain
aur zehan kahan bhatakraha hai
sadioon say safar main hai sumandar
sahil pay thakan tapak raha hai
aik chand saleeb saakh -e-gul par
bali ki tarah latak raha hai!
No comments:
Post a Comment