Kuch Din To Baso Meri Aankhon Mein,
Phir Khwab Aagar Ho Jao To Kya,
Koi Rang To Do Mere Chehre Ko,
Phir Zakham Agar Mehkao To Kya,
Ek Aaina Tha So Tut Gaya,
Ab Khud Se Agar Sharmao To Kya,
Main Tanha Tha Main Tanha Hoon,
Tum Aao To Kya, Na Aao To Kya,
Jab Hum Hi Na Mehke Phir Sahib,
Tum Baad-E-Saba Kehlao To Kya,
Jab Dekhne Wala Koi Nahi,
Bujh Jao To Kya Jal Jao To Kya...
No comments:
Post a Comment