Monday, July 19, 2010

Sab Log Liye Sang-E-Malamat Nikal Aaye


Sab Log Liye Sang-E-Malamat Nikal Aaye,
Kis Sheher Mein Hum Ahal-E-Mohabbat Nikal Aaye,

Ab Dil Ki Tamanna Hai To Aye Kaash Yahi Ho,
Aansu Ki Jagah Aankh Se Hasrat Nikal Aaye,

Har Ghar Ka Diya Gul Na Karo Tum Ke Na Jaane,
Kis Baam Se Khurasheed-E-Qayamat Nikal Aaye,

Jo Dar Paa-E-Pindaar Hai Un Qatl Gahon Se,
Jaan Deke Bhi Samjho Ke Salamat Nikal Aaye,

Aye Humnafson Kuch To Kaho Ahad-E-Sitam Ki,
Ek Harf Se Mumkin Hai Hikaayat Nikal Aaye,

Yaaron Mujhe Masalub Karo Tum Ke Mere Baad,
Shayaad Ke Tumhara Qad-O-Qaamat Nikal Aaye...

No comments:

Popular Posts