Sunday, November 21, 2010

Funkaar hai toh haath pay sooraj saja k la


Funkaar hai toh haath pay sooraj saja k la,
Bujhta hua diya na muqaabil hawa k la,

Darya ka inteqaam dabo de na ghar tera,
Sahil say roz roz na kankar utha k la,

Saamaan wafa k baandh magar soch soch kar,
Is ibteda mein yun na sakhat inteha k la,

Thori si aur mauj mein aa, ay hawa-e-gul,
Thori si us k jism ki khushbo chura k la,

Gar sochna hai ehl-e-mashiyaat k hauslay,
Maidan say ghar mein ek mayyat utha k la,

Mohsin ab uska naam hai sab ki zubaan par,
Kis nay kaha tha usko ghazal mein saja k la...

No comments:

Popular Posts