Sunday, November 21, 2010

naaz-e-be-gaangii mein kyaa kuch thaa


naaz-e-be-gaangii meN kyaa kuch thaa
husn kii saadgii meN kyaa kuch thaa

laakh raaheN thiiN, laakh jalve the
ahd-e-aavaargii meN kyaa kuch thaa

aaNkh khulte hii chhup gayii har shai
aalam-e-beKhudii meN kyaa kuch thaa

yaad haiN marhale muhabbat ke
haaye ! us be-kalii meN kyaa kuch thaa

kitne biite dinoN kii yaad aayii
aaj terii kamii meN kyaa kuch thaa

kitne maanuus log yaad aaye
subh kii chaaNdnii meN kyaa kuch thaa

raat bhar ham na so sake “Nasir”
parda-e-Khaamshii meN kyaa kuch thaa

No comments:

Popular Posts