Tuesday, December 7, 2010

Baat kar tujh pe gumaaN hone lagaa tasveer kaa


Baat kar tujh pe gumaaN hone lagaa tasveer kaa
muntazir kab se hai zamaana teri taqreer kaa

raat kyaa soye ki baaqi um'r ki neend uRh gai
Khwaab kya dekha ki dhaRhka lag gaya t'abeer kaa

kaise paayaa tha tujhe kis tarah khoya tujhe
mujh saa munkir bhi to qaayal ho gaya taqdeer kaa

jaane kis aalam meN tuN bichhRaa hai ki tere baGair
aaj tak har naqsh fariyaadi hai meri tehrir kaa

jis ko bhi chaahaa baRhi shiddat se chaahaa hai Faraz
silsilaa TuuTaa naheeN hai dard ki zanjir kaa

No comments:

Popular Posts