Utar choke ho samandar main housla rakhna
hawa chale na chale baadban khola rakhna
kabhi na jalte charaghoun ka silsila totay
jo eak bujhne lage saath dosra rakhna
ye he kamaal hai barish main beeghte rehna
aur apne jism ki mitti ko bhe bacha rakhna
hudood-e-zaat k andar na koe jhaank sake
ta'aluqaat main ek aisa faasla rakhna
kahen pe dono kinaray zaroor milte hain
bas apne aapko dariya main tum baha rakhna
No comments:
Post a Comment