Wednesday, January 5, 2011

Bhaija hey uss ney salam-e-muhabbat



Bhaija hey uss ney salam-e-muhabbat
Karein gey ab ham kalam-e-muhabbat

Mubarak ho ishq ki manzil uaey
Aankhon se daiengey pyam-e-muhabbat

Gham-e-rozzgar agar na ho saqi
Hey zindagi ki zaroorat jam-e- muhabbat

Aahoon mein jinkee asar hota hey
Paa lety hein wo sham-e- muhabbat

Qaiss ko kehtey hein deewana sabb
Dewano ko milta hey dawam-e-muhabbat

Boo-e-gul per fida ho gaee bullbull
Chaman ko dey gaee pegham-e-muhabbat

Bahar aaney pey sajey ga chhaman
Khushbo se mehkey gee sham-e-muhabat

Muhabbat ko roog matt kahoo
Liya karoo izzat se naam-e-muhabbat

No comments:

Popular Posts