Sunday, March 6, 2011

kabhi main wo tha


kabhi main wo tha
kay mujh ko apna hi app lay kar
sakoon say rahnay ka fun tha aata
kisi ki ahat jo mujh ko ati
too khud ko aisay tha main chupaataa
kay jaisay wo mujh ko mujh say lay kar
kabhi bhi wapis nahi karayga
tumhay jo paya
to main nay jana
kay aitbaar ki had bohoot bari hay
har aik ahat buri nahi hay
main aik chooti si had main rah kar hi jee raha tha
hadooon ko main nay waseee karna tumhi say seekha
or aj jab tum nay jo yay kaha hay
hadooon main rahna to seekh loo tum
hadoon ka taanaa hay jab mila to
main apni duniya main lout aya
magar yahan bhi sakoon nahi hay
ajeeb si ik tashnagi hay
mujhay yay tanhaiii kah rahi hay
tu ajnabi hay
tu ajnabi hay

No comments:

Popular Posts