Saturday, January 7, 2012

Aadawton ka jawab likho na chahton ka hisaab likho


Aadawton ka jawab likho na chahton ka hisaab likho
Ju dukh hain unko gulaab likho, ju sukh hain un ko saraab likho

ju aaj dushman hain kal the saathi, ju aaj saathi woh kall the dushman
Zamana badla hay tum bhi badlo, munafqat ki kitab likho

Mere Khayalon k sare paiker,woh chand chahray woh phool lamhe
K jin ki tabeerain kho gayi hain,ab un hawalon ko khwab likho

Woh Guzray lamhe,woh behte aanso,woh jalte pehlo
Lahoo se zakhm e jigar k,meri wafa ka khooni baab likho

Rafaqton mein na sukoon mile ga,judaiyoun mein bhi dukh mile ga
Na paas aao,na door jaao,na roz o shab ka nisaab likho

Wafa,muhabbat,ana pasandi o beniaazi ka zoum
Ju mere dil pe guzer rahi hain,qayamton ka azaab likho

No comments:

Popular Posts