yaar se pyar ki bato'n ko ghazal kehte hain

yaar se pyar ki bato'n ko ghazal kehte hain
zulf o rukhsar ki bato'n ko ghazal kehte hain

pyar se mehki hui hosh'ruba rato'n mai
dil se dildaar ki bato'n ko ghazal kehte hain

kabhi iqrar ki bato'n ko batatey hain ghazal
kabhi inkar ki bato'n ko ghazal kehte hain

dil jo saudai kisi zulf e girah geer ka ho
uss giraftar ki bato'n ko ghazal kehte hain

barhi kamyab huwa karti hai daulat gham ki
gham se do'chaar ki bato'n ko ghazal kehte hain

jiss chaman zzar mai hoti hain dilo'n ki batai'n
uss chaman zaar ki bato'n ko ghazal kehte hain

ki hain jin laugo'n ne tanhai mai batai'n wo laug
dar o deevar ki bato'n ko ghazal kehte hain

kabhi vaayez k khayalo'n se chalakti hai ghazal
kabhi mai'khuwar ki bato'n ko ghazal kehte hain

ho gaya ho jisey dekehe huwe ik arsaa Obaid
uss k deedar ki bato'n ko ghazal kehte hain

-----------------------------------------------