ye husn-e-raaz muhabbat chhupaa rahaa hai koii

ye husn-e-raaz muhabbat chhupaa rahaa hai koii 
hai ashk aaNkhon mein aur muskuraa rhaa hai koii 

nazar nazar mein tajallii dikhaa rahaa hai koii 
nafaz nafaz pe mujhe yaad aa rahaa hai koii 

taKhayulaat ke dhoke hain sab shab-e-vaadaa 
na aa rahaa hai koii aur na jaa rahaa hai koii 

ye husn-o-ishq kii tasviir ke hain do manzar 
ki ro rahaa hai koii muskuraa rahaa hai koii 

hashr men pahuNche to ham ne kyaa dekhaa 
kisii ke haath se daaman chhuDaa rahaa hai koi