mere khwabon mein aata hai tumhara chand sa chehra
meri neendain churata hai tumhara chand sa chehra
keh jub bhi zikr hota hai kisi hoor-o-shumail ka
mujhay phir yaad aata hai tumhara chand sa chehra
falak k in sitaroon ko main sari raat ginta hoon
mujhay shub bher jagata hai tumhara chand sa chehra
main jub bhi dard ki tughyanioun mein doob jata hoon
mujhay wapis bulata hai tumhara chand sa chehra
andheri ratoon mein aksar tumhain main yaad kerta hoon
kahan gum ho sa jata hai tumhara chand sa chehra
hai jo charon taraf phaili teri hi roshni hai ye
falak per jagmagata hai tumhara chand sa chehra....
No comments:
Post a Comment