Tuesday, April 20, 2010

SWAT ke aik Be-ghar Bachay ke Naam

!!!.... SWAT ke aik Be-ghar Bachay ke Naam ....!!!

Os ujri basti ki tooti hoi deewar k saaey main
wo rota howa bacha
kehta hai aey Rab
kyon banaya tha mera makan kachha
kay us kachay makan ki bikhri hoi mitti main
abhi bhi rachi hai meray khoon ki khushboo
meri maan ki duaoon ki khushboo
Khuda k liye mat lay jao mujhay yahan say
sonay do mujh ko is ki aaghosh main
sun-nay do mujhay iss ki lori ki awaz
rotiyan pakatay howay in choryun ki awaz
shaid koi bulaey mujhay
kay beta khana kha lo
andheira ho raha hai lot aao
kahein thand na lag jaey
meray thitartay howay jism ko koi to dhaampo
meri bay-ronaq aankhoon main koi tu jhanko
kay main kiya chahta hoon
kuch tu janoo...!!


**********************

No comments:

Popular Posts