Sunday, June 6, 2010

aao ki koii Khvaab bunen kal ke vaaste


aao ki koii Khvaab bunen kal ke vaaste
varanaa ye raat aaj ke sangiin daur kii
Das legii jaan-o-dil ko kuchh aise ki jaan-o-dil
taa umr phir na koii hasiin Khvaab bun saken
go ham se bhaagatii rahii ye tezgaam umr
Khvaabon ke aasare pe kaTii hai tamaam umr
zulfon ke Khvaab, honThon ke Khvaab,aur badan ke Khvaab
meraaj-e-fan ke Khvaab, kamaal-e-suKhan ke Khvaab
tahaziib-e-zindagii ke, faroG-e-vatan ke Khvaab
zindaaN ke Khvaab, kuuchaa-e-daar-o-rasan ke Khvaab
ye Khvaab hii to apanii javaanii ke paas the
ye Khvaab hii to apane amal ke asaas the
ye Khvaab mar gaye hain to be-rang hai hayaat
yuuN hai ki jaise dast-e-tah-e-sang hai hayaat

No comments:

Popular Posts