Wednesday, June 9, 2010

bohat kuch us se kehna hai bohat sara chupana hai

bohat kuch us se kehna hai 
bohat sara chupana hai 
usey ik din batana hai 
k tere husn k peechey 
meri deewnagi ka ik qissa hai 
tere haathon 
teri zulfon 
terey honton ki surkhi me mera bhi aik hissa hai 
usey ik din batana hai 
tmhari unglion ki surkh poron ko 
hatheli k katoron ko 
ye merey hont choo leney ki hasrat me tarastey hain 
k arman aankhon se barastey hain 
bohat sara chupana hai 
mager itna batana hai 
teri aankhon ki galion me merey din ka thikana hai 
ager is baat se naraz hota hai to hojaye 
meri raaton ko ashkhon me dubo jaye 
woh kho jaye!! 
mager itna to hojaye 
kisi iqdam se pehle 
usey me yaad to aaon 

kisi bhi naam se pehley 

usey me yaad to aaon ...!!!

No comments:

Popular Posts