jub tera hukm mila tark mohabat kar di
dil magar is pe wo darka ke qayamat kar di
tujh se kis tarah mein izhaar_e_tamana karta
lafz soojha toh mani ne bagawat kar di
mein toh samja tha ke laut atey hein janey waley
tu ne ja kar toh judai meri qismat kar di
mujh ko dushman ke iradoon pe bi payar ata hai
teri ulfat ne mohabat meri adat kar di
pooch betha hoon mein tujh se tere koochey ka pata
teri halat ne kesey teri surat kar di
No comments:
Post a Comment