maroon toh mein kissi cherey mein rung bhar jaoon
kaash yehi ek kaam kar jaoon
ye dasht_e_tark_e_mohabat ye tere qurb ki pyaas
jo izaan ho toh teri yaad se guzar jaoon
mera wajood meri rooh ko pookarta hai
teri taraf chaloon toh tehar tehar jaoon
tere jamal ka paratau(saya)hai sub haseenoo par
kahan kahan tujhe dhoondoon kidar kidar jaoon
mein zinda tha ki tera intzaar khatam na ho
jo tu mila hai toh ab sochta hoon mar jaoon
ye sochta hoon ki mein but_parast kyoon na houa
tujhe qreeb jo paoon to khud se dar jaoon
kissi chaman mein bas is khof se guzar na houa
kissi kali pe na bhoolne se paoon dhar jaoon
ye jee mein ati hai takhleeq_e_fun ke lamhoon mein
ke khoon bun ke rag_e_sung mein utar jaoon
No comments:
Post a Comment