Charaag Apne Tahkan Ki Koi Safayi Na De,
Wo Teeragi Hai Ke Ab Khwab Tak Dikhayi Na De,
Bahut Satate Hai Rishte Jo Toot Jaate Hai,
Khuda Kisiko Bhi Taufiq-E-Aashnayi Na De,
Main Saari Umr Andheron Mein Kaat Sakta Hoon,
Mere Diyo Ko Magar Roshni Parayi Na De,
Agar Yehi Teri Duniya Ka Haal Hai Maalik,
To Meri Qaid Bhali Hai Mujhe Rihayi Na De,
Dua Ye Mangi Hai Sehme Hue Mu'arrik Ne,
Ke Ab Qalam Ho Khuda Surkh Roshni Na De...
No comments:
Post a Comment