Monday, July 26, 2010

Labon Ke Azaab Seh Raha Hoon



Labon Ke Azaab Seh Raha Hoon,
Main Apne Wajood Ki Saza Hoon,

Zakhmon Ke Gulab Khil Rahe Hai,
Khushbu Ke Hajoom Mein Khada Hoon,

Is Dasht-E-Talab Mein Ek Main Hi,
Sadiyon Ki Thaki Hui Sada Hoon,

Benaam-O-Numood Zindagi Ka,
Ek Bojh Uthaye Phir Raha Hoon,

Ek Aisa Chaman Hai Jiski Khushbu,
Saanson Mein Basaye Phir Raha Hoon,

Ek Aisi Zameen Hai Jisko Chhu Kar,
Takdees-E-Haram Se Aaashna Hoon,

Aye Mujhko Fareb Dene Wale,
Main Tujhpar Yakeen Kar Chuka Hoon,

Main Tere Kareeb Aate Aate,
Kuch Aur Bhi Door Ho Gaya Hoon...

No comments:

Popular Posts